ಫಿಲಿಪ್ಪಿಯೆರೆಗ್ 2:7 - ಪೊಸ ಒಡಂಬಡಿಕೆ

⁷ ಐತ ಪಗತೆಗ್, ತನ ದೈವಿಕ ಪದೊನು ಬುಡ್ದು ಕೊರ್ದು, ದಾಸನ ರೂಪೊನು ದೆತ್ತೊಂದು ನರಮಾನಿ ಆದ್ ತೋಜಿದ್ ಬತ್ತೆ.

ಫಿಲಿಪ್ಪಿಯೆರೆಗ್ 2:7 Cross References

ಮತ್ತಾಯೆ 12:18

“ಇಂದಾ, ಎನ ಸೇವಕೆ; ಇಂಬ್ಯನ್ ಯಾನ್ ಅಜತೊಂದೆ. ಇಂಬೆ ಎಂಕ್ ಇಷ್ಟೆ, ಇಂಬ್ಯನ್ ಯಾನ್ ಮೆಚ್ಚಿದೆ. ಇಂಬ್ಯಡ್ ಎನ ಆತ್ಮೊನು ದೀಪೆ ಇಂಬೆ ಪಿದಯಿದ ಜನೊಕುಲೆಗ್ ನ್ಯಾಯೊನು ಸಾರಿಯುವೆ.

ಮತ್ತಾಯೆ 20:28

ಅಂಚೆನೆ ನರಮಾನಿ ಮಗೆಲಾ ಚಾಕ್ರಿ ಮಲ್ಪಾವೊನ್ರೆ ಅತ್ತ್, ಚಾಕ್ರಿ ಮಲ್ಪೆರೆಲಾ ತನ ಪ್ರಾಣೊನು ಮಸ್ತ್ ಜನೊಕುಲೆನ ಬುಡುಗಡೆಗಾದ್ ಕೊರಿಯೆರೆ ಬತ್ತೆ.” ಅಂದ್‌ದ್ ಪಂಡೆ.

ಮಾರ್ಕೆ 9:12

ಐಕ್ ಯೇಸು ಅಕ್ಲೆಡ, “ಎಲೀಯೆ ಸುರುಟ್ಟು ಬತ್ತ್‌ದ್ ಮಾತೆನ್ ಸರಿ ಮಲ್ಪುನವು ನಿಜ. ಬೊಕ್ಕ ನರಮಾನಿ ಮಗೆ ಬಾರಿ ಕಷ್ಟೊನು ಸಹಿಸೊಂದು ತಿರಸ್ಕಾರ ಆವೊಡು ಅಂದ್‌ದ್ ಶಾಸ್ತ್ರೊಡು ದಾಯೆಗ್ ಬರೆತ್ಂಡ್?

ಲೂಕೆ 22:27

ಮಲ್ಲಾಯೆ ಏರ್? ಪಂತೆಡ್ ಕುಲ್ಲುದಿನಾಯೆನಾ ಇಜ್ಜಿಂಡ ಚಾಕ್ರಿ ಮಲ್ಪುನಾಯೆನಾ? ಪಂತೆಡ್ ಕುಲ್ಲುದಿನಾಯೆ ಅತ್ತಾ. ಆಂಡ ಯಾನ್ ನಿಕ್ಲೆ ನಡುಟು ಚಾಕ್ರಿ ಮಲ್ಪುನಾಯಲೆಕ್ಕ ಉಲ್ಲೆ.

ಯೋಹಾನೆ 1:14

ಆ ವಾಕ್ಯ ಪನ್ಪಿನಾಯೆ ನರಮಾನಿ ರೂಪೊಡು ನಮ ನಡುಟು ಬದ್‌ಕಿಯೆ. ನಮ ಆಯನ ಮೈಮೆನ್ ತೂಯ. ಆ ಮೈಮೆ ಅಮ್ಮೆರೆಡ್ದ್ ಬತ್ತಿತ್ತಿ ಒರಿಯೇ ಮಗಕ್ಕ್ ಉಪ್ಪೊಡಾಯಿ ಮೈಮೆ. ಆಯೆ ದಯೊಟ್ಲಾ ಸತ್ಯೊಡ್ಲಾ ದಿಂಜಿದಿನಾಯೆ ಆದಿತ್ತೆ.

ರೋಮಾಯೆರೆಗ್ 1:3

ಈ ಸುವಾರ್ತೆ ದೇವೆರೆ ಮಗೆ ಆಯಿ ಯೇಸು ಕ್ರಿಸ್ತನ ವಿಷಯೊಡು ಆದುಂಡು. ಅವು ದಾನೆಂದ್ಂಡ ಆಯೆ ನರಮಾನಿ ಆದ್ ದಾವೀದನ ಸಂತಾನೊಡು ಪುಟ್ಟುದು; ಪರಿಶುದ್ಧ ಆತ್ಮೊಗು ಸರಿಯಾದ್ ಸೈತಿ ಬೊಕ್ಕ ಜೀವೊಡು ಲಕ್ಕಾಯಿನ ಮಲ್ಲ ಶಕ್ತಿಡ್ದಾದ್ ದೇವೆರೆ ಮಗೆ ಪಂಡ್ದ್ ತೆರಿದ್ ಬತ್ತಿನಾಯೆ ಆದುಲ್ಲೆ.

ರೋಮಾಯೆರೆಗ್ 15:3

ದಾಯೆಗಂದ್ಂಡ, ಕ್ರಿಸ್ತೆಲಾ ತನನ್ ತಾನೇ ಮೆಚ್ಚಾವೊನುಜೆ. ಬದಲ್‌ಗ್ ಶಾಸ್ತ್ರೊಡು ಬರೆತಿಲೆಕ್ಕ “ನಿನನ್ ದೂಷಿಯುನಾಕುಲೆನ ದೂಷಣೆಲು ಮಾತ ಎನ ಮಿತ್ತ್ ಬೂರ್‌ಂಡ್.”

ರೋಮಾಯೆರೆಗ್ 15:8

ಯಾನ್ ಪನ್ಪಿನಿ ದಾನೆಂದ್ಂಡ, ಕ್ರಿಸ್ತೆ ಯೆಹೂದ್ಯೆರೆಗ್ ಸೇವಕೆ ಆದ್ ಅಕ್ಲೆ ಮೂಲ ಪಿತೃಲೆಗ್ ಮಲ್ತ್‌ದಿನ ವಾಗ್ದಾನೊಲೆನ್ ದೃಢ ಮಲ್ತ್‌ದ್ ದೇವೆರೆ ಸತ್ಯೊನು ತೋಜಾವೆರೆಗಾದ್ ಸುನ್ನತಿ ಇನ್ಪಿ ಸಂಸ್ಕಾರೊಗು ಒಳಗಾಯೆ.

ರೋಮಾಯೆರೆಗ್ 8:3

ಶರೀರಭಾವ ಬಲಹೀನ ಆದುಪ್ಪುನೆಡ್ದ್ ನ್ಯಾಯಕಟ್ಟ್‌ಗ್ ಮಲ್ಪೆರೆ ಆವಂದಿನೆನ್ ದೇವೆರೆ ಮಲ್ತೆ. ಆಯೆ ತನ ಸ್ವಂತ ಮಗನೇ ಕಡಪುಡ್ದು ಶರೀರಭಾವೊಡೇ ಉಪ್ಪು ಪಾಪೊನು ಖಂಡಿಸಾಯೆ; ಆಯೆ ನಮ ಪಾಪದ ಸ್ವಭಾವದಂಚಿನ ಸ್ವಭಾವೊಡೇ ಬತ್ತ್‌ದ್ ಪಾಪೊನು ದೆತ್ತ್‌ದ್ ಪಾಡಿಯೆ.

2 ಕೊರಿಂಥ್ಯೆರೆಗ್ 13:4

ಆಯನ್ ಕ್ರುಸ್ಸುಗು ಪಾಡ್ನಗ ಬಲದಾಂತಿನಾಯೆ ಆದಿತ್ತೆ. ಆಂಡಲಾ ದೇವೆರೆ ಬಲೊಟು ಬದುಕುನಾಯೆ ಆದುಲ್ಲೆ. ಎಂಕುಲುಲಾ ಆಯನ ಬಲದಾಂತಿನೆಟ್ಟ್ ಪಾಲ್‌ದಾರೆರಾದುಲ್ಲ. ಆಂಡಲಾ ಆಯಡೊಪ್ಪ ದೇವೆರೆ ಬಲೊಡ್ದು ನಿಕ್ಲೆಗಾದ್ ಎಂಕುಲು ಬದುಕೊಂದುಲ್ಲ.

2 ಕೊರಿಂಥ್ಯೆರೆಗ್ 8:9

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ದಯೊನು ನಿಕುಲು ತೆರಿದರತ್ತಾ? ಆಯೆ ಐಶ್ವರ್ಯೊಡಿತ್ತೆಡಲಾ ತಾನ್ ಬಡತನೊಡು ಸೇರಿನೆಡ್ದ್ ನಿಕುಲು ಐಶ್ವರ್ಯವಂತೆರ್ ಆವೊಡು ಅಂದ್‌ದ್ ನಿಕ್ಲೆಗಾದ್ ಬಡವೆ ಆಯೆ.

ಗಲಾತ್ಯೆರೆಗ್ 4:4

ಆಂಡ ಕಾಲ ದಿಂಜಿದ್ ಬನ್ನಗ ದೇವೆರ್ ತನ ಮಗನ್ ಕಡಪುಡ್ದು ಕೊರಿಯೆ. ನ್ಯಾಯಕಟ್ಟ್‌ಗ್ ಒಳಗಾದ್ ಒಂಜಿ ಪೊಂಜೊವುಡು ಪುಟ್ಟುದು ಬರ್ಪಿಲೆಕ್ಕ ಮಲ್ತೆ.

ಫಿಲಿಪ್ಪಿಯೆರೆಗ್ 2:6

ಆಯೆ ದೇವೆರೆ ರೂಪೊಡು ಉಪ್ಪುನಾಯೆ ಆದಿತ್ತ್‌ಂಡಲಾ, ದೇವೆರೆಗ್ ಸರಿ ಸಮಾನ ಆದಿತ್ತಿನ ಪಧವಿನ್ ಬುಡ್ಪುಜಿ ಪಂಡ್ದ್ ಪನಂದೆ,

ಇಬ್ರಿಯೆರೆಗ್ 13:3

ಸೆರೆಮನೆಟ್ಟುಪ್ಪುನಾಕುಲೆ ಒಟ್ಟುಗು ನಿಕುಲುಲಾ ಸೆರೆಮನೆಟ್ ಉಲ್ಲರ್ ಇನ್ಪಿಲೆಕ್ಕ ತರಕೊನ್ಲೆ. ನಿಕುಲು ನನಲಾ ಶರೀರೊಡು ಉಪ್ಪುನಾಕುಲು ನಿಕ್ಲೆಗ್ಲಾ ಅನ್ಯಾಯ ಆವು ಅಂದ್‌ದ್ ತೆರಿದ್ ಅನ್ಯಾಯ ಅನುಭವ ಮಲ್ಪುನಾಕುಲೆನ್ ನೆನೆಪು ಮಲ್ತೊನ್ಲೆ.

ಇಬ್ರಿಯೆರೆಗ್ 4:15

ದಾಯೆ ಪಂಡ ನಂಕುಪ್ಪು ಪ್ರಧಾನಯಾಜಕೆ, ನಮ ಬಲಹೀನತೆಲೆಡ್, ಆಯೆ ಕನಿಕರದಾಂತಿನಾಯೆ ಅತ್ತ್. ದಾಯೆಗಂದ್ಂಡ ನಮ ಲೆಕ್ಕನೇ ಮಾತ ಸಂಗತಿಡ್ ಶೋಧನೆ ಆಯಗ್ಲಾ ಆದಿತ್ತ್ಂಡ್ ಪಾಪ ಮಾತ್ರ ಮಲ್ತ್‌ದಿಜೆ.