ಫಿಲಿಪ್ಪಿಯೆರೆಗ್ 3:1 - ಪೊಸ ಒಡಂಬಡಿಕೆ

¹ ಕಡೇತ ಪಾತೆರ ದಾನೆಂದ್ಂಡ, ಎನ ಸಹೋದ್ರೆರೇ, ಎಂಚಿನ ಆಂಡಲಾ ಕರ್ತವಡ್ ಸಂತೋಷ ಮಲ್ಪುಲೆ. ಎಂಕ್ ಈ ಪಾತೆರೊಲೆನ್ ಕುಡ ನಿಕ್ಲೆಗ್ ಬರೆಪಿನೆಟ್ಟ್ ದಾಲಾ ಬೇಜರ್ ಇಜ್ಜಿ; ಅವು ನಿಕ್ಲೆನ್ ಜೋಕೆಡ್ ಕಾತೊಂದುಪ್ಪುಂಡು.

ಫಿಲಿಪ್ಪಿಯೆರೆಗ್ 3:1 Cross References

ಮತ್ತಾಯೆ 5:12

“ಸಂತೋಷೊಡುಪ್ಪುಲೆ, ಉಲ್ಲಾಸೊಡುಪ್ಪುಲೆ, ಪರಲೋಕೊಡು ನಿಕ್ಲೆಗ್ ದಿಂಜ ಫಲ ಉಂಡು. ನಿಕ್ಲೆಡ್ದ್ ದುಂಬು ಇತ್ತಿ ಪ್ರವಾದಿಲೆಗ್ಲಾ ಅಕುಲು ಇಂಚೆನೆ ಭಂಗ ಕೊರ್ತೆರತ್ತಾ.

ಲೂಕೆ 1:47

ಎನ ಆತ್ಮ, ಎನ ರಕ್ಷಕೆ ಆದುಪ್ಪು ದೇವೆರೆ ಬಗೆಟ್ ಉಲ್ಲಾಸ ಮಲ್ಪುಂಡು.

ರೋಮಾಯೆರೆಗ್ 5:11

ಈತ್ ಮಾತ್ರ ಅತ್ತ್; ಯೇಸು ಕ್ರಿಸ್ತಡ್ದ್ ಸಂದಾನ ಪಡೆದ್ ಮಾತ ಸಂಗತಿಲೆಡ್ ನಮ ದೇವೆರೆ ಸ್ನೇಹಿತೆರಾಯಿನೆಡ್ದ್ ಸಂತೋಷ ಮಲ್ಪುವ.

2 ಕೊರಿಂಥ್ಯೆರೆಗ್ 13:11

ಕಡೆಕ್ಕ್ ಸಹೋದ್ರೆರೇ, ಸಂತೋಷೊಡುಪ್ಪುಲೆ, ಪೂರ್ತಿ ಸರಿ ಆವೊನ್ಲೆ. ಎನ ಬುದ್ಧಿ ಪಾತೆರೊಗು ಕೆಬಿ ಕೊರ್ಲೆ. ಒಂಜೆ ಮನಸ್‌ದಾಕುಲು ಆದುಪ್ಪುಲೆ, ಸಮಾಧಾನೊಡುಪ್ಪುಲೆ. ಅಪಗ ಪ್ರೀತಿನ್ಲಾ ಶಾಂತಿನ್ಲಾ ಕೊರ್ಪಿನ ದೇವೆರ್ ನಿಕ್ಲೆಡೊಪ್ಪ ಉಪ್ಪುವೆ.

ಎಫೆಸ್ಯೆರೆಗ್ 6:10

ಕಡೆತ ಪಾತೆರ ದಾನೆಂದ್ಂಡ, ನಿಕುಲು ಕರ್ತವಡ್ಲಾ ಆಯನ ಶಕ್ತಿಡ್ಲಾ ಬಲ ಪಡೆಲೆ.

ಫಿಲಿಪ್ಪಿಯೆರೆಗ್ 3:3

ನಿಜವಾಯಿನ ಸುನ್ನತಿದಾಕುಲು ಏರ್ ಅಂದ್ಂಡ, ದೇವೆರಾತ್ಮೊಡ್ದು ಪ್ರೇರಣೆ ಆದ್ ಆರಾಧನೆ ಮಲ್ಪುನಾಕುಲುಲಾ ಕ್ರಿಸ್ತ ಯೇಸುಡು ಸಂತೋಷ ಮಲ್ಪುನಾಕುಲುಲಾ ಶರೀರ ಸಮ್ಮಂಧವಾದುಪ್ಪುನೆಟ್ ಭರವಸ ದೀವಂದೆ ಉಪ್ಪು ನಮನೇ.

ಫಿಲಿಪ್ಪಿಯೆರೆಗ್ 4:4

ಕರ್ತವಡ್ ಏಪಲಾ ಸಂತೋಷ ಮಲ್ಪುಲೆ. ಕುಡ ಪನ್ಪೆ ಸಂತೋಷ ಮಲ್ಪುಲೆ.

ಫಿಲಿಪ್ಪಿಯೆರೆಗ್ 4:8

ಕಡೆಕ್ಕ್ ಸಹೋದ್ರೆರೇ, ಒವು ಮಾತ ಸತ್ಯದವು ಮಾರ್ಯಾದಿದವು ನೀತಿದವು, ನಿರ್ಮಲದವು ಪ್ರೀತಿದವು ಬೊಕ್ಕ ಮಾತೆರ್ ಮೆಚ್ಚುನವು ಆದುಂಡಾ ಒವು ಎಡ್ಡೆಂತಿನ ಆದುಂಡಾ ಬೊಕ್ಕ ಪುಗರಿಕೆಗ್ ಯೋಗ್ಯದವು ಆದುಂಡಾ ಅವೆನ್ ಮಾತ ನೆನೆಪುಗು ಕನಲೆ.

1 ಥೆಸಲೋನಿಕೆರೆಗ್‌ 4:1

ಕಡೆಕ್ಕ್ ಸಹೋದ್ರೆರೇ, ದೇವೆರೆಗ್ ಮೆಚ್ಚಿಗೆ ಆಪಿನ ಜೀವನ ಎಂಚ ಮಲ್ಪೊಡಂದ್‌ದ್ ಎಂಕ್ಲೆಡ್ದ್ ಕಲ್ತೊಂಡರ್. ಅಂಚೆನೇ ನಡತೊಂದುಲ್ಲರ್; ನನಲಾ, ಹೆಚ್ಚೆಚ್ಚಾದ್ ನಡಪುಡೊಡು ಅಂದ್‌ದ್ ಎಂಕುಲು ಕರ್ತವೆ ಆದುಪ್ಪು ಯೇಸುಡ ನಟ್ಟೊಂದು ಬುದ್ಧಿ ಪನ್ಪ.

1 ಥೆಸಲೋನಿಕೆರೆಗ್‌ 5:16

ಏಪಲಾ ಸಂತೋಷೊಡುಪ್ಪುಲೆ.

ಯಾಕೋಬು 1:2

ಎನ ಸಹೋದ್ರೆರೇ, ನಿಕ್ಲೆನ ನಂಬಿಕೆಗ್ ಆಪಿನ ಪರೀಕ್ಷೆ ತಾಳ್ಮೆನ್ ಪುಟ್ಟಾವುಂಡು ಅಂದ್‌ದ್ ತೆರಿಯೊಂದು, ನಿಕುಲು ತರತರತ ಭಂಗೊಡು ತಿಕ್ಕ್‌ದ್ ಬೂರ್ನಗ, ಅವು ಸಂತೋಷನೆ ಅಂದ್‌ದ್ ಎನ್ನೊನ್ಲೆ.

1 ಪೇತ್ರೆ 3:8

ಕಡೆಕ್ಕ್ ನಿಕುಲು ಮಾತೆರ್ಲಾ ಒಂಜೇ ಮನಸಾದ್, ಸಹೋದ್ರ ಸುಖದುಃಖೊಡು ಸೇರ್ದ್, ಮೆಗ್ಯೆಪಲಯಾಡ್ಲೆ ಲೆಕ್ಕ ಒರಿಯನೊರಿ ಪ್ರೀತಿ ಮಲ್ತೊಂದು, ಕನಿಕರ ಬೊಕ್ಕ ದೀನ ಭಾವೊಡು ಉಪ್ಪುಲೆ.

1 ಪೇತ್ರೆ 4:13

ನಿಕುಲು ಏತ್‌ನೆಂಗೆ ಕ್ರಿಸ್ತ ಶ್ರಮೆಟ್ ಪಾಲ್‌ದಾರೆರ್ ಆದುಪ್ಪುವರಾ ಆತ್‌ನೆಂಗೆ ಸಂತೋಷೊಡುಪ್ಪುಲೆ. ಅಂಚೆನೇ ಕ್ರಿಸ್ತೆ ಮೈಮೆಡ್ ತೋಜಿದ್ ಬನ್ನಗ ನಿಕುಲು ಉಲ್ಲಾಸಾದುಪ್ಪುಲೆ.

2 ಪೇತ್ರೆ 3:1

ಪ್ರೀತಿದಾಕುಲೇ, ನಿಕ್ಲೆಗ್ ಇತ್ತೆ ಬರೆಪಿನವು ರಡ್ಡನೆ ಪತ್ರಿಕೆ. ಈ ರಡ್ಡ್ ಪತ್ರಿಕೆಡ್ಲಾ ಯಾನ್ ನಿಕ್ಲೆನ ಕಪಟದಾಂತಿ ಉಡಲ್‌ನ್ ಉತ್ತೇಜನ ಮಲ್ತೊಂದುಲ್ಲೆ.