ಫಿಲಿಪ್ಪಿಯೆರೆಗ್ 3:3 - ಪೊಸ ಒಡಂಬಡಿಕೆ

³ ನಿಜವಾಯಿನ ಸುನ್ನತಿದಾಕುಲು ಏರ್ ಅಂದ್ಂಡ, ದೇವೆರಾತ್ಮೊಡ್ದು ಪ್ರೇರಣೆ ಆದ್ ಆರಾಧನೆ ಮಲ್ಪುನಾಕುಲುಲಾ ಕ್ರಿಸ್ತ ಯೇಸುಡು ಸಂತೋಷ ಮಲ್ಪುನಾಕುಲುಲಾ ಶರೀರ ಸಮ್ಮಂಧವಾದುಪ್ಪುನೆಟ್ ಭರವಸ ದೀವಂದೆ ಉಪ್ಪು ನಮನೇ.

ಫಿಲಿಪ್ಪಿಯೆರೆಗ್ 3:3 Cross References

ರೋಮಾಯೆರೆಗ್ 1:9

ಆಯನ ಮಗನ ಸುವಾರ್ತೆನ್ ಸಾರಿಯೊಂದು, ಯಾನ್ ದಿಂಜಿದಿ ಆತ್ಮೊಡು ಆಯ ಸೇವೆನ್ ಮಲ್ತೊಂದುಲ್ಲೆ. ಪ್ರಾರ್ಥನೆ ಮಲ್ಪುನಗ ಮಾತ ಸಮಯೊಡು ಮದಪಂದೆ ನಿಕ್ಲೆಗಾದ್ ನಟ್ಟೊಂದುಲ್ಲೆ ಉಂದೆಕ್ಕ್ ದೇವೆರೆ ಎನ ಸಾಕ್ಷಿ.

ರೋಮಾಯೆರೆಗ್ 15:17

ಕ್ರಿಸ್ತಡೊಪ್ಪ ಒಂಜಾದ್ ಯಾನ್ ದೇವೆರೆಗ್ ಮಲ್ಪುನ ಈ ಸೇವೆದ ಕಾರಣೊಡ್ದು ಎಂಕ್ ಹೆಮ್ಮೆ ಉಂಡು.

ರೋಮಾಯೆರೆಗ್ 7:6

ಇತ್ತೆ ಆಂಡಲಾ ನಮನ್ ವಶ ಮಲ್ತೊಂಡಿ ನ್ಯಾಯಕಟ್ಟ್‌ದ ಪಾಲ್‌ಗ್ ನಮ ಸೈತಿನೆಡ್ದ್ ಆ ಕಟ್ಟ್‌ಡ್ದ್ ಬುಡುಗಡೆ ತಿಕ್ಕ್ಂಡ್. ಇಂಚ ಉಪ್ಪುನಗ ನಮ ನನ ಶಾಸ್ತ್ರದ ಬರವುದ ಪ್ರಕಾರ ಪರ ರೀತಿಡ್ ನಮ ದೇವೆರೆನ ಸೇವೆ ಮಲ್ಪುನಾಕುಲು ಅತ್ತ್. ಪರಿಶುದ್ಧಾತ್ಮಡ್ದ್ ಪೊಸ ರೀತಿಡ್ ಆಯನ ಸೇವೆ ಮಲ್ಪುನಾಕುಲು ಆದುಲ್ಲ.

ರೋಮಾಯೆರೆಗ್ 8:15

ನಿಕ್ಲೆಗ್ ದೇವೆರ್ ಕೊರ್ತಿನ ಆತ್ಮೆ ನಿಕ್ಲೆನ್ ನ್ಯಾಯಕಟ್ಟ್‌ದ ಗುಲಾಮೆರಾದ್ ಮಲ್ತ್‌ದ್ ಪೋಡಿಗೆಡ್ ಪಾಡುನವು ಅತ್ತ್; ಪಗತೆಗ್ ಈ ಆತ್ಮೆ ನಿಕ್ಲೆನ್ ದೇವೆರೆ ಜೋಕುಲಂದ್‌ದ್ ಮಲ್ಪುವೆ. ಈ ಆತ್ಮನ ಬಲೊಡ್ದು ನಮ ದೇವೆರೆನ್, “ಅಮ್ಮೆರೇ! ಎನ ಅಮ್ಮೆರೆ!” ಪಂಡ್ದ್ ಲೆಪ್ಪುವ.

ರೋಮಾಯೆರೆಗ್ 9:6

ದೇವೆರ್ ಪಂಡಿನ ಪಾತೆರ ತತ್ತ್‌ಂಡ್ ಅಂದ್‌ದ್ ನಮ ಎನ್ನಿಯೆರೆ ಬಲ್ಲಿ. ದಾಯೆ ಪಂಡ ಇಸ್ರಾಯೇಲ್ ವಂಶೊಡು ಪುಟ್ಟಿನಾಕುಲು ಮಾತೆರ್ ಇಸ್ರಾಯೇಲ್ಯೆರ್ ಅತ್ತ್.

2 ಕೊರಿಂಥ್ಯೆರೆಗ್ 11:18

ದಿಂಜ ಜನ ಲೋಕದ ರೀತಿಡ್ ತನ್ಕುಲೆನ್ ಪುಗರುನೆಡ್ದ್ ಯಾನ್ಲಾ ಪುಗರೊಂದುಲ್ಲೆ.

ಗಲಾತ್ಯೆರೆಗ್ 5:25

ನಮ ಆತ್ಮಡ್ದ್ ಬದುಕುನಾಕುಲಾದ್ ಆತ್ಮಗ್ ಸರಿಯಾದ್ ನಡಪುಗ.

ಗಲಾತ್ಯೆರೆಗ್ 6:16

ಈ ಸೂತ್ರೊಗು ಸರಿಯಾದ್ ನಡಪುನಾಕುಲೆಗ್ ಮಾತೆರೆಗ್ಲಾ ಪಂಡ್ಂಡ, ನಿಜ ಇಸ್ರಾಯೇಲ್ಯೆರೆ ದೇವಜನೊಕುಲೆಗ್ ದಯಲಾ ಸಮಾಧಾನಲಾ ಉಪ್ಪಡ್.

ಎಫೆಸ್ಯೆರೆಗ್ 6:18

ಮಾತ ಕಾಲೊಲೆಡ್ಲಾ ಪ್ರತಿಯೊಂಜಿ ಸಂಗತಿಗಾದ್ರಲಾ, ಆತ್ಮಡ್ ಪ್ರಾರ್ಥನೆ ಮಲ್ಪುಲೆ. ಎಚ್ಚರಿಕೆ ಆದಿತ್ತ್‌ದ್ ಮಾತ ದೇವಜನೊಕುಲೆಗಾದ್ ಬುಡಂದೆ ಪ್ರಾರ್ಥನೆ ಮಲ್ಪುನಾಕುಲು ಆದುಪ್ಪುಲೆ.

ಫಿಲಿಪ್ಪಿಯೆರೆಗ್ 1:1

ಕ್ರಿಸ ಯೇಸುನ ದಾಸೆರಾದುಪ್ಪು ಪೌಲುಲಾ ತಿಮೋಥಿಲಾ ಫಿಲಿಪ್ಪಿಡುಪ್ಪು ಕ್ರಿಸ್ತ ಯೇಸುಡು ದೇವಜನೊಕುಲೆಗ್ಲಾ ಸಭಾದ್ಯಕ್ಷೆರೆಗ್ಲಾ ಸಭಾಸೇವಕೆರೆಗ್ಲಾ ಬರೆಪಿನಿ ದಾನೆಂದ್ಂಡ, ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

ಫಿಲಿಪ್ಪಿಯೆರೆಗ್ 3:12

ಉಂದೆತ್ತ ಅರ್ಥ ಯಾನ್ ಇತ್ತೆನೇ ಮಾತೆನ್ ಪಡೆಯೊಂಡೆ ಪಂಡ್ದಾವಡ್, ಪರಿಪೂರ್ಣತೆಗ್ ಮುಟ್ಟಿಯೆ ಪಂಡ್ದಾವಡ್ ಪನ್ಪುಜಿ. ಆಂಡ ಕ್ರಿಸ್ತ ಯೇಸು ಒಯಿಕಾದ್ ಎನನ್ ಪತ್ತಿಯೆನಾ ಅವೆನ್ ಪತ್ತೊನೊಡು ಅಂದ್‌ದ್ ಪ್ರಯತ್ನ ಮಲ್ತೊಂದುಲ್ಲೆ.

ಫಿಲಿಪ್ಪಿಯೆರೆಗ್ 3:14

ಈ ಪಾರುನೆತ್ತ ಕಡೆ ಮುಟ್ಟೆರೆಗಾದ್ ಪ್ರಯಾಸ ಮಲ್ತೊಂದುಲ್ಲೆ; ನಮನ್ ದೇವೆರ್, ಕ್ರಿಸ್ತ ಯೇಸುಡ್ದಾದ್ ಲೆತ್ತಿನ ಆ ಪರಲೋಕದ ಉಡಿಗೆರೆನ್ ದೆತ್ತೊನೆರೆಗಾದ್ ಪಾರೊಂದುಲ್ಲೆ.

ಕೊಲೊಸ್ಸಿಯೆರೆಗ್ 2:11

ನಿಕುಲು ಆಯಡ್ದೇ ಸುನ್ನತಿ ಪಡೆತರ್ ಈ ಸುನ್ನತಿ ಕೈಡ್ದ್ ಮಲ್ತ್‌ದಿನ ಅತ್ತ್ ಉಂದು ಶರೀರಭಾವೊನು ಬುಡ್ದು ಬುಡ್ಪಿನವೇ ಉಂದೇ ಕ್ರಿಸ್ತಡ್ದ್ ಆತಿನ ಸುನ್ನತಿ.

ಯೂದೆ 1:20

ಆಂಡ ಪ್ರೀತಿದಾಕುಲೇ, ನಿಕುಲಾಂಡಲಾ ನಿಕ್ಲೆಡುಪ್ಪುನ ಪರಿಶುದ್ಧವಾಯಿನ ಕ್ರಿಸ್ತ ನಂಬಿಕೆನ್ ಆಧಾರ ಮಲ್ತೊಂದು ಭಕ್ತಿಡ್ ಅಭಿವೃದ್ಧಿ ಹೊಂದೊಂದು ಪರಿಶುದ್ಧಾತ್ಮೊಡು ಪ್ರಾರ್ಥನೆ ಮಲ್ತೊಂದುಪ್ಪುಲೆ.