ಫಿಲಿಪ್ಪಿಯೆರೆಗ್ 3:10 - ಪೊಸ ಒಡಂಬಡಿಕೆ

¹⁰ ಯೇಸು ಕ್ರಿಸ್ತನ್ ತೆರಿಯೊಂದು ಆಯನ್ ಸೈತಿನಾಕುಲೆಡ್ದ್ ಲಕ್ಕಾಯಿನ ಮಲ್ಲ ಶಕ್ತಿನ್ ಅನುಭವ ಮಲ್ತೊಂದು, ಆಯಡೊಪ್ಪ ಶ್ರಮೆನ್ ಸೈಸೊಂದು ಆಯ ಮರಣೊಡು ಪಾಲ್‌ದಾರೆ ಆವೊಡು ಅಂದ್‌ದ್ ಆಸೆ ಮಲ್ಪುವೆ.

ಫಿಲಿಪ್ಪಿಯೆರೆಗ್ 3:10 Cross References

ಮತ್ತಾಯೆ 20:23

ಅಪಗ ಆಯೆ ಅಕ್ಲೆಡ, “ಎನ ಕಷ್ಟೊಡು ನಿಕುಲು ಪಾಲ್‌ದಾರೆರ್ ಆವರ್ ಸರಿ. ಆಂಡ ಎನ ಬಲತ್ತ ಮರ್ಗಿಲ್ಡಾವಡ್ ದತ್ತ ಮರ್ಗಿಲ್ಡಾವಡ್ ಕುಲ್ಲಾವುನ ಎನ ಬೇಲೆ ಅತ್ತ್. ಎನ ಅಮ್ಮೆರೆಡ್ದ್ ಅವು ಏರೆಗ್ ತಯಾರ್ ಮಲ್ತ್‌ದುಂಡಾ ಅಕ್ಲೆಗ್ ತಿಕ್ಕುಂಡು,” ಅಂದ್‌ದ್ ಪಂಡೆ.

ಯೋಹಾನೆ 10:18

ಎನಡ್ದ್ ಎನ ಪ್ರಾಣೊನು ಏರ್ಲಾ ದೆಪ್ಪಾಯೆರ್. ಎನ್ನಾತೆಗ್ ಎನ ಪ್ರಾಣೊನು ಯಾನ್ ಕೊರ್ಪೆ. ಅವೆನ್ ಕೊರಿಯೆರೆ ಎಂಕ್ ಅಧಿಕಾರ ಉಂಡು, ಅತ್ತಂದೆ ಅವೆನ್ ಪಿರ ದೆತ್ತೊನೆರೆಲಾ ಎಂಕ್ ಅಧಿಕಾರ ಉಂಡು. ಇಂಚ ಮಲ್ಪೊಡು ಅಂದ್‌ದ್ ಎನ ಅಮ್ಮೆ ಎಂಕ್ ಅಪ್ಪಣೆ ಕೊರ್ತೆ,” ಪಂಡೆ.

ಯೋಹಾನೆ 17:3

ಒರಿಯೇ ನಿಜ ದೇವೆರ್ ಆದುಪ್ಪು ನಿನನ್ಲಾ ಈ ಕಡಪುಡ್ದಿ ಯೇಸು ಕ್ರಿಸ್ತನ್ಲಾ ತೆರಿಯೊನುನವೇ ನಿತ್ಯಜೀವ.

ರೋಮಾಯೆರೆಗ್ 8:17

ನಮ ಜೋಕುಲು ಆದುಲ್ಲಡ ಹಕ್ಕ್‌ದಾಕುಲಾದುಲ್ಲ, ದೇವೆರೆ ಹಕ್ಕ್‌ದಾಕುಲಾದುಲ್ಲ, ಅಂಚೆನೆ ಕ್ರಿಸ್ತಡೊಪ್ಪಲಾ ಹಕ್ಕ್‌ದಾಕುಲಾದುಲ್ಲ. ದಾಯೆಗಂದ್ಂಡ ಕ್ರಿಸ್ತನ ಭಾದೆಲೆಡ್ ನಮ ಪಾಲ್ ದೆತ್ತೊನುವಡ ಆಯ ಮೈಮೆಡ್ಲಾ ನಂಕ್ ಪಾಲುಂಡು.

ರೋಮಾಯೆರೆಗ್ 8:29

ದಾಯೆಗಂದ್ಂಡ ದೇವೆರ್ ತನ ಮಗಕ್ಕ್ ಸುಮಾರ್ ಜನ ಸಹೋದ್ರೆರ್ ಇತ್ತ್‌ದ್ ಅಕ್ಲೆಡ್ ಆಯೆನೇ ಕಡೀರ್‌ದಾಯೆ ಆವೊಡು ಪಂಡ್ದ್ ಎನ್ನ್‌ದ್ ತಾನ್ ಏರೆನ್ ತನ್ನಾಕುಲು ಪಂಡ್ದ್ ದುಂಬು ತೆರಿಯೊಂಡೆನಾ ಅಕ್ಲೆನ್ ತನ ಮಗನಲೆಕ್ಕ ದುಂಬೇ ನೇಮಕ ಮಲ್ತೆ.

ರೋಮಾಯೆರೆಗ್ 8:36

ಶಾಸ್ತ್ರೊಡು ಇಂಚೆನೇ ಬರೆದುಂಡು, “ದೇವೆರೇ, ಎಂಕುಲು ನಿನಡ್ದಾದ್ ದಿನ ಇಡೀ ಮರಣದ ಪೋಡಿಗೆಡ್ ಉಲ್ಲ; ಕೆರಿಯೆರೆಗುಪ್ಪುನ ಕುರಿತ ಲೆಕ್ಕನೇ ಎಂಕುಲು ಉಲ್ಲ.”

2 ಕೊರಿಂಥ್ಯೆರೆಗ್ 1:10

ಆಯೆ ಎಂಕ್ಲೆನ್ ಅಂಚಿತ್ತಿ ಭಯಂಕರ ಮರಣೊಡ್ದು ತಪ್ಪಾಯೆ; ದುಂಬಗ್ಲಾ ತಪ್ಪಾವೆ. ಆಯೆ ನನಲಾ ಎಂಕ್ಲೆನ್ ತಪ್ಪಾವೆ ಅಂದ್‌ದ್ ಎಂಕ್ಲೆಗ್ ಆಯ ಮಿತ್ತ್ ಭರವಸ ಉಂಡು.

2 ಕೊರಿಂಥ್ಯೆರೆಗ್ 1:5

ದಾಯೆಗಂದ್ಂಡ ಕ್ರಿಸ್ತಡ್ ನಂಕ್ ಭಂಗೊಲು ಎಂಚ ಹೆಚ್ಚಾಪುಂಡಾ ಅಂಚೆನೇ ಕ್ರಿಸ್ತಡ್ದ್ ನಂಕ್ ಆಧರಣೆಲಾ ತಿಕ್ಕುಂಡು.

2 ಕೊರಿಂಥ್ಯೆರೆಗ್ 13:4

ಆಯನ್ ಕ್ರುಸ್ಸುಗು ಪಾಡ್ನಗ ಬಲದಾಂತಿನಾಯೆ ಆದಿತ್ತೆ. ಆಂಡಲಾ ದೇವೆರೆ ಬಲೊಟು ಬದುಕುನಾಯೆ ಆದುಲ್ಲೆ. ಎಂಕುಲುಲಾ ಆಯನ ಬಲದಾಂತಿನೆಟ್ಟ್ ಪಾಲ್‌ದಾರೆರಾದುಲ್ಲ. ಆಂಡಲಾ ಆಯಡೊಪ್ಪ ದೇವೆರೆ ಬಲೊಡ್ದು ನಿಕ್ಲೆಗಾದ್ ಎಂಕುಲು ಬದುಕೊಂದುಲ್ಲ.

ಗಲಾತ್ಯೆರೆಗ್ 6:17

ಇಂಚಿನ ಸಂಗತಿಲೆಡ್ದಾದ್ ನನ ಎಂಕ್ ಏರ್ಲಾ ತೊಂದರೆ ಕೊರಡೆ. ದಾಯೆಗಂದ್ಂಡ ಎನ ಶರೀರದ ಮಿತ್ತುಪ್ಪುನ ಗಾಯದ ಕಲೆತ ಗುರ್ತ, ಯಾನ್ ಯೇಸುನ ಸೇವಕೆ ಪಂಡ್ದ್ ತೋಜಾವುಂಡತ್ತಾ.

ಫಿಲಿಪ್ಪಿಯೆರೆಗ್ 3:8

ಅಂದ್, ನೆಡ್ದ್ ಹೆಚ್ಚಾದ್ ಎನ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುನು ತೆರಿಯೊನುನೆತ್ತ ಮಲ್ಲ ಭಾಗ್ಯದ ಎದುರುಡು ಉಂದು ಮಾತಲಾ ವ್ಯರ್ಥ ಆದುಂಡು. ಆಯಗಾದ್ ಮಾತೆನ್ ಕಳೆವೊಂದು ಯಾನ್ ಅವೆನ್ ಕಜವು ಅಂದ್‌ದ್ ಎನ್ನ್‌ದೆ.

ಕೊಲೊಸ್ಸಿಯೆರೆಗ್ 1:24

ಯಾನ್ ಇತ್ತೆ ನಿಕ್ಲೆಗಾದ್ ಅನುಭವ ಮಲ್ತಿ ಭಂಗೊಲೆಡ್ ಸಂತೋಷ ಪಡೆಯೊಂದುಲ್ಲೆ. ಕ್ರಿಸ್ತನ ಭಂಗೊಲೆಡ್ ಬಾಕಿ ಒರಿದಿನೆನ್ ಸಭೆ ಇನ್ಪಿ ಆಯನ ಶರೀರೊಗಾದ್ ಎನ ಶರೀರೊಡು ಅನುಭವ ಮಲ್ತ್‌ದ್ ತೀರಿಸಾವೆ.

ಕೊಲೊಸ್ಸಿಯೆರೆಗ್ 2:13

ಅಪರಾಧೊನು ಮಲ್ಪುನೆಡ್ದ್‌ಲಾ ಅಂಚೆನೆ ಸುನ್ನತಿದಾಂತಿ ಶರೀರಬಾವೊಡ್ದುಲಾ ಸೈತಿನಾಕುಲಾದಿತ್ತಿ ನಿಕ್ಲೆನ್ಲಾ ದೇವೆರ್ ಕ್ರಿಸ್ತಡೊಪ್ಪ ಬದ್‌ಕಾಯೆ. ಆಯೆ ನಮ ಮಾತ ಅಪರಾಧೊಲೆನ್ ಮಾಪು ಮಲ್ತ್‌ದ್ ನಮ ಮಿತ್ತ್ ಇತ್ತಿನ ದೂರು ಪಾಡುನ ಬೊಕ್ಕ ನಂಕ್ ವಿರೋಧ ಆದುಪ್ಪು ನಿಯಮೊಲು ಇನ್ಪಿ ಕಾನೂನು ಪತ್ರೊನು ರದ್ದ್ ಮಲ್ತ್‌ದ್ ಅವೆನ್ ಕ್ರುಸ್ಸುಗು ಪಾಡ್ದ್ ದಾಂತಿಲೆಕ್ಕ ಮಲ್ತೆ.

ಕೊಲೊಸ್ಸಿಯೆರೆಗ್ 3:1

ನಿಕುಲು ಕ್ರಿಸ್ತಡ್ ಲಕ್ಕಾದಿನಾಕುಲಾದ್ ಉಪ್ಪುನೆಡ್ದ್, ನಿಕುಲು ಮಿತ್ತ್‌ದ ಸಂಗತಿಲೆಡ್ ಮನಸ್ ದೀಲೆ. ಅವುಲು ಕ್ರಿಸ್ತೆ ದೇವೆರೆ ಬಲತ್ತ ಮರ್ಗಿಲ್‌ಡ್ ಕುಲ್ಲೊಂದುಲ್ಲೆ.

1 ಪೇತ್ರೆ 1:3

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಅಮ್ಮೆಲಾ ದೇವೆರ್‌ಲಾ ಆದುಪ್ಪುನಾಯಗ್ ಉಪಕಾರ ಸ್ತುತಿ ಆವಡ್. ದೇವೆರೆನ ಮಲ್ಲ ಕರುಣೆಡ್ದ್ ನಮ ಪೊಸತ್ತಾದ್ ಕುಡ ಪುಟ್ಟುದ. ದಾಯೆಗಂದ್ಂಡ ಯೇಸು ಕ್ರಿಸ್ತೆ ಸೈತ್‌ದ್ ಲಕ್ಕಿನೆಡ್ದ್ ನಂಕ್ ಜೀವ ಇತ್ತಿ ನಿರೀಕ್ಷೆ ಉಂಡು.

2 ಪೇತ್ರೆ 1:13

ಅಂಚಾಯಿನೆಡ್ದ್ ಯಾನ್ ಎನ ಶರೀರ ಇನ್ಪಿ ಗುಡಾರೊಡು ಉಪ್ಪುನ ಮುಟ್ಟ ನಿಕ್ಲೆಗ್ ಅಪಗಪಗ ನೆನೆಪು ಪುಟ್ಟಾವುನವು ಯೋಗ್ಯ ಅಂದ್‌ದ್ ಎನ್ನುವೆ.

1 ಯೋಹಾನೆ 2:3

ಬೊಕ್ಕ ನಮ ಆಯ ಅಪ್ಪಣೆಲೆನ್ ಕೈಕೊಂದು ನಡಪುವಡ, ಕಂಡಿತಾದ್ ನಮ ಆಯನ್ ತೆರಿದ ಅಂದ್‌ದ್ ಆಪುಂಡು.

1 ಯೋಹಾನೆ 2:5

ಏರಾಂಡಲಾ ಆಯನ ಪಾತೆರೊನು ಕೈಕೊಂದು ನಡಪುವೆಡ ಆಯಡ ನಿಜಾದ್ ದೇವೆರೆ ಪ್ರೀತಿ ಪೂರ್ತಿ ಆದುಂಡು. ಇಂಚಿನ ಕಾರ್ಯೊಡ್ದು ನಮ ಆಯಡ ಒಂಜಾದುಲ್ಲ ಅಂದ್‌ದ್ ತೆರಿಯೊನ್ವ.

ಪ್ರಕಟಣೆ 1:18

ಯಾನ್ ಸೈತ್‌ದಿನಾಯೆ ಅಂದ್, ಆಂಡ ತೂಲ ಯಾನ್ ಏನಿತ್ಯೇನಿಗ್ಲಾ ಬದುಕುನಾಯೆ ಆದುಲ್ಲೆ. ಮರಣದವುಲಾ ಪಾತಾಳದವುಲಾ ಬೀಗದ ಕೈ ಎನಡ ಉಂಡು.