ಫಿಲಿಪ್ಪಿಯೆರೆಗ್ 1:13 - ಪೊಸ ಒಡಂಬಡಿಕೆ

¹³ ಎಂಚಂದ್ಂಡ ಯಾನ್ ಸೆರೆಮನೆಟ್ ಉಪ್ಪುನವು ಕ್ರಿಸ್ತಡ್ದಾವರ ಅಂದ್‌ದ್ ಇಡೀ ಅರಮನೆದ ಕಾವಲ್‌ದಾಕುಲೆಗ್ಲಾ ಅಂಚೆನೇ ಒರಿದಿನಾಕುಲೆಗ್ಲಾ ತೆರಿದ್ ಬತ್ತ್ಂಡ್.

ಫಿಲಿಪ್ಪಿಯೆರೆಗ್ 1:13 Cross References

ಅಪೊ.ಕ್ರಿ 26:29

ಐಕ್ ಪೌಲು ಉತ್ತರ ಕೊರ್ದು, “ಒಂತೆ ಸಮಯೊಡ್ದಾವಡ್ ದಿಂಜ ಸಮಯೊಡ್ದಾವಡ್, ಈ ಮಾತ್ರ ಅತ್ತಂದೆ, ಈ ಪೊರ್ತು ಎನ ಪಾತೆರೊಲೆನ್ ಕೇನುನಾಕುಲು ಮಾತೆರ್ಲಾ ಎನ ಲೆಕ್ಕನೆ ಆವೊಡು ಅಂದ್‌ದ್ ದೇವೆರೆಗ್ ಪ್ರಾರ್ಥನೆ ಮಲ್ತೊಂದುಲ್ಲೆ ಆಂಡ ಈ ಕೋಳೊಲು ಮಾತ್ರ ನಿಕ್ಲೆಗ್ ತಿಕ್ಕಿಯೆರ್ ಬಲ್ಲಿ,” ಅಂದ್‌ದ್ ಪಂಡೆ.

ಅಪೊ.ಕ್ರಿ 26:31

“ಈ ನರಮಾನಿನ್ ಮರಣದಂಡನೆಗಾವಡ್ ಸೆರೆಮನೆಟ್ ದೀಯೆರೆಗಾವಡ್ ತಕ್ಕದ ಅನ್ಯಾಯ ಒಂಜಿಲಾ ಮಲ್ತ್‌ದಿಜೆ,” ಅಂದ್‌ದ್ ಒರಿ ಒರಿಯಗ್ ಪಾತೆರೊಂಡೆರ್.

ಅಪೊ.ಕ್ರಿ 28:17

ಮೂಜಿ ದಿನ ಆಯಿ ಬೊಕ್ಕ ಪೌಲು ಯೆಹೂದ್ಯೆರೆ ಮುಖ್ಯಸ್ಥೆರೆನ್ ತನ ಕೈತಲ್‌ ಲೆಪ್ಪುಡಾಯೆ. ಅಕುಲು ಸೇರಿ ಬೊಕ್ಕ ಆಯೆ ಅಕ್ಲೆಗ್, “ಸಹೋದ್ರೆರೇ ಯಾನ್ ಎಂಕ್ಲೆನ ಜನೊಕುಲೆಗ್ಲಾ ನಮ ಪಿತೃಲೆನ ಆಚಾರೊಲೆಗ್ಲಾ ವಿರೋಧಾದ್ ದಾಲಾ ಮಲ್ಪಂದಿನಾಯೆ ಆಂಡಲಾ ಯೆರೂಸಲೇಮುಡ್ದು ರೋಮಾಯೆರ್‌ನ ಕೈಕ್ ಕೈದ್‌ಡುಪ್ಪುನಾಯಲೆಕ್ಕ ಒಚ್ಚಿದ್ ಕೊರ್ತೆರ್.

ಅಪೊ.ಕ್ರಿ 28:20

ಈ ಕಾರಣೊಡ್ದು ಯಾನ್ ನಿಕ್ಲೆನ್ ತೂದು ಪಾತೆರೊಡು ಅಂದ್‌ದ್ ಲೆಪ್ಪುಡಾಯೆ. ಇಸ್ರಾಯೇಲ್‌ದ ಜನೊಕುಲೆನ ನಿರೀಕ್ಷೆಗಾದ್ ಈ ಸರಪೊಳಿಡ್ ಕಟ್ಟ್‌ದುಲ್ಲೆ,” ಅಂದ್‌ದ್ ಪಂಡೆ.

ಅಪೊ.ಕ್ರಿ 28:30

ಐಡ್ದ್ ಬೊಕ್ಕ ಆಯೆ ತಾನೇ ಬಾಡಿಗೆದ ಇಲ್ಲಡ್ ಪೂರ ರಡ್ಡ್ ವರ್ಸ ಇತ್ತ್‌ದ್ ತನ ಕೈತಲ್‌ ಬರ್ಪಿನಾಕುಲೆಗ್ ಮಾತೆರ್‌ನ್ಲಾ ಸೇರಾವೊಂದಿತ್ತೆ.

ಎಫೆಸ್ಯೆರೆಗ್ 3:1

ಉಂದೆಕ್ಕಾದ್ ಪೌಲು ಇನ್ಪಿನಾಯೆ ಯಾನ್, ಪಿದಯಿದ ಜನೊಕುಲೆಗಾದ್ರ ಕ್ರಿಸ್ತ ಯೇಸುನ ವಶ ಆದುಲ್ಲೆ.

ಎಫೆಸ್ಯೆರೆಗ್ 4:1

ನಿಕುಲು ದೇವೆರೆಡ್ ಲೆಪ್ಪು ಆದಿತ್ತಿನಕುಲಾದ್ ಆ ಲೆಪ್ಪುಗು ಯೋಗ್ಯೆರಾದ್ ನಡಪುಡೊಡು ಅಂದ್‌ದ್ ಕರ್ತವನ ಸೇವೆಗ್ ಸೆರೆಮನೆಟುಪ್ಪು ಯಾನ್ ನಿಕ್ಲೆಡ ನಟ್ಟೊನ್ವೆ.

ಎಫೆಸ್ಯೆರೆಗ್ 6:20

ಯಾನ್ ಸುವಾರ್ತೆಗ್ ಬೋಡಾದ್ ರಾಯಭಾರಿ ಆದ್ ಸಂಕಲೆಡ್ ಉಪ್ಪುನಗ ಯಾನ್ ಎಂಚ ಪಾತೆರೊಡು, ಆ ದೇವೆರೆ ವಿಷಯೊನು ಧೈರ್ಯೊಡು ಎಂಚ ತೆರಿಪಾವೊಡು ಅಂದ್‌ದ್ ಪ್ರಾರ್ಥನೆ ಮಲ್ತೊಂದುಪ್ಪುಲೆ.

ಫಿಲಿಪ್ಪಿಯೆರೆಗ್ 1:30

ಎನ ಈ ಹೋರಾಟೊಲೆನ್ ನಿಕುಲು ತೂತರ್; ನನಲಾ ಯಾನ್ ಹೋರಾಟದ ನಡುಟೇ ಉಲ್ಲೆ ಅಂದ್‌ದ್ ನಿಕ್ಲೆಗ್ ತೆರಿದುಂಡು. ಆ ಹೋರಾಟ ನಿಕ್ಲೆಗ್ಲಾ ಉಂಡು.

ಫಿಲಿಪ್ಪಿಯೆರೆಗ್ 1:7

ನಿಕ್ಲೆ ಮಾತೆರೆ ಕಡೆಕ್ಕ್ ಯಾನ್ ಇಂಚ ಎನ್ನುನವು ಸರಿಯಾದುಪ್ಪುನವೇ. ಯಾನ್ ಸೆರೆಮನೆಟ್ ಉಪ್ಪುನಗ ಸುವಾರ್ತೆದ ಸತ್ಯೊನು ದೃಢವಾದ್ ಸಾರಿನಗ ನಿಕುಲು ಎನಡೊಪ್ಪ ದೇವೆರೆ ದಯೊಟು ಪಾಲ್‌ದಾರೆರ್ ಆದುಲ್ಲರಂದ್‌ದ್ ನಿಕ್ಲೆನ್ ಎನ ಉಡಲ್‌ಡ್ ದೀವೊಂಡೆ.

ಫಿಲಿಪ್ಪಿಯೆರೆಗ್ 4:22

ಬೊಕ್ಕ ಬೇತೆ ಮಾತ ದೇವಜನೊಕುಲು ಮುಖ್ಯಾದ್ ಚಕ್ರವರ್ತಿನ ಇಲ್ಲಗ್ ಸೇರ್ದಿನಾಕುಲೆಡ್ದ್‌ಲಾ ನಿಕ್ಲೆಗ್ ವಂದನೆಲು.

2 ತಿಮೋಥಿ 2:9

ಬೊಕ್ಕ ಯಾನ್ ಈ ಸುವಾರ್ತೆ ಸಾರಿನೆಡ್ದ್ ದಿಂಜ ಭಂಗ ಬತ್ತಿನಾಯೆ ಆದ್ ದುಷ್ಕರ್ಮಿಲೆಕ್ಕ ಸಂಕಲೆಡ್ ಉಲ್ಲೆ, ಆಂಡ ದೇವೆರೆ ಪಾತೆರೊಗು ಬಂಧನ ಇಜ್ಜಿ.