14 ಗುಣುಗುಟ್ಟಂದೆಲಾ ವಾದ ಮಲ್ಪಂದೆಲಾ ಮಾತೆನ್ ಮಲ್ಪುಲೆ.
ಅವೆನ್ ದೆತ್ತೊಂದು ಇಲ್ಲದ ಯಜಮಾನನ ಮಿತ್ತ್ ಗುಣುಗುಟ್ಟುದು,
ಈ ಎಣ್ಣೆನ್ ಮುನ್ನೂದು ಕಾಸ್‌ಡ್ದ್ ಹೆಚ್ಚ್ ಬಿಲೆಕ್ ಮಾರ್ದ್, ಬಡವೆರೆಗ್ ಕೊರ್ತೊಲಿ ಅತ್ತಾ?” ಅಂದ್‌ದ್ ಆಲೆಗ್ ಕುಚ್ಚೊಂಡೆರ್.
ಐಡ್ದ್ ಬೊಕ್ಕ ಒರಿದಿ ಶಿಷ್ಯೆರೆನ ಕೈತಲ್‌ ಬನ್ನಗ, ಸುತ್ತಲಾ ಜನೊಕುಲು ಬೊಕ್ಕ ಶಾಸ್ತ್ರಿಲು ಮಲ್ಲ ಗುಂಪುಡು ಉಂತುದು ಅಕ್ಲೆಡ ಚರ್ಚೆ ಮಲ್ಪುನೆನ್ ತೂಯೆರ್.
ಅವೆನ್ ತೂದು ಪರಿಸಾಯೆರೆಡೊಪ್ಪ ಇತ್ತಿ ಶಾಸ್ತ್ರಿಲು ಆಯನ ಶಿಷ್ಯೆರೆಡ ಗುಟ್ಟುಡು, “ನಿಕುಲು ಸುಂಕದಾಕುಲೆಡೊಪ್ಪಲಾ ಪಾಪಿಲೆಡೊಪ್ಪಲಾ ಉನ್ಪಿನಿ ದಾಯೆಗ್?” ಅಂದ್‌ದ್ ಕೇಂಡೆರ್.
ಐಡ್ದಾವರ ಪೌಲು ಬೊಕ್ಕ ಬಾರ್ನಬಡ ಮಲ್ಲ ತರ್ಕ ಉಂಡಾಂಡ್. ಉಂದೆತ್ತ ಸಂಗತಿಡ್ ಪೌಲುಲಾ ಬಾರ್ನಬೆಲಾ ತನ್ಕುಲೆಡ್ದೇ ಬೇತೆ ಕೆಲೆವೆರೆನ್ಲಾ ಯೆರೂಸಲೇಮುಡಿತ್ತಿ ಅಪೊಸ್ತಲೆರೆ ಬೊಕ್ಕ ಸಭೆತ ಹಿರಿಯೆರ್‌ನ ಕೈತಲ್‌ ಪೋವೊಡು ಅಂದ್‌ದ್ ತೀರ್ಮಾನ ಮಲ್ತೆರ್.
ನೆತ್ತ ಸಂಗತಿಡ್ ಮಲ್ಲ ತರ್ಕ ಮಲ್ತ್‌ದ್ ಪೌಲುಲಾ ಬಾರ್ನಬೆಲಾ ಬೇತೆ ಬೇತೆ ಆಯೆರ್, ಬಾರ್ನಬೆ ಮಾರ್ಕನ್ ಲೆತ್ತೊಂದು ಕಡಲ್ದ ಸಾದಿಯಾದ್ ಕುಪ್ರದ್ವೀಪೊಗು ಪೋಯೆ.
ಪೇತ್ರೆ ಲಕ್ಕ್‌ದ್ ಅಕ್ಲೆಗ್, “ಸಹೋದರೆರೆ, ಪಿದಯಿದ ಜನೊಕುಲು ಎನ ಬಾಯಿಡ್ದ್ ಸುವಾರ್ತೆದ ಪಾತೆರೊನು ಕೇಂಡ್ದ್ ನಂಬೊಡು ಅಂದ್‌ದ್ ದೇವೆರ್ ನಿಕ್ಲೆಡ್ದ್ ಎನನ್ ಅಜತ್‌ದ್ ದೆತ್ತೊಂಡಿನವು ನಿಕ್ಲೆಗ್ ತೆರಿದುಂಡು.
ಆ ದಿನೊಕುಲೆಡ್ ಯೇಸುನ ಶಿಷ್ಯೆರ್ ಹೆಚ್ಚೊಂದಿತ್ತೆರ್. ಅಕ್ಲೆ ನಡುಟು ಗ್ರೀಕ್ ಭಾಷೆ ಪಾತೆರುನಾಕುಲು ಇಬ್ರಿಯ ಭಾಷೆ ಪಾತೆರುನಾಕುಲೆ ಮಿತ್ತ್ ದಿನದಿನತ ಉಪಚಾರೊಡು ವಿಧವೆರೆನ್ ಸಜ್ಜಿಡ್ ಚಾಕ್ರಿ ಮಲ್ಪುಜೆರ್ ಅಂದ್‌ದ್ ಅಪೊಸ್ತಲೆರೆಡ ದೂರು ಕೊರಿಯೆರ್
ಸಾದ್ಯ ಆಂಡ ಮಾತೆರೆಡೊಪ್ಪ ಸಮಾಧಾನೊಡು ಉಪ್ಪುಲೆ.
ನಂಬಿಕೆಡ್ ಬಲಹೀನ ಇತ್ತಿನಾಕುಲೆನ್ಲಾ ಸೇರಾವೊನ್ಲೆ; ಆಂಡ ಅಕ್ಲೆನ ಎದರುಡು ಸಂಶಯದ ಸಂಗತಿಲೆನ್ ಚರ್ಚೆ ಮಲ್ಪಡೆ.
ಎನ ಸಹೋದ್ರೆರೇ, ನಿಕುಲು ಕಲ್ತೊಂಡಿ ಬೋಧನೆಗ್ ವಿರೋಧಾದ್ ಭೇದ ಆತಂಕ ಮಲ್ಪುನಾಕುಲೆ ಮಿತ್ತ್ ಕಣ್ಣ್ ದೀದ್ ಅಕ್ಲೆಡ್ದ್ ದೂರ ಉಪ್ಪುಲೆ ಪಂಡ್ದ್ ನಿಕ್ಲೆಡ ನಟ್ಟೊನ್ವೆ.
ಕೆಲೆವೆರ್ ಗುಣುಗುಟ್ಟುದು ಹಾಳ್ ಮಲ್ಪುನ ದೂತನ ಕೈಡ್ದ್ ನಾಶ ಆಯೆರ್. ನಿಕುಲು ಗುಣುಗುಟ್ಟಡೆ.
ಯಾನ್ ಬತ್ತಿನಪಗ ನಿಕುಲು ಯಾನ್ ಎನ್ನಿಲೆಕ್ಕ ತೋಜುವರಾ ಇಜ್ಜಾ, ಯಾನ್ ನಿಕುಲು ಎನ್ನಿಲೆಕ್ಕ ತೋಜುವೆನಾ ಇಜ್ಜಾ ಎಂಕ್ ಪೋಡಿಗೆ ಉಂಡು. ಒಂಜಿ ವೇಳೆ ನಿಕ್ಲೆಡ್ ಲಡಯಿ, ಮಚ್ಚರ, ಕೋಪ, ಸ್ವಾರ್ಥ, ಅವಮಾನ, ಚಾಡಿ ಪನ್ಪಿನವು, ಸೊರ್ಕು, ಗಲಿಬಿಲಿ ಪುಟ್ಟಾವುಂಡು ಪನ್ಪಿನ ಪೋಡಿಗೆ ಎಂಕುಂಡು.
ನಿಕುಲು ಒರಿಯಗ್ ಒರಿ ತುಚ್ಚಿದ್ ಪರ್ತೊಂದು ದಿಂಗುನಾಕುಲಾಯರ್ಡ ಒರಿಯಡ್ದೊರಿ ನಾಶ ಆಪರ್, ತೂವೊನ್ಲೆ.
ನಮ ಪೊಕ್ಕಡೆದ ಪುಗರಿಕೆಗ್ ಆಸೆ ಮಲ್ಪಂದೆ ಒರಿ ಒರಿಯಗ್ ಕೋಪ ಲಕ್ಕಾವಂದೆ, ಒರಿ ಒರಿಯಗ್ ಮಚ್ಚರ ಮಲ್ಪಂದೆ ಉಪ್ಪುಗ.
ಸ್ವಾರ್ಥದಾಕುಲಾವಡೆ, ನನೊರಿಯನ್ ಮೆಚ್ಚಾವೆರೆ ಪೋವಡೆ, ತಗ್ಗಾವೊನ್ಲೆ, ನನೊರಿಯನ್ ತನ್ಕುಲೆಡ್ದ್ ಹೆಚ್ಚ್‌ದಾಕುಲು ಅಂದ್‌ದ್ ಎನ್ನ್‌ಲೆ.
ಅಕ್ಲೆನ ಬೇಲೆದ ಸಂಗತಿಡ್ ಅಕ್ಲೆನ್ ಪ್ರೀತಿಡ್ ಮಸ್ತ್ ಸನ್ಮಾನ ಮಲ್ಪೊಡು ಅಂದ್‌ದ್ ನಿಕ್ಲೆಡ ನಟ್ಟೊನ್ವ. ನಿಕ್ಲೆನಿಕ್ಲೆ ನಡುಟು ಸಮಾಧಾನೊಡುಪ್ಪುಲೆ.
ಏರ್ಲಾ ಅನ್ಯಾಯ ಮಲ್ತಿನಾಕುಲೆಗ್ ಅನ್ಯಾಯ ಮಲ್ಪೊಡ್ಚಿ. ಏಪಲಾ ನಿಕುಲು ಒರಿ ಒರಿಯಗಾದ್‌ಲಾ ಮಾತೆರೆಗಾದ್‌ಲಾ ಎಡ್ಡೆ ಮಲ್ಪೆರೆ ತೂಲೆ.
ಮಾತೆರೆಡೊಪ್ಪ ಸಮಾಧಾನೊಡುಪ್ಪೆರೆಲಾ ಪರಿಶುದ್ಧತೆಡ್ ಉಪ್ಪುನೆಕ್ಕ್‌ಲಾ ಪ್ರಯತ್ನ ಮಲ್ಪುಲೆ. ಪರಿಶುದ್ಧತೆ ಇಜ್ಜಂದೆ ಏರ್ಲಾ ಕರ್ತವನ್ ತೂಪುಜೆರ್.
ದಾಯೆಗಂದ್ಂಡ, ನರಮಾನಿ ಕೋಪ, ದೇವೆರೆಗ್ ಮೆಚ್ಚಿಗೆ ಆದುಪ್ಪು ನೀತಿಗ್ ಸರಿ ಆದುಪ್ಪುಜಿ.
ಆಂಡ ನಿಕ್ಲೆ ಉಡಲ್‌ಡ್ ಮಚ್ಚರಲಾ ಸ್ವಾರ್ಥೊಡ್ಲಾ ದಿಂಜಿದಿತ್ತ್‌ಂಡ, ನಿಕುಲು ಸತ್ಯೊಗು ವಿರೋಧಾದ್ ಸುಳ್ಳು ಪಾತೆರಂದೆ ಪುಗರೊನಂದೆ ಉಪ್ಪುಲೆ.
ಸಹೋದ್ರೆರೇ, ನಿಕ್ಲೆಗ್ ನ್ಯಾಯತೀರ್ಪು ಆವಂದಿಲೆಕ್ಕ ಒರಿಯಗ್ ಒರಿ ಗುಣುಗುಟ್ಟಡೆ. ತೂಲೆ, ನ್ಯಾಯಾಧಿಪತಿ ಬಾಕಿಲ್‌ಡೇ ಉಲ್ಲೆ.
ಆಯೆ ಪಡಿಕೆಂತಿನೆನ್ ಬುಡ್ದು ಎಡ್ಡೆಂತಿನೆನ್ ಮಲ್ಪಡ್; ಸಮಾಧಾನೊನು ನಾಡ್ದ್ ಐಕ್ ತಕ್ಕ ನಡಪೆರೆ ಪ್ರಯತ್ನ ಮಲ್ಪಡ್.
ಗುಣುಗುಟ್ಟಂದೆ ಒರಿ ಒರಿಯಗ್ ಸತ್ಕಾರ ಮಲ್ಪುಲೆ.
ಇಂಚಿತ್ತಿನಾಕುಲು ಗುಣುಗುಟ್ಟುನಾಕುಲು, ಒರಿಯನ ತಪ್ಪುನು ನಾಡ್ ಪತ್ತುನಾಕುಲು, ತನ್ಕುಲೆ ಇಚ್ಚೆಲೆಗ್ ತಕ್ಕ ನಡಪುನಾಕುಲು, ಬೂಟು ಪಾತೆರುನಾಕುಲು, ಅವ್ವತ್ತಂದೆ ಲಾಭೊಗಾದ್ರ ಮೋನೆಗ್ ತಕ್ಕ ಪಾತೆರುನಾಕುಲು ಆದುಲ್ಲೆರ್.
