ಫಿಲಿಪ್ಪಿಯೆರೆಗ್ 2:2 - ಪೊಸ ಒಡಂಬಡಿಕೆ

² ನಿಕುಲು ಒಂಜೇ ಮನಸ್‌ದಾಕುಲಾದ್, ಒಂಜೇ ಪ್ರೀತಿ ಉಪ್ಪುನಾಕುಲಾದ್ ಅನ್ಯಮನ್ಯೊಡು ಇತ್ತಿನಾಕುಲಾದ್ ಅಂಚೆನೇ ಒಂಜೇ ಅಭಿಪ್ರಾಯದಾಕುಲು ಆದಿತ್ತ್‌ದ್ ಎನ ಸಂತೋಷೊನು ಪೂರ್ತಿ ಮಲ್ಪುಲೆ.

ಫಿಲಿಪ್ಪಿಯೆರೆಗ್ 2:2 Cross References

ಯೋಹಾನೆ 3:29

ಮದ್ಮಲ್ ಉಪ್ಪುನಾಯೆನೇ ಮದ್ಮಯೆ. ಆಂಡಲಾ ಮದ್ಮಯನ ಸ್ನೇಹಿತೆ ಆಯ ಕೈತಲ್‌ ಉಂತೊಂದು ಆಯನ ಪಾತೆರೊಲೆನ್ ಕೇಂಡ್ದ್ ಮದ್ಮಯನ ಸ್ವರೊಕ್ಕು ಸಂತೋಷ ಪಡೆಪೆ ಅತ್ತಾ. ನೆತ್ತ ಲೆಕ್ಕನೆ ಎಂಕುಪ್ಪು ಸಂತೋಷ ಪೂರ್ತಿ ಆಂಡ್.

ಅಪೊ.ಕ್ರಿ 1:14

ಮೊಕುಲು ಮಾತೆರ್ಲಾ ಒಂಜೇ ಮನಸ್‌ಡ್ ದೇವೆರೆಡ ಇಡೆ ಬುಡಂದೆ ಪ್ರಾರ್ಥನೆ ಮಲ್ತೊಂದಿತ್ತೆರ್. ಕೆಲವು ಪೊಂಜೊವುಲುಲಾ ಯೇಸುನ ಅಪ್ಪೆ ಆದುಪ್ಪು ಮರಿಯಲಾ ಆಯನ ಸಹೋದ್ರೆರ್‌ಲಾ ಅಪೊಸ್ತಲೆರೆ ಒಟ್ಟುಗು ಇತ್ತೆರ್.

ಅಪೊ.ಕ್ರಿ 2:1

ಪಂಚಾಶತಮ ಪರ್ಬದ ದಿನ ಬನ್ನಗ ಅಕುಲು ಮಾತೆರ್ಲಾ ಒಂಜೇ ಮನಸ್‌ಡ್ ಒಂಜಿ ಜಾಗ್‌ಡ್ ಸೇರ್ದಿತ್ತೆರ್.

ಅಪೊ.ಕ್ರಿ 2:46

ಅಕುಲು ದಿನಾಲ ಒಂಜೇ ಮನಸ್ಸಾದ್ ದೇವಾಲಯೊಡು ಕೂಡೊಂದಿತ್ತೆರ್. ಅಕ್ಲೆನ ಇಲ್ಲ್ ಇಲ್ಲಡ್ ರೊಟ್ಟಿ ಪೊಲ್ತುದು ಸಂತೋಷೊಡ್ಲಾ ಶುದ್ಧ ಮನಸ್‌ಡ್ಲಾ ವಣಸ್ ಮಲ್ತೊಂದಿತ್ತೆರ್.

ಅಪೊ.ಕ್ರಿ 5:12

ಉಂದತ್ತಂದೆ ಅಪೊಸ್ತಲೆರೆ ಕೈಡ್ದ್ ಮಸ್ತ್ ಗುರ್ತೊಲು ಕಾರ್ನಿಕೊಲು ಜನೊಕುಲೆ ಮದ್ಯೊಡು ಆವೊಂದಿತ್ತ್ಂಡ್ ಬೊಕ್ಕ ಮಾತೆರ್ಲಾ ಒಗ್ಗಟ್ಟಾದ್ ಸೊಲೊಮೋನನ ಮಂಟಪೊಡು ಕೂಡೊಂದಿತ್ತೆರ್.

ರೋಮಾಯೆರೆಗ್ 12:16

ನಿಕ್ಲೆ ನಿಕ್ಲೆನ ಉಲಯಿ ಒಂಜೇ ಮನಸ್‌ದಾಕುಲು ಆದುಪ್ಪುಲೆ. ಮಲ್ಲಾದಿಗೆಡ್ ಮನಸ್ ದೀವಂದೆ ತಗ್ಗ್‌ದಿನಾಕುಲೆಡೊಪ್ಪ ಕೂಡೊನ್ಲೆ. ನಿಕ್ಲೆನ್ ನಿಕುಲೇ ಬುದ್ಧಿವಂತೆರಂದ್‌ದ್ ಎನ್ನೊನಡೆ.

1 ಕೊರಿಂಥ್ಯೆರೆಗ್ 1:10

ಸಹೋದ್ರೆರೇ, ನಿಕ್ಲೆನ ಪಾತೆರ ಒಂಜೇ ಆದುಪ್ಪೊಡು; ನಿಕ್ಲೆಡ ಭೇದ ಉಪ್ಪೆರೆ ಬಲ್ಲಿ; ಆಂಡ ನಿಕುಲು ಒಂಜೇ ಮನಸ್‌ಡ್ಲಾ ಒಂಜೇ ಭಾವೊಡ್ಲಾ ಒಂಜಾದುಪ್ಪೊಡು ಅಂದ್‌ದ್ ಯಾನ್ ಎಂಕುಲೆ ಕರ್ತವೆ ಆದುಪ್ಪು ಯೇಸು ಕ್ರಿಸ್ತ ಪುದರ್‌ಡ್ ನಿಕ್ಲೆಡ ನಟ್ಟೊನ್ವೆ.

2 ಕೊರಿಂಥ್ಯೆರೆಗ್ 13:11

ಕಡೆಕ್ಕ್ ಸಹೋದ್ರೆರೇ, ಸಂತೋಷೊಡುಪ್ಪುಲೆ, ಪೂರ್ತಿ ಸರಿ ಆವೊನ್ಲೆ. ಎನ ಬುದ್ಧಿ ಪಾತೆರೊಗು ಕೆಬಿ ಕೊರ್ಲೆ. ಒಂಜೆ ಮನಸ್‌ದಾಕುಲು ಆದುಪ್ಪುಲೆ, ಸಮಾಧಾನೊಡುಪ್ಪುಲೆ. ಅಪಗ ಪ್ರೀತಿನ್ಲಾ ಶಾಂತಿನ್ಲಾ ಕೊರ್ಪಿನ ದೇವೆರ್ ನಿಕ್ಲೆಡೊಪ್ಪ ಉಪ್ಪುವೆ.

2 ಕೊರಿಂಥ್ಯೆರೆಗ್ 2:3

ಅಂಚಾಯಿನೆಡ್ದ್ ಯಾನ್ ಬತ್ತಿನಪಗ ಎಂಕ್ ಸಂತೋಷ ಕೊರ್ಪಿನಾಕುಲೆಡ್ದೇ ದುಃಖ ಉಂಡಾವೆರೆ ಬಲ್ಲಿ ಅಂದ್‌ದ್ ಉಂದೆನ್ ಪತ್ರಿಕೆಡ್ ನಿಕ್ಲೆಗ್ ಬರೆದ್ ತೆರಿಪಾದೆ; ಎನ ಸಂತೋಷ ನಿಕ್ಲೆನ ಮಾತೆರೆನ ಸಂತೋಷ ಅಂದ್‌ದ್ ನಿಕ್ಲೆ ಮಾತೆರೆ ಸಂಗತಿಡ್ ಎಂಕ್ ಭರವಸ ಉಂಡು,

2 ಕೊರಿಂಥ್ಯೆರೆಗ್ 7:7

ಆಯೆ ಬತ್ತಿನೆಡ್ದ್ ಮಾತ್ರ ಅತ್ತ್, ನಿಕ್ಲೆಡ್ದ್ ಆಯಗ್ ಮಸ್ತ್ ಆಧರಣೆ ತಿಕ್ಕ್‌ದ್ಂಡ್ ಪಂಡ್ದ್ ಪಂಡಿನೆಡ್ದ್‌ಲಾ ಎಂಕ್ಲೆಗ್ ಸಮಾಧಾನ ಕೊರಿಯೆ, ನಿಕ್ಲೆ ಆಸೆಲಾ, ನಿಕುಲು ಮಲ್ತಿನ ದುಃಖಲಾ, ಎನ ಕಡೆಕ್ಕ್ ನಿಕ್ಲೆಡಿತ್ತಿನ ಆಸಕ್ತಿನ್ ತೆರಿಪಾಯಿನೆಡ್ದ್‌ಲಾ ಎಂಕ್ ಮಸ್ತ್ ಸಂತೋಷ ಆಂಡ್.

ಫಿಲಿಪ್ಪಿಯೆರೆಗ್ 2:20

ಆಯ ಲೆಕ್ಕ ಕಪಟದಾಂತೆ ನಿಕ್ಲೆ ಎಡ್ಡೆ ಕಾರ್ಯೊಲೆ ಬಗೆಟ್ ಯಥಾರ್ಥತೊಡು ಚಿಂತೆ ಮಲ್ಪುನಾಕುಲು, ಎನ ಕೈತಲ್‌ ಬೇತೆ ಏರ್ಲಾ ಇಜ್ಜೆರ್.

ಫಿಲಿಪ್ಪಿಯೆರೆಗ್ 4:2

ಕರ್ತವಡ್ ಒಂಜೇ ಮನಸ್‌ದಾಕುಲು ಆದುಪ್ಪೊಡು ಅಂದ್‌ದ್ ಯುವೋದ್ಯಡಲಾ ಸಂತುಕೆಡಲಾ ನಟ್ಟೊನ್ವೆ.

ಕೊಲೊಸ್ಸಿಯೆರೆಗ್ 2:5

ಯಾನ್ ಶರೀರೊಡು ನಿಕ್ಲೆಡೊಪ್ಪ ಇಜ್ಜಿಡಲಾ ಆತ್ಮೊಡು ನಿಕ್ಲೆಡೊಪ್ಪನೇ ಉಲ್ಲೆ. ನಿಕುಲು ಕ್ರಮೊಟು ನಡಪುನೆನ್ಲಾ ಕ್ರಿಸ್ತ ನಂಬಿಕೆಡ್ ಸ್ಥಿರಾದ್ ಉಂತುನೆನ್ಲಾ ತೂದು ಸಂತೋಷ ಪಡೆಪೆ.

2 ಥೆಸಲೋನಿಕೆರೆಗ್‌ 2:13

ಆಂಡ ಕರ್ತವಗ್ ಪ್ರೀತಿ ಇತ್ತಿ ಸಹೋದ್ರೆರೇ, ದೇವೆರ್ ಸುರುಡ್ದು ನಿಕ್ಲೆನ್ ಪರಿಶುದ್ಧಾತ್ಮಡ್ ಶುದ್ಧ ಮಲ್ತ್‌ದ್ ಸತ್ಯದ ನಂಬಿಕೆಡ್ ತಿಕ್ಕು ರಕ್ಷಣೆಗ್ ಆದಿಡ್ದ್ ಅಜತ್‌ದ್ ದೆತ್ತೊಂಡಿನೆಡ್ದ್ ಎಂಕುಲು ನಿಕ್ಲೆನ ಸಂಗತಿಡ್ ದೇವೆರೆಗ್ ಏಪಲಾ ಉಪಕಾರ ಮಲ್ಪುನವು ಅಗತ್ಯ ಆದುಂಡು.

2 ತಿಮೋಥಿ 1:4

ಯಾನ್ ನನಲಾ ನಿನ ಕಣ್ಣೀರ್‌ನ್ ಮದತ್‌ಜಿ, ನಿನನ್ ಕುಡೊರ ತೂದು ಸಂತೋಷೊಡು ದಿಂಜೊಡು ಅಂದ್‌ದ್ ಆಸೆ ಮಲ್ಪುವೆ.

ಫಿಲೆಮೋನುಗು 1:20

ಅಂದ್, ಸಹೋದ್ರ, ಕರ್ತವಡ್ ನಿನಡ್ದ್ ಎಂಕ್ ಪ್ರಯೋಜನ ಆಪಿಲೆಕ್ಕ ಮಲ್ಪುಲ; ಕ್ರಿಸ್ತಡ್ ಎನ ಉಡಲ್‌ಗ್ ಸಂತೋಷ ಪಡೆಪಾಲ.

2 ಯೋಹಾನೆ 1:4

ಅಮ್ಮೆರೆಡ್ದ್ ನಂಕ್ ಅಪ್ಪಣೆ ಆಯಿಲೆಕ್ಕನೇ, ಸತ್ಯೊಡು ನಡತೊನುನಾಕುಲು ನಿನ ಜೋಕುಲೆಡ್ ಎಂಕ್ ತೂವೆರೆ ತಿಕ್ಕಿನೆಡ್ದ್ ಎಂಕ್ ದಿಂಜ ಸಂತೋಷ ಆಂಡ್.

3 ಯೋಹಾನೆ 1:4

ಎನ ಜೋಕುಲು ಸತ್ಯೊಡು ನಡತೊಂದುಲ್ಲೆರ್ ಇನ್ಪಿನೆನ್ ಕೇನುನಾತ್ ಮಲ್ಲ ಸಂತೋಷ ಬೇತೆ ದಾಲಾ ಇಜ್ಜಿ.