ಫಿಲಿಪ್ಪಿಯೆರೆಗ್ 3:12 - ಪೊಸ ಒಡಂಬಡಿಕೆ

¹² ಉಂದೆತ್ತ ಅರ್ಥ ಯಾನ್ ಇತ್ತೆನೇ ಮಾತೆನ್ ಪಡೆಯೊಂಡೆ ಪಂಡ್ದಾವಡ್, ಪರಿಪೂರ್ಣತೆಗ್ ಮುಟ್ಟಿಯೆ ಪಂಡ್ದಾವಡ್ ಪನ್ಪುಜಿ. ಆಂಡ ಕ್ರಿಸ್ತ ಯೇಸು ಒಯಿಕಾದ್ ಎನನ್ ಪತ್ತಿಯೆನಾ ಅವೆನ್ ಪತ್ತೊನೊಡು ಅಂದ್‌ದ್ ಪ್ರಯತ್ನ ಮಲ್ತೊಂದುಲ್ಲೆ.

ಫಿಲಿಪ್ಪಿಯೆರೆಗ್ 3:12 Cross References

ಮತ್ತಾಯೆ 5:48

ಅಂಚಾಯಿನೆಡ್ದ್ ಪರಲೋಕೊಡುಪ್ಪು ನಿಕ್ಲೆನ ಅಮ್ಮೆ ದೋಷದಾಂತಿನಾಯೆ ಆದುಪ್ಪುಲೆಕ್ಕ ನಿಕುಲುಲಾ ದೋಷದಾಂತಿನಾಕುಲು ಆದುಪ್ಪುಲೆ.

ಅಪೊ.ಕ್ರಿ 9:15

ಕರ್ತವೆ ಆಯಗ್, “ಈ ಪೋಲ; ಆ ನರಮಾನಿ ಪಿದಯಿದ ಜನೊಕುಲೆಗ್ಲಾ ಅರಸರೆಗ್ಲಾ ಇಸ್ರಾಯೇಲ್ಯೆರೆಗ್ಲಾ ಎನ ಪುದರ್‌ಡ್ ಸೇವೆ ಮಲ್ಪೆರೆಗಾದ್ ಬೊಕ್ಕ ಎನ ಪುದರ್ ಸಾರಿಯೆರೆಗಾದ್‌ಲಾ ಯಾನ್ ಆಯನ್ ಅಜತ್ ದೆತ್ತೊಂದಿನಾಯೆ ಆದುಲ್ಲೆ.

1 ಕೊರಿಂಥ್ಯೆರೆಗ್ 13:10

ಆಂಡ ಪರಿಪೂರ್ಣವಾಯಿನವು ಬರ್ಪಿನಪಗ ಒಂತೊಂತೆ ಇತ್ತಿನವು ಇಜ್ಜಾಂದೆ ಪೋವು.

1 ಕೊರಿಂಥ್ಯೆರೆಗ್ 13:12

ಇತ್ತೆ ನಮ (ದೇವೆರೆ ಮೋನೆನ್) ಕನ್ನಡಿಡ್ ತೋಜುಲೆಕ್ಕನೆ ತೂಪ; ಆಂಡ ಬೊಕ್ಕ ಎದುರೆದುರು ತೂವ. ಇತ್ತೆ ಎಂಕ್ ಒಂತೊಂತೆನೆ ತೆರಿದುಂಡು; ಆಂಡ ಅಪಗ ದೇವೆರ್ ಎನನ್ ತೆರಿಯೊನುಲೆಕ್ಕ ಯಾನ್ಲಾ ಪೂರ್ತಿ ಆದ್ ತೆರಿಯೊನ್ವೆ.

1 ಕೊರಿಂಥ್ಯೆರೆಗ್ 9:24

ಓಟದ ರಂಗಸ್ಥಳೊಟು ಬಲ್ಪುನಾಕುಲು ಮಾತೆರ್ಲಾ ಪಾರಿಯೆರ್ಡಲಾ ಒರಿಯಗ್ ಮಾತ್ರ ಇನಾಮು ತಿಕ್ಕುಂಡು ಅಂದ್‌ದ್ ಗೊತ್ತಿಜ್ಜಾ? ನಿಕುಲುಲಾ ಇನಾಮು ತಿಕ್ಕೆರೆಗಾದ್ರನೇ ಪಾರ್‌ಲೆ.

2 ಕೊರಿಂಥ್ಯೆರೆಗ್ 13:9

ಎಂಕುಲು ಬಲದಾಂತಿನಾಕುಲು ಆದಿತ್ತ್‌ಂಡಲಾ ನಿಕುಲು ಬಲತ್ತಾಕುಲು ಆದುಪ್ಪುನೆಟ್ಟ್ ಎಂಕುಲು ಸಂತೋಷ ಮಲ್ಪುವ. ನಿಕುಲು ಕ್ರೈಸ್ತ ಜೀವನೊಡು ಸಮರ್ಥೆರ್ ಆವೊಡು ಪಂಡ್ದ್ ದೇವೆರೆಡ ಎಂಕುಲು ನಟ್ಟೊನ್ವ.

2 ಕೊರಿಂಥ್ಯೆರೆಗ್ 7:1

ಪ್ರೀತಿದಾಕುಲೇ, ಈ ವಾಗ್ದಾನೊಲು ನಂಕುಪ್ಪುನೆಡ್ದ್, ನಮ ಶರೀರದ ಬೊಕ್ಕ ಆತ್ಮದ ಮೈಲೆನ್ ಶುದ್ಧ ಮಲ್ತೊಂದು, ಪರಿಶುದ್ಧೆರಾಪಿಲೆಕ್ಕ ದೇವೆರೆ ಪೋಡಿಗೆಡ್ ಉಪ್ಪೆರೆ ಪ್ರಯತ್ನ ಮಲ್ಪುಗ.

ಗಲಾತ್ಯೆರೆಗ್ 5:17

ದಾಯೆಗಂದ್ಂಡ ಶರೀರಭಾವದ ಇಚ್ಚೆ ಆತ್ಮೊಗು ವಿರೋಧ ಆದುಂಡು. ಆತ್ಮ ಶರೀರಭಾವದ ಇಚ್ಚೆಗ್ ವಿರೋಧ ಆದುಂಡು. ಈ ರಡ್ಡ್ ಶಕ್ತಿಲು ನಿಕುಲು ಬಯಕುನೆನ್ ಮಲ್ಪಂದಿಲೆಕ್ಕ ಒಂಜೆಕ್ಕೊಂಜಿ ವಿರೋಧ ಆದ್ ಹೋರಾಟ ಮಲ್ತೊಂದೇ ಉಪ್ಪುವ.

ಎಫೆಸ್ಯೆರೆಗ್ 1:4

ಎಂಚಂದ್ಂಡ ನಮ ಆಯನ ಸನ್ನಿಧಾನೊಡು ಪರಿಶುದ್ಧೆರ್ಲಾ ದೋಷದಾಂತಿನಾಕುಲುಲಾ ಆದುಪ್ಪೊಡಂದ್‌ದ್ ಲೋಕೊನು ಉಂಡು ಮಲ್ಪುನೆಡ್ದ್ ದುಂಬೇ ಕ್ರಿಸ್ತಡ್ ನಮನ್ ಅಜತ್ ದೆತ್ತೊಂಡೆ.

ಎಫೆಸ್ಯೆರೆಗ್ 4:12

ನಮ ನಂಬಿಕೆಡ್ ಐಕ್ಯತೆ ಉಂಡಾದ್ ದೇವೆರೆ ಮಗನ ಗೇನೊಡು ವೃದ್ಧಿ ಆದ್ ನಮ ಕರ್ತವಡ್ ಬಲ ಹೊಂದುದು ಕ್ರಿಸ್ತನ ಪೂರ್ತಿ ಯೋಗ್ಯತೆಗ್ ತಕ್ಕದಕುಲಾನ ಮುಟ್ಟ ಅಕ್ಲೆ ಸೇವೆಲು ದುಂಬು ಪೋಪುಂಡು. ದಾಯೆಗಂದ್ಂಡ ದೇವಜನೊಕುಲು ದೇವೆರೆ ಸೇವೆಗ್ ತನ್ಕುಲೆನ್ ತಯಾರ್ ಮಲ್ಪೆರೆ, ಬೊಕ್ಕ ಕ್ರಿಸ್ತನ ಶರೀರ ಆದುಪ್ಪು ಸಭೆನ್ ವೃದ್ಧಿ ಮಲ್ಪೆರೆ ಅಕ್ಲೆನ್ ಕೊರಿಯೆ.

ಫಿಲಿಪ್ಪಿಯೆರೆಗ್ 1:1

ಕ್ರಿಸ ಯೇಸುನ ದಾಸೆರಾದುಪ್ಪು ಪೌಲುಲಾ ತಿಮೋಥಿಲಾ ಫಿಲಿಪ್ಪಿಡುಪ್ಪು ಕ್ರಿಸ್ತ ಯೇಸುಡು ದೇವಜನೊಕುಲೆಗ್ಲಾ ಸಭಾದ್ಯಕ್ಷೆರೆಗ್ಲಾ ಸಭಾಸೇವಕೆರೆಗ್ಲಾ ಬರೆಪಿನಿ ದಾನೆಂದ್ಂಡ, ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

ಫಿಲಿಪ್ಪಿಯೆರೆಗ್ 3:16

ಆಂಡಲಾ, ನಮ ವಾ ಕ್ರಮೊನು ಪತ್ತೊಂದು ಇದ ಮುಟ್ಟ ಬೈದನಾ ಅವೆನೇ ಪತ್ತೊಂದು ನಡತೊನುಗ.

ಫಿಲಿಪ್ಪಿಯೆರೆಗ್ 3:3

ನಿಜವಾಯಿನ ಸುನ್ನತಿದಾಕುಲು ಏರ್ ಅಂದ್ಂಡ, ದೇವೆರಾತ್ಮೊಡ್ದು ಪ್ರೇರಣೆ ಆದ್ ಆರಾಧನೆ ಮಲ್ಪುನಾಕುಲುಲಾ ಕ್ರಿಸ್ತ ಯೇಸುಡು ಸಂತೋಷ ಮಲ್ಪುನಾಕುಲುಲಾ ಶರೀರ ಸಮ್ಮಂಧವಾದುಪ್ಪುನೆಟ್ ಭರವಸ ದೀವಂದೆ ಉಪ್ಪು ನಮನೇ.

ಫಿಲಿಪ್ಪಿಯೆರೆಗ್ 3:8

ಅಂದ್, ನೆಡ್ದ್ ಹೆಚ್ಚಾದ್ ಎನ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುನು ತೆರಿಯೊನುನೆತ್ತ ಮಲ್ಲ ಭಾಗ್ಯದ ಎದುರುಡು ಉಂದು ಮಾತಲಾ ವ್ಯರ್ಥ ಆದುಂಡು. ಆಯಗಾದ್ ಮಾತೆನ್ ಕಳೆವೊಂದು ಯಾನ್ ಅವೆನ್ ಕಜವು ಅಂದ್‌ದ್ ಎನ್ನ್‌ದೆ.

1 ಥೆಸಲೋನಿಕೆರೆಗ್‌ 5:15

ಏರ್ಲಾ ಅನ್ಯಾಯ ಮಲ್ತಿನಾಕುಲೆಗ್ ಅನ್ಯಾಯ ಮಲ್ಪೊಡ್ಚಿ. ಏಪಲಾ ನಿಕುಲು ಒರಿ ಒರಿಯಗಾದ್‌ಲಾ ಮಾತೆರೆಗಾದ್‌ಲಾ ಎಡ್ಡೆ ಮಲ್ಪೆರೆ ತೂಲೆ.

2 ಥೆಸಲೋನಿಕೆರೆಗ್‌ 2:13

ಆಂಡ ಕರ್ತವಗ್ ಪ್ರೀತಿ ಇತ್ತಿ ಸಹೋದ್ರೆರೇ, ದೇವೆರ್ ಸುರುಡ್ದು ನಿಕ್ಲೆನ್ ಪರಿಶುದ್ಧಾತ್ಮಡ್ ಶುದ್ಧ ಮಲ್ತ್‌ದ್ ಸತ್ಯದ ನಂಬಿಕೆಡ್ ತಿಕ್ಕು ರಕ್ಷಣೆಗ್ ಆದಿಡ್ದ್ ಅಜತ್‌ದ್ ದೆತ್ತೊಂಡಿನೆಡ್ದ್ ಎಂಕುಲು ನಿಕ್ಲೆನ ಸಂಗತಿಡ್ ದೇವೆರೆಗ್ ಏಪಲಾ ಉಪಕಾರ ಮಲ್ಪುನವು ಅಗತ್ಯ ಆದುಂಡು.

1 ತಿಮೋಥಿ 5:10

ಆಲ್ ಎಡ್ಡೆ ಕೆಲೊಸೊಡು ಪುದರ್ ಪಡೆಯಿನಾಲ್ ಆದುಪ್ಪೊಡು, ಪಂಡ ಜೋಕುಲೆನ್ ತಾಂಕ್‌ದಿನಾಲ್‌ಲಾ, ಬಿನ್ನೆರೆನ್ ಸುದರಿಪುನಾಲ್‌ಲಾ, ದೇವಜನೊಕುಲೆನ್ ಸತ್ಕಾರ ಮಲ್ಪುನಾಲ್‌ಲಾ, ಭಂಗೊಡು ಇತ್ತಿನಾಕುಲೆಗ್ ಸಹಾಯ ಮಲ್ಪುನಾಲ್‌ಲಾ ಮಾತ ಎಡ್ಡೆ ಕೆಲೊಸೊಡು ಆಸಕ್ತಿದಾಲ್‌ಲಾ ಆದುಪ್ಪೊಡು.

1 ತಿಮೋಥಿ 6:19

ತನ್ಕುಲು ನಿತ್ಯಜೀವೊನು ಪತ್ತೊನುಲೆಕ್ಕ ಬರ್ಪಿ ಕಾಲೊಗು ಎಡ್ಡೆ ಬುನಾದಿನ್ ತನ್ಕುಲೆಗ್ ಕೂಡಾವೊನೊಡು ಪಂಡ್ದ್ ಅಕ್ಲೆಗ್ ಅಪ್ಪಣೆ ಕೊರ್ಲ.

ಇಬ್ರಿಯೆರೆಗ್ 12:14

ಮಾತೆರೆಡೊಪ್ಪ ಸಮಾಧಾನೊಡುಪ್ಪೆರೆಲಾ ಪರಿಶುದ್ಧತೆಡ್ ಉಪ್ಪುನೆಕ್ಕ್‌ಲಾ ಪ್ರಯತ್ನ ಮಲ್ಪುಲೆ. ಪರಿಶುದ್ಧತೆ ಇಜ್ಜಂದೆ ಏರ್ಲಾ ಕರ್ತವನ್ ತೂಪುಜೆರ್.

ಇಬ್ರಿಯೆರೆಗ್ 12:23

ಪರಲೋಕೊಡು ಪುದರ್ ಬರೆಪಾವೊಂಡಿ ಕಡೀರ್‌ದ ಜೋಕುಲೆನ ಸಭೆಕ್ಲಾ, ಮಾತೆರೆಗ್ ನ್ಯಾಯಾಧಿಪತಿ ಆಯಿ ದೇವೆರೆ ಕೈತಲ್‌ಗ್ಲಾ, ಸಂಪೂರ್ಣ ಆಯಿ ನೀತಿವಂತೆರೆ ಆತ್ಮೊಲೆ ಕೈತಲ್‌ಗ್ಲಾ ಬೈದರ್.

ಯಾಕೋಬು 3:2

ಮಸ್ತ್ ಸಂಗತಿಡ್ ನಮ ಮಾತೆರ್ಲಾ ದಿಂಜ ತಪ್ಪು ಮಲ್ಪುನಾಕುಲೇ. ಒರಿ ಪಾತೆರೊಡು ತಪ್ಪುಜೆಡ ಆಯೆ ತಕ್ಕದಾಯೆ, ತನ ಶರೀರೊನು ಹತೋಟಿಡ್ ದೀವೊನುನಾಯೆ ಪರಿಪೂರ್ಣೆ ಆದುಲ್ಲೆ.

1 ಪೇತ್ರೆ 5:10

ಯೇಸು ಕ್ರಿಸ್ತಡ್ ಒಂಜಾದುಪ್ಪು ನಿಕ್ಲೆನ್ ತನ ನಿತ್ಯ ಮೈಮೆಗ್ ಲೆತ್ತಿ ಪೂರ್ತಿ ದಯತ ದೇವೆರ್, ಒಂತೆ ಸಮಯ ಸಂಕಟ ಬತ್ತಿ ಬೊಕ್ಕ ನಿಕ್ಲೆನ್ ತಕ್ಕ ಸ್ಥಿತಿಗ್ ಕನತ್‌ದ್ ದೃಢ ಮಲ್ತ್‌ದ್, ಬಲ ಪಡೆಪಾವೆ.

2 ಪೇತ್ರೆ 3:18

ಆಂಡ ನಮ ಕರ್ತವೆಲಾ ರಕ್ಷಕೆಲಾ ಆದುಪ್ಪು ಯೇಸು ಕ್ರಿಸ್ತನ ದಯೊಟುಲಾ ಗೇನೊಡುಲಾ ಬಲಪುಲೆ, ಆಯಗ್ ಇತ್ತೆಲಾ ಏನಿತ್ಯೇನಿಗ್ಲಾ ಮೈಮೆ ಆವಡ್, ಆಮೆನ್.