ಫಿಲಿಪ್ಪಿಯೆರೆಗ್ 1:30 - ಪೊಸ ಒಡಂಬಡಿಕೆ

³⁰ ಎನ ಈ ಹೋರಾಟೊಲೆನ್ ನಿಕುಲು ತೂತರ್; ನನಲಾ ಯಾನ್ ಹೋರಾಟದ ನಡುಟೇ ಉಲ್ಲೆ ಅಂದ್‌ದ್ ನಿಕ್ಲೆಗ್ ತೆರಿದುಂಡು. ಆ ಹೋರಾಟ ನಿಕ್ಲೆಗ್ಲಾ ಉಂಡು.

ಫಿಲಿಪ್ಪಿಯೆರೆಗ್ 1:30 Cross References

ಯೋಹಾನೆ 16:33

ನಿಕುಲು ಎನಡೊಪ್ಪ ಇತ್ತ್‌ದ್ ಉಡಲ್‌ದ ಸಮಾಧಾನೊನು ಪಡೆವೊಡು ಅಂದ್‌ದ್ ಈ ಸಂಗತಿಲೆನ್ ನಿಕ್ಲೆಗ್ ಪಂತೆ. ಲೋಕೊಡು ನಿಕ್ಲೆಗ್ ಸಂಕಟ ಉಂಡು, ಆಂಡ ಧೈರ್ಯೊಡುಪ್ಪುಲೆ, ಯಾನ್ ಲೋಕೊನು ಗೆಂದ್‌ದೆ,” ಪಂಡೆ.

ಫಿಲಿಪ್ಪಿಯೆರೆಗ್ 1:13

ಎಂಚಂದ್ಂಡ ಯಾನ್ ಸೆರೆಮನೆಟ್ ಉಪ್ಪುನವು ಕ್ರಿಸ್ತಡ್ದಾವರ ಅಂದ್‌ದ್ ಇಡೀ ಅರಮನೆದ ಕಾವಲ್‌ದಾಕುಲೆಗ್ಲಾ ಅಂಚೆನೇ ಒರಿದಿನಾಕುಲೆಗ್ಲಾ ತೆರಿದ್ ಬತ್ತ್ಂಡ್.

ಕೊಲೊಸ್ಸಿಯೆರೆಗ್ 1:29

ಎನಡ್ ಕಾರ್ಯ ಮಲ್ಪುನ ದೇವೆರೆ ಬಲೊನು ಉಪಯೋಗ ಮಲ್ತೊಂದು ಐಕಾದೇ ಉರ್ಡೊಂದು ಕಷ್ಟ ಬರೊಂದುಲ್ಲೆ.

ಕೊಲೊಸ್ಸಿಯೆರೆಗ್ 2:1

ನಿಕ್ಲೆಗಾದ್‌ಲಾ ಲವೊದಿಕೀಯದ ಸಭೆಕಾದ್‌ಲಾ ಎನನ್ ಕಣ್ಣಾರೆ ತೂವಂದಿನಾಕುಲೆಗಾದ್‌ಲಾ ಏತೊಂಜಿ ಉರ್ಡಾಟ ಮಲ್ತೊಂದುಲ್ಲೆ ಇನ್ಪಿನೆನ್ ನಿಕುಲು ತೆರಿಯೊಡು ಅಂದ್‌ದ್ ಯಾನ್ ಆಸೆ ಮಲ್ಪುವೆ.

1 ಥೆಸಲೋನಿಕೆರೆಗ್‌ 2:2

ಎಂಕುಲು ದೇವೆರೆ ಬೇಲೆ ಮಲ್ಪೆರೆ ಥೆಸ್ಸಲೋನಿಕಗ್ ಬರ್ಪಿನೆಕ್ಕ್ ದುಂಬು, ಫಿಲಿಪ್ಪಿ ಪಟ್ಟಣೊಡು ಭಂಗ ಬೊಕ್ಕ ಅವಮಾನ ಆತಿನವು ನಿಕ್ಲೆಗ್ ತೆರಿದೇ ಉಂಡು. ಮಸ್ತ್ ವಿರೋಧ ಇತ್ತ್ಂಡಲಾ ದೇವೆರ್ ಎಂಕ್ಲೆಗ್ ಬಲ ಕೊರಿನೆಡ್ದ್ ನಿಕ್ಲೆಗ್ ಧೈರ್ಯೊಡು ಸುವಾರ್ತೆ ತೆರಿಪಾಯ.

1 ತಿಮೋಥಿ 6:12

ಕ್ರಿಸ್ತ ನಂಬಿಕೆದಾಕುಲು ಮಲ್ಪುನ ಎಡ್ಡೆ ಉರ್ಡಾಟೊನು ಮಲ್ಪುಲ, ನಿತ್ಯಜೀವೊನು ಗಟ್ಟಿಯಾದ್ ಪತ್ತೊನ್ಲ. ಐಕಾದ್ರನೆ ದೇವೆರ್ ನಿನನ್ ಲೆತ್ತ್‌ದೆ. ಬೊಕ್ಕ ಈ ದಿಂಜ ಸಾಕ್ಷಿಲೆ ಎದುರುಡು ಎಡ್ಡೆ ಅರಿಕೆ ಮಲ್ತ್‌ದ.

2 ತಿಮೋಥಿ 4:7

ಯಾನ್ ಎಡ್ಡೆ ಉರ್ಡಾಟೊನು ಮಲ್ತ್‌ದೆ. ಎನ ಬಲ್ಪಾಟೊನು ಮುಗಿಪಾದೆ ಬೊಕ್ಕ ಕ್ರಿಸ್ತ ನಂಬಿಕೆನ್ ಒರಿಪಾವೊಂದೆ.

ಇಬ್ರಿಯೆರೆಗ್ 12:1

ಅಂಚಾಯಿನೆಡ್ದ್ ಈತ್ ಜನ ಸಾಕ್ಷಿದಾಕುಲು ಮುಗಲ್‌ದ ಲೆಕ್ಕ ನಮ ಸುತ್ತಲಾ ಉಲ್ಲೆರ್. ನಂಕ್ ಅಡ್ಡಿ ಮಲ್ಪುನ ಮಾತ ಭಾರೊನ್ಲಾ ಅಂಟುನ ಪಾಪೊನ್ಲಾ ನಮ ದೆತ್ತ್ ದೀದ್ ನಂಬಿಕೆನ್ ಪುಟ್ಟಾವುನಾಯೆಲಾ ಕೊರ್ಪಿನಾಯೆಲಾ ಆದುಪ್ಪು ಯೇಸುನ ಮಿತ್ತ್ ದೃಷ್ಟಿ ದೀಕ. ನಂಕ್ ನೇಮಕ ಆದುಪ್ಪು ಬಲ್ಪಾಟೊನು ತಾಳ್ಮೆಡ್ ಬಲ್ಪುಗ. ಆಯೆ ತನ ದುಂಬು ದೀದಿತ್ತಿ ಸಂತೋಷಗಾದ್ ಅವಮಾನೊನು ಅಸಡ್ಡೆ ಮಲ್ತ್‌ದ್ ಕ್ರುಸ್ಸುದ ಮರಣೊನು ಸೈಸೊಂದು ದೇವೆರೆ ಗದ್ದಿಗೆದ ಬಲತ್ತ ಮರ್ಗಿಲ್‌ಡ್ ಕುಲ್ಲೊಂದುಲ್ಲೆ.

ಇಬ್ರಿಯೆರೆಗ್ 12:4

ನಿಕುಲು ಪಾಪೊಗು ವಿರೋಧಾದ್ ಪೊಂರ್ಬುನೆಟ್ ನೆತ್ತೆರ್ ಗುಪ್ಪುನೆಟ್ಟಲಾ ವಿರೋಧ ಮಲ್ತ್‌ಜರ್.

ಪ್ರಕಟಣೆ 12:11

ಅಕುಲು ಮರಣ ಮುಟ್ಟ ತನ್ಕುಲೆ ಪ್ರಾಣೊನು ಪ್ರೀತಿ ಮಲ್ಪಂದೆ, ಕುರಿತ ಕಿನ್ನಿದ ನೆತ್ತೆರೆಡ್ದ್‌ಲಾ ತನ್ಕುಲೆ ಸಾಕ್ಷಿದ ಪಾತೆರೊಡ್ದುಲಾ ಆಯನ್ ಗೆಂದಿಯೆರ್.