ಫಿಲಿಪ್ಪಿಯೆರೆಗ್ 3:8 - ಪೊಸ ಒಡಂಬಡಿಕೆ

⁸ ಅಂದ್, ನೆಡ್ದ್ ಹೆಚ್ಚಾದ್ ಎನ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುನು ತೆರಿಯೊನುನೆತ್ತ ಮಲ್ಲ ಭಾಗ್ಯದ ಎದುರುಡು ಉಂದು ಮಾತಲಾ ವ್ಯರ್ಥ ಆದುಂಡು. ಆಯಗಾದ್ ಮಾತೆನ್ ಕಳೆವೊಂದು ಯಾನ್ ಅವೆನ್ ಕಜವು ಅಂದ್‌ದ್ ಎನ್ನ್‌ದೆ.

ಫಿಲಿಪ್ಪಿಯೆರೆಗ್ 3:8 Cross References

ಲೂಕೆ 1:43

ಎನ ಕರ್ತವನ ಅಪ್ಪೆ ಎನ ಕೈತಲ್‌ ಬರ್ಪಿನ ಭಾಗ್ಯ ಎಂಕ್ ಒಲ್ತುಡ್ದು ಆಂಡ್?

ಲೂಕೆ 11:20

ಯಾನ್ ದೇವೆರೆ ಬಲೊಡ್ದೇ ದೆವ್ವೊಲೆನ್ ಬುಡ್ಪಾವುನಾಂಡ ದೇವೆರೆ ರಾಜ್ಯ ನಿಕ್ಲೆ ಕೈತಲೇ ಬತ್ತ್‌ಂಡತ್ತಾ.

ಯೋಹಾನೆ 14:20

ಯಾನ್ ಎನ ಅಮ್ಮೆರೆಡ್ ನಿಕುಲು ಎನಡ್ ಬೊಕ್ಕ ಯಾನ್ ನಿಕ್ಲೆಡ್ ಉಪ್ಪುನೆನ್ ನಿಕುಲು ಆ ದಿನೊಟು ತೆರಿವೊನ್ವರ್.

ಯೋಹಾನೆ 14:7

ನಿಕುಲು ಎನನ್ ತೆರಿದಿತ್ತರ್ಡ ಎನ ಅಮ್ಮೆರೆನ್ ತೆರಿದಿತ್ತ್‌ವರ್, ಇತ್ತೆಡ್ದ್ ಆಯನ್ ತೆರಿಯೊಂದುಲ್ಲರ್ ಬೊಕ್ಕ ಆಯನ್ ತೂತರತ್ತಾ,” ಪಂಡೆ.

ಯೋಹಾನೆ 16:3

ಅಕುಲು ಎನನಾವಡ್ ಅಮ್ಮೆನಾವಡ್ ತೆರಿಯಂದೆ ಉಪ್ಪುನೆಡ್ದ್ ಉಂದೆನ್ ಮಾತ ನಿಕ್ಲೆಗ್ ಮಲ್ಪುವೆರ್.

ಯೋಹಾನೆ 17:3

ಒರಿಯೇ ನಿಜ ದೇವೆರ್ ಆದುಪ್ಪು ನಿನನ್ಲಾ ಈ ಕಡಪುಡ್ದಿ ಯೇಸು ಕ್ರಿಸ್ತನ್ಲಾ ತೆರಿಯೊನುನವೇ ನಿತ್ಯಜೀವ.

ಯೋಹಾನೆ 17:8

ಎಂಚಂದ್ಂಡ ಈ ಎಂಕ್ ಕೊರಿ ಪಾತೆರೊಲೆನ್ ಯಾನ್ ಮೊಕ್ಲೆಗ್ ಕೊರ್ತೆ. ಮೊಕುಲು ಆ ಪಾತೆರೊಲೆನ್ ಕೈಕೊಂದು, ಯಾನ್ ನಿನ ಕೈತಲ್‌ಡ್ದ್ ಬೈದಿನಾಯೆ ಅಂದ್‌ದ್ ನಿಜಾದ್ ತೆರಿಯೊಂದು, ಈಯೇ ಎನನ್ ಕಡಪುಡ್ದು ಕೊರ್ತಿನಾಯೆ ಅಂದ್‌ದ್ ನಂಬುದೆರ್.

ಯೋಹಾನೆ 20:13

ಅಕುಲು ಆಲೆಡ, “ಅಮ್ಮಾ, ಈ ದಾಯೆಗ್ ಬುಲ್ಪುನಿ?” ಪಂಡ್ದ್ ಕೇಂಡೆರ್. ಅಪಗ ಆಲ್, “ಎನ ಸ್ವಾಮಿನ್ ಏರಾ ಕೊನೊತೆರ್ ಬೊಕ್ಕ ಓಲು ದೀತೆರ್? ಅಂದ್‌ದ್ ಎಂಕ್ ಗೊತ್ತುಜ್ಜಿ?” ಅಂದಲ್.

ಯೋಹಾನೆ 20:28

ತೋಮೆ ಉತ್ತರ ಕೊರ್ದು ಆಯಡ, “ಎನ ಕರ್ತವಾ, ಎನ ದೇವೆರ್!” ಅಂದ್‌ದ್ ಪಂಡೆ.

ಅಪೊ.ಕ್ರಿ 20:24

ಆಂಡ ಯಾನ್ ಎನ ಸ್ವಂತ ಜೀವದ ಸಂಗತಿಡ್ ಚಿಂತೆ ಮಲ್ಪುಜಿ. ದೇವೆರೆನ ದಯತ ಸುವಾರ್ತೆದ ಸಂಗತಿಡ್ ಸಾಕ್ಷಿ ಕೊರ್ಪಿನವೇ ಎನ ಬೇಲೆ ಆದುಂಡು. ಕರ್ತವೆ ಆದುಪ್ಪು ಯೇಸುಡ್ದು ತಿಕ್ಕಿ ಸೇವೆನ್ ಸಂತೋಷೊಡು ಪೂರೈಸುನವೇ ಎನ ಆಸೆ ಆದುಂಡು.

ರೋಮಾಯೆರೆಗ್ 8:18

ಇತ್ತೆದ ಕಾಲೊಲೆಡ್ ನಂಕಾಪಿನ ಕಷ್ಟೊಲು ನಂಕ್ ದುಂಬಗ್ ತಿಕ್ಕುನ ಮೈಮೆದ ಎದುರುಡು ದಾಲಾ ಅತ್ತ್ ಪಂಡ್ದ್ ಯಾನ್ ಎನ್ನುವೆ.

1 ಕೊರಿಂಥ್ಯೆರೆಗ್ 2:2

ಯಾನ್ ಕ್ರುಸ್ಸುಗು ಪತ್ತಾದಿನಾಯೆ ಆದುಪ್ಪು ಯೇಸು ಕ್ರಿಸ್ತನೇ ಅತ್ತಂದೆ ಬೇತೆ ಒವೆನ್ಲಾ ಪನಂದೆ, ನಿಕ್ಲೆ ನಡುಟು ಉಪ್ಪುವೆ ಪಂಡ್ದ್ ತೀರ್ಮಾನ ಮಲ್ತೊಂಡೆ.

1 ಕೊರಿಂಥ್ಯೆರೆಗ್ 9:10

ಅಂದ್, ಕಂಡಿತಾದ್ ನಂಕಾದ್ ಬರೆತ್ಂಡ್. ದಪ್ಪುನಾಯೆ ತನ್ಕ್ ಪಾಲ್ ತಿಕ್ಕುಂಡು ಅಂದ್‌ದ್ ಭರವಸೊಡು ದಪ್ಪುವೆ. ಒಕ್ಕುನಾಯೆ ತನ್ಕ್ ಪಾಲ್ ತಿಕ್ಕುಂಡು ಪಂಡ್ದೇ ಭರವಸೊಡು ಒಕ್ಕುವೆ.

2 ಕೊರಿಂಥ್ಯೆರೆಗ್ 4:4

ದೇವೆರೆ ಪ್ರತಿರೂಪ ಆಯಿ ಕ್ರಿಸ್ತ ಮೈಮೆ ಪನ್ಪಿ ಸುವಾರ್ತೆದ ಬೊಲ್ಪು ಮಿಂಚಂದಿಲೆಕ್ಕ, ಈ ಲೋಕದ ದೇವೆರಾದುಪ್ಪು ಸೈತಾನೆ ನಂಬಿಕೆದಾಂತಿನಾಕುಲೆನ ಮನಸ್‌ನ್ ಮಂದ ಮಲ್ತ್‌ದೆ.

2 ಕೊರಿಂಥ್ಯೆರೆಗ್ 4:6

ದಾಯೆಗ್ ಪಂಡ, “ಕತ್ತಲೆದ ಉಲಯಿಡ್ದ್ ಬೊಲ್ಪು ಆವಡ್,” ಪಂಡಿ ದೇವೆರ್, ಕ್ರಿಸ್ತನ ಮೋನೆಡ್ ತೋಜುನ ಮೈಮೆದ ಗೇನ ಪನ್ಪಿ ಬೊಲ್ಪು ಉಂಡಾಪಿಲೆಕ್ಕ ದೇವೆರ್ ತಾನೇ ಎಂಕ್ಲೆನ ಉಡಲ್‌ಡ್ ಬೊಲ್ಪು ಕೊರಿಯೆ.

ಗಲಾತ್ಯೆರೆಗ್ 1:16

ತನ ಮಗನ್, ಯಾನ್ ಪಿದಯಿದ ಜನೊಕುಲೆಗ್ ಸಾರಿಯುಲೆಕ್ಕ ಆಯನ್ ಎನಡ ತೆರಿಪಾದ್ ಕೊರಿಯೆರೆ ದೇವರೆನ ಚಿತ್ತ ಆದಿತ್ತ್ಂಡ್. ಉಂದು ಆಯಿನಪಗ ಯಾನ್ ವಾ ನರಮಾನಿಲೆ ಕೈತಡೆಗ್ಲಾ ಪೋಯಿಜಿ.

ಫಿಲಿಪ್ಪಿಯೆರೆಗ್ 1:1

ಕ್ರಿಸ ಯೇಸುನ ದಾಸೆರಾದುಪ್ಪು ಪೌಲುಲಾ ತಿಮೋಥಿಲಾ ಫಿಲಿಪ್ಪಿಡುಪ್ಪು ಕ್ರಿಸ್ತ ಯೇಸುಡು ದೇವಜನೊಕುಲೆಗ್ಲಾ ಸಭಾದ್ಯಕ್ಷೆರೆಗ್ಲಾ ಸಭಾಸೇವಕೆರೆಗ್ಲಾ ಬರೆಪಿನಿ ದಾನೆಂದ್ಂಡ, ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

ಫಿಲಿಪ್ಪಿಯೆರೆಗ್ 3:10

ಯೇಸು ಕ್ರಿಸ್ತನ್ ತೆರಿಯೊಂದು ಆಯನ್ ಸೈತಿನಾಕುಲೆಡ್ದ್ ಲಕ್ಕಾಯಿನ ಮಲ್ಲ ಶಕ್ತಿನ್ ಅನುಭವ ಮಲ್ತೊಂದು, ಆಯಡೊಪ್ಪ ಶ್ರಮೆನ್ ಸೈಸೊಂದು ಆಯ ಮರಣೊಡು ಪಾಲ್‌ದಾರೆ ಆವೊಡು ಅಂದ್‌ದ್ ಆಸೆ ಮಲ್ಪುವೆ.

ಫಿಲಿಪ್ಪಿಯೆರೆಗ್ 3:12

ಉಂದೆತ್ತ ಅರ್ಥ ಯಾನ್ ಇತ್ತೆನೇ ಮಾತೆನ್ ಪಡೆಯೊಂಡೆ ಪಂಡ್ದಾವಡ್, ಪರಿಪೂರ್ಣತೆಗ್ ಮುಟ್ಟಿಯೆ ಪಂಡ್ದಾವಡ್ ಪನ್ಪುಜಿ. ಆಂಡ ಕ್ರಿಸ್ತ ಯೇಸು ಒಯಿಕಾದ್ ಎನನ್ ಪತ್ತಿಯೆನಾ ಅವೆನ್ ಪತ್ತೊನೊಡು ಅಂದ್‌ದ್ ಪ್ರಯತ್ನ ಮಲ್ತೊಂದುಲ್ಲೆ.

ಫಿಲಿಪ್ಪಿಯೆರೆಗ್ 3:7

ಉಂದು ಮಾತ ಲಾಭ ಅಂದ್‌ದ್ ಯಾನ್ ಒರ ಎನ್ನೊಂದಿತ್ತೆ, ಆಂಡ ಕ್ರಿಸ್ತನ ಕಾರ್ಯದ ಎದುರುಡು ಅವು ಮಾತ ನಷ್ಟ ಅಂದ್‌ದ್ ಎನ್ನುವೆ.

2 ತಿಮೋಥಿ 4:6

ಯಾನಾಂಡ ಇತ್ತೆನೇ ನೀರ್‌ದ ಲೆಕ್ಕ ಅರ್ಪಣೆ ಆವೊಂದುಲ್ಲೆ. ಯಾನ್ ಈ ಲೋಕೊಡ್ದು ಪೋಪಿನ ಸಮಯ ಕೈತಲ್‌ ಬತ್ತ್ಂಡ್.

ಇಬ್ರಿಯೆರೆಗ್ 3:14

ಸುರುಡ್ದಿಂಚಿ ಇತ್ತಿನ ಭರವಸೊನು ಕಡೆ ಮುಟ್ಟಲಾ ಗಟ್ಟಿಯಾದ್ ಪತ್ತೊನುವಡ ಕ್ರಿಸ್ತಡ ಪಾಲ್‌ದಾರೆರ್ ಆದುಲ್ಲತ್ತಾ.

1 ಪೇತ್ರೆ 2:7

ಅಂಚಾಯಿನೆಡ್ದ್ ನಂಬುನಾಕುಲೆಗ್ ಈ ಕಲ್ಲ್ ಬಿಲೆ ಇತ್ತಿನವು ಆದುಂಡು; ನಂಬಂದೆ ಉಪ್ಪುನಾಕುಲು, “ಈ ಕಲ್ಲ್‌ನ್ ಬೊಡ್ಚಿಂದ್‌ದ್ ಬುಡಿಯೆರ್. ಆಂಡ ಬೊಡ್ಚಿಂದ್‌ದ್ ಬುಡ್ತಿ ಕಲ್ಲೇ ಮೂಲೆದ ತರೆಕಲ್ಲಾಂಡ್.”

2 ಪೇತ್ರೆ 1:3

ತನ ಮೈಮೆಡ್ದ್‌ಲಾ ಸದ್ಗುಣೊಡ್ದ್‌ಲಾ ನಮನ್ ಲೆಯ್ದಿನ ದೇವೆರೆನ್ ತೆರಿಯೊಂದಿನಾಕುಲೆಗ್ ತನ ದಿವ್ಯ ಬಲೊಡ್ದು ಭಕ್ತಿದ ಜೀವನ ಮಲ್ಪೆರೆ ಬೋಡಾಪಿನ ಮಾತೆನ್ಲಾ ಒದಗಾದ್ ಕೊರ್ತೆ.

2 ಪೇತ್ರೆ 1:8

ಇಂಚಿತ್ತಿ ಗುಣೊಕುಲು ನಿಕ್ಲೆಡ ಇತ್ತ್‌ದ್ ಹೆಚ್ಚಾವೊಂದು ಬತ್ತ್ಂಡ ಎಂಕುಲೆ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಗೇನ ನಿಕ್ಲೆನ್ ಉದಾಸೀನದಾಕುಲುಲಾ ಫಲದಾಂತಿನಾಕುಲುಲಾ ಆವಂದಿಲೆಕ್ಕ ಮಲ್ಪುಂಡು.

2 ಪೇತ್ರೆ 3:18

ಆಂಡ ನಮ ಕರ್ತವೆಲಾ ರಕ್ಷಕೆಲಾ ಆದುಪ್ಪು ಯೇಸು ಕ್ರಿಸ್ತನ ದಯೊಟುಲಾ ಗೇನೊಡುಲಾ ಬಲಪುಲೆ, ಆಯಗ್ ಇತ್ತೆಲಾ ಏನಿತ್ಯೇನಿಗ್ಲಾ ಮೈಮೆ ಆವಡ್, ಆಮೆನ್.

1 ಯೋಹಾನೆ 1:3

ಎಂಕ್ಲೆಗ್ ಉಪ್ಪುನ ಅನ್ಯಮನ್ಯೊಡು ನಿಕುಲುಲಾ ಸೇರೊಡಂದ್‌ದ್ ಎಂಕುಲು ತೂಯಿನೆನ್ಲಾ ಕೇಂಡಿನೆನ್ಲಾ ನಿಕ್ಲೆಗ್ ತೆರಿಪಾವ. ಎಂಕ್ಲೆನ ಅನ್ಯಮನ್ಯ ಅಮ್ಮೆರೆಡೊಪ್ಪಲಾ ಆಯ ಮಗೆ ಆದುಪ್ಪು ಯೇಸು ಕ್ರಿಸ್ತಡೊಪ್ಪಲಾ ಉಂಡು.

1 ಯೋಹಾನೆ 2:19

ಕ್ರಿಸ್ತ ವಿರೋಧಿಲು ನಮಡ್ದ್ ಪಿದಯಿ ಪೋಯಿನಾಕುಲು; ಮೊಕುಲು ನಮ್ಮಾಕುಲು ಆದಿತ್ತ್‌ಜೆರ್. ನಮ್ಮಾಕುಲು ಆದಿತ್ತೆರ್ಡ ನಮ ಒಟ್ಟುಗೇ ಇತ್ತುದ್ವೆರ್. ಆಂಡ ಅಕುಲು ನಮನ್ ಬುಡ್ದು ಪೋಯಿನೆಡ್ದ್ ನಮ್ಮಾಕುಲು ಅತ್ತ್ ಇನ್ಪಿನವು ಸ್ಪಷ್ಟಾದ್ ತೋಜಿದ್ ಬರ್ಪುಂಡು.

1 ಯೋಹಾನೆ 5:20

ದೇವೆರೆ ಮಗೆ ಬತ್ತ್‌ದ್ ನಮ ಸತ್ಯ ಆದುಪ್ಪುನಾಯನ್ ತೆರಿಯೊನಿಯೆರೆ ಬೋಡಾಪಿ ಗೇನೊನು ನಂಕ್ ಕೊರ್ತೆ ಅಂದ್‌ದ್ ತೆರಿದ. ನಮ ನಿಜ ದೇವೆರೆಡ ಒಂಜಾದುಲ್ಲ, ಬೊಕ್ಕ ನಮ ದೇವೆರೆ ಮಗೆ ಆದುಪ್ಪು ಯೇಸು ಕ್ರಿಸ್ತಡ್ ಒಂಜಾದುಲ್ಲ. ಆಯೆನೇ ನಿಜ ದೇವೆರ್‌ಲಾ ನಿತ್ಯಜೀವಲಾ ಆದುಲ್ಲೆ.