ಫಿಲಿಪ್ಪಿಯೆರೆಗ್ 1:12 - ಪೊಸ ಒಡಂಬಡಿಕೆ

¹² ಸಹೋದ್ರೆರೇ, ಎಂಕ್ ಮೂಲು ಆದುಪ್ಪುನವು ಮಾತಲಾ ಸುವಾರ್ತೆದ ಪ್ರಚಾರೊಗು ಸಹಾಯ ಆಂಡ್ ಅಂದ್‌ದ್ ನಿಕುಲು ತೆರಿಯೊನೊಡು ಅಂದ್‌ದ್ ಎನ ಆಸೆ.

ಫಿಲಿಪ್ಪಿಯೆರೆಗ್ 1:12 Cross References

ಲೂಕೆ 21:13

ಉಂದು ನಿಕ್ಲೆಗ್ ಸಾಕ್ಷಿ ಪನಿಯೆರೆ ಅನುಕೂಲ ಆಪುಂಡು.

ಅಪೊ.ಕ್ರಿ 8:4

ಪರಡ್ದ್ ಪೋಯಿನಾಕುಲು ಅಲ್ಪಲ್ಪ ಪೋದು ಯೇಸುನ ಸುವಾರ್ತೆನ್ ಸಾರೊಂದಿತ್ತೆರ್.

ರೋಮಾಯೆರೆಗ್ 8:28

ಉಂದತ್ತಂದೆ ದೇವೆರೆ ಸಂಕಲ್ಪೊಡ್ದು ಲೆಪ್ಪಾವೊಂದು ಪ್ರೀತಿ ಮಲ್ಪುನಾಕುಲೆನ ಎಡ್ಡೆಗ್ ಮಾತ ಕಾರ್ಯೊಲು ಅನುಕೂಲ ಆಪುಂಡು ಪಂಡ್ದ್ ನಂಕ್ ಗೊತ್ತುಂಡು.

ರೋಮಾಯೆರೆಗ್ 8:37

ಕ್ರಿಸ್ತೆ ನಮನ್ ಪ್ರೀತಿ ಮಲ್ಪುನೆಡ್ದ್ ನಮ ಈ ಮಾತ ಸಂಗತಿಲೆಡ್ ಪೂರ್ತಿ ಜಯಶಾಲಿಲು ಆದುಲ್ಲ.

ಫಿಲಿಪ್ಪಿಯೆರೆಗ್ 1:7

ನಿಕ್ಲೆ ಮಾತೆರೆ ಕಡೆಕ್ಕ್ ಯಾನ್ ಇಂಚ ಎನ್ನುನವು ಸರಿಯಾದುಪ್ಪುನವೇ. ಯಾನ್ ಸೆರೆಮನೆಟ್ ಉಪ್ಪುನಗ ಸುವಾರ್ತೆದ ಸತ್ಯೊನು ದೃಢವಾದ್ ಸಾರಿನಗ ನಿಕುಲು ಎನಡೊಪ್ಪ ದೇವೆರೆ ದಯೊಟು ಪಾಲ್‌ದಾರೆರ್ ಆದುಲ್ಲರಂದ್‌ದ್ ನಿಕ್ಲೆನ್ ಎನ ಉಡಲ್‌ಡ್ ದೀವೊಂಡೆ.

ಫಿಲಿಪ್ಪಿಯೆರೆಗ್ 2:22

ಆಂಡ ತಿಮೋಥಿ ಎಂಚ ನಡತ್ತ್‌ದೆ ಅಂದ್‌ದ್ ನಿಕುಲೇ ತೆರಿದರ್. ದಾಯೆಗ್ ಪಂಡ, ಮಗೆ ಅಮ್ಮೆರೆಗ್ ಎಂಚನಾ, ಅವ್ವೇ ತರೊಟು ಆಯೆ ಎನಡೊಪ್ಪ ಸುವಾರ್ತೆದ ಪ್ರಚಾರೊಗಾದ್ ಸೇವೆ ಮಲ್ತ್‌ದ್ ಯೋಗ್ಯದಾಯೆ ಅಂದ್‌ದ್ ನಿಕ್ಲೆಗ್ ಗೊತ್ತುಂಡು.

ಫಿಲಿಪ್ಪಿಯೆರೆಗ್ 4:15

ಉಂದತ್ತಂದೆ ಫಿಲಿಪ್ಪಿದಾಕುಲೇ, ನಿಕ್ಲೆಗ್ ಸುರುಕ್ಕು ಸುವಾರ್ತೆ ಸಾರಿದ್ ಬೊಕ್ಕ ಮಕೆದೋನ್ಯೊಗು ಪೋಯಿನಪಗ ಎಂಕ್ ಕಾಸ್‌ದ ಸಹಾಯ ಕೊರಿನಾಕುಲು ಫಿಲಿಪ್ಪಿ ಸಭೆತಾಕುಲು ಮಾತ್ರ, ಬೇತೆ ವಾ ಸಭೆಲಾ ಪಾಲ್‌ದಾರೆರ್ ಆದಿತ್ತಿಜೆರ್.

ಫಿಲಿಪ್ಪಿಯೆರೆಗ್ 4:3

ಬೊಕ್ಕ ಎನ ನಿಜ ಜತೆಗಾರಾ, ಈ ರಡ್ಡ್ ಪೊಂಜೊವುಲೆಗ್ ಸಹಾಯ ಮಲ್ಪೊಡು ಅಂದ್‌ದ್ ನಿನನ್ಲಾ ಕೇನೊನ್ವೆ. ದಾಯೆಗಂದ್ಂಡ, ಬೇತೆಕ್ಲೆಗ್ ಸುವಾರ್ತೆ ತೆರಿಪಾವುನೆಟ್ ಅಕುಲು ಎನಡೊಪ್ಪ ಎಡ್ಡೆ ಬೇಲೆ ಮಲ್ತ್‌ದೆರ್. ಅಕುಲು ಕ್ಲೆಮೆಂತುಡೊಪ್ಪಲಾ ಎನ ಬೇತೆ ಜತೆಸೇವಕೆರೆಡೊಪ್ಪಲಾ ಎನ ಒಟ್ಟುಗು ಸುವಾರ್ತೆಗಾದ್ ಕಷ್ಟ ಬೈದೆರ್. ಅಕ್ಲೆನ ಮಾತೆರೆನ ಪುದರ್ ಜೀವಬಾಧ್ಯೆರೆ ಪುಸ್ತಕೊಡು ಬರೆದುಂಡು.

1 ತಿಮೋಥಿ 2:8

ಅಂಚಾದ್ ಅಂಜೊವುಲು ಮಾತ ಜಾಗ್‌ಡ್ ಕೋಪಲಾ, ತರ್ಕದಾಂತಿನಾಕುಲುಲಾ ಆದ್ ಪರಿಶುದ್ಧ ಕೈಕ್ಲೆನ್ ದೆರ್ತ್ತ್‌ದ್ ಪ್ರಾರ್ಥನೆ ಮಲ್ಪೊಡಂದ್‌ದ್ ಎನ ಮನಸಾದುಂಡು.

2 ತಿಮೋಥಿ 2:9

ಬೊಕ್ಕ ಯಾನ್ ಈ ಸುವಾರ್ತೆ ಸಾರಿನೆಡ್ದ್ ದಿಂಜ ಭಂಗ ಬತ್ತಿನಾಯೆ ಆದ್ ದುಷ್ಕರ್ಮಿಲೆಕ್ಕ ಸಂಕಲೆಡ್ ಉಲ್ಲೆ, ಆಂಡ ದೇವೆರೆ ಪಾತೆರೊಗು ಬಂಧನ ಇಜ್ಜಿ.

2 ತಿಮೋಥಿ 4:17

ಆಂಡ ಕರ್ತವೆ ಎನ ಕಡೆಟ್ಟ್ ಉಂತುದು, ಎನನ್ ಬಲ ಪಡೆಪಾದ್, ಎನಡ್ದ್ ಸುವಾರ್ತೆ ಪೂರ್ತಿ ಆದ್ ಸಾರಿಯೆರೆಲಾ ಬೊಕ್ಕ ಪಿದಯಿದ ಜನೊಕುಲೆಗ್ ಕೇನುಲೆಕ್ಕಲಾ ಮಲ್ತೆ. ಅವು ಅತ್ತಂದೆ ಆಯೆ ಎನನ್ ಸಿಮ್ಮದ ಬಾಯಿಡ್ದ್ ತಪ್ಪಾಯೆ.