ಫಿಲಿಪ್ಪಿಯೆರೆಗ್ 2:22 - ಪೊಸ ಒಡಂಬಡಿಕೆ

²² ಆಂಡ ತಿಮೋಥಿ ಎಂಚ ನಡತ್ತ್‌ದೆ ಅಂದ್‌ದ್ ನಿಕುಲೇ ತೆರಿದರ್. ದಾಯೆಗ್ ಪಂಡ, ಮಗೆ ಅಮ್ಮೆರೆಗ್ ಎಂಚನಾ, ಅವ್ವೇ ತರೊಟು ಆಯೆ ಎನಡೊಪ್ಪ ಸುವಾರ್ತೆದ ಪ್ರಚಾರೊಗಾದ್ ಸೇವೆ ಮಲ್ತ್‌ದ್ ಯೋಗ್ಯದಾಯೆ ಅಂದ್‌ದ್ ನಿಕ್ಲೆಗ್ ಗೊತ್ತುಂಡು.

ಫಿಲಿಪ್ಪಿಯೆರೆಗ್ 2:22 Cross References

ಅಪೊ.ಕ್ರಿ 16:2

ತಿಮೋಥಿನ ಸಂಗತಿಡ್ ಲುಸ್ತ್ರೊಡ್ಲಾ ಇಕೋನ್ಯಡ್ಲಾ ಇತ್ತಿನ ಸಹೋದ್ರೆರ್ ಎಡ್ಡೆ ಸಾಕ್ಷಿ ಪನೊಂದಿತ್ತೆರ್.

ರೋಮಾಯೆರೆಗ್ 5:4

ದಾಯೆ ಪಂಡ ಉಪದ್ರೊಡ್ದು ತಾಳ್ಮೆ ಪುಟ್ಟುಂಡು. ತಾಳ್ಮೆಡ್ದ್ ಜಯತ ಅನುಭವ ಪುಟ್ಟುಂಡು. ಅನುಭವೊಡ್ದು ನಿರೀಕ್ಷೆ ಪುಟ್ಟುಂಡು ಅಂದ್‌ದ್ ನಮ ತೆರಿದ.

1 ಕೊರಿಂಥ್ಯೆರೆಗ್ 16:10

ತಿಮೋಥಿ ಬತ್ತೆಡ ಆಯೆ ನಿಕ್ಲೆಡೊಪ್ಪ ಪೋಡಿಗೆದಾಂತೆ ಉಪ್ಪುಲೆಕ್ಕ ತೂವೊನ್ಲೆ. ಆಯೆ ಎನಲೆಕ್ಕನೇ ಕರ್ತವ ಸೇವೆನ್ ಮಲ್ತೊಂದುಲ್ಲೆ.

1 ಕೊರಿಂಥ್ಯೆರೆಗ್ 4:17

ಐಕಾದೇ ಕರ್ತವಡ್ ಎನ ಮಗೆ ಆದುಪ್ಪು ತಿಮೋಥಿನ್ ನಿಕ್ಲೆ ಕೈತಲ್‌ ಕಡಪುಡ್ದು ಕೊರ್ತೆ. ಆಯೆ ಎಂಕ್ ಪ್ರೀತಿದಾಯೆಲಾ ನಂಬಿಗಸ್ತೆಲಾ ಆದುಲ್ಲೆ. ಆಯೆ ಕ್ರಿಸ್ತನ ಸೇವೆಡುಪ್ಪು ಎನ ನಡಾವಳಿಕೆನ್, ಪಂಡ ಯಾನ್ ಮಾತ ಕಡೆಟ್ಟ್ ಬೊಕ್ಕ ಮಾತ ಸಭೆಕ್ಲೆಡ್ಲಾ ಬೋಧನೆ ಮಲ್ಪುನ ರೀತಿನ್ ನಿಕ್ಲೆನ ನೆನೆಪುಗು ಕನವೆ.

2 ಕೊರಿಂಥ್ಯೆರೆಗ್ 2:9

ನಿಕುಲು ಮಾತ ವಿಷಯೊಲೆಡ್ ನಿಕ್ಲೆನ್ ಪರೀಕ್ಷೆ ಮಲ್ತ್‌ದ್ ವಿಧೇಯರಾದುಲ್ಲರಾ ಅಂದ್‌ದ್ ತೆರಿಯೊನೊಡು ಪನ್ಪಿ ಉದ್ದೇಶೊಡು ಇಂಚ ಬರೆಯೆ.

2 ಕೊರಿಂಥ್ಯೆರೆಗ್ 8:22

ಬೊಕ್ಕ ಮೊಕ್ಲೆಡೊಪ್ಪ ಎಂಕುಲು ನನೊರಿ ಸಹೋದ್ರನ್ ಕಡಪುಡಿಯ. ಎಂಕುಲು ಮಸ್ತ್ ಸರ್ತಿ, ಮಸ್ತ್ ಕಾರ್ಯೊಡು ಆಯನ್ ಪರೀಕ್ಷೆ ಮಲ್ತ್‌ದ್ ಆಯೆ ಆಸಕ್ತೆ ಅಂದ್‌ದ್ ತೆರಿದುಲ್ಲ. ಇತ್ತೆ ನಿಕ್ಲೆ ಮಿತ್ತ್ ಉಪ್ಪು ಭರವಸೊಡ್ದಾದ್ ಆಯೆ ನನಲಾ ಹೆಚ್ಚಾದ್ ಆಸಕ್ತಿದಾಯೆ ಆದುಲ್ಲೆ.

2 ಕೊರಿಂಥ್ಯೆರೆಗ್ 8:24

ಅಂಚಾದ್ ಮೊಕ್ಲೆನ್ ಪ್ರೀತಿಡ್ ತೂವೊನ್ಲೆ ಬೊಕ್ಕ ನಿಕ್ಲೆನ್ ಎಂಕುಲು ಪುಗರ್‌ದಿನಿ ನಿಜ ಅಂದ್‌ದ್ ಉಂದೆಡ್ದ್ ಸಭೆಕ್ ತೋಜಾಪಾದ್ ಕೊರ್ಲೆ.

2 ಕೊರಿಂಥ್ಯೆರೆಗ್ 8:8

ಉಂದೆನ್ ಯಾನ್ ನಿಕ್ಲೆಗ್ ಅಪ್ಪಣೆ ಅಂದ್‌ದ್ ಪನಂದೆ, ಬೇತೆಕ್ಲೆನ ಆಸಕ್ತಿದ ಎದುರು ನಿಕ್ಲೆನ ಪ್ರೀತಿಲಾ ನಿಜನೇ ಅಂದ್‌ದ್ ಪರೀಕ್ಷೆ ಮಲ್ಪೊಡಂದ್‌ದ್ ಪನ್ಪೆ.

ಫಿಲಿಪ್ಪಿಯೆರೆಗ್ 1:12

ಸಹೋದ್ರೆರೇ, ಎಂಕ್ ಮೂಲು ಆದುಪ್ಪುನವು ಮಾತಲಾ ಸುವಾರ್ತೆದ ಪ್ರಚಾರೊಗು ಸಹಾಯ ಆಂಡ್ ಅಂದ್‌ದ್ ನಿಕುಲು ತೆರಿಯೊನೊಡು ಅಂದ್‌ದ್ ಎನ ಆಸೆ.

ಫಿಲಿಪ್ಪಿಯೆರೆಗ್ 1:16

ಮೊಕುಲಾಂಡಲಾ ಯಾನ್ ಸುವಾರ್ತೆನ್ ಒರಿಪಾವೆರೆಗಾದ್ ಯಾನ್ ಮೂಲು ಉಲ್ಲೆ ಅಂದ್‌ದ್ ತೆರಿಯೊಂದು ಪ್ರೀತಿಡ್ ಸುವಾರ್ತೆ ಸಾರಿಯುವೆರ್.

ಫಿಲಿಪ್ಪಿಯೆರೆಗ್ 1:7

ನಿಕ್ಲೆ ಮಾತೆರೆ ಕಡೆಕ್ಕ್ ಯಾನ್ ಇಂಚ ಎನ್ನುನವು ಸರಿಯಾದುಪ್ಪುನವೇ. ಯಾನ್ ಸೆರೆಮನೆಟ್ ಉಪ್ಪುನಗ ಸುವಾರ್ತೆದ ಸತ್ಯೊನು ದೃಢವಾದ್ ಸಾರಿನಗ ನಿಕುಲು ಎನಡೊಪ್ಪ ದೇವೆರೆ ದಯೊಟು ಪಾಲ್‌ದಾರೆರ್ ಆದುಲ್ಲರಂದ್‌ದ್ ನಿಕ್ಲೆನ್ ಎನ ಉಡಲ್‌ಡ್ ದೀವೊಂಡೆ.

ಫಿಲಿಪ್ಪಿಯೆರೆಗ್ 2:20

ಆಯ ಲೆಕ್ಕ ಕಪಟದಾಂತೆ ನಿಕ್ಲೆ ಎಡ್ಡೆ ಕಾರ್ಯೊಲೆ ಬಗೆಟ್ ಯಥಾರ್ಥತೊಡು ಚಿಂತೆ ಮಲ್ಪುನಾಕುಲು, ಎನ ಕೈತಲ್‌ ಬೇತೆ ಏರ್ಲಾ ಇಜ್ಜೆರ್.

1 ತಿಮೋಥಿ 1:18

ಮಗೆ ಆಯಿ ತಿಮೋಥಿ, ನಿನ ವಿಷಯೊಡು ದುಂಬು ಪನ್ತಿ ಪ್ರವಾದನೆಲೆನ್ ಯಾನ್ ಎನ್ನ್‌ದ್ ಈ ಐಟ್ಟ್ ಧೈರ್ಯವಂತೆ ಆದ್, ಎಡ್ಡೆ ಯುದ್ದ ಮಲ್ಪೊಡು ಇನ್ಪಿ ಅಪ್ಪಣೆನ್ ನಿಕ್ಕ್ ಕೊರ್ಪೆ.

1 ತಿಮೋಥಿ 1:2

ನಂಬಿಕೆಡ್ ನಿಜ ಮಗೆ ಆದುಪ್ಪು ತಿಮೋಥಿಗ್ ಬರೆಪಿನಿ ದಾನೆಂದ್ಂಡ, ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಡ್ದ್‌ಲಾ ನಿಕ್ಕ್ ದಯಲಾ ಕರುಣೆಲಾ ಸಮಾಧಾನಲಾ ಆವಡ್.

1 ತಿಮೋಥಿ 4:6

ಈ ಸಂಗತಿಲೆನ್ ಸಹೋದ್ರೆರೆಗ್ ತೆರಿಪಾಂಡ, ಈ ಕೈಕೊಂದು ನಡಪುನ ಕ್ರಿಸ್ತ ನಂಬಿಕೆದ ಬೊಕ್ಕ ಎಡ್ಡೆ ಬೋಧನೆದ ಪಾತೆರೊಲೆಡ್ ಬಲವಾದ್ ಉಂತುದಿನಾಯೆ ಆದ್ ಕ್ರಿಸ್ತ ಯೇಸುನ ಒರಿ ಎಡ್ಡೆ ಸೇವಕೆ ಆದುಪ್ಪುವ.

2 ತಿಮೋಥಿ 3:10

ಈಯಾಂಡಲಾ ಎನ ಬೆರಿ ಬರ್ಪಿನಾಯೆ ಆದ್ ಎನ ಬೋಧನೆ, ನಡತೆ, ಉದ್ದೇಶ, ನಂಬಿಕೆ, ತಾಳ್ಮೆ, ಪ್ರೀತಿ, ಸಹನೆ ಉಂದೆನ್ ಮಾತ ತೆರಿದ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:4

ಸುಳ್ಳು ಪನಂದಿನ ದೇವೆರ್ ಆ ನಿತ್ಯಜೀವೊನು ಕೊರ್ಪೆ ಅಂದ್‌ದ್ ಆದಿಡ್ದೇ ವಾಗ್ದತ್ತ ಮಲ್ತ್‌ದ್ ಸರಿಯಾಯಿನ ಸಮಯೊಡು ವಾಗ್ದಾನೊನು ಮುಗಿತ್‌ದ್ ಪ್ರಸಂಗೊಡು ಪ್ರಕಟ ಮಲ್ತೆ. ಆ ಬೋಧನೆದ ಉದ್ಯೋಗೊನು ನಮ ರಕ್ಷಕೆ ಆದುಪ್ಪು ದೇವೆರೆನ ಅಪ್ಪಣೆದ ಮಿತ್ತ್ ಎಂಕ್ ಒಪ್ಪಿಸಾದ್ ಕೊರ್ತೆ.