ಫಿಲಿಪ್ಪಿಯೆರೆಗ್ 2:3 - ಪೊಸ ಒಡಂಬಡಿಕೆ

³ ಸ್ವಾರ್ಥದಾಕುಲಾವಡೆ, ನನೊರಿಯನ್ ಮೆಚ್ಚಾವೆರೆ ಪೋವಡೆ, ತಗ್ಗಾವೊನ್ಲೆ, ನನೊರಿಯನ್ ತನ್ಕುಲೆಡ್ದ್ ಹೆಚ್ಚ್‌ದಾಕುಲು ಅಂದ್‌ದ್ ಎನ್ನ್‌ಲೆ.

ಫಿಲಿಪ್ಪಿಯೆರೆಗ್ 2:3 Cross References

ಲೂಕೆ 18:14

ಉಂಬೆ ನೀತಿವಂತೆ ಆದ್ ತನ ಇಲ್ಲಗ್ ಪೋಯೆ. ಆ ಪರಿಸಾಯೆ ಸುಂಕದಾಯ ಲೆಕ್ಕ ನೀತಿವಂತೆ ಆದ್ ಪೋಯಿಜೆ ಅಂದ್‌ದ್ ನಿಕ್ಲೆಗ್ ಪನ್ಪೆ. ಏರ್ ತನನ್ ಹೆಚ್ಚಾವೊನ್ವೆನಾ ದೇವೆರ್ ಆಯನ್ ತಗ್ಗಾವೆ. ಏರ್ ತನನ್ ತಾನ್ ತಗ್ಗಾವೊನ್ವೆನಾ ದೇವೆರ್ ಆಯನ್ ಮಲ್ಲ ಸ್ಥಾನೊಗು ಏರಾವೆ.”

ರೋಮಾಯೆರೆಗ್ 12:10

ಕ್ರೈಸ್ತ ಸಹೋದ್ರೆರ್ ಮೆಗ್ಯೆಪಲಯೆ ಪಂಡ್ದ್ ಒರಿಯನ್ ಒರಿ ಪ್ರೀತಿ ಮಲ್ಪುಲೆ. ಮಾನಮರ್ಯಾದೆನ್ ತೋಜಾವುನೆಟ್ಟ್ ಒರಿಯಡ್ದ್ ಒರಿ ದುಂಬುಪ್ಪುಲೆ.

ರೋಮಾಯೆರೆಗ್ 13:13

ಪಗೆಲ್‌ದ ಬೊಲ್ಪುಡು ಉಪ್ಪುನಾಕುಲೆ ಲೆಕ್ಕ ನಮ ಸರಿಯಾದ್ ನಡಪುಗ. ನಾಚಿಗೆದ ಕೆಲಸೊಲೆಡಾವಡ್, ಬೊಡ್ಚಾಂದಿ ತಮ್ಮಣ, ಪರ್ಪಾಟ, ಅನೀತಿದ ಕಾರ್ಯೊಡಾವಡ್, ಲಡಯಿ, ಕಿಚ್ಚಿಮಚ್ಚರೊಲೆಡಾವಡ್ ಪೊರ್ತು ಕಳೆವಂದೆ ಪಗೆಲ್‌ದಾಕುಲೆ ತಕ್ಕ ಮಾನಸ್ಥೆರಾದ್ ನಡಪುಗ.

ರೋಮಾಯೆರೆಗ್ 2:8

ಏರ್ ತನ್ಕುಲೆ ಸ್ವಾರ್ಥೊಡು ಸತ್ಯದೆನ್ ಕೈಕೊನಂದೆ ಅನ್ಯಾಯೊನು ಕೈಕೊನುವೆರಾ, ಅಕ್ಲೆಗ್ ಕೋಪಲಾ ಉಗ್ರಲಾ ಬರ್ಪುಂಡು.

1 ಕೊರಿಂಥ್ಯೆರೆಗ್ 15:9

ದಾಯೆಗಂದ್ಂಡ ಯಾನ್ ಅಪೊಸ್ತಲೆರೆಡ್ ಲೆಖ್ಖೊಗು ಬರಂದಿನಾಯೆ. ಯಾನ್ ದೇವೆರೆ ಸಭೆಕ್ ಭಂಗ ಕೊರಿನೆಡ್ದ್ ಅಪೊಸ್ತಲೆ ಅಂದ್‌ದ್ ಲೆಪ್ಪಾವೊನಿಯೆರೆಗ್ಲಾ ತಕ್ಕದಾಯೆ ಅತ್ತ್.

1 ಕೊರಿಂಥ್ಯೆರೆಗ್ 3:3

ದಾಯೆಗಂದ್ಂಡ ನಿಕುಲು ಶರೀರಭಾವದಾಕುಲಾದ್ ಬದುಕೊಂದು ಉಲ್ಲರ್; ನಿಕ್ಲೆ ಉಲಯಿ ಮಚ್ಚರ, ಲಡಾಯಿಲು ಉಪ್ಪುನೆಡ್ದ್ ನಿಕುಲು ಶರೀರಭಾವ ಇತ್ತಿನಕುಲಾದ್ ಸಾಧಾರಣ ನರಮಾನಿಲೆಕ್ಕ ಉಲ್ಲರತ್ತಾ?

2 ಕೊರಿಂಥ್ಯೆರೆಗ್ 12:20

ಯಾನ್ ಬತ್ತಿನಪಗ ನಿಕುಲು ಯಾನ್ ಎನ್ನಿಲೆಕ್ಕ ತೋಜುವರಾ ಇಜ್ಜಾ, ಯಾನ್ ನಿಕುಲು ಎನ್ನಿಲೆಕ್ಕ ತೋಜುವೆನಾ ಇಜ್ಜಾ ಎಂಕ್ ಪೋಡಿಗೆ ಉಂಡು. ಒಂಜಿ ವೇಳೆ ನಿಕ್ಲೆಡ್ ಲಡಯಿ, ಮಚ್ಚರ, ಕೋಪ, ಸ್ವಾರ್ಥ, ಅವಮಾನ, ಚಾಡಿ ಪನ್ಪಿನವು, ಸೊರ್ಕು, ಗಲಿಬಿಲಿ ಪುಟ್ಟಾವುಂಡು ಪನ್ಪಿನ ಪೋಡಿಗೆ ಎಂಕುಂಡು.

ಗಲಾತ್ಯೆರೆಗ್ 5:15

ನಿಕುಲು ಒರಿಯಗ್ ಒರಿ ತುಚ್ಚಿದ್ ಪರ್ತೊಂದು ದಿಂಗುನಾಕುಲಾಯರ್ಡ ಒರಿಯಡ್ದೊರಿ ನಾಶ ಆಪರ್, ತೂವೊನ್ಲೆ.

ಗಲಾತ್ಯೆರೆಗ್ 5:26

ನಮ ಪೊಕ್ಕಡೆದ ಪುಗರಿಕೆಗ್ ಆಸೆ ಮಲ್ಪಂದೆ ಒರಿ ಒರಿಯಗ್ ಕೋಪ ಲಕ್ಕಾವಂದೆ, ಒರಿ ಒರಿಯಗ್ ಮಚ್ಚರ ಮಲ್ಪಂದೆ ಉಪ್ಪುಗ.

ಎಫೆಸ್ಯೆರೆಗ್ 4:2

ನಿಕುಲು ಏಪಲಾ ತಗ್ಗ್‌ತನೊಟ್ಲಾ ಸಜ್ಜನಿಗೆಡ್ಲಾ ತಾಳ್ಮೆಡ್ಲಾ ನಡತೊಂದು ಒರಿಯನ್ ಒರಿ ಪ್ರೀತಿಡ್ ತಾಳೊನ್ಲೆ.

ಎಫೆಸ್ಯೆರೆಗ್ 5:21

ಒರಿಯಗ್ ಒರಿ ತಗ್ಗೊಂದು, ಕ್ರಿಸ್ತಗ್ ಪೋಡಿಯೊಂದುಪ್ಪುಲೆ.

ಫಿಲಿಪ್ಪಿಯೆರೆಗ್ 2:14

ಗುಣುಗುಟ್ಟಂದೆಲಾ ವಾದ ಮಲ್ಪಂದೆಲಾ ಮಾತೆನ್ ಮಲ್ಪುಲೆ.

ಕೊಲೊಸ್ಸಿಯೆರೆಗ್ 3:12

ಅಂಚಾಯಿನೆಡ್ದ್ ನಿಕುಲು ದೇವೆರೆಡ್ದ್ ಅಜತ್‌ದ್ ದೆತ್ತೊಂಡಿನಾಕುಲಾದ್ ಪರಿಶುದ್ಧೆರ್ಲಾ ಪ್ರೀತಿದಾಕುಲುಲಾ ಆದುಪ್ಪುನೆಡ್ದಾವರ ಕನಿಕರ, ದಯ, ತಗ್ಗ್‌ದಿ ಮನಸ್, ಸಜ್ಜನಿಗೆ, ತಾಳ್ಮೆ ಇನ್ಪಿ ಸದ್ಗುಣಲೆನ್ ಪಾಡೊನ್ಲೆ.

ಕೊಲೊಸ್ಸಿಯೆರೆಗ್ 3:8

ಆಂಡ ಇತ್ತೆ ಉಗ್ರ, ಕೋಪ, ದುಷ್ಟತನ, ದೂಷಣೆ, ನಿಕ್ಲೆ ಬಾಯಿಡ್ದ್ ಬರ್ಪಿ ಹಾಳ್ ಪಾತೆರ ಉಂದು ಮಾತೆನ್ ಬುಡ್ದು ಬುಡ್ಲೆ.

1 ತಿಮೋಥಿ 6:4

ಆಯೆ ಒಂಜೆನ್ಲಾ ತೆರಿಯಂದೆ ತರ್ಕಲಾ ಚರ್ಚೆಲಾ ಮಲ್ಪುನಾಯೆ ಆದ್ ಅಹಂಕಾರೊಡು ಕಣ್ಣ್ ತೋಜಂದಿನಾಯೆ ಆದುಲ್ಲೆ. ಉಂದೆಡ್ದಾದ್ ಮಚ್ಚರ, ಲಡಯಿ, ದೂಷಣೆ, ಹಾಳ್ ಸಂಶಯೊಲು ಮಾತ ಪುಟ್ಟುಂಡು.

1 ಪೇತ್ರೆ 3:8

ಕಡೆಕ್ಕ್ ನಿಕುಲು ಮಾತೆರ್ಲಾ ಒಂಜೇ ಮನಸಾದ್, ಸಹೋದ್ರ ಸುಖದುಃಖೊಡು ಸೇರ್ದ್, ಮೆಗ್ಯೆಪಲಯಾಡ್ಲೆ ಲೆಕ್ಕ ಒರಿಯನೊರಿ ಪ್ರೀತಿ ಮಲ್ತೊಂದು, ಕನಿಕರ ಬೊಕ್ಕ ದೀನ ಭಾವೊಡು ಉಪ್ಪುಲೆ.

1 ಪೇತ್ರೆ 5:5

ಅಂಚೆನೆ ಜವನ್ಯೆರೇ, ನಿಕುಲುಲಾ ಹಿರಿಯಾಕುಲೆಗ್ ವಶ ಆದುಪ್ಪುಲೆ. ನಿಕುಲು ಮಾತೆರ್ಲಾ ದೀನ ಮನಸ್‌ಡ್ ಒರಿ ಒರಿಯಗ್ ಸೇವೆ ಮಲ್ಪುಲೆ. “ದೇವೆರ್ ಅಹಂಕಾರಿಲೆಗ್ ಎದುರುಂತುವೆ, ಆಂಡ ತಗ್ಗ್‌ದಿನಾಕುಲೆಗ್ ದಯ ಕೊರ್ಪೆ.”