ಫಿಲಿಪ್ಪಿಯೆರೆಗ್ 1:25 - ಪೊಸ ಒಡಂಬಡಿಕೆ

²⁵ ಅಂಚಾಯಿನೆಡ್ದ್ ನಿಕ್ಲೆಗ್ ಕ್ರಿಸ್ತ ನಂಬಿಕೆಡ್ ಅಭಿವೃದ್ಧಿಲಾ ಸಂತೋಷಲಾ ಉಂಡಾಪಿಲೆಕ್ಕ ಯಾನ್ ಜೀವೊಡು ಇತ್ತ್‌ದ್ ನಿಕ್ಲೆ ಒಟ್ಟುಗು ಉಪ್ಪುವೆ ಅಂದ್‌ದ್ ಭರವಸೊಡುಲ್ಲೆ.

ಫಿಲಿಪ್ಪಿಯೆರೆಗ್ 1:25 Cross References

ಲೂಕೆ 22:32

ಆಂಡ ನಿನ ನಂಬಿಕೆ ಕುಂದುದು ಪೋವೆರೆ ಬಲ್ಲಿ ಅಂದ್‌ದ್ ಯಾನ್ ನಿನ ಬಗೆಟ್ ದೇವೆರೆಡ ನಟ್ಟೊಂಡೆ; ಈ ಪರಿವರ್ತನೆ ಆಯಿ ಬೊಕ್ಕ ನಿನ ಸಹೋದ್ರೆರೆನ್ ದೃಢ ಮಲ್ಪುಲ,” ಅಂದ್‌ದ್ ಪಂಡೆ.

ಅಪೊ.ಕ್ರಿ 11:23

ಆಯೆ ಎಡ್ಡೆಂತಿನಾಯೆಲಾ ಪರಿಶುದ್ಧಾತ್ಮನ್ ಹೊಂದಿನಾಯೆಲಾ ನಂಬಿಕೆಡ್ ದಿಂಜಿದಿನಾಯೆಲಾ ಆದಿತ್ತೆ. ಅಂಚಾಯಿನೆಡ್ದ್ ಅಡೆಗ್ ಬತ್ತ್‌ದ್ ದೇವೆರೆನ ದಯತ ಕಾರ್ಯೊಲೆನ್ ತೂದು ಸಂತೋಷ ಪಡೆದ್ ನಿಕುಲು ದೃಢ ಮನಸ್‌ಡ್ದ್ ಕರ್ತವಡ್ ನಿಲೆ ಆದುಪ್ಪೊಡು ಅಂದ್‌ದ್ ಮಾತೆರೆಗ್ಲಾ ಉಮೇದ್ ಕೊರಿಯೆ. ಅಪಗ ಮಸ್ತ್ ಜನ ಕರ್ತವಡ್ ಸೇರೊಂಡೆರ್.

ಅಪೊ.ಕ್ರಿ 14:22

ಶಿಷ್ಯೆರ್‌ನ ಉಡಲ್‌ನ್ ದೃಢ ಮಲ್ತ್‌ದ್ ನಂಬಿಕೆಡ್ ನಿಲೆ ಆದುಪ್ಪುಲೆ ಪಂಡ್ದ್ ಉಮೇದ್ ಕೊರಿಯೆರ್, ಬೊಕ್ಕ ನಮ ಬಾರಿ ಸಂಕಟ ತಾಳ್‌ದ್ ದೇವೆರೆ ರಾಜ್ಯೊಗು ಸೇರೊಡು ಅಂದ್‌ದ್ ಬೋಧನೆ ಕೊರಿಯೆರ್.

ಅಪೊ.ಕ್ರಿ 20:25

“ಇಂದಾ, ಈತ್ ದಿನ ನಿಕ್ಲೆಡೊಪ್ಪ ಪ್ರಯಾಣ ಮಲ್ತ್‌ದ್ ದೇವೆರೆ ರಾಜ್ಯೊನು ಸಾರಿನಾಯೆ ಆದುಪ್ಪು ಎನ ಮೋನೆನ್ ನನ ಮಿತ್ತ್ ನಿಕುಲು ಒರಿಲಾ ತೂವಯರ್ ಅಂದ್‌ದ್ ತೆರಿದೆ.

ರೋಮಾಯೆರೆಗ್ 15:13

ನಿರೀಕ್ಷೆಗ್ ಮೂಲ ಆದುಪ್ಪು ದೇವೆರ್, ನಿಕುಲು ಆಯ ಮಿತ್ತ್ ದೀತಿನ ನಂಬಿಕೆಡ್ದ್ ಮಾತೆರೆನ್ಲಾ ಸಂತೋಷ, ಸಮಾಧಾನೊಲೆಡ್ ದಿಂಜಾದ್ ನಿಕ್ಲೆ ನಿರೀಕ್ಷೆ ಪರಿಶುದ್ಧಾತ್ಮನ ಬಲೊಡ್ದು ಬುಲೆವೊಂದು ಉಪ್ಪುಲೆಕ್ಕ ಸಹಾಯ ಮಲ್ಪಡ್.

ರೋಮಾಯೆರೆಗ್ 15:18

ಕ್ರಿಸ್ತೆ ಪಿದಯಿದ ಜನೊಕುಲೆನ್ ಅಧೀನ ಮಲ್ಪುನೆಕ್ಕಾದ್ ಎನ ಪಾತೆರೊಡ್ದುಲಾ ಕ್ರಿಯೊಲೆಡ್ದ್‌ಲಾ ಗುರ್ತೊಲೆಡ್ದ್‌ಲಾ ಕಾರ್ನಿಕೊಲೆ ಬಲೊಡ್ದುಲಾ ದೇವೆರೆ ಪರಿಶುದ್ಧಾತ್ಮೊಡ್ದುಲಾ ಮಲ್ತ್‌ದಿನ ಕಾರ್ಯೊಲತ್ತಂದೆ ಬೇತೆ ವಾ ಕಾರ್ಯೊಲೆಡ್ದ್‌ಲಾ ಪನಿಯೆರೆ ಎಂಕ್ ಧೈರ್ಯ ಯಾವಂದ್. ಯಾನ್ ಯೆರೂಸಲೇಮುಡ್ದು ಇಲ್ಲೂರಿಕ ಸೀಮೆದ ಸುತ್ತಮುತ್ತ ಪ್ರಯಾಣ ಮಲ್ತ್‌ದ್ ಕ್ರಿಸ್ತನ ಸುವಾರ್ತೆನ್ ಸಾರಿಯುನೆನ್ ಮುಗಿತ್‌ದೆ.

ರೋಮಾಯೆರೆಗ್ 15:29

ಉಂದತ್ತಂದೆ ಯಾನ್ ನಿಕ್ಲೆ ಕೈತಲ್‌ ಬನ್ನಗ ಕ್ರಿಸ್ತಡ್ದ್ ಉಂಡಾಪಿ ವರೊಕ್ಲೆನ್ ಕನಪೆ ಪಂಡ್ದ್ ತೆರಿದೆ.

ರೋಮಾಯೆರೆಗ್ 5:2

ಎಂಕ್ಲೆನ ನಂಬಿಕೆಡ್ದ್ ಈ ಪೊಸ ಜೀವನದ ಅನುಭವೊನು ಆಯನ ದಯೊಡ್ದು ಆಯಡ್ದ್ ಪಡೆಯೊಂಡ. ಅವೆನ್ ಎಂಕುಲು ಪುಗರ್‌ನಗ ಎಂಕ್ಲೆಗ್ ದೇವೆರೆ ಮೈಮೆಡ್ ಪಾಲ್‌ದಾರೆರಾಪಿನ ನಿರೀಕ್ಷೆ ಉಂಡಾಪುಂಡು

2 ಕೊರಿಂಥ್ಯೆರೆಗ್ 1:24

ಎಂಕುಲು ನಂಬಿಕೆದ ವಿಷಯೊಡು ನಿಕ್ಲೆನ ಮಿತ್ತ್ ಯಜಮಾನಿಕೆ ಮಲ್ಪುನಾಕುಲು ಅತ್ತ್. ನಿಕುಲು ನಂಬಿಕೆದ ಸಂಗತಿಡ್ ಸ್ಥಿರಾದ್ ಇತ್ತಿನೆಡ್ದ್ ನಿಕ್ಲೆನ ಸಂತೊಷೊಗು ಎಂಕುಲು ಜತೆಸೇವಕೆರಾದುಲ್ಲ.

ಫಿಲಿಪ್ಪಿಯೆರೆಗ್ 1:24

ಆಂಡ ನಿಕ್ಲೆಗಾದ್ರ ಯಾನ್ ಶರೀರೊಡು ಉಪ್ಪುನವು ಎಡ್ಡೆನೇ.

ಫಿಲಿಪ್ಪಿಯೆರೆಗ್ 2:24

ಬೊಕ್ಕ ಆಯಿನಾತ್ ಬೇಗ ಯಾನ್ಲಾ ನಿಕ್ಲೆನ್ ತೂವೆರೆ ಬರುವೆ ಪನ್ಪಿ ಭರವಸ ಕರ್ತವಡ್ ಎಂಕುಂಡು.

ಫಿಲೆಮೋನುಗು 1:22

ಉಂದತ್ತಂದೆ, ದೇವೆರ್ ನಿನ ಪ್ರಾರ್ಥನೆನ್ ಕೇಂಡ್ದ್ ಎನನ್ ನಿಕ್ಲೆ ಕೈತಲ್‌ ಬರಿಯೆರೆ ಸಹಾಯ ಮಲ್ಪುವೆ ಪನ್ಪಿ ನಿರೀಕ್ಷೆ ಉಂಡು. ಅಂಚಾಯಿನೆಡ್ದ್ ಎಂಕ್ ಉಂತಿಯೆರೆ ಬುಡಾರ ತಯಾರ್ ಮಲ್ಪುಲ.

1 ಪೇತ್ರೆ 1:8

ನಿಕುಲು ಆಯನ್ ಕಣ್ಣಾರೆ ತೂಯಿಜರ್ಡಲಾ ಆಯನ್ ಪ್ರೀತಿ ಮಲ್ಪುವರ್. ಇತ್ತೆ ನಿಕುಲು ಆಯನ್ ತೂಯಿಜರ್ಡಲಾ ಆಯ ಮಿತ್ತ್ ನಂಬಿಕೆ ದೀದ್ ನಿಕ್ಲೆ ನಂಬಿಕೆದ ಅಂತ್ಯ ಫಲ ಆದುಪ್ಪು ಆತ್ಮ ರಕ್ಷಣೆನ್ ಪಡೆಯಿನಾಕುಲಾದ್ ಗೆನ್ಪೆರೆ ತೀರಂದಿನಾತ್ ಮೈಮೆಡ್ ದಿಂಜಿದ್ ಸಂತೋಷ ಮಲ್ಪುವರ್.