ಫಿಲಿಪ್ಪಿಯೆರೆಗ್ 1:27 - ಪೊಸ ಒಡಂಬಡಿಕೆ

²⁷ ಎಂಚಿನಾಂಡಲಾ ನಿಕುಲು ಕ್ರಿಸ್ತನ ಸುರ್ವಾತೆಗ್ ಯೋಗ್ಯೆರಾದ್ ನಡಪುಲೆ. ಅಪಗ ಯಾನ್ ಕುಡ ನಿಕ್ಲೆ ಕೈತಲ್‌ ಬತ್ತ್‌ದ್ ನಿಕ್ಲೆನ್ ತೂಯೆಡಲಾ ಸರಿ, ದೂರೊಡ್ದು ಇತ್ತ್‌ದ್ ನಿಕ್ಲೆ ಸಂಗತಿಡ್ ಕೇಂಡಲಾ ಸರಿ, ನಿಕುಲು ನಿಕ್ಲೆ ವೈರಿಲೆಗ್ ವಾ ವಿಷಯೊಡ್ಲಾ ಪೋಡಿಯಂದೆ ಒಂಜೇ ಆತ್ಮೊಡು ದೃಢ ಉಂತುದು ಸುವಾರ್ತೆಡ್ ದೀತಿನ ನಂಬಿಕೆಗಾದ್ ಒಟ್ಟಾದ್ ಹೋರಾಟ ಮಲ್ಪುನಾಕುಲು ಆದುಲ್ಲರ್ ಅಂದ್‌ದ್ ಯಾನ್ ತೆರಿಯೊನ್ವೆ.

ಫಿಲಿಪ್ಪಿಯೆರೆಗ್ 1:27 Cross References

ಮತ್ತಾಯೆ 12:25

ಆಯೆ ಅಕ್ಲೆನ ಆಲೋಚನೆಲೆನ್ ತೆರಿದ್ ಅಕ್ಲೆಗ್ ಪಂಡಿನಿ ದಾನೆಂದ್ಂಡ, “ವಾ ರಾಜ್ಯ ಆಂಡಲಾ ತನಡ್ ಭೇದ ಪುಟ್ಟಾಂಡ ನಾಶ ಆಪುಂಡು, ತನಡ್ ಭೇದ ಪುಟ್ಟಿನ ವಾ ಪಟ್ಟಣ ಆವಡ್ ಇಲ್ಲಾವಡ್ ಒರಿಯಂದ್.

ಅಪೊ.ಕ್ರಿ 2:46

ಅಕುಲು ದಿನಾಲ ಒಂಜೇ ಮನಸ್ಸಾದ್ ದೇವಾಲಯೊಡು ಕೂಡೊಂದಿತ್ತೆರ್. ಅಕ್ಲೆನ ಇಲ್ಲ್ ಇಲ್ಲಡ್ ರೊಟ್ಟಿ ಪೊಲ್ತುದು ಸಂತೋಷೊಡ್ಲಾ ಶುದ್ಧ ಮನಸ್‌ಡ್ಲಾ ವಣಸ್ ಮಲ್ತೊಂದಿತ್ತೆರ್.

ಅಪೊ.ಕ್ರಿ 24:24

ಕೆಲವು ದಿನೊಡ್ದು ಬೊಕ್ಕ ಫೇಲಿಕ್ಸೆ ಯೆಹೂದ್ಯೆದಿ ಆಯಿ ತನ ಬೊಡೆದಿ ದ್ರುಸಿಲ್ಲಡೊಪ್ಪ ಬತ್ತ್‌ದ್ ಪೌಲುನು ಲೆಪ್ಪುಡ್ದು ಕ್ರಿಸ್ತ ಯೇಸುಡ್ ದೀಪಿ ನಂಬಿಕೆದ ಸಂಗತಿನ್ ಆಯಡ ಕೇಂಡೆ.

ಅಪೊ.ಕ್ರಿ 4:32

ನಂಬುನಾಕುಲೆ ಮಾತೆರೆ ಉಡಲ್‌ಲಾ ಪ್ರಾಣಲಾ ಒಂಜೇ ಆದಿತ್ತ್ಂಡ್. ಒರಿ ಆಂಡಲಾ ಅಕ್ಲೆಡಿತ್ತಿನ ಆಸ್ತಿಡ್ ಒಂಜೆನಾಂಡಲಾ ತನ್ಕುಲೆನ ಅಂದ್‌ದ್ ಪನಂದೆ ಮಾತೆರ್ಲಾ ಅವೆನ್ ಪಟ್ಟೊಂದಿತ್ತೆರ್.

ರೋಮಾಯೆರೆಗ್ 1:16

ಸುವಾರ್ತೆದ ವಿಚಾರೊಡು ಯಾನ್ ನಾಚಿಗೆ ಮಲ್ಪುನಾಯೆ ಅತ್ತ್. ಅವು ನಂಬುನಾಕುಲೆಗ್ ಮಾತೆರೆಗ್ಲಾ ರಕ್ಷಣೆಗಾದ್ ದೇವೆರೆನ ಬಲ ಆದುಂಡು. ದುಂಬತ್ತ ಯೆಹೂದ್ಯೆರೆಗ್ಲಾ ಐಡ್ದ್ ಬೊಕ್ಕ ಪಿದಯಿದ ಜನೊಕುಲೆಗ್ಲಾ.

ರೋಮಾಯೆರೆಗ್ 1:5

ಆಯ ಪುದರ್‌ಗ್ ಬೋಡಾದ್ ಮಾತ ಪಿದಯಿದ ಜನೊಕುಲು ನಂಬುದು ಒಳಗಾಪಿಲೆಕ್ಕ ಎಂಕುಲು ಆಯಡ್ದ್ ದಯೊನ್ಲಾ ಅಪೊಸ್ತಲೆರೆನ ಉದ್ಯೋಗುನ್ಲಾ ಪಡೆಯ.

ರೋಮಾಯೆರೆಗ್ 1:9

ಆಯನ ಮಗನ ಸುವಾರ್ತೆನ್ ಸಾರಿಯೊಂದು, ಯಾನ್ ದಿಂಜಿದಿ ಆತ್ಮೊಡು ಆಯ ಸೇವೆನ್ ಮಲ್ತೊಂದುಲ್ಲೆ. ಪ್ರಾರ್ಥನೆ ಮಲ್ಪುನಗ ಮಾತ ಸಮಯೊಡು ಮದಪಂದೆ ನಿಕ್ಲೆಗಾದ್ ನಟ್ಟೊಂದುಲ್ಲೆ ಉಂದೆಕ್ಕ್ ದೇವೆರೆ ಎನ ಸಾಕ್ಷಿ.

ರೋಮಾಯೆರೆಗ್ 10:8

ಆಂಡ ಅವು ಎಂಚಿನ ಪನ್ಪುಂಡು, “ದೇವೆರೆ ಪಾತೆರ ನಿನ ಕೈತಲೇ ಉಂಡು. ಅವು ನಿನ ಬಾಯಿಡ್ಲಾ ನಿನ ಉಡಲ್‌ಡ್ಲಾ ಉಂಡು. ಆ ಪಾತೆರ ಎಂಕುಲು ಸಾರುನ ನಂಬಿಕೆದ ಪಾತೆರನೇ.”

ರೋಮಾಯೆರೆಗ್ 15:16

ಪಿದಯಿದ ಜನೊಕುಲೆಗಾದ್ ಬೇಲೆ ಮಲ್ಪೆರೆ, ದೇವೆರ್ ಯೇಸು ಕ್ರಿಸ್ತನ ಸೇವಕೆ ಆದುಪ್ಪೆರೆ ಎಂಕ್ ಕೊರಿನ ಎಡ್ಡೆ ಸಂದರ್ಭೊಡ್ದಾದ್ ಎಂಕ್ ಈ ಧೈರ್ಯ ಉಂಡಾಂಡ್. ದೇವೆರೆಡ್ದ್ ಬತ್ತಿನ ಈ ಸುವಾರ್ತೆ ಸಾರಿಯುನೆಟ್ಟ್ ಯಾನ್ ಒರಿ ಯಾಜಕಲೆಕ್ಕ ಸೇವೆ ಮಲ್ಪುವೆ. ಉಂದೆಡ್ದ್ ಪಿದಯಿದ ಜನೊಕುಲುಲಾ ಪರಿಶುದ್ಧಾತ್ಮೊಡ್ದು ಯೋಗ್ಯದಾಕುಲಾಯಿ ಅರ್ಪಣೆ ಆವಡ್ ಅಂದ್‌ದ್ ಎನ ಆಸೆ.

ರೋಮಾಯೆರೆಗ್ 15:29

ಉಂದತ್ತಂದೆ ಯಾನ್ ನಿಕ್ಲೆ ಕೈತಲ್‌ ಬನ್ನಗ ಕ್ರಿಸ್ತಡ್ದ್ ಉಂಡಾಪಿ ವರೊಕ್ಲೆನ್ ಕನಪೆ ಪಂಡ್ದ್ ತೆರಿದೆ.

1 ಕೊರಿಂಥ್ಯೆರೆಗ್ 1:10

ಸಹೋದ್ರೆರೇ, ನಿಕ್ಲೆನ ಪಾತೆರ ಒಂಜೇ ಆದುಪ್ಪೊಡು; ನಿಕ್ಲೆಡ ಭೇದ ಉಪ್ಪೆರೆ ಬಲ್ಲಿ; ಆಂಡ ನಿಕುಲು ಒಂಜೇ ಮನಸ್‌ಡ್ಲಾ ಒಂಜೇ ಭಾವೊಡ್ಲಾ ಒಂಜಾದುಪ್ಪೊಡು ಅಂದ್‌ದ್ ಯಾನ್ ಎಂಕುಲೆ ಕರ್ತವೆ ಆದುಪ್ಪು ಯೇಸು ಕ್ರಿಸ್ತ ಪುದರ್‌ಡ್ ನಿಕ್ಲೆಡ ನಟ್ಟೊನ್ವೆ.

1 ಕೊರಿಂಥ್ಯೆರೆಗ್ 15:58

ಅಂಚಾಯಿನೆಡ್ದ್ ಎನ ಪ್ರೀತಿದ ಸಹೋದ್ರೆರೇ, ನಿಕುಲು ಸ್ಥಿರಚಿತ್ತೊಡ್ಲಾ ದೃಢಾದ್‌ಲಾ ಉಪ್ಪುಲೆ. ನಿಕುಲು ಕರ್ತವ ಪುದರ್‌ಡ್ ಮಲ್ಪು ಪ್ರಯಾಸ ವ್ಯರ್ಥ ಆಪುಜಿ ಅಂದ್‌ದ್ ಎನ್ನೊಂದು ಕರ್ತವ ಕೆಲಸೊಲೆನ್ ಏಪಲಾ ಮಸ್ತ್ ಆಸಕ್ತಿಡ್ ಮಲ್ಪುಲೆ.

2 ಕೊರಿಂಥ್ಯೆರೆಗ್ 13:11

ಕಡೆಕ್ಕ್ ಸಹೋದ್ರೆರೇ, ಸಂತೋಷೊಡುಪ್ಪುಲೆ, ಪೂರ್ತಿ ಸರಿ ಆವೊನ್ಲೆ. ಎನ ಬುದ್ಧಿ ಪಾತೆರೊಗು ಕೆಬಿ ಕೊರ್ಲೆ. ಒಂಜೆ ಮನಸ್‌ದಾಕುಲು ಆದುಪ್ಪುಲೆ, ಸಮಾಧಾನೊಡುಪ್ಪುಲೆ. ಅಪಗ ಪ್ರೀತಿನ್ಲಾ ಶಾಂತಿನ್ಲಾ ಕೊರ್ಪಿನ ದೇವೆರ್ ನಿಕ್ಲೆಡೊಪ್ಪ ಉಪ್ಪುವೆ.

2 ಕೊರಿಂಥ್ಯೆರೆಗ್ 4:4

ದೇವೆರೆ ಪ್ರತಿರೂಪ ಆಯಿ ಕ್ರಿಸ್ತ ಮೈಮೆ ಪನ್ಪಿ ಸುವಾರ್ತೆದ ಬೊಲ್ಪು ಮಿಂಚಂದಿಲೆಕ್ಕ, ಈ ಲೋಕದ ದೇವೆರಾದುಪ್ಪು ಸೈತಾನೆ ನಂಬಿಕೆದಾಂತಿನಾಕುಲೆನ ಮನಸ್‌ನ್ ಮಂದ ಮಲ್ತ್‌ದೆ.

2 ಕೊರಿಂಥ್ಯೆರೆಗ್ 9:13

ನಿಕುಲು ಮಲ್ತ್‌ದಿನ ಸಹಾಯೊಡ್ದು ನಿಕ್ಲೆನ ಯೋಗ್ಯಭಾವೊನು ಜನೊಕುಲು ತೂನಗ, ನಿಕುಲು ಮಲ್ತ್‌ದಿನ ಕ್ರಿಯೆಗ್ ಸರಿಯಾದ್, ಕ್ರಿಸ್ತನ ಸುವಾರ್ತೆನ್ ಕೈಕೊನುನೆಡ್ದ್‌ಲಾ ಅಕ್ಲೆಗ್ಲಾ ಬೊಕ್ಕ ಮಾತೆರೆಗ್ಲಾ ನಿಕುಲು ಉದಾರಾದ್ ಸಹಾಯ ಮಲ್ಪುನೆಡ್ದ್‌ಲಾ ದೇವೆರೆಗ್ ಮೈಮೆ ಸಂದಾವರ್.

ಗಲಾತ್ಯೆರೆಗ್ 1:7

ಅವು ಸುವಾರ್ತೆನೇ ಅತ್ತ್, ಆಂಡ ಕೆಲೆವೆರ್ ನಿಕ್ಲೆ ನಡುಟು ಗಲಿಬಿಲಿ ಪುಟ್ಟಾದ್ ಕ್ರಿಸ್ತನ ಸುವಾರ್ತೆ ಬೇತೆ ಮಲ್ಪೆರೆಗ್ ಪ್ರಯತ್ನ ಮಲ್ತೊಂದುಲ್ಲೆರ್.

ಎಫೆಸ್ಯೆರೆಗ್ 1:13

ಬೊಕ್ಕ ನಿಕುಲುಲಾ ನಿಕ್ಲೆ ರಕ್ಷಣೆದ ಸುವಾರ್ತೆ ಇನ್ಪಿನ ಸತ್ಯದ ಪಾತೆರೊನು ಕೇಂಡ್ದ್, ಕ್ರಿಸ್ತನ್ ನಂಬುನಕುಲಾದ್ ವಾಗ್ದತ್ತ ಆದುಪ್ಪು ಪರಿಶುದ್ಧಾತ್ಮಡ್ದ್ ಮುದ್ರೆಲಾ ಹೊಂದಿಯರ್.

ಎಫೆಸ್ಯೆರೆಗ್ 1:15

ಇಂಚಾದುಪ್ಪುನಗ, ಕರ್ತವೆ ಆದುಪ್ಪು ಯೇಸುಡು ದೀತಿನ ನಂಬಿಕೆನ್ಲಾ ಮಾತ ದೇವಜನೊಕುಲೆಗ್ ನಿಕುಲು ತೋಜಾವುನ ಪ್ರೀತಿನ್ಲಾ ಯಾನ್ ಕೇನಿನೆಡ್ದಿಂಚಿ, ನಿಕ್ಲೆಗ್ ಬೋಡಾದ್ ಎನ ಪ್ರಾರ್ಥನೆಲೆಡ್ ಬುಡಂದೆ ಉಪಕಾರ ಸ್ತುತಿ ಮಲ್ತ್‌ದ್ ನಿಕ್ಲೆನ್ ನೆನೆಪು ಮಲ್ತೊಂದುಲ್ಲೆ.

ಎಫೆಸ್ಯೆರೆಗ್ 4:1

ನಿಕುಲು ದೇವೆರೆಡ್ ಲೆಪ್ಪು ಆದಿತ್ತಿನಕುಲಾದ್ ಆ ಲೆಪ್ಪುಗು ಯೋಗ್ಯೆರಾದ್ ನಡಪುಡೊಡು ಅಂದ್‌ದ್ ಕರ್ತವನ ಸೇವೆಗ್ ಸೆರೆಮನೆಟುಪ್ಪು ಯಾನ್ ನಿಕ್ಲೆಡ ನಟ್ಟೊನ್ವೆ.

ಫಿಲಿಪ್ಪಿಯೆರೆಗ್ 2:12

ಅಂಚಾಯಿನೆಡ್ದ್ ಪ್ರೀತಿದಾಕುಲೇ, ನಿಕುಲು ಎನ ಪಾತೆರೊಲೆನ್ ಏಪಲಾ ಕೇಂಡಿಲೆಕ್ಕ ಇತ್ತೆಲಾ ಕೇನ್ಲೆ. ಯಾನ್ ನಿಕ್ಲೆಡೊಪ್ಪ ಉಪ್ಪಂದಿನಪಗಲಾ ದಿಂಜ ಪೋಡಿಗೆಡ್ ನಡುಗುನಾಕುಲಾದ್ ನಿಕ್ಲೆ ರಕ್ಷಣೆದ ಫಲೊನು ತೋಜಾವೆರೆಗ್ ಪ್ರಯತ್ನ ಮಲ್ಪುಲೆ.

ಫಿಲಿಪ್ಪಿಯೆರೆಗ್ 2:24

ಬೊಕ್ಕ ಆಯಿನಾತ್ ಬೇಗ ಯಾನ್ಲಾ ನಿಕ್ಲೆನ್ ತೂವೆರೆ ಬರುವೆ ಪನ್ಪಿ ಭರವಸ ಕರ್ತವಡ್ ಎಂಕುಂಡು.

ಫಿಲಿಪ್ಪಿಯೆರೆಗ್ 3:18

ದಾಯೆಗಂದ್ಂಡ ಮಸ್ತ್ ಜನ ಕ್ರಿಸ್ತನ ಕ್ರುಸ್ಸುದ ವೈರಿಲಾದ್ ನಡತೊಂದುಲ್ಲೆರ್. ಅಕ್ಲೆನ ಸಂಗತಿಡ್ ನಿಕ್ಲೆಗ್ ಸುರುಟ್ಟು ಮಸ್ತ್ ಸರ್ತಿ ಪನ್ತೆ. ಇತ್ತೆಲಾ ಕಣ್ಣೀರ್ ಬುಡ್ದು ಕುಡ ಪನ್ಪೆ

ಫಿಲಿಪ್ಪಿಯೆರೆಗ್ 3:20

ಎಂಕುಲಾಂಡಲಾ ಪರಲೋಕ ರಾಜ್ಯದಾಕುಲು, ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ಅಲ್ತ್‌ಡ್ದೇ ನಮ ರಕ್ಷಕೆ ಆದ್ ಬರ್ಪಿನೆನ್ ಕಾತೊಂದುಲ್ಲ.

ಫಿಲಿಪ್ಪಿಯೆರೆಗ್ 4:1

ಅಂಚಾಯಿನೆಡ್ದ್ ಎನ ಪ್ರೀತಿದ ಇಷ್ಟೆರಾಯಿ ಸಹೋದ್ರೆರೇ, ಎಂಕ್ ಸಂತೋಷಲಾ ಜಯಮಾಲೆಲಾ ಆದುಪ್ಪುನಾಕುಲೇ, ಯಾನ್ ಪಂಡಿಲೆಕ್ಕ ಕರ್ತವಡ್ ದೃಢವಾದ್ ಉಂತುಲೆ.

ಕೊಲೊಸ್ಸಿಯೆರೆಗ್ 1:10

ಬೊಕ್ಕ ಕರ್ತವಗ್ ಮೆಚ್ಚಿಗೆಯಾದ್ ಏಪಲಾ ಯೋಗ್ಯೆರಾದ್ ನಡತ್‌ದ್ ಪ್ರತಿ ಒಂಜಿ ವಿಷಯೊಡ್ಲಾ ಸಂತೋಷ ಕೊರ್ಪಿನಕುಲಾದುಪ್ಪುಲೆ. ನಿಕ್ಲೆ ಎಡ್ಡೆ ಕೆಲಸೊಡು ಫಲ ಕೊರ್ದು ದೇವೆರೆ ಗೇನೊಡು ಬಲತೊಂದು ಪೋಲೆ.

1 ಥೆಸಲೋನಿಕೆರೆಗ್‌ 3:6

ಆಂಡ ತಿಮೋಥಿ ಎಂಕುಲೆ ಕೈತಲ್‌ ಬತ್ತ್‌ದ್ ನಿಕ್ಲೆನ ನಂಬಿಕೆ, ಪ್ರೀತಿದ ಸಂಗತಿಡ್ ಎಡ್ಡೆ ವರ್ತಮಾನ ಕೊರಿಯೆ. ನಿಕುಲು ಎಂಕ್ಲೆನ್ ಏಪಲಾ ಎಡ್ಡೆ ನೆನೆಪು ಮಲ್ತಿ ಲೆಕ್ಕನೇ ಎಂಕುಲುಲಾ ನಿಕ್ಲೆನ್ ತೂವೆರೆ ಆಸೆ ಮಲ್ಪುವ. ಅಂಚೆನೇ ನಿಕುಲುಲಾ ಎಂಕ್ಲೆನ್ ತೂವೆರೆ ಆಸೆ ಮಲ್ತೊಂದುಲ್ಲರ್ ಅಂದ್‌ದ್ ತೆರಿಪಾಯೆ.

1 ಥೆಸಲೋನಿಕೆರೆಗ್‌ 4:1

ಕಡೆಕ್ಕ್ ಸಹೋದ್ರೆರೇ, ದೇವೆರೆಗ್ ಮೆಚ್ಚಿಗೆ ಆಪಿನ ಜೀವನ ಎಂಚ ಮಲ್ಪೊಡಂದ್‌ದ್ ಎಂಕ್ಲೆಡ್ದ್ ಕಲ್ತೊಂಡರ್. ಅಂಚೆನೇ ನಡತೊಂದುಲ್ಲರ್; ನನಲಾ, ಹೆಚ್ಚೆಚ್ಚಾದ್ ನಡಪುಡೊಡು ಅಂದ್‌ದ್ ಎಂಕುಲು ಕರ್ತವೆ ಆದುಪ್ಪು ಯೇಸುಡ ನಟ್ಟೊಂದು ಬುದ್ಧಿ ಪನ್ಪ.

1 ತಿಮೋಥಿ 1:11

ಬೊಕ್ಕ ಯಾನ್ ನಿಕ್ಕ್ ಪನ್ಪಿನ ಈ ಉಪದೇಶ ಭಾಗ್ಯವಂತೆ ಆದುಪ್ಪು ದೇವೆರೆನ ಮೈಮೆದ ಬೊಲ್ಪುನು ಪ್ರಕಾಶ ಮಲ್ಪುನ ಸುವಾರ್ತೆಗ್ ಸರಿಯಾದ್ ಉಂಡು. ಎಂಕ್ ಈ ಸುವಾರ್ತೆದ ಸೇವೆದ ಜವಾಬ್ದಾರಿ ಕೊರ್ದುಂಡು.

1 ತಿಮೋಥಿ 1:19

ನಂಬಿಕೆನ್ಲಾ, ಎಡ್ಡೆ ಮನಸಾಕ್ಷಿನ್ಲಾ ಗಟ್ಟಿಡ್ ಪತ್ತೊನ್ಲ. ಕೆಲೆವೆರ್ ಅಕ್ಲೆನ ಎಡ್ಡೆ ಸಾಕ್ಷಿನ್ ಬುಡ್ದು ಕ್ರಿಸ್ತ ನಂಬಿಕೆದ ಸಂಗತಿಡ್ ದರಿದ್ ಪೋತಿ ಕಪ್ಪಲ್‌ದ ಲೆಕ್ಕ ನಷ್ಟ ಆತಿನಾಕುಲೆ ಲೆಕ್ಕ ಉಲ್ಲೆರ್.

2 ತಿಮೋಥಿ 4:7

ಯಾನ್ ಎಡ್ಡೆ ಉರ್ಡಾಟೊನು ಮಲ್ತ್‌ದೆ. ಎನ ಬಲ್ಪಾಟೊನು ಮುಗಿಪಾದೆ ಬೊಕ್ಕ ಕ್ರಿಸ್ತ ನಂಬಿಕೆನ್ ಒರಿಪಾವೊಂದೆ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:10

ಅಕುಲು ಎದುರು ಪಾತೆರಂದೆ ಒವ್ವೆನ್ಲಾ ಕಂಡೊನಂದೆ ಪೂರ ನಂಬಿಗಸ್ತೆರ್‌ಲಾ, ಎಡ್ಡೆಂತಿನಾಕುಲುಲಾ ಆದ್ ತೋಜಿದ್ ಬರೊಡು. ಅಪಗ ಅಕ್ಲೆಡ್ದಾದ್ ನಮ ರಕ್ಷಕೆ ಆದುಪ್ಪು ದೇವೆರೆ ಬೋಧನೆಗ್ ಮಾತ ಬಗೆಟ್ಲಾ ಮಾನ ಕನಪಿಲೆಕ್ಕ ಆವು.

ಯಾಕೋಬು 3:18

ಬೊಕ್ಕ ಸಮಾಧಾನ ಬಯಕುನಾಕುಲು ಸಮಾಧಾನದ ಬಿತ್ತ್‌ನ್ ಬಿತ್ತ್‌ದ್ ನೀತಿದ ಫಲೊನು ಕೊಯ್ಪೆರ್.

2 ಪೇತ್ರೆ 3:11

ಉಂದು ಮಾತ ಕೆಲಸೊಲು ಇಂಚ ಲಯ ಆದ್ ಪೋಪಿನೆಡ್ದಾವರ ನಿಕುಲು ದೇವೆರೆ ದಿನ ಬರ್ಪಿನೆನ್ ಕಾತೊಂದು ಸಾದಿನ್ ತೂವೊಂದು ಪರಿಶುದ್ಧ ನಡತೆಡ್ಲಾ ಭಕ್ತಿಡ್ಲಾ ದಿಂಜಿದುಪ್ಪೊಡತ್ತಾ. ಆ ದಿನೊಟು ಬಾನೊಲು ತೂ ಪತ್ತ್‌ದ್ ನಾಶಾದ್ ಪೋವು. ಸೂರ್ಯೆ, ಚಂದ್ರೆ, ನಕ್ಷತ್ರೊಲು ಪೊತ್ತುದು ಕರದ್ ಪೋವು.

2 ಪೇತ್ರೆ 3:14

ಅಂಚಾಯಿನೆಡ್ದ್ ಪ್ರೀತಿದಾಕುಲೇ, ನಿಕುಲು ಉಂದೆನ್ ಮಾತ ಎದುರು ತೂಪಿನಾಕುಲು ಆದುಪ್ಪುನೆಡ್ದ್ ಆಯ ದುಂಬು ಸಮಾಧಾನೊಡು ಶುದ್ಧದಾಕುಲುಲಾ ದೋಷದಾಂತಿನಾಕುಲುಲಾ ಆದ್ ತೋಜಿದ್ ಬರ್ಪಿಲೆಕ್ಕ ಪೇಚಾಡ್ಲೆ.

ಯೂದೆ 1:3

ಪ್ರೀತಿದಾಕುಲೇ, ನಂಕ್ ಒಟ್ಟುಗುಪ್ಪು ರಕ್ಷಣೆದ ಅನುಭವೊನು ಬರೆವೊಡು ಅಂದ್‌ದ್ ದಿಂಜ ಪ್ರಯಾಸ ಮಲ್ಪುನಗ ದೇವಜನೊಕುಲೆಗ್ ಒಂಜೇ ಸರ್ತಿ, ಒಚ್ಚಿದ್ ಕೊರ್ದು ನಂಬಿಕೆಗ್ ಬೋಡಾದ್ ಉರ್ಡಾಟ ಮಲ್ಪೊಡು ಅಂದ್‌ದ್ ಉಮೇದ್ ಕೊರ್ದು, ನಿಕ್ಲೆಗ್ ಬರೆಪಿನವು ಅಗತ್ಯ ಅಂದ್‌ದ್ ಎಂಕ್ ತೋಜ್ಂಡ್.