ಫಿಲಿಪ್ಪಿಯೆರೆಗ್ 2:12 - ಪೊಸ ಒಡಂಬಡಿಕೆ

¹² ಅಂಚಾಯಿನೆಡ್ದ್ ಪ್ರೀತಿದಾಕುಲೇ, ನಿಕುಲು ಎನ ಪಾತೆರೊಲೆನ್ ಏಪಲಾ ಕೇಂಡಿಲೆಕ್ಕ ಇತ್ತೆಲಾ ಕೇನ್ಲೆ. ಯಾನ್ ನಿಕ್ಲೆಡೊಪ್ಪ ಉಪ್ಪಂದಿನಪಗಲಾ ದಿಂಜ ಪೋಡಿಗೆಡ್ ನಡುಗುನಾಕುಲಾದ್ ನಿಕ್ಲೆ ರಕ್ಷಣೆದ ಫಲೊನು ತೋಜಾವೆರೆಗ್ ಪ್ರಯತ್ನ ಮಲ್ಪುಲೆ.

ಫಿಲಿಪ್ಪಿಯೆರೆಗ್ 2:12 Cross References

ಮತ್ತಾಯೆ 11:12

ಉಂದತ್ತಂದೆ ಸ್ನಾನಿಕೆ ಯೋಹಾನನ ಕಾಲೊಡ್ದು ಇನಿ ಮುಟ್ಟಲಾ ಪರಲೋಕ ರಾಜ್ಯ ಬಲಾತ್ಕಾರೊಗು ಒಳಗಾತ್ಂಡ್; ಬಲಾತ್ಕಾರಿಲು ಪೊಗ್ಗುದು ಅವೆನ್ ಸ್ವಾದೀನ ಮಲ್ತೊನ್ವೆರ್.

ಮತ್ತಾಯೆ 11:29

ಯಾನ್ ಸಜ್ಜನೆಲಾ, ತಗ್ಗ್‌ದಿ ಮನಸ್‌ದಾಯೆಲಾ ಆದುಪ್ಪುನೆಡ್ದ್ ಎನ ನುಗೊನು ನಿಕ್ಲೆ ಮಿತ್ತ್ ದೆತ್ತೊಂದು ಎನಡ್ದ್ ಕಲ್ತೊನ್ಲೆ, ಅಪಗ ನಿಕ್ಲೆ ಆತ್ಮೊಗು ಸುಖ ತಿಕ್ಕು.

ಅಪೊ.ಕ್ರಿ 16:29

ಸೆರೆಮನೆತ ಅಧಿಕಾರಿ ತುಡರ್ ಕನಯೆರೆ ಅಂದ್‌ದ್ ಸೆರೆಮನೆತ ಉಲಯಿ ನಡಗೊಂದು ಪೋದು ಪೌಲು ಸೀಲೆರೆನ ಎದುರು ಬೂರಿಯೆ.

ಅಪೊ.ಕ್ರಿ 9:6

ಈ ಇತ್ತೆ ಲಕ್ಕ್‌ದ್ ಊರುದುಲಯಿ ಪೋಲ. ಈ ಮಲ್ಪೊಡಾಯಿನ ಬೇಲೆ ಅಲ್ಪ ನಿಕ್ಕ್ ತೆರಿದ್ ಬರು,” ಅಂದ್‌ದ್ ಪಂಡೆ.

ರೋಮಾಯೆರೆಗ್ 2:7

ಏರ್ ಮೈಮೆ, ಮಾನ, ತಾಳ್ಮೆಲೆನ್ ಪಡೆಯೊಡು ಪಂಡ್ದ್ ಎಡ್ಡೆಂತಿನೆನ್ ಬೇಜಾರ್‌ದಾಂತೆ ಮಲ್ಪುವೆರಾ ಅಕ್ಲೆಗ್ ನಿತ್ಯಜೀವೊನು ಕೊರ್ಪೆ.

1 ಕೊರಿಂಥ್ಯೆರೆಗ್ 15:58

ಅಂಚಾಯಿನೆಡ್ದ್ ಎನ ಪ್ರೀತಿದ ಸಹೋದ್ರೆರೇ, ನಿಕುಲು ಸ್ಥಿರಚಿತ್ತೊಡ್ಲಾ ದೃಢಾದ್‌ಲಾ ಉಪ್ಪುಲೆ. ನಿಕುಲು ಕರ್ತವ ಪುದರ್‌ಡ್ ಮಲ್ಪು ಪ್ರಯಾಸ ವ್ಯರ್ಥ ಆಪುಜಿ ಅಂದ್‌ದ್ ಎನ್ನೊಂದು ಕರ್ತವ ಕೆಲಸೊಲೆನ್ ಏಪಲಾ ಮಸ್ತ್ ಆಸಕ್ತಿಡ್ ಮಲ್ಪುಲೆ.

1 ಕೊರಿಂಥ್ಯೆರೆಗ್ 2:3

ಬೊಕ್ಕ ಯಾನ್ ನಿಕ್ಲೆ ಕೈತಲ್‌ ಬತ್ತ್‌ದುಪ್ಪುನಪಗ ಬಲದಾಂತಿನಾಯೆಲಾ ಪೋಡಿಗೆದಾಯೆಲಾ ದಿಂಜ ನಡುಗುನಾಯೆಲಾ ಆದಿತ್ತೆ.

1 ಕೊರಿಂಥ್ಯೆರೆಗ್ 4:14

ನಿಕ್ಲೆಗ್ ನಾಚಿಗೆ ಪುಟ್ಟಾವರೆಗ್ ಉಂದೆನ್ ಬರೆವಂದೆ ಎನ ಪ್ರೀತಿದ ಜೋಕುಲು ಅಂದ್‌ದ್ ಎನ್ನ್‌ದ್ ನಿಕ್ಲೆಗ್ ಬುದ್ಧಿ ಪನಿಯೆರೆ ಬೋಡಾದೆ ಈ ಪಾತೆರೊಲೆನ್ ಬರೆತೆ.

2 ಕೊರಿಂಥ್ಯೆರೆಗ್ 7:15

ಆಯನ್ ನಿಕುಲು ಪೋಡಿದ್ ನಡ್‌ಗ್‌ದ್ ಸೇರಾವೊಂಡಿನೆಟ್ಟ್ ನಿಕ್ಲೆ ವಿಧೇಯತೆ ತೋಜಿದ್ ಬತ್ತ್ಂಡ್. ಆಯೆ ಅವೆನ್ ನೆನಪು ಮಲ್ಪುನಗ ಆಯನ ಉಡಲ್‌ಡ್ ನಿಕ್ಲೆ ಮಿತ್ತ್ ಇತ್ತಿನ ಕನಿಕರ ಜಾಸ್ತಿ ಆಂಡ್.

ಎಫೆಸ್ಯೆರೆಗ್ 6:5

ಚಾಕ್ರಿದಾಕುಲೇ, ಈ ಲೋಕದ ನಿಕ್ಲೆ ಯಜಮಾನೆರೆಗ್ ಮಾರ್ಯಾದಿಡ್ಲಾ, ಪೋಡಿಗೆಡ್ಲಾ ತಗ್ಗ್‌ಬಗ್ಗ್‌ದಿನಾಕುಲಾದ್‌ಲಾ ಉಪ್ಪುಲೆ. ಕ್ರಿಸ್ತಗ್ ಸೇವೆ ಮಲ್ಪುಲೆಕ್ಕನೇ ಅಕ್ಲೆನ ಸೇವೆನ್ ಉಡಲ್ ದಿಂಜಿದ್ ಮಲ್ಪುಲೆ.

ಫಿಲಿಪ್ಪಿಯೆರೆಗ್ 1:27

ಎಂಚಿನಾಂಡಲಾ ನಿಕುಲು ಕ್ರಿಸ್ತನ ಸುರ್ವಾತೆಗ್ ಯೋಗ್ಯೆರಾದ್ ನಡಪುಲೆ. ಅಪಗ ಯಾನ್ ಕುಡ ನಿಕ್ಲೆ ಕೈತಲ್‌ ಬತ್ತ್‌ದ್ ನಿಕ್ಲೆನ್ ತೂಯೆಡಲಾ ಸರಿ, ದೂರೊಡ್ದು ಇತ್ತ್‌ದ್ ನಿಕ್ಲೆ ಸಂಗತಿಡ್ ಕೇಂಡಲಾ ಸರಿ, ನಿಕುಲು ನಿಕ್ಲೆ ವೈರಿಲೆಗ್ ವಾ ವಿಷಯೊಡ್ಲಾ ಪೋಡಿಯಂದೆ ಒಂಜೇ ಆತ್ಮೊಡು ದೃಢ ಉಂತುದು ಸುವಾರ್ತೆಡ್ ದೀತಿನ ನಂಬಿಕೆಗಾದ್ ಒಟ್ಟಾದ್ ಹೋರಾಟ ಮಲ್ಪುನಾಕುಲು ಆದುಲ್ಲರ್ ಅಂದ್‌ದ್ ಯಾನ್ ತೆರಿಯೊನ್ವೆ.

ಫಿಲಿಪ್ಪಿಯೆರೆಗ್ 1:29

ದಾಯೆಗಂದ್ಂಡ ನಿಕುಲು ಕ್ರಿಸ್ತ ಮಿತ್ತ್ ನಂಬಿಕೆ ದೀಪಿನಿ ಮಾತ್ರತ್ತಂದೆ ಆಯಗ್ ಬೋಡಾದ್ ಭಂಗ ದೆತ್ತೊನಿಯೆರೆಲಾ ನಿಕ್ಲೆಗ್ ದಯ ತಿಕ್ಕ್‌ದ್ಂಡ್.

ಫಿಲಿಪ್ಪಿಯೆರೆಗ್ 1:6

ಈ ಎಡ್ಡೆ ಬೇಲೆನ್ ನಿಕ್ಲೆಡ್ ಸುರು ಮಲ್ತ್‌ದಿನ ದೇವೆರ್ ಅವೆನ್ ದುಂಬು ಸಾಗಾದ್ ಯೇಸು ಕ್ರಿಸ್ತೆ ಬನ್ನಮುಟ್ಟ ಪೂರ್ತಿ ಮಲ್ಪುವೆ ಪನ್ಪಿ ಭರವಸ ಎಂಕ್ ಉಂಡು.

ಫಿಲಿಪ್ಪಿಯೆರೆಗ್ 2:19

ಆಂಡ ಕರ್ತವೆ ಆದುಪ್ಪು ಯೇಸುನ ಚಿತ್ತ ಇತ್ತ್ಂಡ, ಯಾನ್ ನಿಕ್ಲೆ ಕೈತಲ್‌ಗ್ ತಿಮೋಥಿನ್ ಬೇಗೊಡು ಕಡಪುಡೊಡು ಅಂದ್‌ದ್ ಉಲ್ಲೆ. ಆಯಡ್ದ್ ನಿಕ್ಲೆ ಸಂಗತಿಲೆನ್ ತೆರಿದ್ ಎಂಕ್ ಸಂತೋಷ ಆವು.

ಫಿಲಿಪ್ಪಿಯೆರೆಗ್ 4:1

ಅಂಚಾಯಿನೆಡ್ದ್ ಎನ ಪ್ರೀತಿದ ಇಷ್ಟೆರಾಯಿ ಸಹೋದ್ರೆರೇ, ಎಂಕ್ ಸಂತೋಷಲಾ ಜಯಮಾಲೆಲಾ ಆದುಪ್ಪುನಾಕುಲೇ, ಯಾನ್ ಪಂಡಿಲೆಕ್ಕ ಕರ್ತವಡ್ ದೃಢವಾದ್ ಉಂತುಲೆ.

ಫಿಲಿಪ್ಪಿಯೆರೆಗ್ 4:15

ಉಂದತ್ತಂದೆ ಫಿಲಿಪ್ಪಿದಾಕುಲೇ, ನಿಕ್ಲೆಗ್ ಸುರುಕ್ಕು ಸುವಾರ್ತೆ ಸಾರಿದ್ ಬೊಕ್ಕ ಮಕೆದೋನ್ಯೊಗು ಪೋಯಿನಪಗ ಎಂಕ್ ಕಾಸ್‌ದ ಸಹಾಯ ಕೊರಿನಾಕುಲು ಫಿಲಿಪ್ಪಿ ಸಭೆತಾಕುಲು ಮಾತ್ರ, ಬೇತೆ ವಾ ಸಭೆಲಾ ಪಾಲ್‌ದಾರೆರ್ ಆದಿತ್ತಿಜೆರ್.

2 ತಿಮೋಥಿ 2:10

ಅಂಚಾದ್ ದೇವೆರ್ ಅಜತ್‌ದಿನಾಕುಲು ಎನ ಒಟ್ಟುಗು ಕ್ರಿಸ್ತ ಯೇಸುಡುಪ್ಪು ರಕ್ಷಣೆನ್ ನಿತ್ಯ ಮೈಮೆದೊಟ್ಟುಗು ಹೊಂದೊಡು ಅಂದ್‌ದ್ ಯಾನ್ ಅಕ್ಲೆಗಾದ್ ಮಾತೆನ್ಲಾ ತಾಳೊನ್ವೆ

ಇಬ್ರಿಯೆರೆಗ್ 12:1

ಅಂಚಾಯಿನೆಡ್ದ್ ಈತ್ ಜನ ಸಾಕ್ಷಿದಾಕುಲು ಮುಗಲ್‌ದ ಲೆಕ್ಕ ನಮ ಸುತ್ತಲಾ ಉಲ್ಲೆರ್. ನಂಕ್ ಅಡ್ಡಿ ಮಲ್ಪುನ ಮಾತ ಭಾರೊನ್ಲಾ ಅಂಟುನ ಪಾಪೊನ್ಲಾ ನಮ ದೆತ್ತ್ ದೀದ್ ನಂಬಿಕೆನ್ ಪುಟ್ಟಾವುನಾಯೆಲಾ ಕೊರ್ಪಿನಾಯೆಲಾ ಆದುಪ್ಪು ಯೇಸುನ ಮಿತ್ತ್ ದೃಷ್ಟಿ ದೀಕ. ನಂಕ್ ನೇಮಕ ಆದುಪ್ಪು ಬಲ್ಪಾಟೊನು ತಾಳ್ಮೆಡ್ ಬಲ್ಪುಗ. ಆಯೆ ತನ ದುಂಬು ದೀದಿತ್ತಿ ಸಂತೋಷಗಾದ್ ಅವಮಾನೊನು ಅಸಡ್ಡೆ ಮಲ್ತ್‌ದ್ ಕ್ರುಸ್ಸುದ ಮರಣೊನು ಸೈಸೊಂದು ದೇವೆರೆ ಗದ್ದಿಗೆದ ಬಲತ್ತ ಮರ್ಗಿಲ್‌ಡ್ ಕುಲ್ಲೊಂದುಲ್ಲೆ.

ಇಬ್ರಿಯೆರೆಗ್ 4:1

ಇಂಚ ಉಪ್ಪುನಗ ದೇವೆರೆ ವಿಶ್ರಾಂತಿಡ್ ಸೇರೊಲಿ ಪನ್ಪಿ ವಾಗ್ದಾನ ನನಲಾ ಉಪ್ಪುನೆಡ್ದ್ ನಿಕ್ಲೆಡ್ ಏರಾಂಡಲಾ ಆ ವಾಗ್ದಾನದ ಫಲೊನು ಪಡೆಯಂದೆ ತತ್ತ್‌ದ್ ಪೋಯೆರೆ ಬಲ್ಲಿ ಪಂಡ್ದೇ ನಮ ಪೋಡಿಯೊನುಗ.

ಇಬ್ರಿಯೆರೆಗ್ 4:11

ಅಂಚಾದ್ ನಮಡ ಒರಿಯಾಂಡಲಾ ಅಪನಂಬಿಕೆಡ್ ಬೂರಂದಿಲೆಕ್ಕ ಆ ವಿಶ್ರಾಂತಿಡ್ ಸೇರಿಯೆರೆ ಪ್ರಯಾಸ ಮಲ್ಪುಗ.

ಇಬ್ರಿಯೆರೆಗ್ 5:9

ಉಂದತ್ತಂದೆ ಆಯೆ ಪರಿಪೂರ್ಣೆ ಆದ್ ದೇವೆರೆಡ್ದ್ ಮೆಲ್ಕೀಜೆದೇಕ್‌ನ ತರತ ಪ್ರಧಾನಯಾಜಕೆ ಪಂಡ್ದ್ ಪನ್ಪಾವೊಂಡಿನಾಯೆ ಆಯೆ. ತನ ಪಾತೆರೊನು ತಗ್ಗ್‌ತನೊಟು ಕೇನುನಾಕುಲೆಗ್ ಮಾತೆರೆಗ್ಲಾ ನಿತ್ಯ ರಕ್ಷಣೆ ತಿಕ್ಕುಲೆಕ್ಕ ಕಾರಣ ಆಯೆ.

1 ಪೇತ್ರೆ 2:11

ಪ್ರೀತಿದಾಕುಲೇ, ನಿಕುಲು ಈ ಲೋಕದ ಪ್ರಯಾಣಿಕೆರ್‌ಲಾ ಪರದೇಶಿಲುಲಾ ಆದುಪ್ಪುನೆಡ್ದ್ ಆತ್ಮೊಗು ವಿರೋಧ ಆಪಿನ ಶರೀರದ ದುರಾಶೆಲೆಡ್ದ್ ದೂರ ಆದುಪ್ಪುಲೆ ಅಂದ್‌ದ್ ನಿಕ್ಲೆಡ ನಟ್ಟೊನ್ವೆ.

2 ಪೇತ್ರೆ 3:18

ಆಂಡ ನಮ ಕರ್ತವೆಲಾ ರಕ್ಷಕೆಲಾ ಆದುಪ್ಪು ಯೇಸು ಕ್ರಿಸ್ತನ ದಯೊಟುಲಾ ಗೇನೊಡುಲಾ ಬಲಪುಲೆ, ಆಯಗ್ ಇತ್ತೆಲಾ ಏನಿತ್ಯೇನಿಗ್ಲಾ ಮೈಮೆ ಆವಡ್, ಆಮೆನ್.