ಫಿಲಿಪ್ಪಿಯೆರೆಗ್ 2:29 - ಪೊಸ ಒಡಂಬಡಿಕೆ

^29-30 ದಾಯೆಗ್ ಪಂಡ ನಿಕುಲು ಮಲ್ಪೆರೆ ಆವಂದಿ ಸತ್ಕಾರೊಡು ಕೊರತೆ ಇತ್ತಿನೆನ್ ಪೂರ್ತಿ ಮಲ್ಪೆರೆಗಾದ್ ತನ ಜೀವದ ಆಸೆನ್ ಲಕ್ಷ ಮಲ್ಪಂದೆ, ಕ್ರಿಸ್ತನ ಸೇವೆಡ್ ಸೈಪಿನ ಸ್ಥಿತಿಡಿತ್ತೆ. ಆಯನ್ ಪೂರ್ತಿ ಸಂತೋಷೊಡು ಕರ್ತವ ಪುದರ್‌ಡ್ ಸೇರಾಲೆ. ಇಂಚಿತ್ತಿನಾಕುಲೆಗ್ ತಕ್ಕದ ಮರ್ಯಾದಿನ್ ಕೊರ್ಲೆ.

ಫಿಲಿಪ್ಪಿಯೆರೆಗ್ 2:29 Cross References

ಲೂಕೆ 9:5

ಬೊಕ್ಕ ವಾ ಊರುದಾಕುಲಾವಡ್ ನಿಕ್ಲೆನ್ ಸೇರಾವಂದೆ ಪೋಂಡ ಆ ಊರುನು ಬುಡ್ದು ನಿಕುಲು ಪೋನಗ ಅಕ್ಲೆಗ್ ಸಾಕ್ಷಿಗಾದ್ ನಿಕ್ಲೆ ಕಾರ್‌ದ ಧೂಳುನು ಕುಡ್ತ್‌ದ್ ಪೋಲೆ,”

ಯೋಹಾನೆ 13:20

ನಿಕ್ಲೆಗ್ ನಿಜಾದ್ ಪನ್ಪೆ, ಯಾನ್ ಕಡಪುಡಿನಾಯನ್ ಸೇರಾವೊನುನಾಯೆ ಎನನ್ ಸೇರಾವೊಂಡಿಲೆಕ್ಕ ಆಂಡ್. ಎನನ್ ಸೇರಾವೊಂಡೆಡ ಎನನ್ ಕಡಪುಡ್ದು ಕೊರಿನಾಯನೇ ಸೇರಾವೊಂಡಿಲೆಕ್ಕ ಆಂಡ್.”

ಅಪೊ.ಕ್ರಿ 2:46

ಅಕುಲು ದಿನಾಲ ಒಂಜೇ ಮನಸ್ಸಾದ್ ದೇವಾಲಯೊಡು ಕೂಡೊಂದಿತ್ತೆರ್. ಅಕ್ಲೆನ ಇಲ್ಲ್ ಇಲ್ಲಡ್ ರೊಟ್ಟಿ ಪೊಲ್ತುದು ಸಂತೋಷೊಡ್ಲಾ ಶುದ್ಧ ಮನಸ್‌ಡ್ಲಾ ವಣಸ್ ಮಲ್ತೊಂದಿತ್ತೆರ್.

ಅಪೊ.ಕ್ರಿ 28:10

ಆ ದ್ವೀಪೊಡಿತ್ತಿನ ಜನೊಕುಲು ಎಂಕ್ಲೆನ ಸತ್ಕಾರ ಮಲ್ತೆರ್. ಎಂಕುಲು ಬುಡ್ದು ಪಿದಾಡ್ನಗ ಎಂಕ್ಲೆಗ್ ಬೋಡಾಯಿನ ವಸ್ತುಲೆನ್ ಕನತ್‌ದ್ ಕಪ್ಪಲ್‌ಡ್ ದೀಯೆರ್.

ಅಪೊ.ಕ್ರಿ 8:8

ಆ ಪೇಂಟೆಡ್ ಮಸ್ತ್ ಸಂತೋಷ ಉಂಡಾಂಡ್.

ರೋಮಾಯೆರೆಗ್ 10:15

ಬೊಕ್ಕ ಸಾರಿಯುನಾಕುಲೆನ್ ಕಡಪುಡಂದೆ ಎಂಚ ಸಾರಿಯೊಲಿ? ಶಾಸ್ತ್ರೊಡು ಬರೆತ್ಂಡ್, “ಸುವಾರ್ತೆನ್ ಸಾರಿಯೊಂದು ಬರ್ಪಿನಾಕುಲೆನ ಪಾದ ಏತ್ ಪೊರ್ಲು.”

ರೋಮಾಯೆರೆಗ್ 16:2

ದೇವಜನೊಕುಲೆಗ್ ತಕ್ಕ ಇತ್ತಿಲೆಕ್ಕನೆ ಆಲೆನ್ ಕರ್ತವಡ್ ಸೇರಾಲೆ. ಆಲೆಗ್ ದಾಲಾಂಡಲಾ ನಿಕ್ಲೆಡ್ದ್ ಸಹಾಯ ಬೋಡಾಂಡ ಮಲ್ಪುಲೆ. ಆಲ್ ಎಂಕ್‌ಲಾ ಮಸ್ತ್ ಜನೊಕುಲೆಗ್ಲಾ ಸಹಾಯ ಮಲ್ತ್‌ದಲ್.

1 ಕೊರಿಂಥ್ಯೆರೆಗ್ 16:10

ತಿಮೋಥಿ ಬತ್ತೆಡ ಆಯೆ ನಿಕ್ಲೆಡೊಪ್ಪ ಪೋಡಿಗೆದಾಂತೆ ಉಪ್ಪುಲೆಕ್ಕ ತೂವೊನ್ಲೆ. ಆಯೆ ಎನಲೆಕ್ಕನೇ ಕರ್ತವ ಸೇವೆನ್ ಮಲ್ತೊಂದುಲ್ಲೆ.

1 ಕೊರಿಂಥ್ಯೆರೆಗ್ 16:18

ಅಕುಲು ಎನ ಆತ್ಮೊಗ್ಲಾ ನಿಕ್ಲೆ ಆತ್ಮೊಗ್ಲಾ ಪೊಸ ಚೈತನ್ಯ ಪುಟ್ಟಾಯೆರ್. ಇಂಚಿತ್ತಿನಾಕುಲೆನ್ ಗಣ್ಯಮಲ್ಪುಲೆ.

2 ಕೊರಿಂಥ್ಯೆರೆಗ್ 10:18

ತನನ್ ತಾನೇ ಮೆಚ್ಚಾವುನುನಾಯೆ ಯೋಗ್ಯದಾಯೆ ಅತ್ತ್. ಕರ್ತವೆ ಏರೆನ್ ಮೆಚ್ಚುವೆನಾ ಆಯೆನೇ ತಕ್ಕದಾಯೆ ಆದುಲ್ಲೆ.

2 ಕೊರಿಂಥ್ಯೆರೆಗ್ 7:2

ನಿಕ್ಲೆ ಉಡಲ್‌ಡ್ ಎಂಕ್ಲೆಗ್ ಜಾಗ್ ಕೊರ್ಲೆ; ಎಂಕುಲು ನಿಕ್ಲೆಗ್ ಏರೆಗ್ಲಾ ಅನ್ಯಾಯ ಮಲ್ತ್‌ದಿಜ; ಏರೆನ್ಲಾ ಹಾಳ್ ಮಲ್ತ್‌ದಿಜ; ಏರೆಗ್ಲಾ ಮೋಸ ಲಾಭ ಮಲ್ತ್‌ದಿಜ.

ಫಿಲಿಪ್ಪಿಯೆರೆಗ್ 2:28

ಅಂಚಾಯಿನೆಡ್ದ್ ನಿಕುಲು ಆಯನ್ ತೂದು ಕುಡೊರ ಸಂತೋಷ ಆವೊಡು ಅಂದ್‌ದ್ ಬೊಕ್ಕ ಎಂಕ್‌ಲಾ ದುಃಖ ಕಡಿಮೆ ಆವೊಡು ಪಂಡ್ದ್‌ಲಾ ಆಸಕ್ತಿಡ್ ಆಯನ್ ಕಡಪುಡ್ವೆ.

ಕೊಲೊಸ್ಸಿಯೆರೆಗ್ 4:10

ಎನಡೊಪ್ಪ ಸೆರೆಟುಪ್ಪುನ ಅರಿಸ್ತಾರ್ಕೆಲಾ ಅಂಚೆನೇ ಬಾರ್ನಬನ ಸಹೋದರೆ ಮಾರ್ಕೆಲಾ ತನ್ಕುಲೆ ವಂದನೆಲೆನ್ ತೆರಿಪಾದೆರ್. ಮಾರ್ಕನ ಸಂಗತಿಡ್ ನಿಕ್ಲೆಗ್ ಅಪ್ಪಣೆ ತಿಕ್ಕ್‌ದ್ಂಡತ್ತಾ. ಆಯೆ ನಿಕ್ಲೆ ಕೈತಲ್‌ ಬತ್ತೆಡ ಸೇರಾವೊನ್ಲೆ.

1 ಥೆಸಲೋನಿಕೆರೆಗ್‌ 5:12

ಸಹೋದ್ರೆರೇ, ಎಂಕುಲು ನಿಕ್ಲೆಡ ನಟ್ಟೊಂದುಲ್ಲ ದಾನೆಂದ್ಂಡ, ಏರ್ ನಿಕ್ಲೆಡ್ ಪ್ರಯಾಸ ಮಲ್ತ್‌ದ್ ಕರ್ತವ ಕಾರ್ಯೊಡು ನಿಕ್ಲೆ ಮಿತ್ತ್ ಮುಖ್ಯಸ್ಥೆರಾದ್ ನಿಕ್ಲೆಗ್ ಬುದ್ಧಿ ಪನ್ಪೆರ್ಡ ಅಕ್ಲೆ ಮಿತ್ತ್ ಹೆಚ್ಚಿನ ಗಮನ ಕೊರ್ಲೆ.

1 ತಿಮೋಥಿ 5:17

ಎಡ್ಡೆ ರೀತಿಡ್ ಅಧಿಕಾರ ಮಲ್ಪುನ ಸಭಾ ಹಿರಿಯೆರೆಗ್ ಮುಖ್ಯಾದ್ ಬೋಧನೆಡ್ಲಾ ಪ್ರಸಂಗೊಡ್ಲಾ ಭಂಗ ಬರ್ಪಿನಾಕುಲೆಗ್ ರಡ್ಡ್ ಪಾಲ್ ದಾತ್ ಮಾನೊಗು ಯೋಗ್ಯೆರಂದ್ ಎನ್ನೊಡು.

ಇಬ್ರಿಯೆರೆಗ್ 13:17

ನಿಕ್ಲೆ ಸಭಾನಾಯಕೆರೆ ಪಾತೆರೊನು ಕೇನ್ಲೆ, ಅಕ್ಲೆಗ್ ಅಧೀನೆರಾದುಪ್ಪುಲೆ. ಅಕುಲು ನಿಕ್ಲೆನ ಆತ್ಮೊಲೆನ್ ಕಾಪುನಾಕುಲಾದ್ ನಿಕ್ಲೆ ಸಂಗತಿಡ್ ಲೆಖ್ಖ ಕೊರ್ಪಿನಕುಲಾದುಲ್ಲೆರ್. ಅಕುಲು ಬೇಜಾರ್ ಮಲ್ಪಂದೆ ಸಂತೋಷೊಡು ಉಂದೆನ್ ಮಲ್ಪುಲೆಕ್ಕ ತೂವೊನ್ಲೆ. ಅಕುಲು ಬೇಜಾರ್‌ಡ್ ಉಪ್ಪುನವು ನಿಕ್ಲೆಗ್ ಪ್ರಯೋಜನ ಆಪಿನವು ಅತ್ತ್.

3 ಯೋಹಾನೆ 1:10

ಆಯನ ಸಂಗತಿಡ್ ಮಸ್ತ್ ಸಂಗತಿಲೆನ್ ಯಾನ್ ಬತ್ತಿನಪಗ ಆಯನ ನೆನೆಪುಗು ಕನಪೆ. ಬೊಕ್ಕ ಆಯೆ ಎಂಕುಲೆ ಮಿತ್ತ್ ಬೊಡ್ಚಾಂದಿನ ಹಾಳ್ ದೂರುಲೆನ್ ಪಾಡ್ದ್ ಅಪಪ್ರಚಾರ ಮಲ್ತೊಂದುಲ್ಲೆ. ಉಂದು ಮಾತ್ರತ್ತಂದೆ ಆಯೆ ಪ್ರಯಾಣೊಡುಪ್ಪು ಸಹೋದ್ರೆರೆನ್ ತರಕೊನಂದೆ, ಬೇತೆಕ್ಲೆಗ್ಲಾ ಸಹಾಯ ಮಲ್ಪಡೆ ಅಂದ್‌ದ್ ಪನ್ಪೆ. ಅಕುಲು ಒಂಜಿ ವೇಳೆ ಸಹಾಯ ಮಲ್ತೆರ್ಡ ಅಂಚಿತ್ತಿನಾಕುಲೆನ್ ಸಭೆಡ್ದ್ ಪಿದಯಿ ಪಾಡ್ವೆ.