ಫಿಲಿಪ್ಪಿಯೆರೆಗ್ 3:15 - ಪೊಸ ಒಡಂಬಡಿಕೆ

¹⁵ ನಮ್ಮಾಕುಲೆಡ್ ಮಾತೆರ್ಲಾ ಆತ್ಮೀಕ ರೀತಿಡ್ ಪರಿಪೂರ್ಣ ಆತಿನಾಕುಲು ಉಂದೇ ಅಭಿಪ್ರಾಯದಾಕುಲು ಆದುಪ್ಪುಗ. ಬೊಕ್ಕ ಒವ್ವಾಂಡಲಾ ಒಂಜಿ ಸಂಗತಿಡ್ ನಿಕ್ಲೆಡ್ ಬೇತೆ ಅಭಿಪ್ರಾಯದಾಕುಲು ಆದಿತ್ತೆರ್ಡ ದೇವೆರ್ ಅವೆನ್ ನಿಕ್ಲೆಗ್ ಸ್ಪಷ್ಟ ಮಲ್ತ್‌ದ್ ತೋಜಾವೆ.

ಫಿಲಿಪ್ಪಿಯೆರೆಗ್ 3:15 Cross References

ಮತ್ತಾಯೆ 5:48

ಅಂಚಾಯಿನೆಡ್ದ್ ಪರಲೋಕೊಡುಪ್ಪು ನಿಕ್ಲೆನ ಅಮ್ಮೆ ದೋಷದಾಂತಿನಾಯೆ ಆದುಪ್ಪುಲೆಕ್ಕ ನಿಕುಲುಲಾ ದೋಷದಾಂತಿನಾಕುಲು ಆದುಪ್ಪುಲೆ.

ಲೂಕೆ 11:13

ಅಂಚಾಂಡ ಪಡಿಕೆಂತಿನಕುಲಾಯಿ ನಿಕುಲು ನಿಕ್ಲೆನ ಜೋಕುಲೆಗ್ ಎಡ್ಡೆ ವಸ್ತುಲೆನ್ ಕೊರ್ಪಿನಕುಲಾಂಡ ಪರಲೋಕೊಡುಪ್ಪು ನಿಕ್ಲೆನ ಅಮ್ಮೆ ತನಡ ಕೇನುನಾಕುಲೆಗ್ ಏತೋ ಹೆಚ್ಚಾದ್ ಪರಿಶುದ್ಧಾತ್ಮನ ವರೊಕ್ಲೆನ್ಲಾ ಕೊರುವೆತ್ತಾ?” ಅಂದ್‌ದ್ ಪಂಡೆ.

ಯೋಹಾನೆ 6:45

‘ಅಕುಲು ಮಾತೆರ್ಲಾ ದೇವೆರೆಡ್ದ್ ಕಲ್ತಿನಾಕುಲಾದುಲ್ಲೆರ್,’ ಅಂದ್‌ದ್ ಪ್ರವಾದಿಲೆಡ್ ಬರೆತ್ಂಡ್. ಅಮ್ಮೆರೆಡ್ದ್ ಕೇಂಡ್ದ್ ಕಲ್ತಿನಾಕುಲು ಮಾತೆರ್ಲಾ ಎನ ಕೈತಲ್‌ ಬರ್ಪೆರ್.

ಯೋಹಾನೆ 7:17

ಆಯ ಚಿತ್ತದ ಲೆಕ್ಕ ನಡಪೆರೆ ಏರೆಗ್ ಮನಸುಂಡಾ ಅಕ್ಲೆಗ್ ಈ ಬೋಧನೆ ದೇವೆರೆಡ್ದ್ ಬೈದಿನವಾ, ಇಜ್ಜಿಂಡ ಎನ ಸ್ವಂತ ಅಧಿಕಾರೊಡ್ದು ಪಂಡಿನವಾ ಅಂದ್‌ದ್ ಗೊತ್ತಾವು.

ರೋಮಾಯೆರೆಗ್ 15:1

ನಂಬಿಕೆಡ್ ಬಲ ಇತ್ತಿನಾಕುಲು ನಮ, ಬಲದಾಂತಿನಾಕುಲೆ ದುನ್ನೊನು ತುಂಬೊನಿಯೆರೆಗ್ ಕೈ ಕೊರೊಡು. ನಮನೇ ನಮನ್ ಮೆಚ್ಚಾವೊನಿಯೆರೆ ಬಲ್ಲಿ.

1 ಕೊರಿಂಥ್ಯೆರೆಗ್ 14:20

ಸಹೋದ್ರೆರೇ, ಬುದ್ಧಿದ ಸಂಗತಿಡ್ ಜೋಕುಲೆ ಲೆಕ್ಕ ಉಪ್ಪಡೆ; ಪಡಿಕೆಂತಿನೆತ್ತ ವಿಷಯೊಲೆಡ್ ಜೋಕುಲಾದೆ ಇತ್ತ್‌ದ್ ಬುದ್ಧಿದ ಸಂಗತಿಡ್ ಪ್ರಾಯಸ್ಥೆರಾದುಪ್ಪುಲೆ.

1 ಕೊರಿಂಥ್ಯೆರೆಗ್ 2:6

ಆಂಡ ನಂಬಿಕೆಡ್ ದೃಢ ಆದುಪ್ಪುನಾಕುಲೆಡ ಎಂಕುಲು ಗೇನೊಡೇ ಪಾತೆರ್‌ವ; ಆಂಡ ಈ ಲೋಕದ ಗೇನೊಡತ್ತ್; ನಾಶಾದ್ ಪೋಪಿನ ಈ ಲೋಕದ ಅಧಿಕಾರಿಲೆ ಬುದ್ಧಿವಂತಿಕೆಡ್ಲಾ ಅತ್ತ್.

ಗಲಾತ್ಯೆರೆಗ್ 5:10

ನಿಕುಲು ಬೇತೆ ಸಾದಿಡ್ ಪೋಪುಜರ್ ಅಂದ್‌ದ್ ಕರ್ತವಡ್ ಎಂಕ್ ಭರವಸೆ ಉಂಡು. ನಿಕ್ಲೆಡ್ ಗಲಿಬಿಲಿ ಪುಟ್ಟಾವುನಾಯೆ ಏರೇ ಆವಡ್, ಆಯೆ ನ್ಯಾಯತೀರ್ಪುಗು ಗುರಿ ಆಪೆ.

ಎಫೆಸ್ಯೆರೆಗ್ 1:17

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತ ದೇವೆರ್ ಆದುಪ್ಪು ಮೈಮೆದ ಅಮ್ಮೆ, ನಿಕ್ಲೆಗ್ ತಿಳುವಳಿಕೆದ ಆತ್ಮೊನ್ಲಾ ಪ್ರಕಟನೆನ್ಲಾ ಕೊರ್ದು, ನಿಕುಲು ದೇವೆರೆ ಗೇನೊಡು ಬುಲೆವೊಡು ಅಂದ್‌ದ್ ಯಾನ್ ನಟ್ಟೊನ್ವೆ.

ಕೊಲೊಸ್ಸಿಯೆರೆಗ್ 1:28

ಆಯನ್ ಎಂಕುಲು ಸಾರಿಯುನಾಕುಲಾದ್ ಮಾತೆರೆಗ್ಲಾ ಬುದ್ಧಿದ ಪಾತೆರ ಪನೊಂದು ಮಾತೆರೆಗ್ಲಾ ಪೂರ್ತಿ ಗೇನದ ಬೋಧನೆ ಮಲ್ತೊಂದು ದೇವೆರೆ ದುಂಬು ಮಾತೆರೆನ್ಲಾ ಕ್ರಿಸ್ತನ ತಿಳುವಳಿಕೆಡ್ ಪೂರ್ತಿ ಆದ್ ಉಂತಾವೆರೆ ಪ್ರಯತ್ನ ಮಲ್ತೊಂದುಲ್ಲ.

ಕೊಲೊಸ್ಸಿಯೆರೆಗ್ 4:12

ಕ್ರಿಸ್ತ ಯೇಸುನ ಸೇವಕೆ ಆಯಿ ನಿಕ್ಲೆ ಊರುದಾಯೆ ಎಪಫ್ರೆ ತನ ವಂದನೆಲೆನ್ ತೆರಿಪಾದೆ. ಆಯೆ ಪ್ರಾರ್ಥನೆ ಮಲ್ತೊಂದುಪ್ಪುನಗ ನಿಕ್ಲೆಗ್ ಬೋಡಾದ್ ಹೋರಾಟ ಮಲ್ತೊಂದು ನಿಕುಲು ತಿಳುವಳಿಕೆ ಇತ್ತಿನಕುಲಾದ್ ಮಾತೆಟ್ಟ್ ದೇವೆರೆ ಚಿತ್ತೊಗು ಒಳಗಾದ್ ದೃಢ ನಿಚ್ಚಯೊಡು ನಿಲೆ ಆಪಿಲೆಕ್ಕ ಆಸಕ್ತಿಡ್ ನಟ್ಟೊಂದುಲ್ಲೆ.

1 ಥೆಸಲೋನಿಕೆರೆಗ್‌ 4:9

ಸಹೋದ್ರ ಪ್ರೀತಿದ ಬಗೆಟ್ ನಿಕ್ಲೆಗ್ ಬರೆಪಿನ ಅಗತ್ಯ ಇಜ್ಜಿ, ಒರಿಯನ್ ಒರಿ ಪ್ರೀತಿ ಮಲ್ಪೊಡು ಪನ್ಪಿನೆನ್ ನಿಕುಲೇ ದೇವೆರೆಡ್ದ್ ಕಲ್ತ್‌ದ್‌ರ್‌.

2 ತಿಮೋಥಿ 3:17

ಅಂಚಾದ್ ದೇವೆರೆ ಜನೊಕುಲು ಮಾತ ಎಡ್ಡೆ ಕೆಲಸೊಗು ಪರಿಪೂರ್ಣೆರಾದ್ ತಯಾರಾದುಪ್ಪುವೆರ್.

ಇಬ್ರಿಯೆರೆಗ್ 5:14

ಗಟ್ಟಿದ ತಿನಸ್ ಪ್ರಾಯಸ್ಥೆರೆಗ್ ಅಂದ್ಂಡ ಗೇನ ಸಾದನೆಡ್ದ್ ಉಂದು ಎಡ್ಡೆಂತಿನ ಉಂದು ಹಾಳ್ ಇನ್ಪಿ ಭೇದೊನು ತೆರಿದಿನಾಕುಲೆಗಾದುಂಡು.

1 ಯೋಹಾನೆ 2:5

ಏರಾಂಡಲಾ ಆಯನ ಪಾತೆರೊನು ಕೈಕೊಂದು ನಡಪುವೆಡ ಆಯಡ ನಿಜಾದ್ ದೇವೆರೆ ಪ್ರೀತಿ ಪೂರ್ತಿ ಆದುಂಡು. ಇಂಚಿನ ಕಾರ್ಯೊಡ್ದು ನಮ ಆಯಡ ಒಂಜಾದುಲ್ಲ ಅಂದ್‌ದ್ ತೆರಿಯೊನ್ವ.