ಫಿಲಿಪ್ಪಿಯೆರೆಗ್ 1:6 - ಪೊಸ ಒಡಂಬಡಿಕೆ

⁶ ಈ ಎಡ್ಡೆ ಬೇಲೆನ್ ನಿಕ್ಲೆಡ್ ಸುರು ಮಲ್ತ್‌ದಿನ ದೇವೆರ್ ಅವೆನ್ ದುಂಬು ಸಾಗಾದ್ ಯೇಸು ಕ್ರಿಸ್ತೆ ಬನ್ನಮುಟ್ಟ ಪೂರ್ತಿ ಮಲ್ಪುವೆ ಪನ್ಪಿ ಭರವಸ ಎಂಕ್ ಉಂಡು.

ಫಿಲಿಪ್ಪಿಯೆರೆಗ್ 1:6 Cross References

ಯೋಹಾನೆ 6:29

ಯೇಸು ಉತ್ತರ ಕೊರ್ದು ಅಕ್ಲೆಗ್, “ದೇವೆರ್ ಮೆಚ್ಚುನ ಬೇಲೆ ದಾನೆಂದ್ಂಡ, ಆಯೆ ಕಡಪುಡ್ದು ಕೊರಿನಾಯನ್ ನಿಕುಲು ನಂಬುನವೇ,” ಪಂಡೆ.

ಅಪೊ.ಕ್ರಿ 11:18

ಇಂಚ ಪಂಡಿನ ಪಾತೆರೊಲೆನ್ ಆ ಯೆಹೂದ್ಯೆರ್ ಕೇಂಡ್ದ್ ತರ್ಕ ಮಲ್ಪುನೆನ್ ಉಂತಾಯೆರ್. ಅಂಚಾಂಡ, “ದೇವೆರ್ ಪಿದಯಿದ ಜನೊಕುಲೆಗ್ಲಾ ಜೀವ ಕೊರೊಡು ಅಂದ್‌ದ್ ಅಕ್ಲೆ ಉಡಲ್‌ಡ್ಲಾ ಪಶ್ಚಾತಾಪ ಕೊರಿಯೆ,” ಅಂದ್‌ದ್ ದೇವೆರೆನ್ ಪುಗರಿಯೆರ್.

ಅಪೊ.ಕ್ರಿ 16:14

ಲುದ್ಯ ಪನ್ಪಿ ಒರ್ತಿ ಪೊಂಜೊವು ಇತ್ತಲ್. ಆಲ್ ನೇರೊಲ್ ಬಣ್ಣದ ಕುಂಟುಲೆನ್ ಮಾರುನಾಲ್‌ಲಾ ಥುವತೈರ ಪನ್ಪಿ ಊರುದ ದೇವೆರೆನ ಭಕ್ತೆದಿ ಆದಿತ್ತಲ್. ಪೌಲು ಪಂಡಿನ ಪಾತೆರೊಲೆಗ್ ಮನಸ್ ಕೊರಿಯೆರೆ ಕರ್ತವೆ ಆಲೆನ ಉಡಲ್‌ಡ್ ಕಾರ್ಯ ಮಲ್ತೆ

1 ಕೊರಿಂಥ್ಯೆರೆಗ್ 1:8

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ಕುಡೊರ ಬನ್ನಗ, ಏರ್ಲಾ ನಿಕ್ಲೆ ಮಿತ್ತ್ ದೂರು ಪಾಡಂದಿಲೆಕ್ಕ ಆಯೆ ನಿಕ್ಲೆನ್ ಕಡೆ ಮುಟ್ಟ ದೃಢ ಮಲ್ಪುವೆ.

2 ಕೊರಿಂಥ್ಯೆರೆಗ್ 1:15

ಎಂಕ್ ಇಂಚಿತ್ತಿ ಮಾತ ವಿಷಯೊಲೆಡ್ ಭರವಸ ಇತ್ತಿನೆಡ್ದಾವರ ನಿಕ್ಲೆಗ್ ರಡ್ಡ್ ಸರಿ ಎಂಕುಲೆಡ್ದ್ ದಯತ ವರ ತಿಕ್ಕುಲೆಕ್ಕ ಯಾನ್ ಸುರುಟ್ಟು ನಿಕ್ಲೆ ಕೈತಲ್‌ ಬರೊಡು ಅಂದ್‌ದ್ ಎನ್ನ್‌ದಿತ್ತೆ.

2 ಕೊರಿಂಥ್ಯೆರೆಗ್ 2:3

ಅಂಚಾಯಿನೆಡ್ದ್ ಯಾನ್ ಬತ್ತಿನಪಗ ಎಂಕ್ ಸಂತೋಷ ಕೊರ್ಪಿನಾಕುಲೆಡ್ದೇ ದುಃಖ ಉಂಡಾವೆರೆ ಬಲ್ಲಿ ಅಂದ್‌ದ್ ಉಂದೆನ್ ಪತ್ರಿಕೆಡ್ ನಿಕ್ಲೆಗ್ ಬರೆದ್ ತೆರಿಪಾದೆ; ಎನ ಸಂತೋಷ ನಿಕ್ಲೆನ ಮಾತೆರೆನ ಸಂತೋಷ ಅಂದ್‌ದ್ ನಿಕ್ಲೆ ಮಾತೆರೆ ಸಂಗತಿಡ್ ಎಂಕ್ ಭರವಸ ಉಂಡು,

2 ಕೊರಿಂಥ್ಯೆರೆಗ್ 7:16

ಅಂಚಾದ್ ಎಂಕ್ ನಿಕ್ಲೆಡ ಮಾತ ಸಂಗತಿಡ್ ಭರವಸ ಇತ್ತಿನೆಡ್ದ್ ಯಾನ್ ಸಂತೋಷ ಮಲ್ಪುವೆ.

2 ಕೊರಿಂಥ್ಯೆರೆಗ್ 9:4

ಇಜ್ಜಾಂಡ ಒಂಜಿ ವೇಳೆ ಮಕೆದೋನ್ಯದಾಕುಲು ಎನಡೊಪ್ಪ ಬನ್ನಗ ನಿಕ್ಲೆನ ಕಾಣಿಕೆ ತಯಾರಾದುಪ್ಪಂದಿನೆನ್ ತೂಯೆರ್ಡ ಎಂಕುಲು ನಿಕ್ಲೆನ ಮಿತ್ತ್ ಇಂಚಿನ ಭರವಸೆ ದೀಯಿನೆಡ್ದ್ ಎಂಕ್ಲೆಗ್ ನಾಚಿಗೆ ಆವು ಅಂಚೆನೆ ನಿಕ್ಲೆಗ್ಲಾ ನಾಚಿಗೆ ಆವು.

ಗಲಾತ್ಯೆರೆಗ್ 5:10

ನಿಕುಲು ಬೇತೆ ಸಾದಿಡ್ ಪೋಪುಜರ್ ಅಂದ್‌ದ್ ಕರ್ತವಡ್ ಎಂಕ್ ಭರವಸೆ ಉಂಡು. ನಿಕ್ಲೆಡ್ ಗಲಿಬಿಲಿ ಪುಟ್ಟಾವುನಾಯೆ ಏರೇ ಆವಡ್, ಆಯೆ ನ್ಯಾಯತೀರ್ಪುಗು ಗುರಿ ಆಪೆ.

ಎಫೆಸ್ಯೆರೆಗ್ 4:12

ನಮ ನಂಬಿಕೆಡ್ ಐಕ್ಯತೆ ಉಂಡಾದ್ ದೇವೆರೆ ಮಗನ ಗೇನೊಡು ವೃದ್ಧಿ ಆದ್ ನಮ ಕರ್ತವಡ್ ಬಲ ಹೊಂದುದು ಕ್ರಿಸ್ತನ ಪೂರ್ತಿ ಯೋಗ್ಯತೆಗ್ ತಕ್ಕದಕುಲಾನ ಮುಟ್ಟ ಅಕ್ಲೆ ಸೇವೆಲು ದುಂಬು ಪೋಪುಂಡು. ದಾಯೆಗಂದ್ಂಡ ದೇವಜನೊಕುಲು ದೇವೆರೆ ಸೇವೆಗ್ ತನ್ಕುಲೆನ್ ತಯಾರ್ ಮಲ್ಪೆರೆ, ಬೊಕ್ಕ ಕ್ರಿಸ್ತನ ಶರೀರ ಆದುಪ್ಪು ಸಭೆನ್ ವೃದ್ಧಿ ಮಲ್ಪೆರೆ ಅಕ್ಲೆನ್ ಕೊರಿಯೆ.

ಫಿಲಿಪ್ಪಿಯೆರೆಗ್ 1:10

ನಿಜಾದ್ ಅವಶ್ಯ ಉಪ್ಪುನವು ದಾನೆಂದ್ಂಡ ನಿಕುಲು ಸರಿಯಾದ್ ತೆರಿಯೊಂದು, ಕ್ರಿಸ್ತೆ ಬನ್ನಮುಟ್ಟ ನಿರ್ಮಲ ಆದಿತ್ತ್‌ದ್ ವಾ ಕಪಟದಾಂತಿನಾಕುಲಾದ್ ಉಪ್ಪೊಡಂದ್‌ದೇ ಎನ ಆಸೆ.

ಫಿಲಿಪ್ಪಿಯೆರೆಗ್ 1:29

ದಾಯೆಗಂದ್ಂಡ ನಿಕುಲು ಕ್ರಿಸ್ತ ಮಿತ್ತ್ ನಂಬಿಕೆ ದೀಪಿನಿ ಮಾತ್ರತ್ತಂದೆ ಆಯಗ್ ಬೋಡಾದ್ ಭಂಗ ದೆತ್ತೊನಿಯೆರೆಲಾ ನಿಕ್ಲೆಗ್ ದಯ ತಿಕ್ಕ್‌ದ್ಂಡ್.

ಫಿಲಿಪ್ಪಿಯೆರೆಗ್ 2:12

ಅಂಚಾಯಿನೆಡ್ದ್ ಪ್ರೀತಿದಾಕುಲೇ, ನಿಕುಲು ಎನ ಪಾತೆರೊಲೆನ್ ಏಪಲಾ ಕೇಂಡಿಲೆಕ್ಕ ಇತ್ತೆಲಾ ಕೇನ್ಲೆ. ಯಾನ್ ನಿಕ್ಲೆಡೊಪ್ಪ ಉಪ್ಪಂದಿನಪಗಲಾ ದಿಂಜ ಪೋಡಿಗೆಡ್ ನಡುಗುನಾಕುಲಾದ್ ನಿಕ್ಲೆ ರಕ್ಷಣೆದ ಫಲೊನು ತೋಜಾವೆರೆಗ್ ಪ್ರಯತ್ನ ಮಲ್ಪುಲೆ.

ಫಿಲಿಪ್ಪಿಯೆರೆಗ್ 2:13

ದಾಯೆಗಂದ್ಂಡ ದೇವೆರ್ ನಿಕ್ಲೆಡ್ ಬೇಲೆ ಮಲ್ತ್‌ದ್, ಆಯಗ್ ಮೆಚ್ಚಿಗೆ ಇತ್ತಿನೆನ್ ಮಲ್ಪುನ ಆಸೆನ್ ನಿಕ್ಲೆಡ್ ಪುಟ್ಟಾದ್ ಐಕ್ ಬೋಡಾಪಿ ತ್ರಾಣೊನು ಕೊರ್ಪೆ.

ಕೊಲೊಸ್ಸಿಯೆರೆಗ್ 2:12

ಅವತ್ತಂದೆ ನಿಕುಲು ದೀಕ್ಷಾಸ್ನಾನೊಡು ಕ್ರಿಸ್ತಡೊಪ್ಪ ಕೌಂತುದಿನಾಕುಲು ಆಯಿನೆಡ್ದ್ ಆ ಸುನ್ನತಿನ್ ಪಡೆಯರ್. ಉಂದತ್ತಂದೆ ಆಯನ್ ಸೈತಿನಾಕುಲೆಡ್ದ್ ಲಕ್ಕಾದಿನ ದೇವೆರೆ ಬಲೊಟು ನಿಕುಲು ನಂಬಿಕೆ ದೀಯಿನೆಡ್ದ್ ಕ್ರಿಸ್ತನ ಒಟ್ಟುಗು ಕುಡ ಲಕ್ಕ್‌ದ್ ಬೈದರ್.

2 ಥೆಸಲೋನಿಕೆರೆಗ್‌ 1:11

ಉಂದೆನ್ ನೆನೆತೊಂದು ಎಂಕುಲು ಏಪಲಾ ನಿಕ್ಲೆಗ್ ಬೋಡಾದ್ ಇಂಚ ಪ್ರಾರ್ಥನೆ ಮಲ್ತೊಂದುಲ್ಲ. ನಮ ದೇವೆರ್ ನಿಕ್ಲೆನ್ ಆಯನ ರಾಜ್ಯೊಗು ಯೋಗ್ಯೆರಾದ್ ಮಲ್ಪಡ್, ತನ ಎಡ್ಡೆಂತಿನ ಚಿತ್ತೊನ್ಲಾ ನಂಬಿಕೆದ ಕೆಲಸೊನ್ಲಾ ತನ ಬಲೊಟು ತೀರಿಸಾವಡ್.

2 ಥೆಸಲೋನಿಕೆರೆಗ್‌ 3:4

ಎಂಕುಲು ನಿಕ್ಲೆಗ್ ಕೊರ್ತಿನ ಅಪ್ಪಣೆದಂಚೆನೇ, ನಿಕುಲು ನಡತೊಂದುಲ್ಲರ್. ಅಂಚೆನೇ ನನಲಾ ದುಂಬಗ್ ನಡಪುವರ್ ಅಂದ್‌ದ್ ಕರ್ತವಡ್ ಎಂಕ್ಲೆಗ್ ಭರವಸ ಉಂಡು.

ಫಿಲೆಮೋನುಗು 1:21

ಎನ ಪಾತೆರೊನು ಕೇನ್ವ, ಅಂದ್‌ದ್ ಎಂಕ್ ಭರವಸ ಉಪ್ಪುನೆಡ್ದ್ ನಂಬಿಕೆಡ್ ಈ ಪತ್ರಿಕೆನ್ ನಿಕ್ಕ್ ಬರೆತೆ. ಯಾನ್ ಪನ್ಪಿನೆಡ್ದ್‌ಲಾ ಹೆಚ್ಚಾದ್ ಮಲ್ಪುವ ಅಂದ್‌ದ್ ಎಂಕ್ ತೆರಿದುಂಡು.

ಇಬ್ರಿಯೆರೆಗ್ 10:35

ಅಂಚಾಂಡ ನಿಕ್ಲೆನ ಧೈರ್ಯೊನು ಬುಡ್ದು ಬುಡಡೆ. ಐಕ್ ಮಲ್ಲ ಪ್ರತಿಫಲ ಉಂಡು.

1 ಪೇತ್ರೆ 5:10

ಯೇಸು ಕ್ರಿಸ್ತಡ್ ಒಂಜಾದುಪ್ಪು ನಿಕ್ಲೆನ್ ತನ ನಿತ್ಯ ಮೈಮೆಗ್ ಲೆತ್ತಿ ಪೂರ್ತಿ ದಯತ ದೇವೆರ್, ಒಂತೆ ಸಮಯ ಸಂಕಟ ಬತ್ತಿ ಬೊಕ್ಕ ನಿಕ್ಲೆನ್ ತಕ್ಕ ಸ್ಥಿತಿಗ್ ಕನತ್‌ದ್ ದೃಢ ಮಲ್ತ್‌ದ್, ಬಲ ಪಡೆಪಾವೆ.

2 ಪೇತ್ರೆ 3:10

ಆಂಡ ಕಲ್ವೆ ಬರ್ಪಿಲೆಕ್ಕನೇ, ಕರ್ತವ ದಿನಲ ಬರ್ಪುಂಡು. ಆ ದಿನೊಟು ಬಾನೊಲು ಮಲ್ಲ ಗೌಜಿಡ್ದ್ ಆಳಿದ್ ಪೋವು. ಸೂರ್ಯೆ, ಚಂದ್ರೆ, ನಕ್ಷತ್ರೊಲು ಪೊತ್ತುದು ನಾಶಾದ್ ಪೋವು, ಭೂಮಿಲಾ ಐಟ್ಟುಪ್ಪು ಮಾತ ಕೆಲಸೊಲು ಪೊತ್ತುದು ಪೋವು.