ಫಿಲಿಪ್ಪಿಯೆರೆಗ್ 1:21 - ಪೊಸ ಒಡಂಬಡಿಕೆ

²¹ ಎಂಕಾಂಡಲಾ ಬದುಕುನು ಪಂಡ ಕ್ರಿಸ್ತೆನೇ, ಸೈಪಿನವು ಎಂಕ್ ಲಾಭನೇ.

ಫಿಲಿಪ್ಪಿಯೆರೆಗ್ 1:21 Cross References

1 ಕೊರಿಂಥ್ಯೆರೆಗ್ 1:30

ದೇವೆರ್ ಈ ರೀತಿ ಮಲ್ತಿನೆಡ್ದಾವರನೇ ಇತ್ತೆ ನಿಕುಲು ಕ್ರಿಸ್ತ ಯೇಸುಡು ಜೀವನ ಮಲ್ತೊಂದುಲ್ಲರ್; ಆಯೆ ನಂಕ್ ದೇವೆರೆಡ್ ಬುದ್ಧಿಲಾ ನೀತಿಲಾ ಪರಿಶುದ್ಧತೆಲಾ ಅತ್ತಂದೆ ಪಾಪೊಡ್ದು ಬುಡುಗಡೆ ಮಲ್ಪುನಾಯೆಲಾ ಆದುಲ್ಲೆ. ಪುಗರೊನುನಾಯೆ ಕರ್ತವಡೇ ಪುಗರೊನಡ್ ಪನ್ಪಿನ ಶಾಸ್ತ್ರೊಡು ಬರೆತಿನವು ಪೂರ್ತಿ ಆಯೆರೆ ಸಾದಿ ಆಂಡ್.

1 ಕೊರಿಂಥ್ಯೆರೆಗ್ 3:22

ಪೌಲುನಾವಡ್, ಅಪೊಲ್ಲೋಸನಾವಡ್, ಪೇತ್ರನಾವಡ್ ಲೋಕ ಆವಡ್, ಜೀವ ಆವಡ್, ಮರಣ ಆವಡ್ ಇತ್ತೆ ಉಪ್ಪುನವು ಆವಡ್, ಬರ್ಪಿನವು ಆವಡ್ ಮಾತಲಾ ನಿಕ್ಲೆನವು.

2 ಕೊರಿಂಥ್ಯೆರೆಗ್ 5:1

ದಾಯೆಗಂದ್ಂಡ ಈ ಭೂಮಿದ ಮಿತ್ತ್ ನಮ ಶರೀರ ಪನ್ಪಿ ಗುಡಾರ ನಾಶಾಂಡ ದೇವೆರೆಡ್ದ್ ಉಂಡಾಯಿನ ಒಂಜಿ ಇಲ್ಲ್ ಪರಲೋಕೊಡು ಎಂಕ್ಲೆಗುಂಡು ಅಂದ್‌ದ್ ನಂಕ್ ಗೊತ್ತುಂಡು. ಅವು ಕೈಟ್ ಕಟ್ಟ್‌ದಿನವು ಆದುಪ್ಪಂದೆ ನಿತ್ಯದವು ಆದುಂಡು.

2 ಕೊರಿಂಥ್ಯೆರೆಗ್ 5:6

ಅಂಚಾಯಿನೆಡ್ದ್ ನಮ ಏಪಲಾ ಧೈರ್ಯೊಡೇ ಉಪ್ಪುವ. ಈ ಶರೀರೊಡು ಉಪ್ಪುನೆಂಗೆ ಕರ್ತವಡ್ ದೂರೊಡುಪ್ಪುವ ಅಂದ್‌ದ್ ಎಂಕುಲು ತೆರಿದ.

2 ಕೊರಿಂಥ್ಯೆರೆಗ್ 5:8

ಅಂದ್, ಎಂಕುಲು ಧೈರ್ಯೊಡಿತ್ತ್‌ದ್ ಶರೀರೊನು ಬುಡ್ದು ಕರ್ತವ ಕೈತಲ್‌ ಸೇರಿಯೆರೆ ಬಯಕುವ.

ಗಲಾತ್ಯೆರೆಗ್ 6:14

ಎಂಕಾಂಡಲಾ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಕ್ರುಸ್ಸುಡು ಅತ್ತಂದೆ ಬೇತೆ ವಾ ಪುಗರಿಗೆಲಾ ಬೊಡ್ಚಿ. ಆಯಡ್ದಾದ್ ಯಾನ್ ಲೋಕೊನು ಕ್ರುಸ್ಸುಗು ಪಾಡೊಂದಿನಾಯೆ ಆದ್ ಎನ ಪಾಲ್‌ಗ್ ಸೈತೆ. ಬೊಕ್ಕ ಯಾನ್ ಕ್ರುಸ್ಸುಗು ಪಾಡೊಂದಿನಾಯೆ ಆದ್ ಲೋಕದ ಪಾಲ್‌ಗ್ ಸೈತೆ.

ಫಿಲಿಪ್ಪಿಯೆರೆಗ್ 1:20

ಯಾನ್ ವಾ ವಿಷಯೊಗಾಂಡಲಾ ನಾಚಿಗೆಗ್ ಗುರಿ ಆವಂದೆ ಏಪೊಗ್ಲಾ ಇತ್ತಿಲೆಕ್ಕ ಇದ ಮುಟ್ಟಲಾ ಧೈರ್ಯೊಡು ಉಪ್ಪುನೆಡ್ದ್. ಯಾನ್ ಬದುಕೊಂದಿತ್ತ್‌ಂಡಲಾ ಸರಿ, ಸೈತ್ಂಡಲಾ ಸರಿ ಎನ ಶರೀರೊಡ್ದು ಕ್ರಿಸ್ತಗ್ ಮೈಮೆ ಉಂಡಾವೊಡು ಅಂದ್‌ದ್ ಎಂಕ್ ಆಸೆಲಾ ಭರವಸೆಲಾ ಉಂಡು.

ಫಿಲಿಪ್ಪಿಯೆರೆಗ್ 1:22

ಆಂಡ ಬದುಕೊಂದಿತ್ತ್‌ಂಡ ಕ್ರಿಸ್ತಗಾದ್ ಹೆಚ್ಚ್ ಫಲ ಕೊರ್ಪಿನ ಬೇಲೆ ಮಲ್ಪುನವೇ ಅನುಕೂಲ. ಅಂಚಾಯಿನೆಡ್ದ್ ಯಾನ್ ಒವೆನ್ ಅಜತ್ ದೆಪ್ಪೊಡು ಅಂದ್‌ದ್ ಎಂಕ್ ಗೊತ್ತಾಪುಜಿ.

ಫಿಲಿಪ್ಪಿಯೆರೆಗ್ 1:23

ಈ ರಡ್ಡೆತ್ತ ನಡುಟು ಯಾನ್ ಒದ್ದಾಡೊಂದುಲ್ಲೆ; ಯಾನ್ ಮುಲ್ತು ಪೋದು ಕ್ರಿಸ್ತಡೊಪ್ಪ ಉಪ್ಪೆರೆಗ್ ಆಸೆ ಮಲ್ಪುವೆ; ಅವು ಎಂಕ್ ಮಸ್ತ್ ಎಡ್ಡೆಂತಿನವು.

ಫಿಲಿಪ್ಪಿಯೆರೆಗ್ 2:21

ಬೇತೆ ಮಾತೆರ್ಲಾ ಸ್ವಂತ ಕಾರ್ಯೊಲೆ ಮಿತ್ತ್ ಮನಸ್ ದೀಪೆರತ್ತಂದೆ, ಯೇಸು ಕ್ರಿಸ್ತನ ಕಾರ್ಯೊಲೆ ಮಿತ್ತ್ ಮನಸ್ ದೀಪುಜೆರ್.

ಕೊಲೊಸ್ಸಿಯೆರೆಗ್ 3:4

ನಂಕ್ ಜೀವಾದುಪ್ಪು ಕ್ರಿಸ್ತೆ ತೋಜಿದ್ ಬನ್ನಗ ನಿಕುಲುಲಾ ಆಯ ಒಟ್ಟುಗು ಆಯನ ಮೈಮೆಡ್ ದಿಂಜಿದಿನಾಕುಲಾದ್ ತೋಜಿದ್ ಬರ್ಪರ್.

ಪ್ರಕಟಣೆ 14:13

ಪರಲೋಕೊಡ್ದು ಒಂಜಿ ಶಬ್ಧ ಎಂಕ್ ಕೇಂಡ್‌ಂಡ್. ಅವು, “ಇನಿಡ್ದ್ ಕರ್ತವ ಭಕ್ತೆರಾದ್ ಸೈಪಿನಾಕುಲು ಭಾಗ್ಯವಂತೆರ್ ಪಂಡ್ದ್ ಬರೆಲ ಪಂಡ್ದ್ ಎಂಕ್ ಪಂಡ್ಂಡ್.” ಐಕ್ ಆತ್ಮೆ, “ಅಂದ್, ಅಕುಲು ಭಾಗ್ಯವಂತೆರ್.” “ಅಕ್ಲೆನ ಕಷ್ಟ ತೀರ್‌ಂಡ್, ಅಕ್ಲೆಗ್ ವಿಶ್ರಾಂತಿ ಆಪುಂಡು, ಅಕ್ಲೆನ ಎಡ್ಡೆ ಕ್ರಿಯೊಲು ಅಕ್ಲೆ ಬೆರಿಯೆ ಬರ್ಪುಂಡು.” ಪಂಡ್ದ್ ಪಂಡೆ.