ಫಿಲಿಪ್ಪಿಯೆರೆಗ್ 3:2 - ಪೊಸ ಒಡಂಬಡಿಕೆ

² ಆ ನಾಯಿಲೆಡ್ದ್ ಎಚ್ಚರಿಕೆ ಆದುಪ್ಪುಲೆ. ಹಾಳ್ ಮನಸ್‌ಡ್ ಬೇಲೆ ಮಲ್ಪುನಾಕುಲೆಡ್ದ್‌ಲಾ ಎಚ್ಚರಿಕೆ ಆದುಪ್ಪುಲೆ. ಸುನ್ನತಿ ಆವೊಡು ಪನೊಂದು ಅಂಗೊನು ಕಡ್ತ್ ಪಾಡುನಾಕುಲೆಡ್ದ್‌ಲಾ ಎಚ್ಚರಿಕೆ ಆದುಪ್ಪುಲೆ.

ಫಿಲಿಪ್ಪಿಯೆರೆಗ್ 3:2 Cross References

ಮತ್ತಾಯೆ 24:10

ಅಪಗ ಮಸ್ತ್ ಜನ ಪಿರಜಾರ್ದ್ ಒರಿಯನ್ ಒರಿ ಪತ್ತ್‌ದ್ ಕೊರುವೆರ್. ಒರಿಯ ಮಿತ್ತ್ ಒರಿ ಪಗೆ ಮಲ್ಪುವೆರ್.

ಮತ್ತಾಯೆ 7:15

“ಸುಳ್ಳು ಪ್ರವಾದಿಲೆ ಸಂಗತಿಡ್ ಜಾಗ್ರತೆ. ಅಕುಲು ಕುರಿತ ವೇಶೊಡು ನಿಕ್ಲೆ ಕೈತಲ್‌ ಬರ್ಪೆರ್ ಆಂಡ ಉಲಯಿ ತೂಂಡ ತಿಂದ್ ಪಾಡುನ ಚೆನ್ನನಾಯಿಲೆ!

ಮತ್ತಾಯೆ 7:6

“ಪರಿಶುದ್ಧದೆನ್ ನಾಯಿಗ್ ಪಾಡಡೆ; ನಿಕಲ್ನ ಮುತ್ತುಲೆನ್ ಪಂಜಿಲೆ ಎದುರುಡು ಬಿರ್ಕಡೆ, ಬಿರ್ಕಿಯರ್ಡ ಐಕುಲು ಅವೆನ್ ಕಾರ್‌ಡ್ ದೊಂಕುದು ಪಿರ ಬತ್ತ್‌ದ್ ನಿಕ್ಲೆನ್ ತಿಗ್ತ್ ಪಾಡು.

ರೋಮಾಯೆರೆಗ್ 2:28

ಪಿದಯಿಡ್ ಮಾತ್ರ ಯೆಹೂದ್ಯೆ ಆದುಪ್ಪುನಾಯೆ ಯೆಹೂದ್ಯೆ ಅತ್ತ್; ಬೊಕ್ಕ ಪಿದಯಿ ಶರೀರೊಡು ಮಾತ್ರ ಮಲ್ತ್‌ದಿನ ಸುನ್ನತಿ ನಿಜವಾಯಿನ ಸುನ್ನತಿ ಅತ್ತ್.

2 ಕೊರಿಂಥ್ಯೆರೆಗ್ 11:13

ಅಂಚಿತ್ತಿನಾಕುಲು ಸುಳ್ಳು ಪ್ರವಾದಿಲು, ಮೋಸದ ಸೇವಕೆರ್, ಕ್ರಿಸ್ತನ ಅಪೊಸ್ತಲೆರಂದ್‌ದ್ ವೇಷ ಪಾಡ್ದಿನಾಕುಲು ಆದುಲ್ಲೆರ್.

ಗಲಾತ್ಯೆರೆಗ್ 5:13

ಎನ ಸಹೋದ್ರೆರೇ, ನಿಕುಲು ಸ್ವತಂತ್ರೆರಾದುಪ್ಪೊಡು ಅಂದ್‌ದ್ ದೇವೆರೆ ಲೆಪ್ಪು ಆತಿನಾಕುಲು. ಆಂಡ ನಿಕ್ಲೆ ಸ್ವತಂತ್ರೊನು ಶರೀರಭಾವೊಗು ತೃಪ್ತಿ ಮಲ್ಪೆರೆಗಾದ್ ಬಳಕೆ ಮಲ್ಪಂದೆ, ಪ್ರೀತಿಡ್ ಒರಿ ಒರಿಯಗ್ ಸೇವೆ ಮಲ್ತೊಂದುಪ್ಪುಲೆ.

ಗಲಾತ್ಯೆರೆಗ್ 5:15

ನಿಕುಲು ಒರಿಯಗ್ ಒರಿ ತುಚ್ಚಿದ್ ಪರ್ತೊಂದು ದಿಂಗುನಾಕುಲಾಯರ್ಡ ಒರಿಯಡ್ದೊರಿ ನಾಶ ಆಪರ್, ತೂವೊನ್ಲೆ.

ಗಲಾತ್ಯೆರೆಗ್ 5:6

ದಾಯೆಗಂದ್ಂಡ ನಮ ಕ್ರಿಸ್ತ ಯೇಸುಡು ಉಪ್ಪುನಗ, ಸುನ್ನತಿ ಆಂಡಲಾ ಪ್ರಯೋಜನ ಇಜ್ಜಿ. ಸುನ್ನತಿದಾಂತೆಲಾ ಪ್ರಯೋಜನ ಇಜ್ಜಿ, ಪ್ರೀತಿಡ್ ಯೇಸುನ ಮಿತ್ತ್ ನಂಬಿಕೆ ದೀದ್ ನಡಪುನವೇ ಪ್ರಯೋಜನ ಆದುಂಡು.

ಫಿಲಿಪ್ಪಿಯೆರೆಗ್ 3:19

ನಾಶನನೇ ಅಕ್ಲೆನ ಕಡೆತ ಸ್ಥಿತಿ, ಬಂಜಿಯೇ ಅಕ್ಲೆನ ದೇವೆರ್, ನಾಚಿಗೆದ ಬೇಲೆನೇ ಅಕ್ಲೆನ ಗತ್ತ್. ಅಕುಲು ಲೋಕದ ಕಾರ್ಯೊಲೆ ಮಿತ್ತ್ ಚಿಂತೆ ಮಲ್ಪುನಾಕುಲು.

ಫಿಲಿಪ್ಪಿಯೆರೆಗ್ 3:3

ನಿಜವಾಯಿನ ಸುನ್ನತಿದಾಕುಲು ಏರ್ ಅಂದ್ಂಡ, ದೇವೆರಾತ್ಮೊಡ್ದು ಪ್ರೇರಣೆ ಆದ್ ಆರಾಧನೆ ಮಲ್ಪುನಾಕುಲುಲಾ ಕ್ರಿಸ್ತ ಯೇಸುಡು ಸಂತೋಷ ಮಲ್ಪುನಾಕುಲುಲಾ ಶರೀರ ಸಮ್ಮಂಧವಾದುಪ್ಪುನೆಟ್ ಭರವಸ ದೀವಂದೆ ಉಪ್ಪು ನಮನೇ.

1 ತಿಮೋಥಿ 1:19

ನಂಬಿಕೆನ್ಲಾ, ಎಡ್ಡೆ ಮನಸಾಕ್ಷಿನ್ಲಾ ಗಟ್ಟಿಡ್ ಪತ್ತೊನ್ಲ. ಕೆಲೆವೆರ್ ಅಕ್ಲೆನ ಎಡ್ಡೆ ಸಾಕ್ಷಿನ್ ಬುಡ್ದು ಕ್ರಿಸ್ತ ನಂಬಿಕೆದ ಸಂಗತಿಡ್ ದರಿದ್ ಪೋತಿ ಕಪ್ಪಲ್‌ದ ಲೆಕ್ಕ ನಷ್ಟ ಆತಿನಾಕುಲೆ ಲೆಕ್ಕ ಉಲ್ಲೆರ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:16

ಅಂಚಿತ್ತಿನಾಕುಲು ದೇವೆರೆನ್ ತೆರಿದ ಅಂದ್‌ದ್ ಪಂಡೆರ್ಡಲಾ ತನ್ಕುಲೆ ನಡತೆಡ್ ಆಯನ್ ಅರೆಂಜುನಕುಲಾದುಲ್ಲೆರ್. ಅಕುಲು ಅಸಹ್ಯದಾಕುಲುಲಾ ತಗ್ಗಂದಿನಾಕುಲುಲಾ ಒವುಲಾ ಎಡ್ಡೆ ಕೆಲಸೊನು ಮಲ್ಪೆರೆ ಆವಂದಿನಾಕುಲುಲಾ ಆದುಲ್ಲೆರ್.

2 ಪೇತ್ರೆ 2:22

“ನಾಯಿ ತಾನ್ ಕಕ್ಕಿನೆನ್ ತಿನಿಯೆರೆ ಪಿರ ತಿರ್ಗುಂಡು” ಬೊಕ್ಕ “ದೆಕ್ಕ್‌ದಿ ಪಂಜಿ ಕೆಸರ್‌ಡ್ ಪಿರ ಪೊರೆಲೆರೆ ಪೋಪುಂಡು,” ಇನ್ಪಿ ಸತ್ಯ ಗಾದೆಗ್ ಸಮ ಆದ್ ನಡಪುನಾಕುಲು ಆಯೆರ್.

ಯೂದೆ 1:4

ದಾಯೆಗಂದ್ಂಡ, ಭಕ್ತಿದಾಂತಿನಾಕುಲು, ದೇವೆರೆ ದಯೊನು ಲಾಭ ಮಲ್ತೊಂದು ನಾಚಿಗೆ ಪುಟ್ಟಾವು ಕೆಲಸೊಲೆನ್ ಮಲ್ತೊನುವೆರ್. ಇಂಚಿತ್ತಿನಾಕುಲು ನಮ ಒರಿಯೇ ಯಜಮಾನೆಲಾ ನಮ ಕರ್ತವೆಲಾ ಆದುಪ್ಪು ಯೇಸು ಕ್ರಿಸ್ತನ್ ಆರೆಂಜುವೆರ್. ಇಂಚಿತ್ತಿ ಕೆಲವು ಜನೊಕುಲು ಸಭೆಕ್ ಕಲ್ವತನೊಟು ಪೊಗ್ಗುದೆರ್. ಅಕ್ಲೆಗ್ ದೇವೆರೆ ದಂಡನೆ ಆಪುಂಡು ಅಂದ್‌ದ್ ಆದಿಡೇ ಅಕ್ಲೆನ ಸಂಗತಿಡ್ ಬರೆತ್ಂಡ್.

ಪ್ರಕಟಣೆ 2:9

ನಿನ ಸಂಕಟೊನ್ಲಾ ಬಡತನೊನ್ಲಾ ಯಾನ್ ತೆರಿದೆ. ಆಂಡಲಾ ಈ ಐಶ್ವರ್ಯವಂತೆನೇ ಆದುಲ್ಲ. ಯೆಹೂದ್ಯೆರಂದ್‌ದ್ ಪಂಡೊನುನಾಕುಲು ನಿನನ್ ದೂಷಿಯುನಲಾ ಎಂಕ್ ತೆರಿದ್‌ಂಡ್. ಆಂಡ ಅಕುಲು ಯೆಹೂದ್ಯೆರತ್ತ್. ಅಕುಲು ಸೈತಾನನ ಕೂಟದಾಕುಲು.

ಪ್ರಕಟಣೆ 21:8

ಆಂಡ ಪುಕ್ಕೆಲೆರ್, ನಂಬಿಕೆದಾಂತಿನಾಕುಲು, ಭ್ರಷ್ಟೆರ್, ಮಾನ್ಯ ಕೆರ್ಪಿನಾಕುಲು, ಹಾದ್ರದಾಕುಲು, ಮಾಟಮಂತ್ರ ಮಲ್ಪುನಾಕುಲು, ಮೂರ್ತಿಪೂಜೆ ಮಲ್ಪುನಾಕುಲು, ಮಾತ ಸುಳ್ಳು ಪನ್ಪಿನಾಕುಲು ಮೊಕ್ಲೆಗ್ ತಿಕ್ಕುನ ಪಾಲ್ ತೂ ಗಂಧಕೊಡು ಅರ್ಲೊಂದುಪ್ಪುನ ತೂತ ಕೆರೆನೇ. ಉಂದು ರಡ್ಡನೆ ಮರಣ,” ಅಂದ್‌ದ್ ಎಂಕ್ ಪಂಡೆ.

ಪ್ರಕಟಣೆ 22:15

ನಾಯಿಲು, ಮಾಟಮಂತ್ರ ಮಲ್ಪುನಾಕುಲು, ಹಾದ್ರದಾಕುಲು, ಮಾನ್ಯ ಕೆರ್ಪಿನಾಕುಲು, ಮೂರ್ತಿಪೂಜೆ ಮಲ್ಪುನಾಕುಲು, ಬೊಕ್ಕ ಸುಳ್ಳುನು ಪ್ರೀತಿ ಮಲ್ಪುನಾಕುಲು ಮಾತೆರ್ಲಾ ಪಟ್ಟಣದ ಪಿದಯಿಡ್ ಉಲ್ಲೆರ್.

ಪ್ರಕಟಣೆ 3:9

ತನ್ಕುಲು ಯೆಹೂದ್ಯೆರಂದ್‌ದ್ ಕೊಚ್ಚೊನುನ ಸೈತಾನನ ಸಮಾಜೊಡ್ದು ಕೆಲೆವೆರ್ ಬತ್ತ್‌ದ್ ನಿನ ಕಾರ ಮುದೆಲ್‌ಗ್ ಅಡ್ಡಬೂರುಲೆಕ್ಕಲಾ ನಿನನ್ ಯಾನ್ ಪ್ರೀತಿ ಮಲ್ತ್‌ದೆ ಅಂದ್‌ದ್ ತೆರಿಯೊನುಲೆಕ್ಕಲಾ ಮಲ್ಪುವೆ.