ಫಿಲಿಪ್ಪಿಯೆರೆಗ್ 2:13 - ಪೊಸ ಒಡಂಬಡಿಕೆ

¹³ ದಾಯೆಗಂದ್ಂಡ ದೇವೆರ್ ನಿಕ್ಲೆಡ್ ಬೇಲೆ ಮಲ್ತ್‌ದ್, ಆಯಗ್ ಮೆಚ್ಚಿಗೆ ಇತ್ತಿನೆನ್ ಮಲ್ಪುನ ಆಸೆನ್ ನಿಕ್ಲೆಡ್ ಪುಟ್ಟಾದ್ ಐಕ್ ಬೋಡಾಪಿ ತ್ರಾಣೊನು ಕೊರ್ಪೆ.

ಫಿಲಿಪ್ಪಿಯೆರೆಗ್ 2:13 Cross References

ಲೂಕೆ 12:32

“ಎಲ್ಯ ಪುಂಡೇ, ಪೋಡ್ಯಡ; ದಾಯೆಗಂದ್ಂಡ ನಿಕ್ಲೆಗ್ ರಾಜ್ಯೊನು ಕೊರಿಯೆರೆ ನಿಕ್ಲೆ ಪರಲೋಕೊಡುಪ್ಪು ಅಮ್ಮೆರೆಗ್ ಸಂತೋಷ ಉಂಡು.

ಲೂಕೆ 2:14

“ಪರಲೋಕೊಡುಪ್ಪು ದೇವೆರೆಗ್ ಮೈಮೆ, ಭೂಲೋಕೊಡು ನರಮಾನಿಲೆಗ್ ಸಮಾಧಾನ. ದೇವೆರ್ ಅಕ್ಲೆನ್ ಮೆಚ್ಚುವೆರ್.”

ಯೋಹಾನೆ 3:27

ಯೋಹಾನೆ, “ದೇವೆರ್ ಪರಲೋಕೊಡ್ದು ದಯ ಮಲ್ತ್ ಕೊರ್ಪಿನವು ಅತ್ತಂದೆ ನರಮಾನಿಗ್ ಹೆಚ್ಚಿಗೆದವು ದಾಲಾ ತಿಕ್ಕಂದ್.

ಯೋಹಾನೆ 6:45

‘ಅಕುಲು ಮಾತೆರ್ಲಾ ದೇವೆರೆಡ್ದ್ ಕಲ್ತಿನಾಕುಲಾದುಲ್ಲೆರ್,’ ಅಂದ್‌ದ್ ಪ್ರವಾದಿಲೆಡ್ ಬರೆತ್ಂಡ್. ಅಮ್ಮೆರೆಡ್ದ್ ಕೇಂಡ್ದ್ ಕಲ್ತಿನಾಕುಲು ಮಾತೆರ್ಲಾ ಎನ ಕೈತಲ್‌ ಬರ್ಪೆರ್.

ಯೋಹಾನೆ 6:65

ಬೊಕ್ಕ ಯೇಸು ಅಕ್ಲೆಡ, “ಅಮ್ಮೆರೆನ ಅಪ್ಪಣೆದಾಂತೆ ಎನ ಕೈತಲ್ ಬರಿಯೆರೆ ಸಾದ್ಯ ಇಜ್ಜಿ, ಅಂದ್‌ದ್ ಯಾನ್ ನಿಕ್ಲೆಗ್ ಸುರುಡ್ದೇ ಪನೊಂದಿತ್ತೆ,” ಪಂಡೆ.

ಅಪೊ.ಕ್ರಿ 11:21

ಕರ್ತವ ಸಹಾಯ ಇತ್ತಿನೆಡ್ದ್ ಮಸ್ತ್ ಜನ ನಂಬುದು ಕರ್ತವ ಕಡೆಕ್ಕ್ ತಿರ್ಗೊಂಡೆರ್.

ರೋಮಾಯೆರೆಗ್ 12:3

ದೇವೆರ್ ಎಂಕ್ ದಯ ಮಲ್ತಿನ ಸೇವೆನ್ ನಡಪಾದ್ ನಿಕ್ಲೆಡ ಒರಿ ಒರಿಯಗ್ ಪನ್ಪಿನಿ ದಾನೆಂದ್ಂಡ, ಏರ್ಲಾ ತನ ಯೋಗ್ಯತೆನ್ ಮೀರ್‌ದ್ ತನನ್ ತಾನೇ ಎನ್ನೊನಂದೆ, ಐತ ಪಗತೆಗ್ ನಿಕ್ಲೆ ಯೋಚನೆಡ್ ತಕ್ಕದಾಕುಲಾದಿತ್ತ್‌ದ್ ದೇವೆರ್ ನಿಕ್ಲೆಗ್ ಕೊರ್ತಿನ ನಂಬಿಕೆಗ್ ಸರಿಯಾದ್ ನಿಕ್ಲೆನ್ ತೀರ್ಪು ಮಲ್ತೊನ್ಲೆ.

ರೋಮಾಯೆರೆಗ್ 9:11

ಆ ಜೋಕುಲು ಒರಿಯೇ ಅಮ್ಮೆರೆಗ್ ಜೋಕುಲಾದಿತ್ತ್‌ಂಡಲಾ ಪುಟ್ಟೊಡ್ದುಂಬೇ ವಾ ಎಡ್ಡೆ ಪಡಿಕೆಲೆನ್ ಮಲ್ಪಂದೆ ಉಪ್ಪುನಗ ಮಲ್ಲಾಯೆ ಎಲ್ಯಾಯನ ಚಾಕ್ರಿ ಮಲ್ಪುವೆ ಅಂದ್‌ದ್ ಆಲೆಗ್ ಪಂಡ್ದಿತ್ತ್‌ಂಡ್. ನೆಡ್ದ್ ದೇವೆರ್ ತನ್ಕ್ ಮನಸಿತ್ತಿನಾಕುಲೆನ್ ಅಜತೊನುವೆ ಪನ್ಪಿ ಸಂಕಲ್ಪ ಶಾಶ್ವತಾದ್ ಉಪ್ಪೊಡುಂದುದು ತೋಜಾಯೆ. ಆ ಸಂಕಲ್ಪೊಲು ಭಾಗ್ಯೊಗು ಆಧಾರ ಆದುಪ್ಪಂದೆ ಲೆಪ್ಪುನಾಯನ ಚಿತ್ತದ ಮಿತ್ತೇ ಆಧಾರ ಆದುಂಡು.

ರೋಮಾಯೆರೆಗ್ 9:16

ಅಂಚಾಯಿನೆಡ್ದ್ ದೇವೆರೆ ದಯ ನರಮಾನಿಗ್ ಆಯನ ಆಸೆದ ಮಿತ್ತಾವಡ್ ಆಯನ ಪ್ರಯಾಸೊಡ್ದಾವಡ್ ಒದಗಂದೆ ದೇವೆರ್ ಕರುಣೆ ಮಲ್ಪುನೆಡ್ದೇ ಒದಗುಂಡು.

1 ಕೊರಿಂಥ್ಯೆರೆಗ್ 12:6

ಕಾರ್ಯೊಲು ಬೇತೆ ಬೇತೆ ಉಂಡು, ಆಂಡ ಮಾತೆರೆಡ್ಲಾ ಮಾತ ಬೇಲೆ ಮಲ್ಪುನಾಯೆ ದೇವೆರ್ ಒರಿಯೇ.

1 ಕೊರಿಂಥ್ಯೆರೆಗ್ 15:10

ಆಂಡ ಇತ್ತೆ ಯಾನ್ ಎಂಚಿನಾಯೆ ಆದುಲ್ಲೆನಾ, ಅವು ದೇವೆರೆ ದಯೊಡ್ದೇ. ಎನ ಮಿತ್ತ್ ತೋಜಿದ್ ಬತ್ತಿನ ಆಯನ ದಯ ವ್ಯರ್ಥ ಆದುಪ್ಪುಜಿ. ಯಾನ್ ಬೇತೆ ಅಪೊಸ್ತಲೆರೆಡ್ದ್ ಹೆಚ್ಚಾದ್ ಕಷ್ಟ ಪಡೆಯೆ. ಆಂಡ ಕಷ್ಟ ಪಡೆಯಿನಾಯೆ ಯಾನತ್ತ್, ಎನ ಮಿತ್ತುಪ್ಪುನ ದೇವೆರೆ ದಯೆನೇ.

2 ಕೊರಿಂಥ್ಯೆರೆಗ್ 3:5

ಎಂಕ್ಲೆಡ್ದೇ ಒವ್ವಾಂಡಲಾ ಉಂಡಾಂಡ್ ಪನಿಯೆರೆಗ್ ಎಂಕ್ಲೆಡ್ ಸಾಮರ್ಥ್ಯ ಇಜ್ಜಿ. ಎಂಕ್ಲೆನ ಸಾಮರ್ಥ್ಯ ದೇವೆರೆಡ್ದೇ ಬೈದಿನವು.

ಎಫೆಸ್ಯೆರೆಗ್ 1:11

ಉಂದತ್ತಂದೆ, ನಮ ಆಯಡ್ದ್ ದೇವೆರೆನ ಸ್ವಂತ ಜನೊಕುಲಾಯ. ಬರ್ಪಿಂಚಿತ್ತಿ ಕ್ರಿಸ್ತನ್ ಭರವಸೊಡು ಎದುರು ತೂವೊಂದಿತ್ತ. ನಮ ಆಯನ ಮೈಮೆನ್ ಲೋಕೊಗು ತೆರಿಪಾವೊಡು ಅಂದ್‌ದ್ ಮಾತ ಕಾರ್ಯೊಲೆನ್ ತನ ಇಷ್ಟೊಗು ಸರಿಯಾದ್ ನಡಪುನ ದೇವೆರ್ ನಮನ್ ಆದಿಡ್ದೇ ಅಜತ್ ದೆತ್ತೊಂಡೆ.

ಎಫೆಸ್ಯೆರೆಗ್ 1:5

ದೇವೆರ್ ನಮನ್ ಯೇಸು ಕ್ರಿಸ್ತಡ್ ತನ ಸ್ವಂತ ಜೋಕುಲು ಆವೊಡು ಅಂದ್‌ದ್ ಪ್ರೀತಿಡ್ ದುಂಬೇ ನಿರ್ಧಾರ ಮಲ್ತ್‌ದಿತ್ತೆ. ಉಂದು ಆಯನ ಸಂತೋಷ ಬೊಕ್ಕ ಚಿತ್ತ ಆದಿತ್ತ್ಂಡ್.

ಎಫೆಸ್ಯೆರೆಗ್ 1:9

ಬೊಕ್ಕ ದೇವೆರೆನ ಉಲಯಿದ ಚಿತ್ತದ ಗುಟ್ಟುನು ಆಯನ ಇಷ್ಟದ ಪ್ರಕಾರ ಕ್ರಿಸ್ತಡ್ ನಂಕ್ ದುಂಬೇ ತೋಜಾದ್ ಕೊರಿಯೆ.

ಎಫೆಸ್ಯೆರೆಗ್ 2:8

ನಿಕುಲು ನಂಬಿನಪಗ ದೇವೆರ್ ನಿಕ್ಲೆನ್ ದಯೊಡ್ದಾದ್ ರಕ್ಷಣೆ ಮಲ್ತೆ. ಉಂದು ನಿಕ್ಲೆ ಸ್ವಂತ ಯೋಗ್ಯತೆ ಕ್ರಿಯೊಲೆಡ್ದಾದ್ ಅತ್ತ್. ಅವು ದೇವೆರೆನ ಒಂಜಿ ಉಡಿಗೆರೆನೇ.

2 ಥೆಸಲೋನಿಕೆರೆಗ್‌ 1:11

ಉಂದೆನ್ ನೆನೆತೊಂದು ಎಂಕುಲು ಏಪಲಾ ನಿಕ್ಲೆಗ್ ಬೋಡಾದ್ ಇಂಚ ಪ್ರಾರ್ಥನೆ ಮಲ್ತೊಂದುಲ್ಲ. ನಮ ದೇವೆರ್ ನಿಕ್ಲೆನ್ ಆಯನ ರಾಜ್ಯೊಗು ಯೋಗ್ಯೆರಾದ್ ಮಲ್ಪಡ್, ತನ ಎಡ್ಡೆಂತಿನ ಚಿತ್ತೊನ್ಲಾ ನಂಬಿಕೆದ ಕೆಲಸೊನ್ಲಾ ತನ ಬಲೊಟು ತೀರಿಸಾವಡ್.

2 ತಿಮೋಥಿ 1:9

ದೇವೆರ್ ನಮ ಎಡ್ಡೆ ಕೆಲಸೊನು ತೂದು ಅತ್ತ್, ತನ ಚಿತ್ತದ ಪ್ರಕಾರ ದಯೆಟ್ ನಮನ್ ರಕ್ಷಣೆ ಮಲ್ತ್‌ದ್ ಪರಿಶುದ್ಧರಾಯೆರೆಗಾದ್ ಲೆತ್ತೆ. ಈ ದಯ ಆದಿಕಾಲೊಗು ದುಂಬು ಕ್ರಿಸ್ತ ಯೇಸುಡು ನಂಕ್ ದೀತ್ಂಡ್. ಇತ್ತೆ ನಮ ರಕ್ಷಕೆ ಆದುಪ್ಪುನ ಯೇಸು ಕ್ರಿಸ್ತಡ್ ತೋಜಿದ್ ಬತ್ತಿನೆಡ್ದ್ ಅವು ನಂಕ್ ತೆರಿದ್ ಬತ್ತ್ಂಡ್. ಆಯೆ ಮರಣದ ಬಲೊನು ಪೊಲ್ತುದು ಸುವಾರ್ತೆಡ್ದ್ ಜೀವೊಗ್ಲಾ ನಿತ್ಯತ್ವೊಗ್ಲಾ ಉಪ್ಪುನ ಸಾದಿದ ಬೊಲ್ಪುನು ತೋಜಾಯೆ.

1 ಪೇತ್ರೆ 1:3

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಅಮ್ಮೆಲಾ ದೇವೆರ್‌ಲಾ ಆದುಪ್ಪುನಾಯಗ್ ಉಪಕಾರ ಸ್ತುತಿ ಆವಡ್. ದೇವೆರೆನ ಮಲ್ಲ ಕರುಣೆಡ್ದ್ ನಮ ಪೊಸತ್ತಾದ್ ಕುಡ ಪುಟ್ಟುದ. ದಾಯೆಗಂದ್ಂಡ ಯೇಸು ಕ್ರಿಸ್ತೆ ಸೈತ್‌ದ್ ಲಕ್ಕಿನೆಡ್ದ್ ನಂಕ್ ಜೀವ ಇತ್ತಿ ನಿರೀಕ್ಷೆ ಉಂಡು.