ಫಿಲಿಪ್ಪಿಯೆರೆಗ್ 1:7 - ಪೊಸ ಒಡಂಬಡಿಕೆ

⁷ ನಿಕ್ಲೆ ಮಾತೆರೆ ಕಡೆಕ್ಕ್ ಯಾನ್ ಇಂಚ ಎನ್ನುನವು ಸರಿಯಾದುಪ್ಪುನವೇ. ಯಾನ್ ಸೆರೆಮನೆಟ್ ಉಪ್ಪುನಗ ಸುವಾರ್ತೆದ ಸತ್ಯೊನು ದೃಢವಾದ್ ಸಾರಿನಗ ನಿಕುಲು ಎನಡೊಪ್ಪ ದೇವೆರೆ ದಯೊಟು ಪಾಲ್‌ದಾರೆರ್ ಆದುಲ್ಲರಂದ್‌ದ್ ನಿಕ್ಲೆನ್ ಎನ ಉಡಲ್‌ಡ್ ದೀವೊಂಡೆ.

ಫಿಲಿಪ್ಪಿಯೆರೆಗ್ 1:7 Cross References

ಅಪೊ.ಕ್ರಿ 20:23

ನಿಕ್ಕ್ ಕೋಳಲಾ ಸಂಕಟಲಾ ಮಾತ ಪಟ್ಟಣೊಲೆಡ್ ಕಾತೊಂದುಂಡು ಅಂದ್‌ದ್ ಪರಿಶುದ್ಧಾತ್ಮೆ ಸಾಕ್ಷಿ ಕೊರ್ಪಿನ ಈತ್ ಮಾತ್ರ ತೆರಿದೆ.

ಅಪೊ.ಕ್ರಿ 21:33

ಸೇನಾಧಿಪತಿ ಪೋದು ಪೌಲುನು ಕೈದ್ ಮಲ್ತ್‌ದ್ ರಡ್ಡ್ ಸರಪೊಳಿಡ್ ಕಟ್ಟಿಯೆರೆ ಸೈನಿಕೆರೆಗ್ ಅಪ್ಪಣೆ ಕೊರಿಯೆ. ಬೊಕ್ಕ ಆ ಸೇನಾಧಿಪತಿ, “ಈ ನರಮಾನಿ ಏರ್? ಆಯೆ ದಾದ ಮಲ್ತ್‌ದೆ,” ಅಂದ್‌ದ್ ಕೇನಿಯೆ.

1 ಕೊರಿಂಥ್ಯೆರೆಗ್ 13:7

ಪ್ರೀತಿ ಮಾತೆನ್ಲಾ ಮನಸ್‌ಡೇ ಸಹಿಸೊಂಡು, ಮಾತೆನ್ಲಾ ನಂಬುಂಡು, ಮಾತೆನ್ಲಾ ಭರವಸೆ ಮಲ್ಪುಂಡು, ಮಾತೆನ್ಲಾ ತಡೆತೊನುಂಡು.

1 ಕೊರಿಂಥ್ಯೆರೆಗ್ 9:23

ಯಾನ್ ಬೇತೆಕ್ಲೆ ಒಟ್ಟುಗು ಸುವಾರ್ತೆದ ಫಲೊಟು ಪಾಲ್‌ದಾರೆ ಆಯೆರೆ ಬೋಡಾದ್ ಉಂದೆನ್ ಮಾತ ಸುವಾರ್ತೆಗಾದೇ ಮಲ್ಪುವೆ.

2 ಕೊರಿಂಥ್ಯೆರೆಗ್ 3:2

ನಿಕುಲೇ ಎಂಕ್ಲೆನ ಪುಗರಿಕೆದ ಪತ್ರ, ಅವು ಎಂಕುಲೆ ಉಡಲ್‌ಡೇ ಬರೆತ್ಂಡ್, ಆ ಪತ್ರೊನು ಮಾತೆರ್ ತೆರಿದೆರ್, ಮಾತೆರ್ಲಾ ಓದುವೆರ್.

2 ಕೊರಿಂಥ್ಯೆರೆಗ್ 7:3

ನಿಕ್ಲೆನ್ ದೂಷಣೆ ಮಲ್ಪೊಡು ಅಂದ್‌ದ್ ಉಂದೆನ್ ಪನ್ಪುಜಿ. ಒಟ್ಟುಗೇ ಸೈಯೆರೆಗ್ಲಾ ಒಟ್ಟುಗೇ ಬದುಕೆರೆಗ್ಲಾ ನಿಕುಲು ಎಂಕುಲೆ ಉಡಲ್‌ಡ್ ಉಲ್ಲರ್ ಅಂದ್‌ದ್ ಯಾನ್ ದುಂಬೇ ಪಂಡ್ದಿತ್ತೆ.

ಗಲಾತ್ಯೆರೆಗ್ 5:6

ದಾಯೆಗಂದ್ಂಡ ನಮ ಕ್ರಿಸ್ತ ಯೇಸುಡು ಉಪ್ಪುನಗ, ಸುನ್ನತಿ ಆಂಡಲಾ ಪ್ರಯೋಜನ ಇಜ್ಜಿ. ಸುನ್ನತಿದಾಂತೆಲಾ ಪ್ರಯೋಜನ ಇಜ್ಜಿ, ಪ್ರೀತಿಡ್ ಯೇಸುನ ಮಿತ್ತ್ ನಂಬಿಕೆ ದೀದ್ ನಡಪುನವೇ ಪ್ರಯೋಜನ ಆದುಂಡು.

ಎಫೆಸ್ಯೆರೆಗ್ 3:1

ಉಂದೆಕ್ಕಾದ್ ಪೌಲು ಇನ್ಪಿನಾಯೆ ಯಾನ್, ಪಿದಯಿದ ಜನೊಕುಲೆಗಾದ್ರ ಕ್ರಿಸ್ತ ಯೇಸುನ ವಶ ಆದುಲ್ಲೆ.

ಎಫೆಸ್ಯೆರೆಗ್ 4:1

ನಿಕುಲು ದೇವೆರೆಡ್ ಲೆಪ್ಪು ಆದಿತ್ತಿನಕುಲಾದ್ ಆ ಲೆಪ್ಪುಗು ಯೋಗ್ಯೆರಾದ್ ನಡಪುಡೊಡು ಅಂದ್‌ದ್ ಕರ್ತವನ ಸೇವೆಗ್ ಸೆರೆಮನೆಟುಪ್ಪು ಯಾನ್ ನಿಕ್ಲೆಡ ನಟ್ಟೊನ್ವೆ.

ಎಫೆಸ್ಯೆರೆಗ್ 6:20

ಯಾನ್ ಸುವಾರ್ತೆಗ್ ಬೋಡಾದ್ ರಾಯಭಾರಿ ಆದ್ ಸಂಕಲೆಡ್ ಉಪ್ಪುನಗ ಯಾನ್ ಎಂಚ ಪಾತೆರೊಡು, ಆ ದೇವೆರೆ ವಿಷಯೊನು ಧೈರ್ಯೊಡು ಎಂಚ ತೆರಿಪಾವೊಡು ಅಂದ್‌ದ್ ಪ್ರಾರ್ಥನೆ ಮಲ್ತೊಂದುಪ್ಪುಲೆ.

ಫಿಲಿಪ್ಪಿಯೆರೆಗ್ 1:12

ಸಹೋದ್ರೆರೇ, ಎಂಕ್ ಮೂಲು ಆದುಪ್ಪುನವು ಮಾತಲಾ ಸುವಾರ್ತೆದ ಪ್ರಚಾರೊಗು ಸಹಾಯ ಆಂಡ್ ಅಂದ್‌ದ್ ನಿಕುಲು ತೆರಿಯೊನೊಡು ಅಂದ್‌ದ್ ಎನ ಆಸೆ.

ಫಿಲಿಪ್ಪಿಯೆರೆಗ್ 1:13

ಎಂಚಂದ್ಂಡ ಯಾನ್ ಸೆರೆಮನೆಟ್ ಉಪ್ಪುನವು ಕ್ರಿಸ್ತಡ್ದಾವರ ಅಂದ್‌ದ್ ಇಡೀ ಅರಮನೆದ ಕಾವಲ್‌ದಾಕುಲೆಗ್ಲಾ ಅಂಚೆನೇ ಒರಿದಿನಾಕುಲೆಗ್ಲಾ ತೆರಿದ್ ಬತ್ತ್ಂಡ್.

ಫಿಲಿಪ್ಪಿಯೆರೆಗ್ 1:14

ಬೊಕ್ಕ ಯಾನ್ ಸೆರೆಮನೆಟ್ ಉಪ್ಪುನೆಡ್ದಾದ್ ಮುಲ್ಪದ ಸಹೋದ್ರೆರೆಡ್ದ್ ಹೆಚ್ಚಿನ ವಿಶ್ವಾಸಿಲು ದೇವೆರೆ ಪಾತೆರೊನು ಪೋಡಿಗೆದಾಂತೆ ತೆರಿಪಾವೆರೆ ಧೈರ್ಯಲಾ ಭರವಸಲಾ ಮಲ್ತ್‌ದೆರ್.

ಫಿಲಿಪ್ಪಿಯೆರೆಗ್ 2:22

ಆಂಡ ತಿಮೋಥಿ ಎಂಚ ನಡತ್ತ್‌ದೆ ಅಂದ್‌ದ್ ನಿಕುಲೇ ತೆರಿದರ್. ದಾಯೆಗ್ ಪಂಡ, ಮಗೆ ಅಮ್ಮೆರೆಗ್ ಎಂಚನಾ, ಅವ್ವೇ ತರೊಟು ಆಯೆ ಎನಡೊಪ್ಪ ಸುವಾರ್ತೆದ ಪ್ರಚಾರೊಗಾದ್ ಸೇವೆ ಮಲ್ತ್‌ದ್ ಯೋಗ್ಯದಾಯೆ ಅಂದ್‌ದ್ ನಿಕ್ಲೆಗ್ ಗೊತ್ತುಂಡು.

ಫಿಲಿಪ್ಪಿಯೆರೆಗ್ 4:14

ಆಂಡಲಾ ಎನ ಇತ್ತೆದ ಕಷ್ಟೊಡು ನಿಕುಲು ಸಹಾಯ ಕೊರಿನವು ಎಡ್ಡೆನೇ ಆಂಡ್.

ಫಿಲಿಪ್ಪಿಯೆರೆಗ್ 4:15

ಉಂದತ್ತಂದೆ ಫಿಲಿಪ್ಪಿದಾಕುಲೇ, ನಿಕ್ಲೆಗ್ ಸುರುಕ್ಕು ಸುವಾರ್ತೆ ಸಾರಿದ್ ಬೊಕ್ಕ ಮಕೆದೋನ್ಯೊಗು ಪೋಯಿನಪಗ ಎಂಕ್ ಕಾಸ್‌ದ ಸಹಾಯ ಕೊರಿನಾಕುಲು ಫಿಲಿಪ್ಪಿ ಸಭೆತಾಕುಲು ಮಾತ್ರ, ಬೇತೆ ವಾ ಸಭೆಲಾ ಪಾಲ್‌ದಾರೆರ್ ಆದಿತ್ತಿಜೆರ್.

ಫಿಲಿಪ್ಪಿಯೆರೆಗ್ 4:3

ಬೊಕ್ಕ ಎನ ನಿಜ ಜತೆಗಾರಾ, ಈ ರಡ್ಡ್ ಪೊಂಜೊವುಲೆಗ್ ಸಹಾಯ ಮಲ್ಪೊಡು ಅಂದ್‌ದ್ ನಿನನ್ಲಾ ಕೇನೊನ್ವೆ. ದಾಯೆಗಂದ್ಂಡ, ಬೇತೆಕ್ಲೆಗ್ ಸುವಾರ್ತೆ ತೆರಿಪಾವುನೆಟ್ ಅಕುಲು ಎನಡೊಪ್ಪ ಎಡ್ಡೆ ಬೇಲೆ ಮಲ್ತ್‌ದೆರ್. ಅಕುಲು ಕ್ಲೆಮೆಂತುಡೊಪ್ಪಲಾ ಎನ ಬೇತೆ ಜತೆಸೇವಕೆರೆಡೊಪ್ಪಲಾ ಎನ ಒಟ್ಟುಗು ಸುವಾರ್ತೆಗಾದ್ ಕಷ್ಟ ಬೈದೆರ್. ಅಕ್ಲೆನ ಮಾತೆರೆನ ಪುದರ್ ಜೀವಬಾಧ್ಯೆರೆ ಪುಸ್ತಕೊಡು ಬರೆದುಂಡು.

ಕೊಲೊಸ್ಸಿಯೆರೆಗ್ 4:18

ಉಂದು ಪೌಲು ಇನ್ಪಿ ಯಾನ್ ಎನ ಸ್ವಂತ ಕೈಟ್ ವಂದನೆಲೆನ್ ಬರೆತೆ. ಯಾನ್ ಸೆರೆಮನೆಟ್ ಉಲ್ಲೆ ಇನ್ಪಿನೆನ್ ನೆನೆಪು ಮಲ್ತೊಂದುಪ್ಪುಲೆ. ದೇವೆರೆನ ದಯ ನಿಕ್ಲೆಡೊಪ್ಪ ಉಪ್ಪಡ್.

ಕೊಲೊಸ್ಸಿಯೆರೆಗ್ 4:3

ಉಂದತ್ತಂದೆ ಎಂಕುಲೆಗಾದ್‌ಲಾ ಪ್ರಾರ್ಥನೆ ಮಲ್ಪುಲೆ. ಕ್ರಿಸ್ತ ವಿಚಾರೊಡು ದೇವೆರ್ ತೆರಿಪಾದಿನ ಸತ್ಯಾರ್ಥೊನು ಸಾರಿದ್ ತೆರಿಪಾವೆರೆ ಅನುಕೂಲದ ಸಂದರ್ಭೊನು ಎಂಕ್ಲೆಗ್ ಒದಗಾದ್ ಕೊರ್ಪಿಲೆಕ್ಕಲಾ, ಅವೆನ್ ಪನೊಡಾಯಿ ರೀತಿಡ್ ಪನ್ಪಿಲೆಕ್ಕಲಾ ಸಹಾಯ ಮಲ್ಪೊಡು ಅಂದ್‌ದ್ ನಟ್ಟೊನ್ಲೆ. ಆ ಸತ್ಯೊಗಾದ್ರನೇ ಯಾನ್ ಇತ್ತೆ ಸೆರೆಮನೆಟ್ ಉಲ್ಲೆ.

1 ಥೆಸಲೋನಿಕೆರೆಗ್‌ 5:5

ನಿಕುಲು ಬೊಲ್ಪುದಾಕುಲುಲಾ ಪಗೆಲ್‌ದಾಕುಲುಲಾ ಆದುಲ್ಲರ್, ನಮ ರಾತ್ರೆದಾಕುಲುಲಾ ಅತ್ತ್, ಕತ್ತಲೆದಾಕುಲುಲಾ ಅತ್ತ್.

2 ತಿಮೋಥಿ 1:8

ಅಂಚಾದ್ ಕರ್ತವಗ್ ಕೊರ್ಪಿನ ಸಾಕ್ಷಿದ ಬಗೆಟಾವಡ್ ಆಯಗಾದ್ ಸೆರೆಮನೆಟ್ ಉಪ್ಪುನ ಎನ ಬಗೆಟಾವಡ್ ನಾಚಿಗೆ ಮಲ್ಪಡ. ಆಂಡ ದೇವೆರ್ ನಿಕ್ಕ್ ಕೊರ್ಪಿನ ಬಲೊಡ್ದು ಸುವಾರ್ತೆಗಾದ್ ಎನಡೊಪ್ಪ ಕಷ್ಟೊಲೆನ್ ತಾಳೊನ್ಲ.

2 ತಿಮೋಥಿ 2:9

ಬೊಕ್ಕ ಯಾನ್ ಈ ಸುವಾರ್ತೆ ಸಾರಿನೆಡ್ದ್ ದಿಂಜ ಭಂಗ ಬತ್ತಿನಾಯೆ ಆದ್ ದುಷ್ಕರ್ಮಿಲೆಕ್ಕ ಸಂಕಲೆಡ್ ಉಲ್ಲೆ, ಆಂಡ ದೇವೆರೆ ಪಾತೆರೊಗು ಬಂಧನ ಇಜ್ಜಿ.

ಫಿಲೆಮೋನುಗು 1:13

ಯಾನ್ ಸುವಾರ್ತೆಗಾದ್ ಸೆರೆಮನೆಟುಪ್ಪುನಗ ನಿನ ಪಗತೆಗ್ ಆಯೆ ಎಂಕ್ ಸೇವೆ ಮಲ್ಪುಲೆಕ್ಕ ಆಯನ್ ಎನ ಕೈತಲೇ ದೀವೊನೊಡು ಅಂದ್‌ದ್ ಆಲೋಚನೆ ಮಲ್ತ್‌ದಿತ್ತೆ.

ಇಬ್ರಿಯೆರೆಗ್ 3:1

ಅಂಚಾಯಿನೆಡ್ದ್ ದೇವಜನೊಕುಲಾಯಿ ಸಹೋದ್ರೆರೇ ಪರಲೋಕದ ಭಾಗ್ಯೊಡು ಪಾಲ್‌ದಾರೆರಾವೆರೆ ಲೆಪ್ಪು ಪಡೆತಿನಾಕುಲೆ, ನಮ ನಿಗಂಟ್ ಮಲ್ತೊಂದು ಒಪ್ಪಿಯೊಂಡಿನ ಅಪೊಸ್ತಲೆಲಾ ಪ್ರಧಾನಯಾಜಕೆಲಾ ಆಯಿ ಯೇಸುನು ಗೇನ ಕೊರ್ದು ಯೋಚನೆ ಮಲ್ಪುಲೆ.

1 ಪೇತ್ರೆ 4:13

ನಿಕುಲು ಏತ್‌ನೆಂಗೆ ಕ್ರಿಸ್ತ ಶ್ರಮೆಟ್ ಪಾಲ್‌ದಾರೆರ್ ಆದುಪ್ಪುವರಾ ಆತ್‌ನೆಂಗೆ ಸಂತೋಷೊಡುಪ್ಪುಲೆ. ಅಂಚೆನೇ ಕ್ರಿಸ್ತೆ ಮೈಮೆಡ್ ತೋಜಿದ್ ಬನ್ನಗ ನಿಕುಲು ಉಲ್ಲಾಸಾದುಪ್ಪುಲೆ.

1 ಪೇತ್ರೆ 5:1

ಸಭೆತ ಹಿರಿಯಾಕುಲೇ, ನಿಕ್ಲೆನ ಜತೆ ಹಿರಿಯಾಯೆ ಆಯಿ ಯಾನ್ ಕ್ರಿಸ್ತ ಶ್ರಮೆಲೆಡ್ ಸಾಕ್ಷಿದಾಯೆ; ನನ ದುಂಬು ತೋಜಿದ್ ಬರ್ಪಿ ಮೈಮೆಡ್ ಪಾಲ್‌ದಾರೆ ಆಯಿ ಯಾನ್ ನಿಕ್ಲೆನ್ ಉತ್ತೇಜನ ಮಲ್ತ್‌ದ್ ಪನ್ಪಿನಿ ದಾನೆ ಪಂಡ,

2 ಪೇತ್ರೆ 1:13

ಅಂಚಾಯಿನೆಡ್ದ್ ಯಾನ್ ಎನ ಶರೀರ ಇನ್ಪಿ ಗುಡಾರೊಡು ಉಪ್ಪುನ ಮುಟ್ಟ ನಿಕ್ಲೆಗ್ ಅಪಗಪಗ ನೆನೆಪು ಪುಟ್ಟಾವುನವು ಯೋಗ್ಯ ಅಂದ್‌ದ್ ಎನ್ನುವೆ.

1 ಯೋಹಾನೆ 3:14

ನಮ ಕ್ರೈಸ್ತಸಹೋದ್ರೆರೆನ್ ಪ್ರೀತಿ ಮಲ್ಪುನಾಕುಲು ಆದುಪ್ಪುನೆಡ್ದ್ ಮರಣೊಡ್ದು ಜೀವೊಗು ದಾಂಟ್‌ದ್ ಬತ್ತ ಅಂದ್‌ದ್ ನಂಕ್ ಗೊತ್ತಾತ್ತ್ಂಡ್. ತನ ಸಹೋದ್ರನ್ ಪ್ರೀತಿ ಮಲ್ಪಂದಿನಾಯೆ ಮರಣೊಡೇ ಉಲ್ಲೆ.