ಫಿಲಿಪ್ಪಿಯೆರೆಗ್ 3:14 - ಪೊಸ ಒಡಂಬಡಿಕೆ

¹⁴ ಈ ಪಾರುನೆತ್ತ ಕಡೆ ಮುಟ್ಟೆರೆಗಾದ್ ಪ್ರಯಾಸ ಮಲ್ತೊಂದುಲ್ಲೆ; ನಮನ್ ದೇವೆರ್, ಕ್ರಿಸ್ತ ಯೇಸುಡ್ದಾದ್ ಲೆತ್ತಿನ ಆ ಪರಲೋಕದ ಉಡಿಗೆರೆನ್ ದೆತ್ತೊನೆರೆಗಾದ್ ಪಾರೊಂದುಲ್ಲೆ.

ಫಿಲಿಪ್ಪಿಯೆರೆಗ್ 3:14 Cross References

ಲೂಕೆ 16:16

“ನ್ಯಾಯಕಟ್ಟ್‌ಲಾ ಪ್ರವಾದಿಲುಲಾ ಯೋಹಾನನ ಮುಟ್ಟ ಮಾತ್ರ. ಐಡ್ದ್ ಬೊಕ್ಕ ದೇವೆರೆ ರಾಜ್ಯದ ಸುವಾರ್ತೆ ಸಾರಿಯೊಂದು ಉಂಡು. ಐಟ್ಟ್ ಮಾತೆರ್ಲಾ ಬಲತ್ಕಾರೊಡು ನೂರುವೆರ್.

ರೋಮಾಯೆರೆಗ್ 11:29

ದೇವೆರ್ ತಾನೇ ಕೊರ್ಪಿನ ಉಡಿಗೆರೆಗ್ಲಾ ಲೆಪ್ಪುಗ್ಲಾ ತನ ಮನಸ್‌ನ್ ತಿರ್ಗಾವುನಾಯೆ ಅತ್ತ್.

1 ಕೊರಿಂಥ್ಯೆರೆಗ್ 9:24

ಓಟದ ರಂಗಸ್ಥಳೊಟು ಬಲ್ಪುನಾಕುಲು ಮಾತೆರ್ಲಾ ಪಾರಿಯೆರ್ಡಲಾ ಒರಿಯಗ್ ಮಾತ್ರ ಇನಾಮು ತಿಕ್ಕುಂಡು ಅಂದ್‌ದ್ ಗೊತ್ತಿಜ್ಜಾ? ನಿಕುಲುಲಾ ಇನಾಮು ತಿಕ್ಕೆರೆಗಾದ್ರನೇ ಪಾರ್‌ಲೆ.

2 ಕೊರಿಂಥ್ಯೆರೆಗ್ 4:17

ದಾಯೆಗಂದ್ಂಡ, ಒಂತೆ ಸಮಯ ಮಾತ್ರ ಹಗುರಾದುಪ್ಪುನ ಎಂಕುಲೆ ಭಂಗ, ನಿತ್ಯ ಮೈಮೆದ ರಾಶಿನ್ ಎಂಕ್ಲೆಗ್ ಉಂಡು ಮಲ್ಪುಂಡು.

ಫಿಲಿಪ್ಪಿಯೆರೆಗ್ 3:3

ನಿಜವಾಯಿನ ಸುನ್ನತಿದಾಕುಲು ಏರ್ ಅಂದ್ಂಡ, ದೇವೆರಾತ್ಮೊಡ್ದು ಪ್ರೇರಣೆ ಆದ್ ಆರಾಧನೆ ಮಲ್ಪುನಾಕುಲುಲಾ ಕ್ರಿಸ್ತ ಯೇಸುಡು ಸಂತೋಷ ಮಲ್ಪುನಾಕುಲುಲಾ ಶರೀರ ಸಮ್ಮಂಧವಾದುಪ್ಪುನೆಟ್ ಭರವಸ ದೀವಂದೆ ಉಪ್ಪು ನಮನೇ.

ಕೊಲೊಸ್ಸಿಯೆರೆಗ್ 2:18

ಕೆಲೆವೆರ್ ತೀರಾ ತಗ್ಗಾವೊನ್ನೆಟ್ಲಾ ದೂತೆರೆ ಪೂಜೆ ಮಲ್ತ್‌ದ್ ತನ್ಕುಲೆಗ್ ದರ್ಶನ ಆತ್ಂಡ್ ಅಂದ್‌ದ್ ಪುಗರೊನ್ವೆರ್ ಬೊಕ್ಕ ಲೌಕೀಕ ಬುದ್ಧಿಡ್ ಆಧಾರದಾಂತೆ ಸೊರ್ಕುದು ಪೋತೆರ್.

1 ಥೆಸಲೋನಿಕೆರೆಗ್‌ 2:12

ನಿಕ್ಲೆನ್ ತನ ರಾಜ್ಯೊಗ್ಲಾ ಮೈಮೆಗ್ಲಾ ಪಾಲ್‌ದಾರೆರ್ ಆಯೆರೆ ಲೆತ್ತಿ ದೇವೆರೆಗ್ ಯೋಗ್ಯಾದ್ ನಡತೊನೊಡು ಅಂದ್‌ದ್ ಕಂಡಿತಾದ್ ಪನ್ಪಿನೆನ್ ನಿಕುಲು ತೆರಿದುಲ್ಲರ್.

2 ತಿಮೋಥಿ 1:9

ದೇವೆರ್ ನಮ ಎಡ್ಡೆ ಕೆಲಸೊನು ತೂದು ಅತ್ತ್, ತನ ಚಿತ್ತದ ಪ್ರಕಾರ ದಯೆಟ್ ನಮನ್ ರಕ್ಷಣೆ ಮಲ್ತ್‌ದ್ ಪರಿಶುದ್ಧರಾಯೆರೆಗಾದ್ ಲೆತ್ತೆ. ಈ ದಯ ಆದಿಕಾಲೊಗು ದುಂಬು ಕ್ರಿಸ್ತ ಯೇಸುಡು ನಂಕ್ ದೀತ್ಂಡ್. ಇತ್ತೆ ನಮ ರಕ್ಷಕೆ ಆದುಪ್ಪುನ ಯೇಸು ಕ್ರಿಸ್ತಡ್ ತೋಜಿದ್ ಬತ್ತಿನೆಡ್ದ್ ಅವು ನಂಕ್ ತೆರಿದ್ ಬತ್ತ್ಂಡ್. ಆಯೆ ಮರಣದ ಬಲೊನು ಪೊಲ್ತುದು ಸುವಾರ್ತೆಡ್ದ್ ಜೀವೊಗ್ಲಾ ನಿತ್ಯತ್ವೊಗ್ಲಾ ಉಪ್ಪುನ ಸಾದಿದ ಬೊಲ್ಪುನು ತೋಜಾಯೆ.

ಇಬ್ರಿಯೆರೆಗ್ 3:1

ಅಂಚಾಯಿನೆಡ್ದ್ ದೇವಜನೊಕುಲಾಯಿ ಸಹೋದ್ರೆರೇ ಪರಲೋಕದ ಭಾಗ್ಯೊಡು ಪಾಲ್‌ದಾರೆರಾವೆರೆ ಲೆಪ್ಪು ಪಡೆತಿನಾಕುಲೆ, ನಮ ನಿಗಂಟ್ ಮಲ್ತೊಂದು ಒಪ್ಪಿಯೊಂಡಿನ ಅಪೊಸ್ತಲೆಲಾ ಪ್ರಧಾನಯಾಜಕೆಲಾ ಆಯಿ ಯೇಸುನು ಗೇನ ಕೊರ್ದು ಯೋಚನೆ ಮಲ್ಪುಲೆ.

ಇಬ್ರಿಯೆರೆಗ್ 6:1

ಅವೆಡ್ದಾವರ ಜೀವದಾಂತಿ ಕೆಲಸೊಲೆ ಮಿತ್ತ್ ನಂಬಿಕೆನ್ ಬುಡ್ದು ದೇವೆರೆಡನೇ ನಂಬಿಕೆ ದೀವೊಡಾಯಿನವು, ಪಶ್ಚಾತಾಪ ಪಡೆಪಿನ, ದೀಕ್ಷಾಸ್ನಾನ, ಹಸ್ತಾರ್ಪಣೆದ ಬೋಧನೆ, ಸೈತಿನಾಕುಲೆಡ್ದ್ ಲಕ್ಕುನವು, ನಿತ್ಯನ್ಯಾಯತೀರ್ಪು ಉಂಡು ಪನ್ಪಿನವು. ಇಂಚಿತ್ತಿನೆತ್ತ ಕ್ರಿಸ್ತಡುಪ್ಪು ಅಡಿಪಾಯೊನು ಗಡಿಗಡಿ ಪಾಡಂದೆ ಪೂರ್ತಿ ಆಯಿ ತಿಳುವಳಿಕೆಗ್ ಸಾಗೊಂದು ಪೋಯಿ.

1 ಪೇತ್ರೆ 1:13

ಅಂಚಾಯಿನೆಡ್ದ್ ನಿಕುಲು ನಿಕ್ಲೆ ಉಡಲ್‌ನ್ ಸೇವೆಗಾದ್ ತಯಾರ್ ಮಲ್ಪುಲೆ, ಸ್ವಸ್ಥಚಿತ್ತೊಡುಪ್ಪುಲೆ. ಯೇಸು ಕ್ರಿಸ್ತೆ ಕುಡೊರ ಬನ್ನಗ ನಿಕ್ಲೆಗ್ ತಿಕ್ಕುನ ದಯತ ಮಿತ್ತ್ ನಿರೀಕ್ಷೆನ್ ದೀಲೆ.

1 ಪೇತ್ರೆ 5:10

ಯೇಸು ಕ್ರಿಸ್ತಡ್ ಒಂಜಾದುಪ್ಪು ನಿಕ್ಲೆನ್ ತನ ನಿತ್ಯ ಮೈಮೆಗ್ ಲೆತ್ತಿ ಪೂರ್ತಿ ದಯತ ದೇವೆರ್, ಒಂತೆ ಸಮಯ ಸಂಕಟ ಬತ್ತಿ ಬೊಕ್ಕ ನಿಕ್ಲೆನ್ ತಕ್ಕ ಸ್ಥಿತಿಗ್ ಕನತ್‌ದ್ ದೃಢ ಮಲ್ತ್‌ದ್, ಬಲ ಪಡೆಪಾವೆ.

2 ಪೇತ್ರೆ 1:3

ತನ ಮೈಮೆಡ್ದ್‌ಲಾ ಸದ್ಗುಣೊಡ್ದ್‌ಲಾ ನಮನ್ ಲೆಯ್ದಿನ ದೇವೆರೆನ್ ತೆರಿಯೊಂದಿನಾಕುಲೆಗ್ ತನ ದಿವ್ಯ ಬಲೊಡ್ದು ಭಕ್ತಿದ ಜೀವನ ಮಲ್ಪೆರೆ ಬೋಡಾಪಿನ ಮಾತೆನ್ಲಾ ಒದಗಾದ್ ಕೊರ್ತೆ.

ಪ್ರಕಟಣೆ 3:21

ಯಾನ್ ಗೆಂದ್‌ದ್ ಎನ ಅಮ್ಮೆರೆಡೊಪ್ಪ ಗದ್ದಿಗೆಡ್ ಕುಲ್ಲಿನಂಚೆನೇ, ಗೆಂದಿನಾಯಗ್ ಎನಡೊಪ್ಪ ಗದ್ದಿಗೆಡ್ ಕುಲ್ಲುಲೆಕ್ಕ ಮಲ್ಪುವೆ.