ಫಿಲಿಪ್ಪಿಯೆರೆಗ್ 1:15 - ಪೊಸ ಒಡಂಬಡಿಕೆ

¹⁵ ಕೆಲೆವೆರ್ ಮಚ್ಚರೊಡು ತರ್ಕೊಗಾದ್ ಬೇತೆ ಕೆಲೆವೆರ್ ಎಡ್ಡೆ ಮನಸ್‌ಡ್ದ್ ಕ್ರಿಸ್ತನ್ ಸಾರಿಯುವೆರ್.

ಫಿಲಿಪ್ಪಿಯೆರೆಗ್ 1:15 Cross References

ಮತ್ತಾಯೆ 23:5

ಅಕುಲು ತನ್ಕುಲೆ ಬೇಲೆ ಮಾತ ಜನೊಕುಲೆಗ್ ತೋಜೊಡು ಅಂದ್‌ದ್ ಮಲ್ಪುವೆರ್. ತನ್ಕುಲು ಶಾಸ್ತ್ರದ ಪಟ್ಟಿಲೆನ್ ಅಗೆಲ ದೀದ್ ಮುಂಡೊಡು ಕಟ್ಟ್‌ದ್ ಕುಂಟುದ ಗೊಂಡೆಲೆನ್ ಉದ್ಧ ಮಲ್ಪುವೆರ್.

ಅಪೊ.ಕ್ರಿ 10:36

ಮಾತ ಜನೊಕುಲೆಗ್ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ ದೇವೆರ್ ಸಮಾಧಾನದ ಸುವಾರ್ತೆನ್ ಪ್ರಕಟ ಮಲ್ತೊಂದು ಇಸ್ರಾಯೇಲ್ ಜನೊಕುಲೆಗ್ ಸಾರಿದೆರ್. ಈ ಸಂಗತಿಲು ನಿಕ್ಲೆಗ್ ತೆರಿದುಪ್ಪು.

ಅಪೊ.ಕ್ರಿ 11:20

ಅಕ್ಲೆಡ್ ಕೆಲೆವೆರ್ ಕುಪ್ರ ದ್ವೀಪದಾಕುಲು, ಕೆಲೆವೆರ್ ಕುರೇನ್ಯೆರ್ ಅಂತಿಯೋಕ್ಯಗ್ ಬತ್ತ್‌ದ್ ಗ್ರೀಕೆರೆಡಲಾ ಪಾತೆರ್‌ದ್ ಕರ್ತವೆ ಆದುಪ್ಪು ಯೇಸುನ ಸುವಾರ್ತೆನ್ ಸಾರಿಯೆರ್.

ಅಪೊ.ಕ್ರಿ 5:42

ಅಕುಲು ಪ್ರತಿದಿನ ದೇವಾಲಯೊಡ್ಲಾ ಇಲ್ಲ್ ಇಲ್ಲಡ್ಲಾ ಬೋಧನೆ ಮಲ್ತೊಂದು ಕ್ರಿಸ್ತೆ ಆದುಪ್ಪು ಯೇಸುನ ಸುವಾರ್ತೆನ್ ಸಾರೊಂದಿತ್ತೆರ್.

ಅಪೊ.ಕ್ರಿ 8:35

ಫಿಲಿಪ್ಪು ಅವ್ವೇ ಶಾಸ್ತ್ರದ ಆಧಾರ ಮಲ್ತೊಂದು ಪಾತೆರಿಯೆರೆ ಸುರು ಮಲ್ತ್‌ದ್ ಆಯಗ್ ಯೇಸುನ ವಿಷಯದ ಸುವಾರ್ತೆ ತೆರಿಪಾಯೆ.

ಅಪೊ.ಕ್ರಿ 8:5

ಫಿಲಿಪ್ಪು ಸಮಾರ್ಯ ಇನ್ಪಿ ಪಟ್ಟಣೊಗು ಪೋದು ಅಲ್ತಕುಲೆಗ್ ಕ್ರಿಸ್ತನ್ ಸಾರಿಯೆ.

ಅಪೊ.ಕ್ರಿ 9:20

ಆಯೆ ತಡ ಮಲ್ಪಂದೆ ಸಭಾಮಂದಿರೊಲೆಡ್ ಯೇಸುನ ಬಗೆಟ್ ಆಯೆನೇ ದೇವೆರೆ ಮಗೆ ಅಂದ್‌ದ್ ಸಾರಿಯೆರೆ ಸುರು ಮಲ್ತೆ.

ರೋಮಾಯೆರೆಗ್ 2:8

ಏರ್ ತನ್ಕುಲೆ ಸ್ವಾರ್ಥೊಡು ಸತ್ಯದೆನ್ ಕೈಕೊನಂದೆ ಅನ್ಯಾಯೊನು ಕೈಕೊನುವೆರಾ, ಅಕ್ಲೆಗ್ ಕೋಪಲಾ ಉಗ್ರಲಾ ಬರ್ಪುಂಡು.

1 ಕೊರಿಂಥ್ಯೆರೆಗ್ 1:23

ಎಂಕುಲಾಂಡಲಾ ಕ್ರುಸ್ಸುಗು ಪಾಡ್ದಿನಾಯೆ ಆದುಪ್ಪು ಕ್ರಿಸ್ತನ್ ಸಾರಿಯ. ಆ ಪಾತೆರ ಯೆಹೂದ್ಯೆರೆಗ್ ಆತಂಕದ ಕಲ್ಲ್, ಪಿದಯಿದ ಜನೊಕುಲೆಗ್ ಹೆಡ್ಡ್‌ತನ ಆದುಂಡು.

1 ಕೊರಿಂಥ್ಯೆರೆಗ್ 13:3

ಎಂಕುಪ್ಪು ಮಾತ ಬದ್‌ಕ್‌ನ್ ಧರ್ಮಾದ್ ಕೊರಿಯೆರ್ಡಲಾ ಎನ ಶರೀರೊನು ಪೊತ್ತಾವೆರೆ ಒಚ್ಚಿದ್ ಕೊರಿಯೆಡಲಾ ಎನಡ ಪ್ರೀತಿ ಇಜ್ಜಾಂಡ ಎಂಕ್ ದಾಲಾ ಪ್ರಯೋಜನ ಇಜ್ಜಿ.

2 ಕೊರಿಂಥ್ಯೆರೆಗ್ 1:19

ಯಾನ್, ಸಿಲ್ವಾನೆ, ತಿಮೋಥಿ ನಿಕ್ಲೆಡ್ ಪ್ರಚಾರ ಮಲ್ತಿನ ದೇವೆರೆ ಮಗೆ ಆದುಪ್ಪು ಯೇಸು ಕ್ರಿಸ್ತೆ ಒಂಜಿ ಕ್ಷಣೊಟು “ಅಂದ್,” ಬೊಕ್ಕೊಂಜಿ ಕ್ಷಣೊಟು “ಅತ್ತ್,” ಪಂಡ್ದ್‌ಲಾ ಇತ್ತ್‌ಜಿ. ಯೇಸು ಕ್ರಿಸ್ತಡ್ ಏಪಲಾ “ಅಂದ್,” ಪಂಡ್ದೇ ಇತ್ತ್ಂಡ್.

2 ಕೊರಿಂಥ್ಯೆರೆಗ್ 11:13

ಅಂಚಿತ್ತಿನಾಕುಲು ಸುಳ್ಳು ಪ್ರವಾದಿಲು, ಮೋಸದ ಸೇವಕೆರ್, ಕ್ರಿಸ್ತನ ಅಪೊಸ್ತಲೆರಂದ್‌ದ್ ವೇಷ ಪಾಡ್ದಿನಾಕುಲು ಆದುಲ್ಲೆರ್.

2 ಕೊರಿಂಥ್ಯೆರೆಗ್ 12:20

ಯಾನ್ ಬತ್ತಿನಪಗ ನಿಕುಲು ಯಾನ್ ಎನ್ನಿಲೆಕ್ಕ ತೋಜುವರಾ ಇಜ್ಜಾ, ಯಾನ್ ನಿಕುಲು ಎನ್ನಿಲೆಕ್ಕ ತೋಜುವೆನಾ ಇಜ್ಜಾ ಎಂಕ್ ಪೋಡಿಗೆ ಉಂಡು. ಒಂಜಿ ವೇಳೆ ನಿಕ್ಲೆಡ್ ಲಡಯಿ, ಮಚ್ಚರ, ಕೋಪ, ಸ್ವಾರ್ಥ, ಅವಮಾನ, ಚಾಡಿ ಪನ್ಪಿನವು, ಸೊರ್ಕು, ಗಲಿಬಿಲಿ ಪುಟ್ಟಾವುಂಡು ಪನ್ಪಿನ ಪೋಡಿಗೆ ಎಂಕುಂಡು.

2 ಕೊರಿಂಥ್ಯೆರೆಗ್ 4:5

ದಾಯೆಗಂದ್ಂಡ ಎಂಕುಲು ಎಂಕ್ಲೆನೇ ಸಾರಿಯೊನಂದೆ, ಯೇಸು ಕ್ರಿಸ್ತೆ ಕರ್ತವೆ ಪಂಡ್ದ್‌ಲಾ ಯೇಸುಗಾದ್ ನಿಕ್ಲೆನ ಸೇವಕೆರ್ ಪಂಡ್ದ್‌ಲಾ ಸಾರಿಯುವ.

ಗಲಾತ್ಯೆರೆಗ್ 2:4

ಸಭೆಕ್ ಕಲ್ವತನೊಟು ಸೇರ್ದಿನ ಕೆಲವು ಸುಳ್ಳು ಸಹೋದ್ರೆರ್ ಅಲ್ಪ ಇತ್ತಿನೆಡ್ದಾವರ ಬಲತ್ಕಾರ ಆವು ಇನ್ಪಿನ ಪೋಡಿಗೆ ಇತ್ತ್ಂಡ್. ಅಕುಲು ಕ್ರಿಸ್ತ ಯೇಸುನ ಬಲಿದಾನೊಡ್ದು ಎಂಕುಲೆಗುಪ್ಪುನ ಸ್ವತಂತ್ರೊನು ದೆತ್ತ್ ಪಾಡ್ದ್ ಯೆಹೂದಿ ಆಚಾರೊಲೆನ್ ಕೈಕೊಂದು ಗುಲಾಮತನೊಡು ಉಪ್ಪೊಡು ಅಂದ್‌ದ್ ಪ್ರಯತ್ನ ಮಲ್ತೊಂದಿತ್ತೆರ್.

ಫಿಲಿಪ್ಪಿಯೆರೆಗ್ 2:3

ಸ್ವಾರ್ಥದಾಕುಲಾವಡೆ, ನನೊರಿಯನ್ ಮೆಚ್ಚಾವೆರೆ ಪೋವಡೆ, ತಗ್ಗಾವೊನ್ಲೆ, ನನೊರಿಯನ್ ತನ್ಕುಲೆಡ್ದ್ ಹೆಚ್ಚ್‌ದಾಕುಲು ಅಂದ್‌ದ್ ಎನ್ನ್‌ಲೆ.

1 ತಿಮೋಥಿ 3:16

ಉಂದತ್ತಂದೆ ನಂಕ್ ಗೊತ್ತಾಪಿಲೆಕ್ಕ ದೇವಭಕ್ತಿಗ್ ಆಧಾರವಾಯಿನ ಸತ್ಯದ ಗುಟ್ಟು, ಅವು ನಿಜಾದ್ ವಿಶೇಷವಾಯಿನ ಆದುಂಡು ಅಂದ್‌ದ್ ನಮ ಒಪ್ಪಿಯೊನ್ವ. ಕ್ರಿಸ್ತೆ ನರಮಾನಿ ರೂಪೊಡು ತೋಜಿಯೆ, ಆತ್ಮ ಸಮ್ಮಂಧೊಡು ಕ್ರಿಸ್ತೆ ನೀತಿವಂತೆ ಅಂದ್‌ದ್ ತೋಜಾದ್ ಕೊರಿಯೆ. ದೂತೆರೆಗ್ ತೋಜಿಯೆ, ಪಿದಯಿದ ಜನೊಕುಲೆ ನಡುಟು ಆಯನ್ ಸಾರಿಂಡ್, ಲೋಕದಾಕುಲು ಆಯನ್ ನಂಬಿಯೆರ್. ಪರಲೋಕದ ಮೈಮೆಡ್ ಆಯನ್ ಮಿತ್ತ್ ದೆತ್ತೊಂಡೆರ್.