ಫಿಲಿಪ್ಪಿಯೆರೆಗ್ 3:20 - ಪೊಸ ಒಡಂಬಡಿಕೆ

²⁰ ಎಂಕುಲಾಂಡಲಾ ಪರಲೋಕ ರಾಜ್ಯದಾಕುಲು, ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ಅಲ್ತ್‌ಡ್ದೇ ನಮ ರಕ್ಷಕೆ ಆದ್ ಬರ್ಪಿನೆನ್ ಕಾತೊಂದುಲ್ಲ.

ಫಿಲಿಪ್ಪಿಯೆರೆಗ್ 3:20 Cross References

ಮತ್ತಾಯೆ 19:21

ಯೇಸು ಆಯಡ, “ಮಾತಲಾ ಸರಿ ಆವೊಡ್ಡ ಪೋದು ನಿನ ಆಸ್ತಿನ್ ಮಾರ್ದ್ ಬಡವೆರೆಗ್ ಕೊರ್ಲ; ಪರಲೋಕೊಡು ನಿಕ್ಕ್ ಆಸ್ತಿ ಉಪ್ಪುಂಡು; ಬೊಕ್ಕ ಎನ ಬೆರಿಯೆ ಬಲ,” ಪಂಡ್ದ್ ಪಂಡೆ.

ಲೂಕೆ 12:21

“ತನ್ಕಾದ್ ಗಂಟ್‌ಲೆನ್ ಕಟ್ಟೊಂದು ದೇವೆರೆ ಬಗೆಟ್ ಐಶ್ವರ್ಯವಂತೆ ಆವಂದಿನಾಯೆ ಬುದ್ಧಿದಾಂತಿನಾಯ ಲೆಕ್ಕನೇ ಆದುಪ್ಪುವೆ,” ಅಂದ್‌ದ್ ಪಂಡೆ.

ಲೂಕೆ 14:14

ಅಕುಲು ನಿಕ್ಕ್ ಸಂದಾಯೊಗು ಸಂದಾಯ ಮಲ್ಪೆರೆ ದಾಲಾದಾಂತಿನಾಕುಲು ಆದಿತ್ತ್‌ಂಡಲಾ ನೀತಿವಂತೆರ್ ಜೀವ ಆದ್ ಲಕ್ಕ್‌ದ್ ಬನ್ನಗ ನಿಕ್ಕ್ ಸಂದಾಯೊಗು ಸಂದಾಯ ತಿಕ್ಕಂದಿನೆಡ್ದ್ ಈ ಭಾಗ್ಯವಂತೆ ಆಪ.” ಪಂಡೆ.

ಅಪೊ.ಕ್ರಿ 1:11

“ಗಲಿಲಾಯದಾಕುಲೇ, ದಾಯೆಗ್ ಬಾನೊನೇ ತೂವೊಂದು ಉಂತುದರ್? ಉಂದೇ ಯೇಸು ನಿಕ್ಲೆ ಕಣ್ಣೆದುರುಡು ಎಂಚ ಪರಲೋಕೊಗು ಮಿತ್ತ್ ಏರ್ದ್ ಪೋಯೆನಾ ಅವ್ವೇ ರೀತಿಡ್ ಪಿರ ಬರ್ಪೆ,” ಅಂದ್‌ದ್ ಪಂಡೆರ್.

1 ಕೊರಿಂಥ್ಯೆರೆಗ್ 1:7

ಇಂಚ ನಿಕುಲು ವಾ ಆತ್ಮೀಕ ವರೊಟ್ಲಾ ಕಡಿಮೆದಾಕುಲು ಆದುಪ್ಪಂದೆ, ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ಕುಡ ಬರ್ಪಿನೆನ್ ಕಾತೊಂದುಲ್ಲರ್.

1 ಕೊರಿಂಥ್ಯೆರೆಗ್ 15:48

ಭೂಮಿದಾಕುಲು ಮಣ್ಣ್‌ಡ್ ಉಂಡಾಯಿನ ನರಮಾನಿಲೆಕ್ಕ ಆಂಡ ಪರಲೋಕದಾಕುಲು ಪರಲೋಕೊಡ್ದು ಬತ್ತಿ ನರಮಾನಿಲೆಕ್ಕ.

2 ಕೊರಿಂಥ್ಯೆರೆಗ್ 4:18

ಎಂಕುಲು ತೋಜುನ ವಿಷಯೊಲೆನ್ ತೂವಂದೆ, ತೋಜಂದಿನ ವಿಷಯೊಲೆನ್ ತೂವೊಂದುಪ್ಪುನಾಕುಲಾದುಲ್ಲ; ತೋಜುನವು ಒಂತೆ ಸಮಯ ಮಾತ್ರ ಉಪ್ಪುಂಡು; ತೋಜಂದಿನವು ನಿತ್ಯೊಗ್ಲಾ ಉಪ್ಪುಂಡು.

2 ಕೊರಿಂಥ್ಯೆರೆಗ್ 5:8

ಅಂದ್, ಎಂಕುಲು ಧೈರ್ಯೊಡಿತ್ತ್‌ದ್ ಶರೀರೊನು ಬುಡ್ದು ಕರ್ತವ ಕೈತಲ್‌ ಸೇರಿಯೆರೆ ಬಯಕುವ.

ಗಲಾತ್ಯೆರೆಗ್ 4:26

ಆಂಡ ಅಬ್ರಹಾಮುನ ಸ್ವಂತ ಬೊಡೆದಿ ಸಾರಾ, ಪರಲೋಕದ ಯೆರೂಸಲೇಮುಗು ಸೂಚನೆ ಆದುಲ್ಲಲ್. ಆಲ್ ನ್ಯಾಯಕಟ್ಟ್‌ಗ್ ಸ್ವತಂತ್ರದಾಲ್ ಆದಿತ್ತ್‌ದ್ ನಮ ಅಪ್ಪೆ ಆದುಲ್ಲಲ್.

ಎಫೆಸ್ಯೆರೆಗ್ 2:19

ಅಂಚಾದ್ ನಿಕುಲು ನನ ದುಂಬು ಪರದೇಶಿಲುಲಾ ಪಿದಯಿದ ಜನೊಕುಲುಲಾ ಆದುಪ್ಪಂದೆ ದೇವಜನೊಕುಲೆ ಒಟ್ಟುಗು ಒಂಜೇ ಊರುದಾಕುಲುಲಾ ದೇವೆರೆ ಇಲ್ಲದಾಕುಲುಲಾ ಆದುಲ್ಲರ್.

ಎಫೆಸ್ಯೆರೆಗ್ 2:6

ಸೈತಿನಾಕುಲೆಡ್ದ್ ಲಕ್ಕಾಯಿನಿ ಮಾತ್ರ ಅತ್ತ್ ನಮ ಕ್ರಿಸ್ತ ಯೇಸುಡು ಒಂಜಾದ್ ಇತ್ತಿನೆಡ್ದ್ ದೇವೆರ್ ದುಂಬು ಬರ್ಪಿ ಯುಗತ್ತ ಜನೊಕುಲೆಗ್ ಕ್ರಿಸ್ತ ಯೇಸುಡು ಗೆನ್ಪೆರೆ ತೀರಂದಿನಾತ್ ತನ ದಯ ಪನ್ಪಿ ಐಶ್ವರ್ಯೊನು ಒದಗಾದ್ ನಮನ್ ಸೈತಿನಾಕುಲೆಡ್ದ್ ಲಕ್ಕಾದ್ ಪರಲೋಕೊಡು ಆಯಡೊಪ್ಪ ಕುಲ್ಲಾವೆ.

ಫಿಲಿಪ್ಪಿಯೆರೆಗ್ 1:10

ನಿಜಾದ್ ಅವಶ್ಯ ಉಪ್ಪುನವು ದಾನೆಂದ್ಂಡ ನಿಕುಲು ಸರಿಯಾದ್ ತೆರಿಯೊಂದು, ಕ್ರಿಸ್ತೆ ಬನ್ನಮುಟ್ಟ ನಿರ್ಮಲ ಆದಿತ್ತ್‌ದ್ ವಾ ಕಪಟದಾಂತಿನಾಕುಲಾದ್ ಉಪ್ಪೊಡಂದ್‌ದೇ ಎನ ಆಸೆ.

ಫಿಲಿಪ್ಪಿಯೆರೆಗ್ 1:27

ಎಂಚಿನಾಂಡಲಾ ನಿಕುಲು ಕ್ರಿಸ್ತನ ಸುರ್ವಾತೆಗ್ ಯೋಗ್ಯೆರಾದ್ ನಡಪುಲೆ. ಅಪಗ ಯಾನ್ ಕುಡ ನಿಕ್ಲೆ ಕೈತಲ್‌ ಬತ್ತ್‌ದ್ ನಿಕ್ಲೆನ್ ತೂಯೆಡಲಾ ಸರಿ, ದೂರೊಡ್ದು ಇತ್ತ್‌ದ್ ನಿಕ್ಲೆ ಸಂಗತಿಡ್ ಕೇಂಡಲಾ ಸರಿ, ನಿಕುಲು ನಿಕ್ಲೆ ವೈರಿಲೆಗ್ ವಾ ವಿಷಯೊಡ್ಲಾ ಪೋಡಿಯಂದೆ ಒಂಜೇ ಆತ್ಮೊಡು ದೃಢ ಉಂತುದು ಸುವಾರ್ತೆಡ್ ದೀತಿನ ನಂಬಿಕೆಗಾದ್ ಒಟ್ಟಾದ್ ಹೋರಾಟ ಮಲ್ಪುನಾಕುಲು ಆದುಲ್ಲರ್ ಅಂದ್‌ದ್ ಯಾನ್ ತೆರಿಯೊನ್ವೆ.

ಕೊಲೊಸ್ಸಿಯೆರೆಗ್ 1:5

ಪರಲೋಕೊಡು ನಿಕ್ಲೆಗಾದ್ ತಯಾರಾತಿನ ಮಿತ್ತ್‌ದ ನಿರೀಕ್ಷೆನ್ ಸುವಾರ್ತೆದ ಸತ್ಯ ಪಾತೆರೊಡು ಸುರುಟೆ ಕೇಂಡ್ದರ್.

1 ಥೆಸಲೋನಿಕೆರೆಗ್‌ 1:10

ಬೊಕ್ಕ ಮರಣೊಡ್ದು ಲಕ್ಕಾಯಿನ ದೇವೆರೆ ಮಗೆ ಆದುಪ್ಪು ಯೇಸುನು ಬಾನದ ಉಲಯಿಡ್ದ್ ಬರ್ಪಿನೆನ್ ನಿಕುಲು ಎಂಚ ಎದುರು ತೂಪಿನಕುಲಾದುಲ್ಲರ್ ಪಂಡ್ದ್‌ಲಾ ಆ ಜನೊಕುಲೇ ಪನ್ಪೆರ್. ಉಂದೇ ಯೇಸು ದುಂಬಗ್ ಬರ್ಪಿ ದೈವಕೋಪೊಡ್ದು ನಮನ್ ತಪ್ಪಾವುನಾಯೆ.

1 ಥೆಸಲೋನಿಕೆರೆಗ್‌ 4:16

ಕರ್ತವೆ ಸ್ವತಃ ಬನ್ನಗ ಮಲ್ಲ ಘೋಷಣೆಡ್ಲಾ ಮುಂದೂತನ ಶಬ್ಧದೊಟ್ಟುಡ್ಲಾ ದೇವೆರೆ ತುತೂರಿದ ಸ್ವರತ್ತ ಒಟ್ಟುಗು ಬಾನೊಡ್ದು ಜತ್ತ್‌ದ್ ಬರುವೆ, ಅಪಗ ಕ್ರಿಸ್ತಗಾದ್ ಸೈದಿನಾಕುಲು ದುಂಬತ್ತ ಲಕ್ಕುವೆರ್.

2 ತಿಮೋಥಿ 4:8

ನೀತಿವಂತೆರೆಗ್ ತಿಕ್ಕುನ ಜಯಮಾಲೆ ಎಂಕ್ ದುಂಬಗ್ ತಯಾರಾದುಂಡು. ಅವೆನ್ ನೀತಿಡ್ ನ್ಯಾಯತೀರಿಸುನ ಕರ್ತವೆ ಆ ದಿನೊಟು ಎಂಕ್ ಕೊರ್ಪೆ. ಎಂಕ್ ಮಾತ್ರತ್ತಂದೆ ಆಯೆ ಬರ್ಪಿನೆನ್ ಪ್ರೀತಿಡ್ ಎದುರು ತೂವೊಂದುಪ್ಪುನ ಪ್ರತಿ ಒರಿಯಗ್ಲಾ ಕೊರ್ಪೆ.

ಇಬ್ರಿಯೆರೆಗ್ 12:22

ಆಂಡ ನಿಕುಲು ಚೀಯೋನು ಪರ್ವತೊಗ್ಲಾ ಜೀವ ಇತ್ತಿ ದೇವೆರೆ ಪಟ್ಟಣ ಆದುಪ್ಪುನ ಪರಲೋಕದ ಯೆರೂಸಲೇಮುಗ್ಲಾ ಸೇರ್ದುಪ್ಪು ಕೋಟ್ಯಾನುಕೋಟಿ ದೇವದೂತೆರೆ ಕೈತಲ್‌ ಬೈದರ್.

ಇಬ್ರಿಯೆರೆಗ್ 9:28

ಅಂಚೆನೇ ಕ್ರಿಸ್ತೆಲಾ ಮಾತ ನರಮಾನಿಲೆ ಪಾಪೊಲೆನ್ ತುಂಬೊನಿಯೆರೆಗಾದ್ ಒಂಜೇ ಸರಿ ಅರ್ಪಣೆ ಮಲ್ತೊಂಡೆ. ಬೊಕ್ಕ ತನನ್ ನಿರೀಕ್ಷೆ ಮಲ್ಪುನಾಕುಲೆಗಾದ್ ರಕ್ಷಣೆನ್ ಉಂಡು ಮಲ್ಪುನೆಕ್ಕಾದ್ ಪಾಪ ಸಮ್ಮಂಧದಾಂತಿನಾಯೆ ಆದ್ ರಡ್ಡನೆ ಸರ್ತಿ ತೋಜಿದ್ ಬರ್ಪೆ.

ಪ್ರಕಟಣೆ 1:7

“ಇಂದಾ, ಆಯೆ ಮುಗಲ್‌ಡ್ ಬರುವೆ; ಮಾತ ಕಣ್ಣ್‌ಲು ಆಯನ್ ತೂವು. ಬರ್ಚಿಡ್ ಆಯನ್‌ ನೋಂತಿನಾಕುಲುಲಾ ತೂವೆರ್, ಈ ಭೂಮಿಡುಪ್ಪು ಮಾತ ಗೋತ್ರೊಲು ಆಯನ್ ತೂದು ತಿಗಲೆಗ್ ದರ್ತೊನ್ವೆರ್.” ಅಂದ್, ಅಂಚೆನೇ ಆವು ಆಮೆನ್.