ಫಿಲಿಪ್ಪಿಯೆರೆಗ್ 2:17 - ಪೊಸ ಒಡಂಬಡಿಕೆ

¹⁷ ನಿಕ್ಲೆನ ನಂಬಿಕೆ ಪನ್ಪಿ ಬಲಿನ್ ದೇವೆರೆಗ್ ಅರ್ಪಣೆ ಮಲ್ಪುನ ಸೇವೆಡ್ ಯಾನೇ ನೀರ್‌ದ ಲೆಕ್ಕ ಕರಗ್‌ದ್ ಬಲಿ ಆವೊಡಾಂಡಲಾ ಎಂಕ್ ಸಂತೋಷ.

ಫಿಲಿಪ್ಪಿಯೆರೆಗ್ 2:17 Cross References

ಅಪೊ.ಕ್ರಿ 20:24

ಆಂಡ ಯಾನ್ ಎನ ಸ್ವಂತ ಜೀವದ ಸಂಗತಿಡ್ ಚಿಂತೆ ಮಲ್ಪುಜಿ. ದೇವೆರೆನ ದಯತ ಸುವಾರ್ತೆದ ಸಂಗತಿಡ್ ಸಾಕ್ಷಿ ಕೊರ್ಪಿನವೇ ಎನ ಬೇಲೆ ಆದುಂಡು. ಕರ್ತವೆ ಆದುಪ್ಪು ಯೇಸುಡ್ದು ತಿಕ್ಕಿ ಸೇವೆನ್ ಸಂತೋಷೊಡು ಪೂರೈಸುನವೇ ಎನ ಆಸೆ ಆದುಂಡು.

ಅಪೊ.ಕ್ರಿ 21:13

ಐಕ್ ಪೌಲು, “ನಿಕುಲು ಬುಲ್ತುದು ಎನ ಮನಸ್‌ನ್ ಕರಗಾವೊಡ್ಚಿ ಯಾನ್ ಕರ್ತವೆ ಆದುಪ್ಪು ಯೇಸುನ ಪುದರ್‌ಗಾದ್ ಯೆರೂಸಲೇಮುಡು ಸೆರೆಮನೆತ ಸರಪೊಳಿಡ್ ಮಾತ್ರ ಅತ್ತಂದೆ ಸೈಯೆರೆಗ್ಲಾ ತಯಾರಾದುಲ್ಲೆ,” ಅಂದ್‌ದ್ ಪಂಡೆ.

ರೋಮಾಯೆರೆಗ್ 12:1

ಅಂಚಾದ್ ಸಹೋದ್ರೆರೇ, ದೇವೆರೆ ಕನಿಕರೊನು ನಿಕ್ಲೆನ ನೆನೆಪುಗು ಕನತ್‌ದ್ ನಿಕ್ಲೆಡ ನಟ್ಟೊನೊನು ದಾನೆಂದ್ಂಡ, ನಿಕುಲು ನಿಕ್ಲೆನ ಶರೀರೊಲೆನ್ ದೇವೆರೆಗ್ ಪರಿಶುದ್ಧಲಾ ಮೆಚ್ಚಿಗೆಲಾ ಆದುಪ್ಪು ಸಜೀವ ಯಜ್ಞದ ಬಲಿ ಆದ್ ಒಚ್ಚಿದ್ ಕೊರ್ಲೆ. ಉಂದೇ ನಿಕ್ಲೆನ ನಿಜವಾಯಿನ ಆರಾಧನೆ.

ರೋಮಾಯೆರೆಗ್ 15:16

ಪಿದಯಿದ ಜನೊಕುಲೆಗಾದ್ ಬೇಲೆ ಮಲ್ಪೆರೆ, ದೇವೆರ್ ಯೇಸು ಕ್ರಿಸ್ತನ ಸೇವಕೆ ಆದುಪ್ಪೆರೆ ಎಂಕ್ ಕೊರಿನ ಎಡ್ಡೆ ಸಂದರ್ಭೊಡ್ದಾದ್ ಎಂಕ್ ಈ ಧೈರ್ಯ ಉಂಡಾಂಡ್. ದೇವೆರೆಡ್ದ್ ಬತ್ತಿನ ಈ ಸುವಾರ್ತೆ ಸಾರಿಯುನೆಟ್ಟ್ ಯಾನ್ ಒರಿ ಯಾಜಕಲೆಕ್ಕ ಸೇವೆ ಮಲ್ಪುವೆ. ಉಂದೆಡ್ದ್ ಪಿದಯಿದ ಜನೊಕುಲುಲಾ ಪರಿಶುದ್ಧಾತ್ಮೊಡ್ದು ಯೋಗ್ಯದಾಕುಲಾಯಿ ಅರ್ಪಣೆ ಆವಡ್ ಅಂದ್‌ದ್ ಎನ ಆಸೆ.

2 ಕೊರಿಂಥ್ಯೆರೆಗ್ 12:15

ನಿಕ್ಲೆ ಆತ್ಮ ರಕ್ಷೆಣೆಗಾದ್ ಆತಿ ಸಂತೊಸೊಡು ಎನನೇ ಕೊರೊಂದುಲ್ಲೆ. ಯಾನ್ ನಿಕ್ಲೆನ್ ಹೆಚ್ಚಾದ್ ಪ್ರೀತಿ ಮಲ್ಪುನಗ ನಿಕುಲು ಎನನ್ ಕಡಿಮೆ ಪ್ರೀತಿ ಮಲ್ಪುವರಾ?

2 ಕೊರಿಂಥ್ಯೆರೆಗ್ 4:12

ಇಂಚ ಎಂಕ್ಲೆಡ್ ಮರಣ ಕಾರ್ಯ ಮಲ್ಪುಂಡು; ಆಂಡ ನಿಕ್ಲೆಡ್ ಜೀವ ಕಾರ್ಯ ಮಲ್ಪುಂಡು.

2 ಕೊರಿಂಥ್ಯೆರೆಗ್ 6:10

ದುಃಖ ಮಲ್ತೊಂದಿತ್ತ್‌ಂಡಲಾ ಏಪಲಾ ಸಂತೋಷ ಮಲ್ತೊಂದಿತ್ತಿನಾಕುಲು ಆದುಲ್ಲ. ಬಡವೆರಾಂಡಲಾ ಮಸ್ತ್ ಜನೊಕುಲೆಗ್ ಐಶ್ವರ್ಯವಂತೆರಾದ್ ಮಲ್ಪುನಾಕುಲು ಆದುಲ್ಲ. ದಾಲಾ ದಾಂತಿನಾಕುಲಾಂಡಲಾ ಮಾತಲಾ ಇತ್ತಿನಾಕುಲಾದುಲ್ಲ.

2 ಕೊರಿಂಥ್ಯೆರೆಗ್ 7:4

ಎಂಕ್ ನಿಕ್ಲೆಡ್ ಎಡ್ಡೆ ಭರವಸೆ ಉಂಡು; ನಿಕ್ಲೆ ಸಂಗತಿಡ್ ಹೆಮ್ಮೆ ಉಂಡು. ಎಂಕುಲೆ ಮಾತ ಸಂಕಟೊಲೆಡ್ಲಾ ಆಧಾರಣೆಡ್ದ್ ದಿಂಜಿದುಲ್ಲ ಬೊಕ್ಕ ಮಾತ ಭಂಗೊಲೆಡ್ದ್‌ಲಾ ಎನ ಸಂತೋಷ ಹೆಚ್ಚಾಪುಂಡು.

ಫಿಲಿಪ್ಪಿಯೆರೆಗ್ 1:20

ಯಾನ್ ವಾ ವಿಷಯೊಗಾಂಡಲಾ ನಾಚಿಗೆಗ್ ಗುರಿ ಆವಂದೆ ಏಪೊಗ್ಲಾ ಇತ್ತಿಲೆಕ್ಕ ಇದ ಮುಟ್ಟಲಾ ಧೈರ್ಯೊಡು ಉಪ್ಪುನೆಡ್ದ್. ಯಾನ್ ಬದುಕೊಂದಿತ್ತ್‌ಂಡಲಾ ಸರಿ, ಸೈತ್ಂಡಲಾ ಸರಿ ಎನ ಶರೀರೊಡ್ದು ಕ್ರಿಸ್ತಗ್ ಮೈಮೆ ಉಂಡಾವೊಡು ಅಂದ್‌ದ್ ಎಂಕ್ ಆಸೆಲಾ ಭರವಸೆಲಾ ಉಂಡು.

ಫಿಲಿಪ್ಪಿಯೆರೆಗ್ 2:18

ಅಂಚೆನೇ ನಿಕುಲುಲಾ ಸಂತೋಷ ಮಲ್ತ್‌ದ್ ಎನಡೊಪ್ಪ ಸಂತೋಷ ಮಲ್ಪುಲೆ.

ಫಿಲಿಪ್ಪಿಯೆರೆಗ್ 4:18

ಎಪಫ್ರೊದಿತನ ಕೈಟ್ ನಿಕುಲು ಕೊರ್ದು ಕಡಪುಡ್ದಿನವು ಎಂಕ್ ಬತ್ತ್‌ದ್ ಮುಟ್ಟುದುಂಡು ಅವು ಹೆಚ್ಚಿಗೆದವುಲಾ ಆದುಂಡು. ಅವು ದೇವೆರೆಗ್ ಮೆಚ್ಚಿಗೆದವುಲಾ ಕಮ್ಮೆನದವುಲಾ ಆದುಪ್ಪುನ ಇಷ್ಟ ಬಲಿನೇ ಆದುಂಡು.

ಕೊಲೊಸ್ಸಿಯೆರೆಗ್ 1:24

ಯಾನ್ ಇತ್ತೆ ನಿಕ್ಲೆಗಾದ್ ಅನುಭವ ಮಲ್ತಿ ಭಂಗೊಲೆಡ್ ಸಂತೋಷ ಪಡೆಯೊಂದುಲ್ಲೆ. ಕ್ರಿಸ್ತನ ಭಂಗೊಲೆಡ್ ಬಾಕಿ ಒರಿದಿನೆನ್ ಸಭೆ ಇನ್ಪಿ ಆಯನ ಶರೀರೊಗಾದ್ ಎನ ಶರೀರೊಡು ಅನುಭವ ಮಲ್ತ್‌ದ್ ತೀರಿಸಾವೆ.

1 ಥೆಸಲೋನಿಕೆರೆಗ್‌ 2:8

ನಿಕುಲು ಎಂಕ್ಲೆಗ್ ಬಾರಿ ಪ್ರೀತಿದಾಕುಲು ಆದಿತ್ತಿನೆಡ್ದಾವರ ಎಂಕುಲು ನಿಕ್ಲೆಗ್ ಪ್ರೀತಿಡ್ ದೇವೆರೆನ ಸುವಾರ್ತೆ ಪನಿಯೆರೆ ಮಾತ್ರತ್ತಂದೆ ನಿಕ್ಲೆಗಾದ್ ಎಂಕ್ಲೆನ ಇಡೀ ಪ್ರಾಣೊನೇ ಕೊರಿಯೆರೆ ತಯಾರಾದಿತ್ತ.

2 ತಿಮೋಥಿ 4:6

ಯಾನಾಂಡ ಇತ್ತೆನೇ ನೀರ್‌ದ ಲೆಕ್ಕ ಅರ್ಪಣೆ ಆವೊಂದುಲ್ಲೆ. ಯಾನ್ ಈ ಲೋಕೊಡ್ದು ಪೋಪಿನ ಸಮಯ ಕೈತಲ್‌ ಬತ್ತ್ಂಡ್.

1 ಪೇತ್ರೆ 2:5

ಐತ ಲೆಕ್ಕನೇ ನಿಕುಲುಲಾ ಜೀವ ಇತ್ತಿ ಕಲ್ಲ್‌ಲು ಆದುಲ್ಲರ್. ನಿಕ್ಲೆನ್ ದೇವೆರ್ ಆತ್ಮಸಮ್ಮಂಧವಾಯಿನ ಮಂದಿರದಂಚ ಕಟ್ಟಾವೊಂದು ಉಲ್ಲರ್. ಬೊಕ್ಕ ಯೇಸು ಕ್ರಿಸ್ತಡ್ದ್ ದೇವೆರೆಗ್ ಒಪ್ಪಿಗೆ ಇತ್ತಿ ಆತ್ಮೀಕ ಬಲಿನ್ ಸಮರ್ಪಣೆ ಮಲ್ಪುನ ಪರಿಶುದ್ಧ ಯಾಜಕ ವರ್ಗದಾಕುಲಾದುಲ್ಲರ್.

1 ಯೋಹಾನೆ 3:16

ಕ್ರಿಸ್ತೆ ನಂಕಾದ್ ತನ ಜೀವ ಕೊರ್ತಿನೆಡ್ದ್ ನಿಜವಾಯಿನ ಪ್ರೀತಿ ದಾನೆ ಅಂದ್‌ದ್ ನಂಕ್ ತೆರಿದ್‌ಂಡ್. ಅಂಚೆನೇ ನಮಲಾ ಸಹೋದ್ರೆರೆಗಾದ್ ನಮ ಪ್ರಾಣೊನು ಕೊರಿಯೆರೆ ತಯಾರಾದುಪ್ಪೊಡು.