ಫಿಲಿಪ್ಪಿಯೆರೆಗ್ 3:9 - ಪೊಸ ಒಡಂಬಡಿಕೆ

⁹ ಇಂಚ ಯಾನ್ ಕ್ರಿಸ್ತನ್ ಪಡೆಯೊಂದು ಆಯಡ ಒಂಜಿ ಆವೆರೆ ಆಪುಂಡು. ನ್ಯಾಯಕಟ್ಟ್ ಕೈಕೊನುನೆಡ್ದ್ ನೀತಿವಂತೆ ಆತೆ ಪನ್ಪಿನೆನ್ ಯಾನ್ ಗೆನ್ಪಂದೆ, ಇತ್ತೆ ಯಾನ್ ಕ್ರಿಸ್ತಡ್ ನಂಬಿಕೆ ದೀಪಿನೆಡ್ದೇ ನೀತಿವಂತೆ ಆತೆ ಅಂದ್‌ದ್ ನಂಬುವೆ. ದಾಯೆಗಂದ್ಂಡ ತನ ಒಟ್ಟುಗು ದೇವೆರ್ ನಮನ್ ನೀತಿವಂತೆರ್ ಮಲ್ಪುನವು ನಮ ನಂಬಿಕೆದ ಮಿತ್ತ್ ಆಧಾರ ಆದುಂಡು.

ಫಿಲಿಪ್ಪಿಯೆರೆಗ್ 3:9 Cross References

ಮತ್ತಾಯೆ 9:13

ಬೊಕ್ಕ ಅಕ್ಲೆಗ್, “ನಿಕುಲು ಪೋದು, ‘ಎಂಕ್ ಬಲಿ ಬೊಡ್ಚಿ ಕನಿಕರನೇ ಬೋಡು,’ ಪನ್ಪಿ ಪಾತೆರದ ಅರ್ಥೊನು ಕಲ್ತೊನ್ಲೆ ಯಾನ್ ನೀತಿವಂತೆರೆನ್ ಲೆಪ್ಪೆರೆ ಬೈದಿನಿ ಅತ್ತ್ ಪಾಪಿಷ್ಟೆರೆನ್ ಲೆಪ್ಪೆರೆ ಬೈದಿನಿ,” ಅಂದ್‌ದ್ ಪಂಡೆ.

ರೋಮಾಯೆರೆಗ್ 1:17

ಎಂಚಂದ್ಂಡ ದೇವೆರೆಡ್ದ್ ತಿಕ್ಕುನ ನೀತಿ ಸುವಾರ್ತೆಡ್ದ್ ತೋಜಿದ್ ಬರ್ಪುಂಡು. ಅವು ಸುರುಡ್ದು ಕಡೆ ಮುಟ್ಟಲಾ ನಂಬಿಕೆಡ್ದೇ ಆಪುಂಡು. “ನೀತಿವಂತೆ ನಂಬಿಕೆಡ್ದೇ ಬದುಕುವೆ,” ಪನ್ಪಿನ ಶಾಸ್ತ್ರದ ಪಾತೆರಲಾ ಉಂಡತ್ತಾ?

ರೋಮಾಯೆರೆಗ್ 10:10

ಅಂದ್, ಈ ಉಡಲ್‌ಡ್ದ್ ನಂಬುಂಡ ನೀತಿವಂತೆ ಆಪ. ಬಾಯಿಡ್ದ್ ಅರಿಕೆ ಮಲ್ತ್ಂಡ ನಿಕ್ಕ್ ರಕ್ಷಣೆ ಆಪುಂಡು.

ರೋಮಾಯೆರೆಗ್ 16:7

ಎನಡೊಪ್ಪ ಸೆರೆಮನೆಟ್ ಇತ್ತಿನ ಅಂದ್ರೋನಿಕಗ್ಲಾ ಯೂನ್ಯಗ್ಲಾ ವಂದನೆಲು. ಅಪೊಸ್ತಲೆರೆಡ್ ಅಕ್ಲೆನ್ ಮಾತೆರ್ಲಾ ತೆರಿದರ್ ಬೊಕ್ಕ ಅಕುಲು ಎನಡ್ದ್ ದುಂಬು ಕ್ರೈಸ್ತೆರಾತೆರ್.

ರೋಮಾಯೆರೆಗ್ 5:21

ಅಂಚಾಂಡ ಪಾಪೊಡ್ದು ಮರಣ ಆಳುನಾಂಡ ದೇವೆರೆ ದಯೊಡ್ದು ನೀತಿ ಆಳುಂಡು, ನಮನ್ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್ ನಿತ್ಯಜೀವೊಗು ನಡಪುಡುಂಡು.

ರೋಮಾಯೆರೆಗ್ 8:1

ಅವೆಡ್ದಾವರ ಕ್ರಿಸ್ತ ಯೇಸುಡೊಪ್ಪ ಉಪ್ಪುನಾಕುಲೆಗ್ ಅಪರಾಧದ ತೀರ್ಪು ಇತ್ತೆ ಇಜ್ಜೇ ಇಜ್ಜಿ.

ರೋಮಾಯೆರೆಗ್ 8:3

ಶರೀರಭಾವ ಬಲಹೀನ ಆದುಪ್ಪುನೆಡ್ದ್ ನ್ಯಾಯಕಟ್ಟ್‌ಗ್ ಮಲ್ಪೆರೆ ಆವಂದಿನೆನ್ ದೇವೆರೆ ಮಲ್ತೆ. ಆಯೆ ತನ ಸ್ವಂತ ಮಗನೇ ಕಡಪುಡ್ದು ಶರೀರಭಾವೊಡೇ ಉಪ್ಪು ಪಾಪೊನು ಖಂಡಿಸಾಯೆ; ಆಯೆ ನಮ ಪಾಪದ ಸ್ವಭಾವದಂಚಿನ ಸ್ವಭಾವೊಡೇ ಬತ್ತ್‌ದ್ ಪಾಪೊನು ದೆತ್ತ್‌ದ್ ಪಾಡಿಯೆ.

1 ಕೊರಿಂಥ್ಯೆರೆಗ್ 1:30

ದೇವೆರ್ ಈ ರೀತಿ ಮಲ್ತಿನೆಡ್ದಾವರನೇ ಇತ್ತೆ ನಿಕುಲು ಕ್ರಿಸ್ತ ಯೇಸುಡು ಜೀವನ ಮಲ್ತೊಂದುಲ್ಲರ್; ಆಯೆ ನಂಕ್ ದೇವೆರೆಡ್ ಬುದ್ಧಿಲಾ ನೀತಿಲಾ ಪರಿಶುದ್ಧತೆಲಾ ಅತ್ತಂದೆ ಪಾಪೊಡ್ದು ಬುಡುಗಡೆ ಮಲ್ಪುನಾಯೆಲಾ ಆದುಲ್ಲೆ. ಪುಗರೊನುನಾಯೆ ಕರ್ತವಡೇ ಪುಗರೊನಡ್ ಪನ್ಪಿನ ಶಾಸ್ತ್ರೊಡು ಬರೆತಿನವು ಪೂರ್ತಿ ಆಯೆರೆ ಸಾದಿ ಆಂಡ್.

2 ಕೊರಿಂಥ್ಯೆರೆಗ್ 5:17

ಅಂಚಾದ್ ಏರಾಂಡಲಾ ಕ್ರಿಸ್ತಡ್ ಉಲ್ಲೆಡ, ಆಯೆ ಪೊಸ ಸೃಷ್ಟಿ ಆದುಲ್ಲೆ; ಪರತ್ತ್‌ದವು ಕಡತ್‌ದ್ ಪೋಂಡು, ಇಂದಾ ಮಾತಲಾ ಪೊಸತಾಂಡ್.

2 ಕೊರಿಂಥ್ಯೆರೆಗ್ 5:21

ದೇವೆರ್ ಪಾಪದಾಂತಿನ ಕ್ರಿಸ್ತನ್ ಎಂಕ್ಲೆಗಾದ್ ಪಾಪಿಯಾದ್ ಮಲ್ತೆ. ನಮ ಕ್ರಿಸ್ತಡ್ದ್ ನೀತಿವಂತೆರ್ ಆವೊಡು ಅಂದ್‌ದ್ ದೇವೆರ್ ಇಂಚ ಮಲ್ತೆರ್.

ಗಲಾತ್ಯೆರೆಗ್ 2:16

ಆಂಡಲಾ ಒರಿ ನರಮಾನಿ ನೀತಿವಂತೆ ಅಂದ್‌ದ್ ತೀರ್ಪು ಆಪುಜಿ ಯೇಸು ಕ್ರಿಸ್ತ ಮಿತ್ತ್ ನಂಬಿಕೆ ದೀಪಿನೆಡ್ದೇ ಅತ್ತಂದೆ ನ್ಯಾಯಕಟ್ಟ್‌ನ್ ಕೈಕೊನುನೆಡ್ದ್ ಅತ್ತ್. ಉಂದೆನ್ ತೆರಿಯೊಂದಿನ ಎಂಕುಲುಲಾ ನ್ಯಾಯಕಟ್ಟ್‌ನ್ ಬುಡ್ದು, ಕ್ರಿಸ್ತ ಯೇಸುಡು ನಂಬಿಕೆ ದೀಪಿನಕುಲಾಯ. ದಾಯೆಗಂದ್ಂಡ ನ್ಯಾಯಕಟ್ಟ್‌ನ್ ಕೈಕೊನುನೆಡ್ದ್ ಏರ್ಲಾ ದೇವೆರೆ ಒಟ್ಟಗು ನೀತಿವಂತೆ ಅಂದ್‌ದ್ ತೀರ್ಪು ಆವೆರೆ ಸಾದ್ಯ ಇಜ್ಜಿ.

ಫಿಲಿಪ್ಪಿಯೆರೆಗ್ 3:6

ಎನ ಧರ್ಮಾಭಿಮಾನ ಏತ್ ಇತ್ತ್ಂಡ್ ಪಂಡ್ಂಡ ಯಾನ್ ಕ್ರೈಸ್ತ ಸಭೆಕ್ ಮಸ್ತ್ ಭಂಗ ಕೊರಿನಾಯೆ. ನೀತಿದ ವಿಚಾರೊಡು ತೂಪುಂಡ ಯಾನ್ ನ್ಯಾಯಕಟ್ಟ್‌ಡುಪ್ಪುನೆನ್ ಸರಿಯಾದ್ ಕೈಕೊಂದು ತಪ್ಪುದಾಂತಿನಾಯೆ ಆದುಲ್ಲೆ.

2 ತಿಮೋಥಿ 1:9

ದೇವೆರ್ ನಮ ಎಡ್ಡೆ ಕೆಲಸೊನು ತೂದು ಅತ್ತ್, ತನ ಚಿತ್ತದ ಪ್ರಕಾರ ದಯೆಟ್ ನಮನ್ ರಕ್ಷಣೆ ಮಲ್ತ್‌ದ್ ಪರಿಶುದ್ಧರಾಯೆರೆಗಾದ್ ಲೆತ್ತೆ. ಈ ದಯ ಆದಿಕಾಲೊಗು ದುಂಬು ಕ್ರಿಸ್ತ ಯೇಸುಡು ನಂಕ್ ದೀತ್ಂಡ್. ಇತ್ತೆ ನಮ ರಕ್ಷಕೆ ಆದುಪ್ಪುನ ಯೇಸು ಕ್ರಿಸ್ತಡ್ ತೋಜಿದ್ ಬತ್ತಿನೆಡ್ದ್ ಅವು ನಂಕ್ ತೆರಿದ್ ಬತ್ತ್ಂಡ್. ಆಯೆ ಮರಣದ ಬಲೊನು ಪೊಲ್ತುದು ಸುವಾರ್ತೆಡ್ದ್ ಜೀವೊಗ್ಲಾ ನಿತ್ಯತ್ವೊಗ್ಲಾ ಉಪ್ಪುನ ಸಾದಿದ ಬೊಲ್ಪುನು ತೋಜಾಯೆ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:5

ನಮ ಮಲ್ತ್‌ದಿನ ಎಡ್ಡೆ ಕ್ರಿಯೊಲೆಗಾದ್ ಅತ್ತ್, ಆಂಡ ಆಯನ ಕರುಣೆಡ್ದೇ ನಮ ಪಾಪೊಲೆನ್ ದೆಕ್ಕ್‌ದ್ ಒಂಜಿ ಪೊಸ ಪುಟ್ಟುನ್ಲಾ ಪರಿಶುದ್ಧಾತ್ಮೊಡ್ದು ಪೊಸ ಜೀವನೊನ್ಲಾ ಕೊರ್ದು ನಮನ್ ರಕ್ಷಣೆ ಮಲ್ತೆ.

ಯಾಕೋಬು 3:2

ಮಸ್ತ್ ಸಂಗತಿಡ್ ನಮ ಮಾತೆರ್ಲಾ ದಿಂಜ ತಪ್ಪು ಮಲ್ಪುನಾಕುಲೇ. ಒರಿ ಪಾತೆರೊಡು ತಪ್ಪುಜೆಡ ಆಯೆ ತಕ್ಕದಾಯೆ, ತನ ಶರೀರೊನು ಹತೋಟಿಡ್ ದೀವೊನುನಾಯೆ ಪರಿಪೂರ್ಣೆ ಆದುಲ್ಲೆ.

2 ಪೇತ್ರೆ 1:1

ಯೇಸು ಕ್ರಿಸ್ತನ ದಾಸೆಲಾ ಅಪೊಸ್ತಲೆಲಾ ಆದುಪ್ಪು ಸಿಮೆಯೋನು ಪೇತ್ರೆ, ನಮ ದೇವೆರೆನ ಬೊಕ್ಕ ರಕ್ಷಕೆ ಆದುಪ್ಪು ಯೇಸು ಕ್ರಿಸ್ತನ ನೀತಿಡ್ದ್ ನಂಕುಪ್ಪು ದಿಂಜ ಬಿಲೆತ ನಂಬಿಕೆದಾಕುಲೆಗ್ ಬರೆಪಿನಿ ದಾನೆಂದ್ಂಡ, ದೇವೆರೆನವುಲಾ ನಮ ಕರ್ತವೆ ಆದುಪ್ಪು ಯೇಸುನವುಲಾ ಗೇನೊಡ್ದು ನಿಕ್ಲೆಗ್ ದಯಲಾ ಸಮಾಧಾನಲಾ ಹೆಚ್ಚೆಚ್ಚಾದ್ ತಿಕ್ಕಡ್.

1 ಯೋಹಾನೆ 3:4

ಪಾಪ ಮಲ್ಪುನ ಪ್ರತಿ ಒರಿಲಾ ಅನ್ಯಾಯೊನು ಮಲ್ಪುನಾಯೆ ಆದುಲ್ಲೆ. ಪಾಪ ಅನ್ಯಾಯನೇ.