ಫಿಲಿಪ್ಪಿಯೆರೆಗ್ 1:9 - ಪೊಸ ಒಡಂಬಡಿಕೆ

⁹ ಬೊಕ್ಕ ನಿಕ್ಲೆನ ಪ್ರೀತಿ ನನಲಾ ಹೆಚ್ಚೆಚ್ಚಾದ್ ಗೇನೊಡ್ಲಾ ತಿಳುವಳಿಕೆಡ್ಲಾ ಕೂಡ್ದು ಉಪ್ಪೊಡು ಪಂಡ್ದ್‌ಲಾ ಯಾನ್ ಪ್ರಾರ್ಥನೆ ಮಲ್ಪುವೆ.

ಫಿಲಿಪ್ಪಿಯೆರೆಗ್ 1:9 Cross References

1 ಕೊರಿಂಥ್ಯೆರೆಗ್ 14:20

ಸಹೋದ್ರೆರೇ, ಬುದ್ಧಿದ ಸಂಗತಿಡ್ ಜೋಕುಲೆ ಲೆಕ್ಕ ಉಪ್ಪಡೆ; ಪಡಿಕೆಂತಿನೆತ್ತ ವಿಷಯೊಲೆಡ್ ಜೋಕುಲಾದೆ ಇತ್ತ್‌ದ್ ಬುದ್ಧಿದ ಸಂಗತಿಡ್ ಪ್ರಾಯಸ್ಥೆರಾದುಪ್ಪುಲೆ.

2 ಕೊರಿಂಥ್ಯೆರೆಗ್ 8:7

ಆಂಡ ನಿಕುಲು ನಂಬಿಕೆಡ್, ಪಾತೆರೊಡು, ಗೇನೊಡು, ಮಾತ ಆಸಕ್ತಿಡ್, ನಿಕುಲು ಎಂಕ್ಲೆಗ್ ತೋಜಾವು ಪ್ರೀತಿಡ್ ಉಂದು ಮಾತೆಟ್ಟ್ ಎಂಚ ಹೆಚ್ಚಿಗೆದಾಕುಲಾದ್ ಉಲ್ಲರಾ, ಅಂಚೆನೇ ಈ ದಾನದ ಕಾರ್ಯೊಡ್ಲಾ ಹೆಚ್ಚಿಗೆದಾಕುಲಾದ್ ತೋಜಾವೊನ್ಲೆ.

ಎಫೆಸ್ಯೆರೆಗ್ 5:17

ಬುದ್ಧಿಕೆಟ್ಟಿನಾಕುಲು ಆದುಪ್ಪಂದೆ, ಕರ್ತವ ಚಿತ್ತ ಎಂಚಿನ ಅಂದ್‌ದ್ ತೆರಿಯೊಂದು ಐಕ್ ಸರಿಯಾದ್ ನಡಪುಲೆ.

ಕೊಲೊಸ್ಸಿಯೆರೆಗ್ 1:9

ಅಂಚಾಯಿನೆಡ್ದ್ ಎಂಕುಲು ನಿಕ್ಲೆನ ಸಂಗತಿಲೆನ್ ಕೇಂಡ್ದಿನ ದಿನೊಡ್ದಿಂಚಿ ನಿಕ್ಲೆಗಾದ್ ಬುಡಂದೆ ಪ್ರಾರ್ಥನೆ ಮಲ್ತೊಂದುಲ್ಲ. ನಿಕುಲು ಮಾತ ಆತ್ಮೀಕ ಗೇನೊನ್ಲಾ ಗ್ರಹಿಕೆನ್ಲಾ ಪಡೆಯೊಂದು ದೇವೆರೆ ಚಿತ್ತದ ತಿಳುವಳಿಕೆಡ್ ದಿಂಜೊಂದು ಬರೊಡು

ಕೊಲೊಸ್ಸಿಯೆರೆಗ್ 3:10

ಈ ಸ್ವಭಾವ ದೇವೆರೆಗ್ ಸರಿಯಾದ್ ಉಂಡು. ಆಯನ ಗೇನೊಡ್ದು ಬಲತೊಂದು ಬರ್ಪಿ ಪೊಸ ನರಮಾನಿನ ರೂಪೊನು ಪಾಡೊನ್ಲೆ.

1 ಥೆಸಲೋನಿಕೆರೆಗ್‌ 3:12

ನಿಕ್ಲೆಡ್ ಎಂಕ್ಲೆನ ಪ್ರೀತಿ ಎಂಚ ಉಂಡಾ ಅಂಚೆನೇ ನಿಕ್ಲೆನ ಪ್ರೀತಿಲಾ ಒರಿ ಒರಿಯನ ಮಿತ್ತ್‌ಲಾ, ಮಾತ ನರಮಾನಿಲೆ ಮಿತ್ತ್‌ಲಾ ಇತ್ತ್‌ದ್ ಅಭಿವೃದ್ಧಿ ಆದ್ ಬುಲೆವೊಂದು ಪೋಪಿಲೆಕ್ಕ ಕರ್ತವೆ ನಡಪಾವಡ್.

1 ಥೆಸಲೋನಿಕೆರೆಗ್‌ 4:1

ಕಡೆಕ್ಕ್ ಸಹೋದ್ರೆರೇ, ದೇವೆರೆಗ್ ಮೆಚ್ಚಿಗೆ ಆಪಿನ ಜೀವನ ಎಂಚ ಮಲ್ಪೊಡಂದ್‌ದ್ ಎಂಕ್ಲೆಡ್ದ್ ಕಲ್ತೊಂಡರ್. ಅಂಚೆನೇ ನಡತೊಂದುಲ್ಲರ್; ನನಲಾ, ಹೆಚ್ಚೆಚ್ಚಾದ್ ನಡಪುಡೊಡು ಅಂದ್‌ದ್ ಎಂಕುಲು ಕರ್ತವೆ ಆದುಪ್ಪು ಯೇಸುಡ ನಟ್ಟೊಂದು ಬುದ್ಧಿ ಪನ್ಪ.

2 ಥೆಸಲೋನಿಕೆರೆಗ್‌ 1:3

ಸಹೋದ್ರೆರೇ, ನಿಕ್ಲೆನ ನಂಬಿಕೆ ದಿನೊಡ್ದು ದಿನ ಬುಲೆವೊಂದುಂಡು. ಬೊಕ್ಕ ನಿಕ್ಲೆ ಉಲಯಿದ ಪ್ರೀತಿ ನಿಕ್ಲೆ ಮಾತೆರೆಡ್ ಹೆಚ್ಚೊಂದು ಬರ್ಪಿನೆಡ್ದ್ ಎಂಕುಲು ನಿಕ್ಲೆನ ಸಂಗತಿಡ್ ದೇವೆರೆಗ್ ಏಪಲಾ ಉಪಕಾರ ಮಲ್ಪುನವು ಅಗತ್ಯ ಆದುಂಡು.

ಫಿಲೆಮೋನುಗು 1:6

ಕ್ರಿಸ್ತಡ್ ನಂಕ್ ಒದಗ್‌ದ್ ಬೈದಿನ ಮಾತ ಎಡ್ಡೆ ವರೊಕ್ಲೆ ಸಂಗತಿಡ್ ಈ ತಿಳುವಳಿಕೆನ್ ಪಡೆತಿನಾಯೆ ಆದ್ ಕ್ರಿಸ್ತ ನಂಬಿಕೆಡ್ ಉಪ್ಪುನ ನಿನ ಅನ್ಯಮನ್ಯ ಕ್ರಿಸ್ತಗ್ ಹೆಚ್ಚಿಗೆದ ಮೈಮೆನ್ ಮಲ್ಪೊಡು ಅಂದ್‌ದ್ ಪ್ರಾರ್ಥನೆ ಮಲ್ಪುವೆ.

ಇಬ್ರಿಯೆರೆಗ್ 5:14

ಗಟ್ಟಿದ ತಿನಸ್ ಪ್ರಾಯಸ್ಥೆರೆಗ್ ಅಂದ್ಂಡ ಗೇನ ಸಾದನೆಡ್ದ್ ಉಂದು ಎಡ್ಡೆಂತಿನ ಉಂದು ಹಾಳ್ ಇನ್ಪಿ ಭೇದೊನು ತೆರಿದಿನಾಕುಲೆಗಾದುಂಡು.

1 ಪೇತ್ರೆ 1:22

ನಿಕುಲು ಸತ್ಯೊಗು ವಿಧೇಯೆರಾದ್ ನಿಕ್ಲೆ ಆತ್ಮೊಲೆನ್ ಶುದ್ಧ ಮಲ್ತಿನೆಡ್ದ್ ಸಹೋದರೆ ಲೆಕ್ಕ ಕಪಟದಾಂತಿ ಪ್ರೀತಿಡುಪ್ಪುಲೆ. ಒರಿಯನ್ ಒರಿ ಶುದ್ಧ ಉಡಲ್‌ಡ್ದ್ ಸ್ಥಿರಾದ್ ಪ್ರೀತಿ ಮಲ್ಪುಲೆ.

2 ಪೇತ್ರೆ 3:18

ಆಂಡ ನಮ ಕರ್ತವೆಲಾ ರಕ್ಷಕೆಲಾ ಆದುಪ್ಪು ಯೇಸು ಕ್ರಿಸ್ತನ ದಯೊಟುಲಾ ಗೇನೊಡುಲಾ ಬಲಪುಲೆ, ಆಯಗ್ ಇತ್ತೆಲಾ ಏನಿತ್ಯೇನಿಗ್ಲಾ ಮೈಮೆ ಆವಡ್, ಆಮೆನ್.