ಫಿಲಿಪ್ಪಿಯೆರೆಗ್ 1:20 - ಪೊಸ ಒಡಂಬಡಿಕೆ

²⁰ ಯಾನ್ ವಾ ವಿಷಯೊಗಾಂಡಲಾ ನಾಚಿಗೆಗ್ ಗುರಿ ಆವಂದೆ ಏಪೊಗ್ಲಾ ಇತ್ತಿಲೆಕ್ಕ ಇದ ಮುಟ್ಟಲಾ ಧೈರ್ಯೊಡು ಉಪ್ಪುನೆಡ್ದ್. ಯಾನ್ ಬದುಕೊಂದಿತ್ತ್‌ಂಡಲಾ ಸರಿ, ಸೈತ್ಂಡಲಾ ಸರಿ ಎನ ಶರೀರೊಡ್ದು ಕ್ರಿಸ್ತಗ್ ಮೈಮೆ ಉಂಡಾವೊಡು ಅಂದ್‌ದ್ ಎಂಕ್ ಆಸೆಲಾ ಭರವಸೆಲಾ ಉಂಡು.

ಫಿಲಿಪ್ಪಿಯೆರೆಗ್ 1:20 Cross References

ಯೋಹಾನೆ 21:19

ಆಯೆ ಎಂಚಿತ್ತಿ ಮರಣೊಡ್ದು ದೇವೆರೆನ್ ಮೈಮೆ ಮಲ್ಪಾವೆ ಪನ್ಪಿನೆನ್ ಯೇಸು ಈ ಪಾತೆರೊಡು ತೋಜಾಯೆ. ಉಂದೆನ್ ಪಂಡಿ ಬೊಕ್ಕ ಆಯಡ, “ಎನ ಬೆರಿಯೆ ಬಲ,” ಪಂಡೆ.

ಅಪೊ.ಕ್ರಿ 20:24

ಆಂಡ ಯಾನ್ ಎನ ಸ್ವಂತ ಜೀವದ ಸಂಗತಿಡ್ ಚಿಂತೆ ಮಲ್ಪುಜಿ. ದೇವೆರೆನ ದಯತ ಸುವಾರ್ತೆದ ಸಂಗತಿಡ್ ಸಾಕ್ಷಿ ಕೊರ್ಪಿನವೇ ಎನ ಬೇಲೆ ಆದುಂಡು. ಕರ್ತವೆ ಆದುಪ್ಪು ಯೇಸುಡ್ದು ತಿಕ್ಕಿ ಸೇವೆನ್ ಸಂತೋಷೊಡು ಪೂರೈಸುನವೇ ಎನ ಆಸೆ ಆದುಂಡು.

ಅಪೊ.ಕ್ರಿ 21:13

ಐಕ್ ಪೌಲು, “ನಿಕುಲು ಬುಲ್ತುದು ಎನ ಮನಸ್‌ನ್ ಕರಗಾವೊಡ್ಚಿ ಯಾನ್ ಕರ್ತವೆ ಆದುಪ್ಪು ಯೇಸುನ ಪುದರ್‌ಗಾದ್ ಯೆರೂಸಲೇಮುಡು ಸೆರೆಮನೆತ ಸರಪೊಳಿಡ್ ಮಾತ್ರ ಅತ್ತಂದೆ ಸೈಯೆರೆಗ್ಲಾ ತಯಾರಾದುಲ್ಲೆ,” ಅಂದ್‌ದ್ ಪಂಡೆ.

ಅಪೊ.ಕ್ರಿ 4:31

ಇಂಚ ಪ್ರಾರ್ಥನೆ ಮಲ್ತಿ ಬೊಕ್ಕ ಅಕುಲು ಸೇರ್ದಿತ್ತಿನ ಜಾಗ್ ಅದ್‌ರ್ಂಡ್, ಅಕುಲು ಮಾತೆರ್ಲಾ ಪರಿಶುದ್ಧಾತ್ಮೊಡು ದಿಂಜಿದ್ ದೇವೆರೆ ಪಾತೆರೊನು ಧೈರ್ಯೊಡು ಪನ್ಪಿನಾಕುಲಾಯೆರ್.

ರೋಮಾಯೆರೆಗ್ 12:1

ಅಂಚಾದ್ ಸಹೋದ್ರೆರೇ, ದೇವೆರೆ ಕನಿಕರೊನು ನಿಕ್ಲೆನ ನೆನೆಪುಗು ಕನತ್‌ದ್ ನಿಕ್ಲೆಡ ನಟ್ಟೊನೊನು ದಾನೆಂದ್ಂಡ, ನಿಕುಲು ನಿಕ್ಲೆನ ಶರೀರೊಲೆನ್ ದೇವೆರೆಗ್ ಪರಿಶುದ್ಧಲಾ ಮೆಚ್ಚಿಗೆಲಾ ಆದುಪ್ಪು ಸಜೀವ ಯಜ್ಞದ ಬಲಿ ಆದ್ ಒಚ್ಚಿದ್ ಕೊರ್ಲೆ. ಉಂದೇ ನಿಕ್ಲೆನ ನಿಜವಾಯಿನ ಆರಾಧನೆ.

ರೋಮಾಯೆರೆಗ್ 5:5

ಈ ನಿರೀಕ್ಷೆ ನಮಡ್ ನಿರಾಶೆ ಉಂಡು ಮಲ್ಪುಜಿ. ದಾಯೆಗಂದ್ಂಡ ನಂಕ್ ಕೊರ್ತಿನ ಪರಿಶುದ್ಧಾತ್ಮೊಡ್ದು ದೇವೆರ್ ತನ ಪ್ರೀತಿನ್ ನಮ ಉಡಲ್‌ಡ್ ಮೈತ್‌ದ್ ಕೊರ್ತೆ.

ರೋಮಾಯೆರೆಗ್ 6:13

ಉಂದು ಮಾತ್ರ ಅತ್ತಂದೆ ನಿಕುಲು ನಿಕ್ಲೆನ ಅಂಗೊಲೆನ್ ಪಾಪೊಗು ಒಪ್ಪಿಯಾವುನಕುಲಾದ್ ಪಡಿಕೆ ಉದ್ದೇಶೊಲೆಗಾದ್ ಉಪಯೋಗ ಮಲ್ಪಡೆ. ಮರಣೊಡ್ದು ಜೀವೊಗು ಬೈದಿನಾಕುಲೆ ಲೆಕ್ಕ ನಿಕ್ಲೆನ್ ದೇವೆರೆಗ್ ಒಚ್ಚಿದ್ ಕೊರ್ಲೆ; ಬೊಕ್ಕ ನೀತಿದ ಕಾರ್ಯೊಲೆಗಾದ್ ಉಪಯೋಗ ಆಪಿಲೆಕ್ಕ ನಿಕ್ಲೆ ಇಡೀ ಶರೀರೊನು ಆಯ ವಶೊಕ್ಕು ಕೊರ್ಲೆ.

ರೋಮಾಯೆರೆಗ್ 6:19

ನಿಕ್ಲೆನ ಶರೀರದ ಬಲಹೀನತೆದ ದಿಸೆಡ್ದ್ ಲೋಕದ ರೀತಿಡ್ ಪಾತೆರ್‌ವೆ. ಅನ್ಯಾಯ ಮಲ್ಪೆರೆ ನಿಕ್ಲೆನ ಅಂಗೊಲೆನ್ ಬಂಡ್‌ತನೊಗ್ಲಾ ಅನ್ಯಾಯೊಗ್ಲಾ ಎಂಚ ಗುಲಾಮೆರಾದ್ ಒಚ್ಚಿದ್ ಕೊರಿಯರಾ ಅಂಚೆನೆ ಇತ್ತೆ ಪರಿಶುದ್ಧೆರ್ ಆಪಿಲೆಕ್ಕ ನಿಕ್ಲೆನ ಅಂಗೊಲೆನ್ ನೀತಿಗ್ ಅಡಿಯಾಳಾದ್ ಒಪ್ಪಿಸಾಲೆ.

ರೋಮಾಯೆರೆಗ್ 8:19

ದೇವೆರೆ ಜೋಕುಲೆಗ್ ತಿಕ್ಕುನ ಮೈಮೆ ಏಪ ತೋಜಿದ್ ಬರು ಅಂದ್‌ದ್ ಇಡೀ ಸೃಷ್ಟಿಲಾ ಆಸೆಡ್ ಕಾತೊಂದುಂಡು.

ರೋಮಾಯೆರೆಗ್ 9:33

ಅಂಚಾಯಿನೆಡ್ದ್ ಶಾಸ್ತ್ರೊಡು ಇಂಚ ಬರೆತ್ಂಡ್, “ಇಂದಾ ಚೀಯೋನುಡು ದಂಟುನ ಕಲ್ಲ್‌ನ್ಲಾ ದಂಟ್‌ದ್ ಬೂರುನ ಪಾದೆನ್ಲಾ ದೀತೆ. ಐತ ಮಿತ್ತ್ ನಂಬಿಕೆ ದೀಪಿನಾಯೆ ಏರ್ಲಾ ನಾಚಿಗೆಡ್ ಬೂರುಜೆರ್.”

1 ಕೊರಿಂಥ್ಯೆರೆಗ್ 15:31

ಸಹೋದ್ರೆರೇ, ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಡು ಎಂಕ್ ಉಪ್ಪುನ ಪುಗರಿಗೆದ ಮಿತ್ತ್ ಆಜ ದೀದ್ ಪನ್ಪೆ, ಯಾನ್ ದಿನಾಲ ಸೈಯೊಂದು ಉಲ್ಲೆ.

1 ಕೊರಿಂಥ್ಯೆರೆಗ್ 6:20

ನಿಕುಲು ಮಸ್ತ್ ಕ್ರಯೊಕು ದೆತ್ತೊಂಡಿನಾಕುಲು; ಅಂಚಾಯಿನೆಡ್ದ್ ನಿಕ್ಲೆ ಶರೀರೊಡ್ದು ದೇವೆರೆಗ್ ಮೈಮೆ ಪಡೆಪಾಲೆ.

1 ಕೊರಿಂಥ್ಯೆರೆಗ್ 7:34

ಆಯನ ಮನಸ್ ರಡ್ಡ್ ಕಡೆಕ್ಲಾ ಒಯ್ತೊಂದುಪ್ಪುಂಡು. ಆಂಡ ಮದ್ಮೆ ಆವಂದಿನಾಲ್‌ಲಾ ಕನ್ಯಪೊಣ್ಣುಲಾ ತನ ಶರೀರೊಡ್ಲಾ ಆತ್ಮೊಡ್ಲಾ ಪರಿಶುದ್ಧ ಆದಿತ್ತ್‌ದ್ ಕರ್ತವನ ಸಂಗತಿಲೆಗಾದ್ ಚಿಂತೆ ಮಲ್ಪುವಲ್, ಆಂಡ ಮದ್ಮೆ ಆತಿನಾಲ್ ತನ ಕಂಡನಿನ್ ಎಂಚ ಮೆಚ್ಚಾವುನು ಅಂದ್‌ದ್ ಈ ಲೋಕದ ಸಂಗತಿಲೆಗಾದ್ರ ಚಿಂತೆ ಮಲ್ಪುವಲ್.

2 ಕೊರಿಂಥ್ಯೆರೆಗ್ 10:8

ಎಂಕುಲೆಡುಪ್ಪು ಅಧಿಕಾರದ ಬಗೆಟ್ ಎಂಕುಲು ಹೆಚ್ಚಿಗೆ ಪುಗರೊಂಡಲಾ ಅಂಚ ಪುಗರೊನುನೆಟ್ಟ್ ನಾಚಿಗೆ ಮಲ್ಪೆರೆ ಇಜ್ಜಿ. ಎಂಚಂದ್ಂಡ, ನಿಕ್ಲೆನ್ ಬೂರುಲೆಕ್ಕ ಅತ್ತ್, ಕಟ್ಟುನೆಕ್ಕಾದ್ ಕರ್ತವೆ ಎಂಕ್ಲೆಗ್ ಆ ಅಧಿಕಾರೊನು ಕೊರ್ತೆ.

2 ಕೊರಿಂಥ್ಯೆರೆಗ್ 3:12

ಅಂಚಾಂಡ ಇಂಚಿತ್ತಿ ಭರವಸೆ ಎಂಕ್ಲೆಗ್ ಉಪ್ಪುನೆಡ್ದಾದ್, ಎಂಕುಲು ಧೈರ್ಯೊಡುಪ್ಪುವ.

2 ಕೊರಿಂಥ್ಯೆರೆಗ್ 4:10

ಎಂಕುಲೆ ಶರೀರೊಡು ಯೇಸುನ ಜೀವ ತೋಜಿದ್ ಬರ್ಪಿನೆಡ್ದಾವರ ಯೇಸುನ ಮರಣದ ಅನುಭವೊನು ಎಂಕುಲು ಎಂಕ್ಲೆನ ಶರೀರೊಡು ಏಪಲಾ ಅನುಭವ ಮಲ್ತೊಂದುಪ್ಪುವ.

2 ಕೊರಿಂಥ್ಯೆರೆಗ್ 5:15

ಬೊಕ್ಕ ಆಯೆ ಮಾತೆರೆಗಾದ್ ಸೈತಿನೆಡ್ದಾವರ ಬದುಕುನಾಕುಲು ನನ ದುಂಬು ತನ್ಕುಲೆಗಾದ್ ಬದ್‌ಕಂದೆ, ಅಕ್ಲೆಗಾದ್ ಸೈತ್‌ದ್ ಜೀವೊಡು ಲಕ್ಕ್‌ದಿನ ಕ್ರಿಸ್ತಗಾದ್ ಬದುಕುವೆರ್.

2 ಕೊರಿಂಥ್ಯೆರೆಗ್ 7:14

ಯಾನ್ ನಿಕ್ಲೆ ವಿಚಾರ ಆಯಡ ದಾದಾಂಡಲಾ ಪುಗರೊಂದಿತ್ತೆಡಲಾ ಐಕಾದ್ ಎಂಕ್ ನಾಚಿಗೆ ಆಯಿಜಿ. ಯಾನ್ ನಿಕ್ಲೆಡ ಏಪಲಾ ಸತ್ಯನೇ ಪಂಡಿಲೆಕ್ಕ ಯಾನ್ ತೀತನ ಎದುರು ಪುಗರೊಂಡಿನವುಲಾ ಸತ್ಯನೇ ಆದ್ ತೋಜಿದ್ ಬತ್ತ್ಂಡ್.

2 ಕೊರಿಂಥ್ಯೆರೆಗ್ 7:4

ಎಂಕ್ ನಿಕ್ಲೆಡ್ ಎಡ್ಡೆ ಭರವಸೆ ಉಂಡು; ನಿಕ್ಲೆ ಸಂಗತಿಡ್ ಹೆಮ್ಮೆ ಉಂಡು. ಎಂಕುಲೆ ಮಾತ ಸಂಕಟೊಲೆಡ್ಲಾ ಆಧಾರಣೆಡ್ದ್ ದಿಂಜಿದುಲ್ಲ ಬೊಕ್ಕ ಮಾತ ಭಂಗೊಲೆಡ್ದ್‌ಲಾ ಎನ ಸಂತೋಷ ಹೆಚ್ಚಾಪುಂಡು.

ಫಿಲಿಪ್ಪಿಯೆರೆಗ್ 1:14

ಬೊಕ್ಕ ಯಾನ್ ಸೆರೆಮನೆಟ್ ಉಪ್ಪುನೆಡ್ದಾದ್ ಮುಲ್ಪದ ಸಹೋದ್ರೆರೆಡ್ದ್ ಹೆಚ್ಚಿನ ವಿಶ್ವಾಸಿಲು ದೇವೆರೆ ಪಾತೆರೊನು ಪೋಡಿಗೆದಾಂತೆ ತೆರಿಪಾವೆರೆ ಧೈರ್ಯಲಾ ಭರವಸಲಾ ಮಲ್ತ್‌ದೆರ್.

ಫಿಲಿಪ್ಪಿಯೆರೆಗ್ 2:17

ನಿಕ್ಲೆನ ನಂಬಿಕೆ ಪನ್ಪಿ ಬಲಿನ್ ದೇವೆರೆಗ್ ಅರ್ಪಣೆ ಮಲ್ಪುನ ಸೇವೆಡ್ ಯಾನೇ ನೀರ್‌ದ ಲೆಕ್ಕ ಕರಗ್‌ದ್ ಬಲಿ ಆವೊಡಾಂಡಲಾ ಎಂಕ್ ಸಂತೋಷ.

ಕೊಲೊಸ್ಸಿಯೆರೆಗ್ 1:24

ಯಾನ್ ಇತ್ತೆ ನಿಕ್ಲೆಗಾದ್ ಅನುಭವ ಮಲ್ತಿ ಭಂಗೊಲೆಡ್ ಸಂತೋಷ ಪಡೆಯೊಂದುಲ್ಲೆ. ಕ್ರಿಸ್ತನ ಭಂಗೊಲೆಡ್ ಬಾಕಿ ಒರಿದಿನೆನ್ ಸಭೆ ಇನ್ಪಿ ಆಯನ ಶರೀರೊಗಾದ್ ಎನ ಶರೀರೊಡು ಅನುಭವ ಮಲ್ತ್‌ದ್ ತೀರಿಸಾವೆ.

1 ಥೆಸಲೋನಿಕೆರೆಗ್‌ 5:23

ಸಮಾಧಾನದ ದೇವೆರ್ ತಾನೇ ನಿಕ್ಲೆನ್ ಪೂರ್ತಿ ಆದ್ ಪರಿಶುದ್ಧ ಮಲ್ಪಡ್. ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ಬರ್ಪಿನ ಸಮಯೊಡು, ನಿಕ್ಲೆ ಆತ್ಮ, ಪ್ರಾಣ, ಶರೀರ, ತಪ್ಪುದಾಂತೆ ಪರಿಪೂರ್ಣ ಆದ್ ತೋಜುಲೆಕ್ಕ ಕಾಪಡ್.

1 ಪೇತ್ರೆ 4:16

ಆಂಡ ನಿಕುಲು ಕ್ರೈಸ್ತೆರಾದ್ ಶ್ರಮೆ ಅನುಭವ ಮಲ್ಪುವರ್ಡ ಅಂಚಿನಾಕುಲು ನಾಚಿಗೆ ಮಲ್ಪೊಡಂದ್‌ದ್ ಇಜ್ಜಿ. ಕ್ರೈಸ್ತೆರ್ ಅಂದ್‌ದ್ ಪುದರ್ ಪಡೆಯಿನೆಕ್ಕಾದ್ ದೇವೆರೆನ್ ಪುಗರೊನ್ಲೆ.

1 ಯೋಹಾನೆ 2:28

ಅಂಚಾದ್ ಜೋಕುಲೇ, ಆಯೆ ಕುಡೊರ ತೋಜಿದ್ ಬನ್ನಗ ನಂಕ್ ಆಯಡ್ದ್ ನಾಚಿಗೆ ಆವಂದೆ, ಆಯ ಎದುರುಡು ಧೈರ್ಯೊಡು ಉಂತುಲೆಕ್ಕ ಕ್ರಿಸ್ತಡ್ ಒಂಜಾದುಪ್ಪುಲೆ.