ಫಿಲಿಪ್ಪಿಯೆರೆಗ್ 2:6 - ಪೊಸ ಒಡಂಬಡಿಕೆ

⁶ ಆಯೆ ದೇವೆರೆ ರೂಪೊಡು ಉಪ್ಪುನಾಯೆ ಆದಿತ್ತ್‌ಂಡಲಾ, ದೇವೆರೆಗ್ ಸರಿ ಸಮಾನ ಆದಿತ್ತಿನ ಪಧವಿನ್ ಬುಡ್ಪುಜಿ ಪಂಡ್ದ್ ಪನಂದೆ,

ಫಿಲಿಪ್ಪಿಯೆರೆಗ್ 2:6 Cross References

ಮತ್ತಾಯೆ 1:23

“ಇಂದಾ, ಒಂಜಿ ಕನ್ಯಪೊಣ್ಣು ಬಂಜಿನಾಲಾದ್ ಒಂಜಿ ಬಾಲೆನ್ ಪೆದ್ದುವಲ್. ಆಯಗ್ ಇಮ್ಮಾನುವೇಲ್ ಪಂಡ್ದ್ ಪುದರ್ ದೀಪೆರ್. ನೆತ್ತ ಅರ್ಥ, ‘ದೇವೆರ್ ನಮಡೊಪ್ಪ ಉಲ್ಲೆ,’ ಪಂಡ್ದ್.”

ಯೋಹಾನೆ 1:18

ದೇವೆರೆನ್ ಏರ್ಲಾ ಏಪಲಾ ತೂತುಜೆರ್. ಆಂಡ ಅಮ್ಮೆ ಮರ್ಗಿಲ್‌ಡುಪ್ಪು ಒರಿಯೇ ಮಗೆ ದೇವೆರೆನ ಗುರ್ತ ತೆರಿಪಾಯೆ.

ಯೋಹಾನೆ 10:30

ಯಾನ್ಲಾ ಅಮ್ಮೆಲಾ ಒಂಜಾದುಲ್ಲ,” ಪಂಡೆ.

ಯೋಹಾನೆ 10:33

ಯೆಹೂದ್ಯೆರ್, “ಎಂಕುಲು ನಿನ ಮಿತ್ತ್ ಕಲ್ಲ್ ದಕ್ಕುನು, ಈ ಮಲ್ತಿ ಎಡ್ಡೆ ಕಾರ್ಯೊಲೆಗಾದ್ ಅತ್ತ್, ದೇವೆರೆನ್ ದೂಷಣೆ ಮಲ್ತಿನೆಕಾದ್ರ; ಈ ನರಮಾನಿ ಆದ್, ನಿನನ್ ಈಯೇ ದೇವೆರ್ ಅಂದ್‌ದ್ ಮಲ್ತೊನುನೆಡ್ದ್, ನಿನ ಮಿತ್ತ್ ಕಲ್ಲ್ ದಕ್ಕುವ,” ಪಂಡೆರ್.

ಯೋಹಾನೆ 10:38

ಆ ಕಾರ್ಯೊಲೆನ್ ಮಲ್ತ್ಂಡ ಎನನ್ ನಿಕುಲು ನಂಬಂದೆ ಇತ್ತ್ಂಡಲಾ ಆ ಕಾರ್ಯೊಲೆನಾಂಡಲಾ ನಂಬುಲೆ. ಅಪಗ ಎನಡ ಅಮ್ಮೆ ಉಲ್ಲೆ ಅಂದ್‌ದ್‌ಲಾ ಅಮ್ಮೆ ಎನಡ ಉಲ್ಲೆ ಅಂದ್‌ದ್‌ಲಾ ನಿಕುಲು ತೆರಿಯೊಂದು ಅರ್ಥ ಮಲ್ತೊನುವರ್,” ಅಂದ್‌ದ್ ಪಂಡೆ.

ಯೋಹಾನೆ 14:28

‘ಯಾನ್ ಪೋದು ಕುಡ ನಿಕ್ಲೆನ ಕೈತಲ್‌ ಬರ್ಪೆ.’ ಅಂದ್‌ದ್ ಪನ್ತಿನೆನ್ ನಿಕುಲು ಕೇಂಡ್ದರ್. ನಿಕುಲು ಎನನ್ ಪ್ರೀತಿ ಮಲ್ಪುನಾಕುಲಾಂಡ, ಯಾನ್ ಅಮ್ಮೆರೆ ಕೈತಲ್‌ ಪೋಪಿ ಸಂಗತಿಡ್ ಸಂತೋಷ ಪಡೆತ್ವರ್, ದಾಯೆ ಪಂಡ ಅಮ್ಮೆ ಎನಡ್ದ್ ಮಲ್ಲಾಯೆ.

ಯೋಹಾನೆ 14:9

ಯೇಸು ಆಯಡ, “ಫಿಲಿಪ್ಪೋ, ಯಾನ್ ಈತ್ ದಿನ ನಿಕ್ಲೆಡೊಪ್ಪ ಇತ್ತ್‌ದ್‌ಲಾ ಈ ನನಲಾ ತೆರಿಯೊಂಡಿಜನಾ. ಎನನ್ ತೂತಿನಾಯೆ ಅಮ್ಮೆರೆನ್ ತೂತೆ ಅಂಚಾದ್ ಈ ಎಂಕ್ಲೆಗ್ ಅಮ್ಮೆರೆನ್ ತೋಜಾವು ಅಂದ್‌ದ್ ಪನ್ಪಿನಿ ಎಂಚ?”

ಯೋಹಾನೆ 17:5

ಅಮ್ಮೆರೇ, ಈ ಎನನ್ ಮೈಮೆ ಪಡೆಪಾಲ ಲೋಕ ಉಂಡಾಪಿನೆಕ್ಕ್ ದುಂಬು ನಿನ ಕೈತಲ್ ಎಂಕಿತ್ತಿ ಮೈಮೆಡ್ದೇ ಎನನ್ ಇತ್ತೆ ಮೈಮೆ ಪಡೆಪಾಲ.

ಯೋಹಾನೆ 20:28

ತೋಮೆ ಉತ್ತರ ಕೊರ್ದು ಆಯಡ, “ಎನ ಕರ್ತವಾ, ಎನ ದೇವೆರ್!” ಅಂದ್‌ದ್ ಪಂಡೆ.

ಯೋಹಾನೆ 5:18

ಈ ಪಾತೆರೊನು ಕೇಂಡ್ದ್ ಆಯೆ ಸಬ್ಬತ್‌ನ್ ಅಲಕ್ಷ ಮಲ್ತಿನೇ ಅತ್ತಂದೆ ದೇವೆರೆನ್ ಎನ ಅಮ್ಮೆ ಅಂದ್‌ದ್ ಪನೊಂದು, ತನನ್ಲಾ ದೇವೆರೆಗ್ ಸಮ ಮಲ್ತೊಂಡೆ ಪಂಡ್ದ್, ಯೆಹೂದ್ಯೆರೆ ಅಧಿಕಾರಿಲು ಆಯನ್ ಕೆರಿಯೆರೆ ಬೊಕ್ಕಲಾತ್ ಪ್ರಯತ್ನ ಮಲ್ತೆರ್.

ಯೋಹಾನೆ 5:23

ಮಾತೆರ್ಲಾ ತನ್ಕ್ ಮರ್ಯಾದಿ ಕೊರ್ಪಿಲೆಕ್ಕನೇ ಮಗಕ್ಲಾ ಮರ್ಯಾದಿ ಕೊರೊಡು ಅಂದ್‌ದ್ ಅಮ್ಮೆ ಬಯಕುವೆ. ಮಗಕ್ಕ್ ಮರ್ಯಾದಿ ಕೊರಂದಿನಾಯೆ ಆಯನ್ ಕಡಪುಡ್ದು ಕೊರಿನ ಅಮ್ಮೆರೆಗ್ಲಾ ಮರ್ಯಾದಿ ಕೊರಂದಿನಾಯೆ ಆಪೆ.

ರೋಮಾಯೆರೆಗ್ 9:5

ಅಬ್ರಹಾಮು, ಇಸಾಕ್, ಯಾಕೋಬೆರ್ ಅಕ್ಲೆನ ಪಿತೃಲೇ. ಕ್ರಿಸ್ತೆ ಶರೀರ ಸಂಬಂಧೊಡು ಅಕ್ಲೆನ ವಂಶೊಡೇ ಪುಟ್ಟಿಯೆ. ಆಯೆ ಮಾತೆತ್ತ ಮಿತ್ತ್ ಅಧಿಕಾರದಾಯೆಲಾ ಏಪೊಗ್ಲಾ ಸ್ತುತಿ ಹೊಂದಿಯೆರೆ ತಕ್ಕ ಇತ್ತಿನಾಯೆಲಾ ದೇವೆರ್‌ಲಾ ಆದುಲ್ಲೆ. ಆಮೆನ್.

2 ಕೊರಿಂಥ್ಯೆರೆಗ್ 4:4

ದೇವೆರೆ ಪ್ರತಿರೂಪ ಆಯಿ ಕ್ರಿಸ್ತ ಮೈಮೆ ಪನ್ಪಿ ಸುವಾರ್ತೆದ ಬೊಲ್ಪು ಮಿಂಚಂದಿಲೆಕ್ಕ, ಈ ಲೋಕದ ದೇವೆರಾದುಪ್ಪು ಸೈತಾನೆ ನಂಬಿಕೆದಾಂತಿನಾಕುಲೆನ ಮನಸ್‌ನ್ ಮಂದ ಮಲ್ತ್‌ದೆ.

2 ಕೊರಿಂಥ್ಯೆರೆಗ್ 8:9

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ದಯೊನು ನಿಕುಲು ತೆರಿದರತ್ತಾ? ಆಯೆ ಐಶ್ವರ್ಯೊಡಿತ್ತೆಡಲಾ ತಾನ್ ಬಡತನೊಡು ಸೇರಿನೆಡ್ದ್ ನಿಕುಲು ಐಶ್ವರ್ಯವಂತೆರ್ ಆವೊಡು ಅಂದ್‌ದ್ ನಿಕ್ಲೆಗಾದ್ ಬಡವೆ ಆಯೆ.

1 ತಿಮೋಥಿ 1:17

ನಿತ್ಯೊಗು ರಾಜ್ಯ ಆಳುನ ಅರಸುಲಾ, ನಾಶಾವಂದಿನಾಯೆಲಾ ಕಣ್ಣ್‌ಗ್ ತೋಜಂದಿನಾಯೆಲಾ ಆದುಪ್ಪು ಒರಿಯೇ ದೇವೆರೆಗ್ ಏನಿತ್ಯೇನಿಗ್ಲಾ ಮಾನಲಾ ಮೈಮೆಲಾ ಆವಡ್, ಆಮೆನ್.

1 ತಿಮೋಥಿ 3:16

ಉಂದತ್ತಂದೆ ನಂಕ್ ಗೊತ್ತಾಪಿಲೆಕ್ಕ ದೇವಭಕ್ತಿಗ್ ಆಧಾರವಾಯಿನ ಸತ್ಯದ ಗುಟ್ಟು, ಅವು ನಿಜಾದ್ ವಿಶೇಷವಾಯಿನ ಆದುಂಡು ಅಂದ್‌ದ್ ನಮ ಒಪ್ಪಿಯೊನ್ವ. ಕ್ರಿಸ್ತೆ ನರಮಾನಿ ರೂಪೊಡು ತೋಜಿಯೆ, ಆತ್ಮ ಸಮ್ಮಂಧೊಡು ಕ್ರಿಸ್ತೆ ನೀತಿವಂತೆ ಅಂದ್‌ದ್ ತೋಜಾದ್ ಕೊರಿಯೆ. ದೂತೆರೆಗ್ ತೋಜಿಯೆ, ಪಿದಯಿದ ಜನೊಕುಲೆ ನಡುಟು ಆಯನ್ ಸಾರಿಂಡ್, ಲೋಕದಾಕುಲು ಆಯನ್ ನಂಬಿಯೆರ್. ಪರಲೋಕದ ಮೈಮೆಡ್ ಆಯನ್ ಮಿತ್ತ್ ದೆತ್ತೊಂಡೆರ್.

ಇಬ್ರಿಯೆರೆಗ್ 1:3

ಇಂಬೆ ದೇವೆರೆ ಮೈಮೆದ ಬೊಲ್ಪುಲಾ ಆಯ ಸ್ವಭಾವದ ಪ್ರತಿರೂಪಲಾ ಆದಿತ್ತ್‌ದ್ ತನ ಬಾಯಿ ಪಾತೆರದ ಶಕ್ತಿಡ್ದ್ ಮಾತೆಕ್ ಆಧಾರ ಆದುಲ್ಲೆ. ಆಯೆ ಜನೊಕುಲೆನ್ ಪಾಪೊಲೆಡ್ದ್ ಶುದ್ಧ ಮಲ್ತಿ ಬೊಕ್ಕ ಪರಲೋಕೊಡು ಮಲ್ಲಾದಿಗೆದ ಸ್ಥಾನೊಡು ದೇವೆರೆ ಬಲತ್ತ ಮರ್ಗಿಲ್‌ಡ್ ಕುಲ್ಲೊಂಡೆ.

ಇಬ್ರಿಯೆರೆಗ್ 1:6

ಬೊಕ್ಕ ಆಯೆ ತನ ಸುರುತ್ತ ಮಗನ್ ಈ ಲೋಕೊಗು ಕಡಪುಡುನಗ “ದೇವೆರೆ ದೂತೆರ್ ಮಾತೆರ್ಲಾ ಆಯಗ್ ಅಡ್ಡಬೂರಡ್,” ಅಂದ್‌ದ್ ಪನ್ಪೆ.

ಇಬ್ರಿಯೆರೆಗ್ 1:8

ಆಂಡ ಮಗನ ಸಂಗತಿಡ್, “ದೇವೆರೇ, ನಿನ ಗದ್ದಿಗೆ ಸದಾಕಾಲೊಗು ಉಪ್ಪುನವು, ನಿನ ರಾಜ್ಯದ ಕೋಲು ನೀತಿದ ಕೋಲು ಆದುಂಡು.”

ಇಬ್ರಿಯೆರೆಗ್ 13:8

ಯೇಸು ಕ್ರಿಸ್ತೆ ಕೋಡೆ ಇತ್ತಿಲೆಕ್ಕನೆ ಇನಿಲಾ ಉಲ್ಲೆ, ಏಪೊಗ್ಲಾ ಅಂಚನೇ ಉಪ್ಪುವೆ.

ಪ್ರಕಟಣೆ 21:6

ಅಪಗ ಗದ್ದಿಗೆಡ್ ಕುಲ್ಲುದಿತ್ತಿನಾಯೆ, “ಮಾತ ನಡತ್ಂಡ್. ಯಾನೇ ಆದಿಲಾ ಅಂತ್ಯಲಾ, ಸುರುತ್ತಾಯೆಲಾ ಕಡೆತ್ತಾಯೆಲಾ ಆದುಲ್ಲೆ. ಬಾಜೆಲ್ ಆಯಿನಾಯಗ್ ಜೀವದ ವಸರ್‌ಡ್ದ್ ನೀರ್‌ನ್ ಕ್ರಯದಾಂತೆ ಪರಿಯೆರೆ ಕೊರ್ಪೆ.