ಫಿಲಿಪ್ಪಿಯೆರೆಗ್ 2:19 - ಪೊಸ ಒಡಂಬಡಿಕೆ

¹⁹ ಆಂಡ ಕರ್ತವೆ ಆದುಪ್ಪು ಯೇಸುನ ಚಿತ್ತ ಇತ್ತ್ಂಡ, ಯಾನ್ ನಿಕ್ಲೆ ಕೈತಲ್‌ಗ್ ತಿಮೋಥಿನ್ ಬೇಗೊಡು ಕಡಪುಡೊಡು ಅಂದ್‌ದ್ ಉಲ್ಲೆ. ಆಯಡ್ದ್ ನಿಕ್ಲೆ ಸಂಗತಿಲೆನ್ ತೆರಿದ್ ಎಂಕ್ ಸಂತೋಷ ಆವು.

ಫಿಲಿಪ್ಪಿಯೆರೆಗ್ 2:19 Cross References

ಮತ್ತಾಯೆ 12:21

ಪಿದಯಿದ ಜನೊಕುಲು ಇಂಬೆನ ಪುದರ್‌ನ್ ಕೇಂಡ್ದ್ ಕಾತೊಂದುಪ್ಪುವೆರ್.”

ಅಪೊ.ಕ್ರಿ 16:1

ಐಡ್ದ್ ಬೊಕ್ಕ ಆಯೆ ದೆರ್ಬೆಗ್ಲಾ ಲುಸ್ತ್ರೊಗ್ಲಾ ಬತ್ತೆ. ಲುಸ್ತ್ರೊಡು ತಿಮೋಥಿ ಪನ್ಪಿನ ಒರಿ ಶಿಷ್ಯೆ ಇತ್ತೆ. ಇಂಬ್ಯನ ಅಪ್ಪೆ ಕರ್ತವನ್ ನಂಬುನ ಯೆಹೂದಿ ಆದಿತ್ತಲ್. ಆಯನ ಅಮ್ಮೆ ಗ್ರೀಕೆ ಆದಿತ್ತೆ.

ರೋಮಾಯೆರೆಗ್ 15:12

ಬೊಕ್ಕ ಯೆಶಾಯೆ ಬರೆತೆ, “ಇಸ್ಸಾಯನ ಮೂಲದಾಯೆ ಒರಿ ತೋಜಿದ್ ಬರ್ಪೆ. ಆಯೆ ಪಿದಯಿದ ಜನೊಕುಲೆನ್ ಆಳೆರೆಗಾದ್ ಬರ್ಪೆ. ಅಕುಲು ಆಯ ಮಿತ್ತ್ ತನ್ಕುಲೆ ನಿರೀಕ್ಷೆನ್ ದೀಪೆರ್.”

ರೋಮಾಯೆರೆಗ್ 16:21

ಎನ ಜತೆಸೇವಕೆ ತಿಮೋಥಿ, ನಿಕ್ಲೆಗ್ ವಂದನೆಲೆನ್ ತೆರಿಪಾದೆ. ಅಂಚೆನೇ ಸಂಬಂಧಿಕೆರಾಯಿನ ಲೂಕ್ಯೆಲಾ ಯಾಸೋನುಲಾ ಸೋಸಿಪತ್ರೆಲಾ ವಂದನೆಲೆನ್ ಪನ್ಪೆರ್.

1 ಕೊರಿಂಥ್ಯೆರೆಗ್ 4:17

ಐಕಾದೇ ಕರ್ತವಡ್ ಎನ ಮಗೆ ಆದುಪ್ಪು ತಿಮೋಥಿನ್ ನಿಕ್ಲೆ ಕೈತಲ್‌ ಕಡಪುಡ್ದು ಕೊರ್ತೆ. ಆಯೆ ಎಂಕ್ ಪ್ರೀತಿದಾಯೆಲಾ ನಂಬಿಗಸ್ತೆಲಾ ಆದುಲ್ಲೆ. ಆಯೆ ಕ್ರಿಸ್ತನ ಸೇವೆಡುಪ್ಪು ಎನ ನಡಾವಳಿಕೆನ್, ಪಂಡ ಯಾನ್ ಮಾತ ಕಡೆಟ್ಟ್ ಬೊಕ್ಕ ಮಾತ ಸಭೆಕ್ಲೆಡ್ಲಾ ಬೋಧನೆ ಮಲ್ಪುನ ರೀತಿನ್ ನಿಕ್ಲೆನ ನೆನೆಪುಗು ಕನವೆ.

ಎಫೆಸ್ಯೆರೆಗ್ 1:13

ಬೊಕ್ಕ ನಿಕುಲುಲಾ ನಿಕ್ಲೆ ರಕ್ಷಣೆದ ಸುವಾರ್ತೆ ಇನ್ಪಿನ ಸತ್ಯದ ಪಾತೆರೊನು ಕೇಂಡ್ದ್, ಕ್ರಿಸ್ತನ್ ನಂಬುನಕುಲಾದ್ ವಾಗ್ದತ್ತ ಆದುಪ್ಪು ಪರಿಶುದ್ಧಾತ್ಮಡ್ದ್ ಮುದ್ರೆಲಾ ಹೊಂದಿಯರ್.

ಫಿಲಿಪ್ಪಿಯೆರೆಗ್ 1:1

ಕ್ರಿಸ ಯೇಸುನ ದಾಸೆರಾದುಪ್ಪು ಪೌಲುಲಾ ತಿಮೋಥಿಲಾ ಫಿಲಿಪ್ಪಿಡುಪ್ಪು ಕ್ರಿಸ್ತ ಯೇಸುಡು ದೇವಜನೊಕುಲೆಗ್ಲಾ ಸಭಾದ್ಯಕ್ಷೆರೆಗ್ಲಾ ಸಭಾಸೇವಕೆರೆಗ್ಲಾ ಬರೆಪಿನಿ ದಾನೆಂದ್ಂಡ, ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

ಫಿಲಿಪ್ಪಿಯೆರೆಗ್ 2:18

ಅಂಚೆನೇ ನಿಕುಲುಲಾ ಸಂತೋಷ ಮಲ್ತ್‌ದ್ ಎನಡೊಪ್ಪ ಸಂತೋಷ ಮಲ್ಪುಲೆ.

ಫಿಲಿಪ್ಪಿಯೆರೆಗ್ 2:28

ಅಂಚಾಯಿನೆಡ್ದ್ ನಿಕುಲು ಆಯನ್ ತೂದು ಕುಡೊರ ಸಂತೋಷ ಆವೊಡು ಅಂದ್‌ದ್ ಬೊಕ್ಕ ಎಂಕ್‌ಲಾ ದುಃಖ ಕಡಿಮೆ ಆವೊಡು ಪಂಡ್ದ್‌ಲಾ ಆಸಕ್ತಿಡ್ ಆಯನ್ ಕಡಪುಡ್ವೆ.

1 ಥೆಸಲೋನಿಕೆರೆಗ್‌ 3:2

ನಿಕ್ಲೆ ಮಿತ್ತ್ ಬೈದಿನ ಕಷ್ಟ ಸಂಕಟೊಲೆಡ್ ಒರಿಲಾ ಚಂಚಲೆರ್ ಆವಂದಿಲೆಕ್ಕಲಾ ನಿಕ್ಲೆನ್ ಗಟ್ಟಿ ಮಲ್ಪುಲೆಕ್ಕಲಾ ನಿಕ್ಲೆ ನಂಬಿಕೆ ಹೆಚ್ಚಾವೆರೆಗ್ಲಾ ನಿಕ್ಲೆಗ್ ಬೋಧನೆ ಮಲ್ಪೆರೆಗ್ಲಾ ಎಂಕುಲೆ ಸಹೋದ್ರೆಲಾ ಕ್ರಿಸ್ತನ ಸುವಾರ್ತೆದ ಬೇಲೆಡ್ ದೇವೆರೆ ಸೇವಕೆಲಾ ಆದುಪ್ಪು ತಿಮೋಥಿನ್ ನಿಕ್ಲೆ ಕೈತಲ್‌ ಕಡಪುಡುವ.

1 ಥೆಸಲೋನಿಕೆರೆಗ್‌ 3:5

ಅಂಚಾದ್ ಯಾನ್ ನನ ತಡೆತೊನಿಯೆರೆ ಆವಂದೆ, ಒಂಜಿ ವೇಳೆ ಸೈತಾನೆ ನಿಕ್ಲೆನ್ ಶೋಧಿನೆಡ್ದ್ ಎಂಕುಲೆ ಪ್ರಯಾಸ ಪೊಕ್ಕಡೆಗ್ ಆಂಡಾ ಅಂದ್‌ದ್ ನಿಕ್ಲೆ ನಂಬಿಕೆದ ವಿಷಯೊನು ತೆರಿಯೊನಿಯೆರೆ ತಿಮೋಥಿನ್ ಕಡಪುಡಿಯೆ.

2 ಥೆಸಲೋನಿಕೆರೆಗ್‌ 1:3

ಸಹೋದ್ರೆರೇ, ನಿಕ್ಲೆನ ನಂಬಿಕೆ ದಿನೊಡ್ದು ದಿನ ಬುಲೆವೊಂದುಂಡು. ಬೊಕ್ಕ ನಿಕ್ಲೆ ಉಲಯಿದ ಪ್ರೀತಿ ನಿಕ್ಲೆ ಮಾತೆರೆಡ್ ಹೆಚ್ಚೊಂದು ಬರ್ಪಿನೆಡ್ದ್ ಎಂಕುಲು ನಿಕ್ಲೆನ ಸಂಗತಿಡ್ ದೇವೆರೆಗ್ ಏಪಲಾ ಉಪಕಾರ ಮಲ್ಪುನವು ಅಗತ್ಯ ಆದುಂಡು.

2 ತಿಮೋಥಿ 1:12

ಈ ಕಾರಣೊಗಾದ್ ಯಾನ್ ಈ ಭಂಗೊಲೆನ್ ತಾಳೊಂದುಲ್ಲೆ. ಆಂಡ ಯಾನ್ ನಾಚಿಗೆ ಮಲ್ಪುಜಿ, ಯಾನ್ ನಂಬುನಾಯನ್ ತೆರಿದೆ, ಆಯೆ ಎಂಕ್ ಒಚ್ಚಿದ್ ಕೊರಿನೆನ್ ಆ ದಿನಕಾದ್ ಕಾಪೆರೆಗ್ ಶಕ್ತಿ ಇತ್ತಿನಾಯೆ ಆದುಲ್ಲೆ ಅಂದ್‌ದ್ ಯಾನ್ ದೃಢಾದ್ ನಂಬುವೆ.

ಯಾಕೋಬು 4:15

ಐಕಾದ್ ನಿಕುಲು ಅಂಚಿತ್ತಿ ಪಾತೆರ ಬುಡ್ದು, ಕರ್ತವ ಚಿತ್ತ ಇತ್ತ್ಂಡ, ಎಂಕುಲು ಬದ್‌ಕ್‌ದ್ ಈ ಬೇಲೆ ಅತ್ತ್‌ಡ ಆ ಬೇಲೆನ್ ಮಲ್ಪುವ ಅಂದ್‌ದ್ ಪನೊಡು.

1 ಪೇತ್ರೆ 1:21

ನಿಕುಲು ಯೇಸು ಕ್ರಿಸ್ತಡ್ದ್ ದೇವೆರೆನ್ ನಂಬುನಾಕುಲು ಆಯರ್. ಆಯನ್ ಸೈತಿನಾಕುಲೆಡ್ದ್ ಲಕ್ಕಾಯಿನೆಡ್ದ್ ದೇವೆರೆಗ್ ಮೈಮೆ ಆಂಡ್, ಐಡ್ದಾವರ ನಿಕ್ಲೆ ನಂಬಿಕೆಲಾ ನಿರೀಕ್ಷೆಲಾ ದೇವೆರೆ ಮಿತ್ತ್ ನಿಲೆ ಆದುಪ್ಪುಂಡು.