ಫಿಲಿಪ್ಪಿಯೆರೆಗ್ 2:8 - ಪೊಸ ಒಡಂಬಡಿಕೆ

⁸ ಇಂಚ ಆಯೆ ನರಮಾನಿ ರೂಪೊಡು ತೋಜಿದ್ ಬತ್ತಿನಪಗ, ಆಯೆ ತನನ್ ತಗ್ಗಾವೊಂದು ಮರಣ ಮುಟ್ಟ ಪಂಡ, ಕ್ರುಸ್ಸುದ ಮರಣದ ಮುಟ್ಟ ಒಪ್ಪಿಸಾದ್ ಕೊರಿಯೆ.

ಫಿಲಿಪ್ಪಿಯೆರೆಗ್ 2:8 Cross References

ಮತ್ತಾಯೆ 17:2

ಅಲ್ಪ ಅಕ್ಲೆನ ಕಣ್ಣೆದುರುಡು ಆಯನ ರೂಪ ಬೇತೆ ಆಂಡ್; ಆಯ ಮೋನೆ ಸೂರ್ಯದಲೆಕ್ಕ ಮಿಂಚಿಂಡ್; ಆಯೆ ಪಾಡ್ದಿನ ಕುಂಟುಲು ಬೊಲ್ಪುದ ಲೆಕ್ಕನೇ ಬೊಲ್ದಾಂಡ್.

ಮತ್ತಾಯೆ 26:39

ಒಂತೆ ದುಂಬು ಪೋದು ಅಡ್ಡಬೂರ್ದು, “ಎನ ಅಮ್ಮೆರೇ, ಸಾದ್ಯ ಇತ್ತ್ಂಡ ಈ ಕಷ್ಟ ಅನುಭವಿಪುನ ದುನ್ನ ಎನನ್ ಬುಡ್ದು ಪೋವಡ್; ಎಂಚಲಾ ಎನ ಚಿತ್ತದ ಲೆಕ್ಕ ಅತ್ತ್ ನಿನ ಚಿತ್ತದಲೆಕ್ಕನೇ ಆವಡ್ ಅಂದ್‌ದ್ ದೇವೆರೆಡ ಪ್ರಾರ್ಥನೆ ಮಲ್ತೆ.”

ಮತ್ತಾಯೆ 26:42

ಕುಡ ರಡ್ಡನೆ ಸರ್ತಿ ಪೋದು, “ಎನ ಅಮ್ಮೆರೆ, ಯಾನ್ ಪರಂದೆ ಈ ಕಷ್ಟ ಅನುಭವಿಪುನ ದುನ್ನ ಎನಡ್ದ್ ಬುಡ್ದು ಪೋಯೆರೆ ಬಲ್ಲಿಂದ್ ಇತ್ತ್ಂಡ ನಿನ ಚಿತ್ತದಲೆಕ್ಕನೇ ಆವಡ್ ಅಂದ್‌ದ್,” ಪ್ರಾರ್ಥನೆ ಮಲ್ತೆ.

ಲೂಕೆ 9:29

ಆಯೆ ಪ್ರಾರ್ಥನೆ ಮಲ್ತೊಂದುಪ್ಪುನಗ ಆಯನ ಮೋನೆದ ರೂಪ ಬೇತೆ ಆಂಡ್. ಆಯನ ಕುಂಟು ಬೊಲ್ದು ಆದ್ ಮಿಂಚೊಂದು ಬತ್ತ್ಂಡ್.

ಯೋಹಾನೆ 10:18

ಎನಡ್ದ್ ಎನ ಪ್ರಾಣೊನು ಏರ್ಲಾ ದೆಪ್ಪಾಯೆರ್. ಎನ್ನಾತೆಗ್ ಎನ ಪ್ರಾಣೊನು ಯಾನ್ ಕೊರ್ಪೆ. ಅವೆನ್ ಕೊರಿಯೆರೆ ಎಂಕ್ ಅಧಿಕಾರ ಉಂಡು, ಅತ್ತಂದೆ ಅವೆನ್ ಪಿರ ದೆತ್ತೊನೆರೆಲಾ ಎಂಕ್ ಅಧಿಕಾರ ಉಂಡು. ಇಂಚ ಮಲ್ಪೊಡು ಅಂದ್‌ದ್ ಎನ ಅಮ್ಮೆ ಎಂಕ್ ಅಪ್ಪಣೆ ಕೊರ್ತೆ,” ಪಂಡೆ.

ಯೋಹಾನೆ 14:31

ಆಂಡಲಾ ಯಾನ್ ಅಮ್ಮೆರೆನ್ ಪ್ರೀತಿ ಮಲ್ಪುವೆ ಅಂದ್‌ದ್ ಲೋಕೊಗು ತೆರಿದುಪ್ಪೊಡು ಅಂದ್‌ದ್ ಅಮ್ಮೆ ಎಂಕ್ ಕೊರಿ ಅಪ್ಪಣೆಗಾದ್ ಉಂದೆನ್ ಮಲ್ಪುವೆ. ಲಕ್ಕ್‌ಲೆ, ನಮ ಮುಲ್ತುಡ್ದು ಪೋಯಿ.”

ಯೋಹಾನೆ 15:10

ಯಾನ್ ಎನ ಅಮ್ಮೆರೆನ ಅಪ್ಪಣೆಲೆನ್ ಕೈಕೊಂದು, ಆಯಡ ಪ್ರೀತಿಡ್ ನಿಲೆ ಆದಿತ್ತಿಲೆಕ್ಕ, ನಿಕುಲು ಎನ ಅಪ್ಪಣೆಲೆನ್ ಕೈಕೊನುವರ್ಡ, ಎನ ಪ್ರೀತಿಡ್ ನಿಕುಲು ನಿಲೆ ಆದುಪ್ಪುವರ್.

ಯೋಹಾನೆ 4:34

ಯೇಸು ಅಕ್ಲೆಡ, “ಎನನ್ ಕಡಪುಡ್ದಿನಾಯನ ಚಿತ್ತದ ಲೆಕ್ಕ ಮಲ್ತ್‌ದ್ ಮಲ್ಪುನವೇ ಎನ ವಣಸ್.

ಅಪೊ.ಕ್ರಿ 8:33

ಆಯಗ್ ಉಂಡಾಯಿ ಕಷ್ಟದ ಮಿತ್ತ್ ನ್ಯಾಯದಾಂತೆ ಪೋಂಡು; ಆಯನ ಸಂತಾನದ ಸಂಗತಿಡ್ ಪನಿಯೆರೆ ದಾದ ಉಂಡು? ಆಯನ ಜೀವೊನು ಈ ಭೂಮಿಡ್ದ್ ದೆತ್ತ್‌ದ್ ಬುಡಿಯರತ್ತಾ.”

ರೋಮಾಯೆರೆಗ್ 5:19

ಒರಿಯನ ತಿರಸ್ಕಾರೊಡ್ದು ಮಾತೆರ್ಲಾ ಪಾಪಿಲು ಆಯೆರಾ ಅಂಚೆನೇ ಒರಿಯನ ಎಡ್ಡೆ ಮನಸ್‌ಡ್ದ್ ಮಾತೆರ್ಲಾ ನೀತಿವಂತೆರಾಪೆರ್.

2 ಕೊರಿಂಥ್ಯೆರೆಗ್ 8:9

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ದಯೊನು ನಿಕುಲು ತೆರಿದರತ್ತಾ? ಆಯೆ ಐಶ್ವರ್ಯೊಡಿತ್ತೆಡಲಾ ತಾನ್ ಬಡತನೊಡು ಸೇರಿನೆಡ್ದ್ ನಿಕುಲು ಐಶ್ವರ್ಯವಂತೆರ್ ಆವೊಡು ಅಂದ್‌ದ್ ನಿಕ್ಲೆಗಾದ್ ಬಡವೆ ಆಯೆ.

ಗಲಾತ್ಯೆರೆಗ್ 3:13

ಕ್ರಿಸ್ತೆ ನಮನ್ ಶಾಪೊಡ್ದು ಬುಡ್ಪಾವೆರೆಗಾದ್ ತಾನೇ ಶಾಪಗ್ರಸ್ತೆ ಆಯೆ. ದಾಯೆಗ್ ಪಂಡ ನ್ಯಾಯಕಟ್ಟ್‌ಡ್ ಬರೆತ್ಂಡ್, “ಮರತ ಕಂಬೊಡು ನೇಲ್‌ದ್ ಸೈತಿನ ಪ್ರತಿಯೊರಿ ಶಾಪಗ್ರಸ್ತೆನೇ.”

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:14

ನಮನ್ ಮಾತ ಅನ್ಯಾಯೊಡ್ದು ಬುಡುಗಡೆ ಮಲ್ಪೆರೆಗಾದ್‌ಲಾ, ಎಡ್ಡೆ ಕೆಲಸೊಲೆಡ್ ಆಸಕ್ತಿ ಇತ್ತಿ ಜನೊಕುಲು ಆದುಪ್ಪೊಡಂದ್‌ದ್‌ಲಾ, ತನ ಸ್ವಂತ ಜನ ಆದ್ ಶುದ್ಧ ಮಲ್ಪುನೆಕ್ಕಾದ್‌ಲಾ ಯೇಸು ತನನ್ ತಾನೆ ನಂಕ್ ಬೋಡಾದ್ ಒಚ್ಚಿದ್ ಕೊರಿಯೆ.

ಇಬ್ರಿಯೆರೆಗ್ 12:4

ನಿಕುಲು ಪಾಪೊಗು ವಿರೋಧಾದ್ ಪೊಂರ್ಬುನೆಟ್ ನೆತ್ತೆರ್ ಗುಪ್ಪುನೆಟ್ಟಲಾ ವಿರೋಧ ಮಲ್ತ್‌ಜರ್.

1 ಪೇತ್ರೆ 2:24

ನಮ ಪಾಪೊಲೆಗಾದ್ ಸೈತ್‌ದ್ ನೀತಿವಂತೆರಾದ್ ಬದುಕುಲೆಕ್ಕ ಯೇಸು ನಮ ಪಾಪೊಲೆನ್ ತಾನೇ ತನ ಶರೀರೊಡು ತುಂಬೊಂದು ಮರಣದ ಕಂಬೊನು ಏರಿಯೆ. ಆಯನ ಗಾಯೊಡ್ದು ನಂಕ್ ಗುಣ ಆಂಡ್.

1 ಪೇತ್ರೆ 3:18

ಕ್ರಿಸ್ತೆಲಾ ನೀತಿವಂತೆ ಆದಿತ್ತ್‌ದ್ ನೀತಿಕೆಟ್ಟಿನಾಕುಲೆಗ್ ಬೋಡಾದ್ ತನ ಪ್ರಾಣೊನು ಕೊರ್ದು ಅಕ್ಲೆನ್ ದೇವೆರೆ ಕೈತಲ್‌ ಸೇರಾಯೆರೆಗಾದ್ ಅಕ್ಲೆ ಪಾಪೊನು ದೆಪ್ಪೆರೆ ಬೇನೆ ತಿಂದ್‌ದ್ ಒಂಜೇ ಸರ್ತಿ ತನ ಪ್ರಾಣೊನು ಕೊರಿಯೆ. ಆಯೆ ಶರೀರೊಡು ಸೈತೆ; ಆಂಡ ಆತ್ಮೊಡು ಕುಡೊರ ಬದುಕುನಾಯೆ ಆದುಲ್ಲೆ.