ಫಿಲಿಪ್ಪಿಯೆರೆಗ್ 2:9 - ಪೊಸ ಒಡಂಬಡಿಕೆ

⁹ ಈ ಕಾರಣೊಡ್ದು ದೇವೆರ್ ಆಯನ್ ಮಿತ್ತ್‌ದ ಮಾನಾದಿಗೆದ ಸ್ಥಾನೊಗು ಏರಾದ್, ಮಾತ ಪುದರ್‌ಡ್ದ್‌ಲಾ ಮಿತ್ತ್‌ದ ಪುದರ್‌ನ್ ಆಯಗ್ ಕೊರಿಯೆ.

ಫಿಲಿಪ್ಪಿಯೆರೆಗ್ 2:9 Cross References

ಮತ್ತಾಯೆ 11:27

“ಎನ ಅಮ್ಮೆ ಮಾತೆನ್ ಎಂಕ್ ಒಚ್ಚಿದ್ ಕೊರ್ತೆ. ಅಮ್ಮೆ ಅತ್ತಂದೆ ಬೇತೆ ಏರ್ಲಾ ಮಗನ್ ತೆರಿಯಯೆ; ಬೊಕ್ಕ ಮಗೆ ಅತ್ತಂದೆ ಬೇತೆ ಏರ್ಲಾ ಅಮ್ಮೆರೆನ್ ತೆರಿಯಯೆ. ಬೊಕ್ಕ ಮಗೆ ಅಮ್ಮೆರೆನ್ ಏರೆಗ್ ತೋಜಾದ್ ಕೊರಿಯೆರೆ ಮನಸ್ ಮಲ್ತ್‌ದೆನಾ ಆಯೆಲಾ ಅಮ್ಮೆರೆನ್ ತೆರಿದಿನಾಯೆ ಆದುಲ್ಲೆ.”

ಮತ್ತಾಯೆ 28:18

ಅಪಗ ಯೇಸು ಕೈತಲ್‌ ಬತ್ತ್‌ದ್, “ಪರಲೋಕೊಡ್ಲಾ, ಭೂಲೋಕೊಡ್ಲಾ ಮಾತ ಅಧಿಕಾರ ಎಂಕ್ ಕೊರ್ತುಂಡು.

ಲೂಕೆ 10:22

ಎನ ಅಮ್ಮೆ ಮಾತೆನ್ ಎಂಕ್ ಒಚ್ಚಿದ್ ಕೊರ್ತೆ; ಮಗೆ ಇಂಚಿತ್ತಿನಾಯೆ ಅಂದ್‌ದ್ ಅಮ್ಮೆ ಅತ್ತಂದೆ ಬೇತೆ ಏರ್ಲಾ ತೆರಿದಿಜೆರ್; ಬೊಕ್ಕ ಅಮ್ಮೆ ಇಂಚಿತ್ತಿನಾಯೆ ಅಂದ್‌ದ್ ಮಗೆನೇ ಅತ್ತಂದೆ ಬೇತೆ ಏರ್ಲಾ ತೆರಿದಿಜೆರ್. ಬೊಕ್ಕ ಮಗೆ ಅಮ್ಮೆರೆನ್ ಏರೆಗ್ ತೋಜಾದ್ ಕೊರಿಯೆರೆ ಮನಸ್ ಮಲ್ತ್‌ದೆನಾ ಆಯೆಲಾ ಅಮ್ಮೆರೆನ್ ತೆರಿದಿನಾಯೆ ಆದುಲ್ಲೆ.” ಅಂದ್‌ದ್ ಪಂಡೆ.

ಯೋಹಾನೆ 13:3

ಅಮ್ಮೆ ತನ ಕೈಟ್ ಮಾತೆನ್ಲಾ ಕೊರ್ತೆ ಅಂದ್‌ದ್ ತಾನ್ ದೇವೆರೆ ಕಡೆಡ್ದ್ ಬೈದಿನಾಯೆ ಆದ್ ದೇವೆರೆ ಕೈತಲ್‌ ಪೋಪೆ ಪಂಡ್ದ್‌ಲಾ ಯೇಸು ತೆರಿಯೊಂದು

ಯೋಹಾನೆ 17:11

ನನ ಯಾನ್ ಲೋಕೊಡು ಉಪ್ಪುಜಿ, ಆಂಡ ಮೊಕುಲು ಲೋಕೊಡು ಉಪ್ಪುನಾಕುಲು, ಯಾನ್ ನಿನ ಕೈತಲ್‌ಗ್ ಬರ್ಪೆ. ಪರಿಶುದ್ಧ ಅಮ್ಮೆರೇ, ಎಂಕುಲು ಒಂಜಾದ್ ಇತ್ತಿಲೆಕ್ಕ ಮೊಕುಲುಲಾ ಒಂಜಾದುಪ್ಪೊಡು ಅಂದ್‌ದ್ ಈ ಎಂಕ್ ಕೊರಿ ನಿನ ಪುದರ್‌ಡ್ ಮೊಕ್ಲೆನ್ ಕಾತೊನ್ಲ.

ಯೋಹಾನೆ 17:12

ಯಾನ್ ಮೊಕ್ಲೆಡೊಪ್ಪ ಉಪ್ಪುನಗ, ಈ ಎಂಕ್ ಕೊರ್ತಿನ ನಿನ ಪುದರ್‌ಡ್ ಮೊಕ್ಲೆನ್ ಕಾತೊಂಡೆ. ಶಾಸ್ತ್ರದ ಪಾತೆರ ನಡಪುಲೆಕ್ಕ ನಾಶನೊಗು ಗುರಿ ಆಯಿ ಮಗೆನೇ ಅತ್ತಂದೆ ಮೊಕ್ಲೆಡ್ ಬೇತೆ ಏರ್ಲಾ ನಾಶ ಆತಿಜೆರ್.

ಯೋಹಾನೆ 17:5

ಅಮ್ಮೆರೇ, ಈ ಎನನ್ ಮೈಮೆ ಪಡೆಪಾಲ ಲೋಕ ಉಂಡಾಪಿನೆಕ್ಕ್ ದುಂಬು ನಿನ ಕೈತಲ್ ಎಂಕಿತ್ತಿ ಮೈಮೆಡ್ದೇ ಎನನ್ ಇತ್ತೆ ಮೈಮೆ ಪಡೆಪಾಲ.

ಅಪೊ.ಕ್ರಿ 5:31

ಇಸ್ರಾಯೇಲ್ಯೆರೆಗ್ ಪಶ್ಚಾತಾಪೊನ್ಲಾ ಪಾಪ ಪರಿಹಾರೊನ್ಲಾ ಕೊರಿಯೆರೆ ಬೋಡಾದ್ ದೇವೆರೆ ತನ್ನ ಬಲತ್ತ ಕೈಡ್ದ್ ಮಿತ್ತ್‌ದ ಸ್ಥಾನೊಗು ಏರಾದ್ ಆಯನ್ ನಾಯಕೆಲಾ, ರಕ್ಷಕೆಲಾ ಮಲ್ತೆ.

ಎಫೆಸ್ಯೆರೆಗ್ 1:10

ಆ ಗುಟ್ಟು ಉಂದೇ, ಕಾಲ ಸಂದ್‌ನಗ, ಪರಲೋಕೊಡ್ಲಾ ಭೂಲೋಕೊಡ್ಲಾ ಉಪ್ಪುನ ಮಾತಲಾ ಕ್ರಿಸ್ತಡ್ ಒಂಜಾದುಪ್ಪೊಡಂದೇ ನಿರ್ಧಾರ ಆದಿತ್ತ್ಂಡ್.

ಕೊಲೊಸ್ಸಿಯೆರೆಗ್ 1:18

ಸಭೆ ಇನ್ಪಿ ಶರೀರೊಗು ಆಯೆ ತರೆ ಆದುಲ್ಲೆ. ತಾನ್ ಮಾತೆಟ್ಟ್ ದುಂಬುದಾಯೆ ಆಪಿಲೆಕ್ಕ ಆಯೆ ಸುರುತ್ತಾಯೆಲಾ ಸೈತಿನಾಕುಲೆಡ್ದ್ ದುಂಬತ್ತ ಲಕ್ಕ್‌ದ್ ಕಡೀರ್‌ದಾಯೆಲಾ ಮಾತೆಟ್ಲಾ ಸರ್ವಶ್ರೇಷ್ಠದಾಯೆಲಾ ಆದುಲ್ಲೆ.

2 ಥೆಸಲೋನಿಕೆರೆಗ್‌ 1:12

ಇಂಚ ನಮ ದೇವೆರೆನಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನಲಾ ದಯೆಡ್ದ್ ನಮ ಕರ್ತವೆ ಆದುಪ್ಪು ಯೇಸು ಪುದರ್‌ಗ್ ಮೈಮೆ ಆವಡ್ ಬೊಕ್ಕ ಆಯಡ್ದ್ ನಿಕ್ಲೆಗ್ಲಾ ಮೈಮೆ ಆವಡ್. ಆಮೆನ್.

ಇಬ್ರಿಯೆರೆಗ್ 1:4

ಆಯೆ ದೂತೆರೆಡ್ದ್‌ಲಾ ಏತೋ ಮಲ್ಲಾಯೆ. ಅಕ್ಲೆಡ್ದ್ ಏತೋ ಮಲ್ಲ ಪುದರ್‌ನ್ಲಾ ದೆತ್ತೊಂದೆ ಅತ್ತಾ?

ಇಬ್ರಿಯೆರೆಗ್ 1:9

ಈ ನೀತಿನ್ ಪ್ರೀತಿ ಮಲ್ತ್‌ದ, ಅನ್ಯಾಯೊನು ಪಗೆ ಮಲ್ತ. ಅಂಚಾದ್ ದೇವೆರ್ ನಿನ ದೇವೆರೇ, ನಿನನ್ ನಿನ ಪಾಸಡಿದಾಕುಲೆಡ್ದ್ ಮಲ್ಲ ಸ್ಥಾನೊಗು ಏರಾದ್ ಸಂತೋಷದ ಎಣ್ಣೆನ್ ಮೈತ್‌ದ್ ನಿನನ್ ಅಭಿಷೇಕ ಮಲ್ತ್‌ದೆ.

ಇಬ್ರಿಯೆರೆಗ್ 2:9

ಆಂಡಲಾ ದೂತೆರೆಡ್ದ್ ಒಂತೆ ಕಡಿಮೆ ಮಲ್ಪಾಯಿ ಒರಿ ಅಂದ್ಂಡ ಯೇಸು, ಪ್ರಭಾವೊನ್ಲಾ ಮಾನೊನ್ಲಾ ಕಿರೀಟ ಆದ್ ಪಡೆದುಪ್ಪುನೆನ್ ನಮ ತೂಪ. ಆಯೆ ಸೈತಿನೆಡ್ದೇ ಮಾನ ಪ್ರಭಾವೊನು ಹೊಂದಿಯೆ. ಆಯೆ ದೇವೆರೆ ದಯೊಡ್ದು ಮಾತೆರೆಗಾದ್ ಮರಣೊನು ಅನುಭವ ಮಲ್ಪೊಡೇ ಆದಿತ್ತ್ಂಡ್.

1 ಪೇತ್ರೆ 3:22

ಇತ್ತೆ ಆಯೆ ಪರಲೋಕೊಗು ಪೋದು ದೇವೆರೆ ಬಲತ್ತ ಮರ್ಗಿಲ್‌ಡ್ ಉಲ್ಲೆ. ದೂತೆರ್, ಅಧಿಕಾರಿಲು, ಶಕ್ತಿಲು ಮಾತಲಾ ಆಯಗ್ ಒಳಗಾದುಂಡು.

2 ಪೇತ್ರೆ 1:17

“ಇಂಬೆ ಎನ ಪ್ರೀತಿದ ಮಗೆ, ಆಯಡ ಎಂಕ್ ಮೆಚ್ಚಿಗೆ ಉಂಡು,” ಇನ್ಪಿ ಘನಸ್ತಿಕೆ ಇತ್ತಿ ಮೈಮೆದ ಸ್ವರ ಆಯಗ್ ಆನಗ, ಅಮ್ಮೆ ಆದುಪ್ಪು ದೇವೆರೆಡ್ದ್ ಮಾನ ಮೈಮೆನ್ ಪಡೆಯೆ.

3 ಯೋಹಾನೆ 1:7

ದಾಯೆಗಂದ್ಂಡ, ಅಕುಲು ಕ್ರಿಸ್ತನ ಪುದರ್‌ಡ್ ಪಿದಾಡ್ದೆರ್, ಬೊಕ್ಕ ನಂಬಿಕೆದಾಂತಿನಾಕುಲೆಡ್ದ್ ದಾದಲಾ ದೆತ್ತೊನುಜೆರ್.

ಪ್ರಕಟಣೆ 11:15

ಬೊಕ್ಕ ಏಳನೇ ದೂತೆ ತುತೂರಿ ಉರ್ಪುನಗ ಪರಲೋಕೊಡು ಮಲ್ಲ ಶಬ್ಧ ಆದ್ ಪಂಡಿನಿ, “ಲೋಕದ ರಾಜ್ಯಾಧಿಕಾರ ನಮ ಕರ್ತವಗ್ಲಾ ಆಯೆ ಅಭಿಷೇಕ ಮಲ್ತಿನಾಯಗ್ಲಾ ಉಂಡಾಂಡ್, ಆಯೆ ಏನಿತ್ಯೇನಿಗ್ಲಾ ಆಳುವೆ,” ಅಂದ್‌ದ್ ಪಂಡ್ಂಡ್.

ಪ್ರಕಟಣೆ 19:16

ಆಯನ ತೊಡೆತ ಮಿತ್ತ್‌ದ ಕುಂಟುಡು, “ರಾಜಾದಿರಾಜೆಲಾ ಕರ್ತವೆರೆ ಕರ್ತವೆಲಾ,” ಇನ್ಪಿ ಪುದರ್ ಬರೆತ್ಂಡ್.

ಪ್ರಕಟಣೆ 3:21

ಯಾನ್ ಗೆಂದ್‌ದ್ ಎನ ಅಮ್ಮೆರೆಡೊಪ್ಪ ಗದ್ದಿಗೆಡ್ ಕುಲ್ಲಿನಂಚೆನೇ, ಗೆಂದಿನಾಯಗ್ ಎನಡೊಪ್ಪ ಗದ್ದಿಗೆಡ್ ಕುಲ್ಲುಲೆಕ್ಕ ಮಲ್ಪುವೆ.

ಪ್ರಕಟಣೆ 5:12

ಬೊಕ್ಕ ಅಕುಲು ಗಟ್ಟಿ ಸ್ವರೊಟ್ಟು ರಾಗ ಮಲ್ತೊಂದಿತ್ತೆರ್, “ಬಲಿ ಆದುಪ್ಪು ಕುರಿತ ಕಿನ್ನಿ ಆದುಪ್ಪುನಾಯೆ ಬಲ, ಐಶ್ವರ್ಯ, ಗೇನ, ಸಾಮರ್ಥ್ಯ, ಮಾನ, ಮೈಮೆ ಬೊಕ್ಕ ಆಶೀರ್ವಾದ ಪಡೆವೊನ್ರೆ ತಕ್ಕದಾಯೆ ಆದುಲ್ಲೆ,” ಅಂದ್‌ದ್ ಪಂಡೆರ್.