ಫಿಲಿಪ್ಪಿಯೆರೆಗ್ 2:1 - ಪೊಸ ಒಡಂಬಡಿಕೆ

¹ ಕ್ರಿಸ್ತಡ್ದ್ ಉಮೇದ್ ಉಂಡಾಪಿನಾಂಡ, ಆಯ ಪ್ರೀತಿಡ್ದ್ ಆಧರಣೆ ತಿಕ್ಕುನಾಂಡ, ಪರಿಶುದ್ಧಾತ್ಮಡ್ ಅನ್ಯಮನ್ಯ ಉಂಡಾಪಿನಾಂಡ, ನಿಕ್ಲೆ ಉಡಲ್ ಮೆದುಲಾ ಕನಿಕರದವುಲಾ ಉಪ್ಪುನಾಂಡ

ಫಿಲಿಪ್ಪಿಯೆರೆಗ್ 2:1 Cross References

ಲೂಕೆ 2:25

ಆ ಸಮಯೊಡು ಯೆರೂಸಲೇಮುಡು ಸಿಮೆಯೋನೆ ಪನ್ಪಿ ಒರಿ ನರಮಾನಿ ಇತ್ತೆ. ಆಯೆ ನೀತಿವಂತೆಲಾ ಭಕ್ತಿದಾಯೆಲಾ ಆದಿತ್ತೆ. ಇಸ್ರಾಯೇಲ್ ಜನೊಕುಲೆನ ಸಂತೈಸಿಕೆ ಕೊರ್ಪಿನಾಯೆ ಏಪ ಬರುವೆ ಅಂದ್‌ದ್ ಕಾತೊಂದಿತ್ತೆ. ಆಯೆ ಪರಿಶುದ್ಧಾತ್ಮೊನು ಪಡೆದಿತ್ತೆ.

ಯೋಹಾನೆ 14:18

“ಯಾನ್ ನಿಕ್ಲೆನ್ ದಿಕ್ಕ್‌ದಾಂತಿನಾಕುಲೆ ಲೆಕ್ಕ ಬುಡ್ಪುಜಿ. ನಿಕ್ಲೆನ ಕೈತಲ್‌ ಬರ್ಪೆ.

ಯೋಹಾನೆ 14:27

“ಸಮಾಧಾನೊನು ನಿಕ್ಲೆಗ್ ಬುಡ್ದು ಪೋಪೆ. ಎನ ಸಮಾಧಾನೊನು ನಿಕ್ಲೆಗ್ ಕೊರ್ಪೆ. ಲೋಕ ಕೊರ್ಪಿ ರೀತಿಡ್ ಯಾನ್ ನಿಕ್ಲೆಗ್ ಕೊರ್ಪುಜಿ. ನಿಕ್ಲೆನ ಉಡಲ್ ತಳಮಳ ಆವಂದೆ ಪೋಡಿಯಂದೆ ಉಪ್ಪಡ್.

ಯೋಹಾನೆ 17:13

ಆಂಡ ಇತ್ತೆ ನಿನ್ನಡೆ ಬರ್ಪಿನಾಯೆ ಆದುಲ್ಲೆ, ಅವೆಡ್ದಾವರ ಮೊಕ್ಲೆಡ್ ಎನ ಸಂತೋಷ ಪರಿಪೂರ್ಣ ಆಪಿಲೆಕ್ಕ ಈ ಪಾತೆರೊಲೆನ್ ಲೋಕೊಡು ಇತ್ತ್‌ದ್ ಪನೊಂದುಲ್ಲೆ.

ಅಪೊ.ಕ್ರಿ 2:46

ಅಕುಲು ದಿನಾಲ ಒಂಜೇ ಮನಸ್ಸಾದ್ ದೇವಾಲಯೊಡು ಕೂಡೊಂದಿತ್ತೆರ್. ಅಕ್ಲೆನ ಇಲ್ಲ್ ಇಲ್ಲಡ್ ರೊಟ್ಟಿ ಪೊಲ್ತುದು ಸಂತೋಷೊಡ್ಲಾ ಶುದ್ಧ ಮನಸ್‌ಡ್ಲಾ ವಣಸ್ ಮಲ್ತೊಂದಿತ್ತೆರ್.

ಅಪೊ.ಕ್ರಿ 4:32

ನಂಬುನಾಕುಲೆ ಮಾತೆರೆ ಉಡಲ್‌ಲಾ ಪ್ರಾಣಲಾ ಒಂಜೇ ಆದಿತ್ತ್ಂಡ್. ಒರಿ ಆಂಡಲಾ ಅಕ್ಲೆಡಿತ್ತಿನ ಆಸ್ತಿಡ್ ಒಂಜೆನಾಂಡಲಾ ತನ್ಕುಲೆನ ಅಂದ್‌ದ್ ಪನಂದೆ ಮಾತೆರ್ಲಾ ಅವೆನ್ ಪಟ್ಟೊಂದಿತ್ತೆರ್.

ರೋಮಾಯೆರೆಗ್ 5:5

ಈ ನಿರೀಕ್ಷೆ ನಮಡ್ ನಿರಾಶೆ ಉಂಡು ಮಲ್ಪುಜಿ. ದಾಯೆಗಂದ್ಂಡ ನಂಕ್ ಕೊರ್ತಿನ ಪರಿಶುದ್ಧಾತ್ಮೊಡ್ದು ದೇವೆರ್ ತನ ಪ್ರೀತಿನ್ ನಮ ಉಡಲ್‌ಡ್ ಮೈತ್‌ದ್ ಕೊರ್ತೆ.

ರೋಮಾಯೆರೆಗ್ 8:26

ಅಂಚೆನೇ ಪರಿಶುದ್ಧಾತ್ಮೆಲಾ ಬಲಹೀನೆರಾದುಪ್ಪು ನಂಕ್ ಸಹಾಯ ಮಲ್ಪುವೆ. ನಂಕ್ ಎಂಚ ಪ್ರಾರ್ಥನೆ ಮಲ್ಪೊಡಂದ್‌ದ್ ತೆರಿಯಂದಿನಪಗ ಪರಿಶುದ್ಧಾತ್ಮೆನೇ ಪನಿಯೆರೆ ಆವಂದಿ ನರಳಾಟೊಡ್ದು ನಂಕಾದ್ ನಟ್ಟೊನ್ವೆ.

1 ಕೊರಿಂಥ್ಯೆರೆಗ್ 12:13

ಯೆಹೂದ್ಯೆರಾವಡ್, ಗ್ರೀಕೆರಾವಡ್, ಗುಲಾಮೆರಾವಡ್, ಸ್ವತಂತ್ರೆರಾವಡ್ ನಮ ಮಾತೆರ್ಲಾ ಒಂಜೇ ಶರೀರ ಆವೆರೆಗಾದ್ ಒಂಜೇ ಆತ್ಮಡ್ದ್ ದೀಕ್ಷಾಸ್ನಾನ ಮಲ್ತೊಂಡ; ದೇವೆರ್ ಮಾತೆರೆಗ್ಲಾ ಒಂಜೇ ಆತ್ಮನ್ ಕೊರ್ತೆ.

1 ಕೊರಿಂಥ್ಯೆರೆಗ್ 15:31

ಸಹೋದ್ರೆರೇ, ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಡು ಎಂಕ್ ಉಪ್ಪುನ ಪುಗರಿಗೆದ ಮಿತ್ತ್ ಆಜ ದೀದ್ ಪನ್ಪೆ, ಯಾನ್ ದಿನಾಲ ಸೈಯೊಂದು ಉಲ್ಲೆ.

1 ಕೊರಿಂಥ್ಯೆರೆಗ್ 3:16

ನಿಕುಲು ಮಾತೆರ್ಲಾ ದೇವೆರೆ ಆಲಯ ಆದುಲ್ಲರ್ ಅಂದ್‌ದ್ ದೇವೆರೆ ಆತ್ಮೆ ನಿಕ್ಲೆಡ್ ವಾಸ ಮಲ್ಪುವೆ ಪಂಡ್ದ್‌ಲಾ ತೆರಿದಿಜರಾ?

2 ಕೊರಿಂಥ್ಯೆರೆಗ್ 2:14

ಕ್ರಿಸ್ತನ ಅನ್ಯೊನ್ಯತೆಡ್ ನಮನ್ ಏಪಲಾ ಜಯತ ಉಮೇದ್‌ಡ್ ನಡಪಾವೆ. ಬೊಕ್ಕ ಆಯನ ಬುದ್ಧಿದ ಕಮ್ಮೆನೊನು ನಮ ಕಡೆಡ್ದ್ ಮಾತ ಜಾಗ್‌ಲೆಗ್ ಪೋಪುಂಡು. ಐಕ್ ದೇವೆರೆಗ್ ಉಪಕಾರ ಸ್ತುತಿ.

ಗಲಾತ್ಯೆರೆಗ್ 4:6

ನಿಕುಲು ಇತ್ತೆ ದೇವೆರೆ ಬಾಲೆಲು ಆದುಪ್ಪುನೆಡ್ದ್, ದೇವೆರ್, “ಅಮ್ಮೆರೇ, ಎನ ಅಮ್ಮೆರೇ,” ಅಂದ್‌ದ್ ಲೆಪ್ಪು ತನ ಮಗನ ಆತ್ಮೊನು ನಿಕ್ಲೆ ಉಡಲ್‌ದ ಉಲಯಿ ಕಡಪುಡ್ದು ಕೊರಿಯೆ.

ಗಲಾತ್ಯೆರೆಗ್ 5:22

ಆಂಡ ದೇವೆರಾತ್ಮೊಡ್ದು ಉಂಡಾಪಿನ ಫಲ ದಾನೆಂದ್ಂಡ ಪ್ರೀತಿ, ಸಂತೋಷ, ಸಮಾಧಾನ, ತಾಳ್ಮೆ, ಉಪಕಾರ, ಎಡ್ಡೆತನ, ನಂಬಿಕೆ, ಸಜ್ಜನಿಗೆ, ಬೊಕ್ಕ ಕಷ್ಟ ತಡೆತೊನುನವು ಇಂಚಿತ್ತಿನವೇ.

ಎಫೆಸ್ಯೆರೆಗ್ 4:4

ನಿಕುಲು ಒಂಜೇ ಶರೀರ, ಒಂಜೇ ಆತ್ಮನ್ ಪಡೆಯಿನಾಕುಲು ಒಂಜೆ ಪಧವಿನ್ ನಿರೀಕ್ಷೆ ಮಲ್ಪೆರೆ ಲೆಪ್ಪು ಇತ್ತಿನಾಕುಲಾದುಲ್ಲರ್. ನಿಕ್ಲೆಗ್ ಕರ್ತವೆ ಒರಿಯೆ, ಭರವಸೆ ಒಂಜೆ, ದೀಕ್ಷಾಸ್ನಾನ ಒಂಜೆ.

ಫಿಲಿಪ್ಪಿಯೆರೆಗ್ 1:8

ಯಾನ್ ಕ್ರಿಸ್ತ ಯೇಸುಡುಪ್ಪುನ ಕನಿಕರೊಡು ನಿಕ್ಲೆನ್ ಏತೋ ಬಯಕುವೆ ಅಂದ್‌ದ್ ಉಂದೆಕ್ಕ್ ದೇವೆರೇ ಸಾಕ್ಷಿ.

ಫಿಲಿಪ್ಪಿಯೆರೆಗ್ 3:3

ನಿಜವಾಯಿನ ಸುನ್ನತಿದಾಕುಲು ಏರ್ ಅಂದ್ಂಡ, ದೇವೆರಾತ್ಮೊಡ್ದು ಪ್ರೇರಣೆ ಆದ್ ಆರಾಧನೆ ಮಲ್ಪುನಾಕುಲುಲಾ ಕ್ರಿಸ್ತ ಯೇಸುಡು ಸಂತೋಷ ಮಲ್ಪುನಾಕುಲುಲಾ ಶರೀರ ಸಮ್ಮಂಧವಾದುಪ್ಪುನೆಟ್ ಭರವಸ ದೀವಂದೆ ಉಪ್ಪು ನಮನೇ.

ಕೊಲೊಸ್ಸಿಯೆರೆಗ್ 2:2

ದಾಯೆಗಂದ್ಂಡ, ನಿಕುಲು ಮಾತೆರ್ಲಾ ಪ್ರೀತಿಡ್ ಒಂಜಾದಿತ್ತ್‌ದ್ ಬುದ್ಧಿಡ್ ದಿಂಜಿದ್ ನಿಚ್ಚಯ ಇನ್ಪಿನ ಭಾಗ್ಯೊನು ಪಡೆವೊಂದು ದೇವೆರ್ ತೋಜಾದ್ ಕೊರಿ ಗುಟ್ಟುನು ಅಂದ್ಂಡ, ತನಡೇ ಬುದ್ಧಿಗ್ಲಾ ಗೇನೊಗ್ಲಾ ಸಮ್ಮಂಧವಾಯಿನ ಸಂಪೊತ್ತು ಮಾತೆನ್ಲಾ ಪಡೆಯೊಂದಿ ಕ್ರಿಸ್ತನ್ ತೆರಿಯೊಂಡಿನೆಕ್ಕಾದ್ ಉಡಲ್‌ಡ್ ಸ್ಥಿರ ಆದ್ ಉಪ್ಪೊಡಿನ್ಪಿನ ಉತ್ತೇಜನ ಎಂಕುಂಡು.

ಕೊಲೊಸ್ಸಿಯೆರೆಗ್ 3:12

ಅಂಚಾಯಿನೆಡ್ದ್ ನಿಕುಲು ದೇವೆರೆಡ್ದ್ ಅಜತ್‌ದ್ ದೆತ್ತೊಂಡಿನಾಕುಲಾದ್ ಪರಿಶುದ್ಧೆರ್ಲಾ ಪ್ರೀತಿದಾಕುಲುಲಾ ಆದುಪ್ಪುನೆಡ್ದಾವರ ಕನಿಕರ, ದಯ, ತಗ್ಗ್‌ದಿ ಮನಸ್, ಸಜ್ಜನಿಗೆ, ತಾಳ್ಮೆ ಇನ್ಪಿ ಸದ್ಗುಣಲೆನ್ ಪಾಡೊನ್ಲೆ.

1 ಯೋಹಾನೆ 3:24

ಆಯ ಅಪ್ಪಣೆಲೆನ್ ಕೈಕೊಂದು ನಡಪುನಾಯೆ ಆಯಡ್ ಒಂಜಾದುಲ್ಲೆ ಬೊಕ್ಕ ದೇವೆರ್ ಆಯಡ್ ಒಂಜಾದುಲ್ಲೆ. ಆಯೆ ನಮಡ ಒಂಜಾದುಲ್ಲೆ ಅಂದ್‌ದ್ ಆಯೆ ನಂಕ್ ಕೊರಿ ಆತ್ಮೊಡ್ದೇ ನಮ ತೆರಿಯೊನ್ವ

1 ಯೋಹಾನೆ 4:12

ದೇವೆರೆನ್ ಏರ್ಲಾ ಏಪಲಾ ತೂತುಜೆರ್. ಆಂಡ ನಮ ಒರಿಯನ್ ಒರಿ ಪ್ರೀತಿ ಮಲ್ಪುನಾಂಡ ದೇವೆರ್ ನಮಡ ನಿಲೆ ಆದುಲ್ಲೆ ಬೊಕ್ಕ ಆಯನ ಪ್ರೀತಿ ನಮಡ ಪೂರ್ತಿ ಆದುಂಡು.

1 ಯೋಹಾನೆ 4:16

ಅಂಚಾದ್ ದೇವೆರ್ ನಮನ್ ಏತೊಂಜಿ ಪ್ರೀತಿ ಮಲ್ಪುವೆ ಇನ್ಪಿನವು ನಂಕ್ ತೆರಿದುಂಡು. ಬೊಕ್ಕ ನಮ ಅವೆನ್ ನಂಬುದ. ದೇವೆರ್ ಪ್ರೀತಿಸ್ವರೂಪಿ ಆದುಲ್ಲೆ, ಪ್ರೀತಿಡ್ ನಿಲೆ ಆದುಪ್ಪುನಾಯೆ ದೇವೆರೆಡ್ ನಿಲೆ ಆದುಲ್ಲೆ ಬೊಕ್ಕ ದೇವೆರ್ ಆಯಡ ನಿಲೆ ಆದುಲ್ಲೆ.