ಫಿಲಿಪ್ಪಿಯೆರೆಗ್ 1:11 - ಪೊಸ ಒಡಂಬಡಿಕೆ

¹¹ ಯೇಸು ಕ್ರಿಸ್ತಡ್ದ್ ಆಪಿ ನೀತಿದ ಫಲ ನಿಕ್ಲೆಡ ಏಪಲಾ ದಿಂಜಿದ್ ತೋಜಿದ್ ಬರಡ್ ಪಂಡ್ದ್‌ಲಾ ದೇವೆರೆಗ್ ದಿಂಜ ಮೈಮೆಲಾ ಸ್ತುತಿಲಾ ಸಂದಾವೊಡು ಪಂಡ್ದ್‌ಲಾ ನಟ್ಟೊನ್ವೆ.

ಫಿಲಿಪ್ಪಿಯೆರೆಗ್ 1:11 Cross References

ಮತ್ತಾಯೆ 5:16

ಐತ ಲೆಕ್ಕನೆ ನಿಕ್ಲೆನ ಬೊಲ್ಪು ಜನೊಕುಲೆ ಎದುರುಡು ಅರ್ಲಡ್, ಇಂಚಾಂಡ ಅಕುಲು ನಿಕ್ಲೆನ ಎಡ್ಡೆ ಕ್ರಿಯೊಲೆನ್ ತೂದು ಪರಲೋಕೊಡುಪ್ಪು ನಿಕ್ಲೆ ಅಮ್ಮೆರೆನ್ ಪುಗರುವೆರ್.

ಯೋಹಾನೆ 15:16

ನಿಕುಲು ಎನನ್ ಅಜತ್‌ದ್ ದೆತ್ತೊಂದಿಜರ್, ಆಂಡ ಯಾನ್ ನಿಕ್ಲೆನ್ ಅಜತ್‌ದ್ ದೆತ್ತೊಂದೆ. ನಿಕುಲು ಪೋದು ಫಲ ಕೊರ್ಪಿನಾಕುಲು ಆದುಪ್ಪೊಡು ಅಂದ್‌ದ್‌ಲಾ ನಿಕುಲು ಕೊರ್ಪಿನ ಫಲ ನಿಲೆಯಾದುಪ್ಪುಲೆಕ್ಕ ನಿಕ್ಲೆನ್ ನೇಮಕ ಮಲ್ತ್‌ದೆ. ಇಂಚ ಉಪ್ಪುನಗ ಎನ ಪುದರ್‌ಡ್ ಅಮ್ಮೆರೆಡ ಒವೆನ್ ಕೇನೊಂಡಲಾ ಆಯೆ ನಿಕ್ಲೆಗ್ ಕೊರ್ಪೆ.

ಯೋಹಾನೆ 15:2

ಎನಡಿತ್ತ್‌ದ್ ಫಲ ಕೊರಂದಿ ಪ್ರತಿಯೊಂಜಿ ಗೆಲ್ಲ್‌ಲೆನ್ ಆಯೆ ದೆತ್ತ್ ಪಾಡ್ವೆ. ಫಲ ಕೊರ್ಪಿನ ಪ್ರತಿಯೊಂಜಿ ಗೆಲ್ಲ್‌ಲೆನ್ ಹೆಚ್ಚ್ ಫಲ ಕೊರ್ಪಿಲೆಕ್ಕ ಅವೆನ್ ಶುದ್ಧ ಮಲ್ಪುವೆ.

ಯೋಹಾನೆ 15:8

ನಿಕುಲು ಹೆಚ್ಚ್ ಫಲ ಕೊರ್ಪಿನೆಡ್ದೇ ಎನ ಅಮ್ಮೆರೆಗ್ ಮೈಮೆ ಉಂಡಾಪುಂಡು, ಅವೆಡ್ದ್ ನಿಕುಲು ಎನ ಶಿಷ್ಯೆರಂದ್‌ದ್ ತೋಜಾವುಂಡು.

ರೋಮಾಯೆರೆಗ್ 15:28

ಯಾನ್ ಈ ಬೇಲೆನ್ ಮುಗಿತ್‌ದ್ ಈ ಪ್ರೀತಿದ ಫಲೊನು ಅಲ್ತಕುಲೆನ ವಶೊಕ್ಕು ಕೊರಿ ಬೊಕ್ಕ ಅಲ್ತ್‌ಡ್ದ್ ಸ್ಪೇನ್ ದೇಶೊಗು ಪೋಪೆ.

ರೋಮಾಯೆರೆಗ್ 6:22

ಇತ್ತೆ ಆಂಡಲಾ ನಿಕುಲು ಪಾಪೊಡ್ದು ಬುಡುಗಡೆ ಪಡೆದ್ ದೇವೆರೆಗ್ ಗುಲಾಮೆರ್ ಆಯಿನೆಡ್ದ್ ಪರಿಶುದ್ಧೆರಾಪಿನವೇ ನಿಕ್ಲೆಗ್ ಫಲ. ಕಡೆಕ್ಕ್ ತಿಕ್ಕುನಂಚಿನವು ನಿತ್ಯಜೀವ.

1 ಕೊರಿಂಥ್ಯೆರೆಗ್ 10:31

ಅಂಚಾದ್ ನಿಕುಲು ತಿಂದ್‌ಂಡಲಾ ಪರ್‌ಂಡಲಾ ದಾನೆ ಮಲ್ತ್ಂಡಲಾ ಮಾತೆನ್ಲಾ ದೇವೆರೆ ಮೈಮೆಗ್ ಮಲ್ಪುಲೆ.

2 ಕೊರಿಂಥ್ಯೆರೆಗ್ 9:10

ದೇವೆರ್ ಬಿತ್ತುನಾಯಗ್ ಬಿತ್ತ್‌ಲಾ, ತಿನ್ಪಿನಾಯಗ್ ನುಪ್ಪುಲಾ ಕೊರ್ದು ಅಂಚೆನೇ ನಿಕ್ಲೆಗ್ ಬಿತ್ತೆರೆ ಬಿತ್ತ್‌ನ್ ಕೊರ್ದು ಅವೆನ್ ಹೆಚ್ಚ್ ಮಲ್ತ್‌ದ್ ನಿಕ್ಲೆ ನೀತಿದ ಫಲ ಹೆಚ್ಚಾಪಿಲೆಕ್ಕ ಮಲ್ಪುವೆ.

ಎಫೆಸ್ಯೆರೆಗ್ 1:14

ದೇವೆರ್ ತನ ಸ್ವಂತ ಜನೊಕುಲೆನ ಬುಡುಗಡೆಗಾದ್ ಪರಿಶುದ್ಧಾತ್ಮೆನೇ ನಮ ಬಾಧ್ಯಸ್ತಿಗೆದ ಆಧಾರ ಆದುಲ್ಲೆ. ಈ ಕಾರಣೊಡ್ದು ನಮ ದೇವೆರೆನ್ ಪುಗರೊಂದು ಮೈಮೆನ್ ಸಂದಾಗ.

ಎಫೆಸ್ಯೆರೆಗ್ 2:10

ದಾಯೆಗಂದ್ಂಡ ನಮ ದೇವೆರೆ ಕೈಬೇಲೆ. ಕ್ರಿಸ್ತ ಯೇಸುಡು ಎಡ್ಡೆ ಕಾರ್ಯೊಲೆನ್ ಮಲ್ಪೆರೆಗಾದ್ ನಮನ್ ಉಂಡು ಮಲ್ತ್‌ದೆ. ಉಂದೆಟ್ಟ್ ನಡಪುಲೆಕ್ಕ ದೇವೆರ್ ನಮನ್ ದುಂಬೇ ನೇಮಕ ಮಲ್ತ್‌ದೆ.

ಎಫೆಸ್ಯೆರೆಗ್ 5:9

ದಾಯೆಗಂದ್ಂಡ ನಿಕ್ಲೆ ಉಲಯಿಡುಪ್ಪುನ ಈ ಬೊಲ್ಪು ಎಡ್ಡೆಂತಿನೆನ್ಲಾ ನೀತಿನ್ಲಾ, ಸತ್ಯೊನ್ಲಾ ಮಾತ್ರ ಉಂಡು ಮಲ್ಪುಂಡು.

ಫಿಲಿಪ್ಪಿಯೆರೆಗ್ 4:17

ನಿಕ್ಲೆಡ್ದ್ ಎಂಕ್ ಸಹಾಯ ಬೋಡಂದ್‌ದ್ ಈ ಪಾತೆರ ಪನೊಂದಿಜ್ಜಿ. ಆಂಡ ನಿಕ್ಲೆ ಲೆಖ್ಖೊಗು ಬೂರು ಉಡಿಗೆರೆ ಹೆಚ್ಚಾವೊಡು ಅಂದ್‌ದ್ ಬಯಕುವೆ. ಇತ್ತೆ ಎಂಕ್ ಬೋಡಾಪಿನಾತ್ ಎನಡ ದಾರಾಳ ಆದುಂಡು.

ಕೊಲೊಸ್ಸಿಯೆರೆಗ್ 1:10

ಬೊಕ್ಕ ಕರ್ತವಗ್ ಮೆಚ್ಚಿಗೆಯಾದ್ ಏಪಲಾ ಯೋಗ್ಯೆರಾದ್ ನಡತ್‌ದ್ ಪ್ರತಿ ಒಂಜಿ ವಿಷಯೊಡ್ಲಾ ಸಂತೋಷ ಕೊರ್ಪಿನಕುಲಾದುಪ್ಪುಲೆ. ನಿಕ್ಲೆ ಎಡ್ಡೆ ಕೆಲಸೊಡು ಫಲ ಕೊರ್ದು ದೇವೆರೆ ಗೇನೊಡು ಬಲತೊಂದು ಪೋಲೆ.

ಕೊಲೊಸ್ಸಿಯೆರೆಗ್ 1:6

ನಿಕುಲು ಸತ್ಯೊಡು ದೇವೆರೆ ದಯೊನು ಕೇಂಡ್ದ್ ಅರ್ಥ ಮಲ್ತೊಂದಿನ ದಿನೊಡ್ದಿಂಚಿ, ಈ ಸುವಾರ್ತೆ ಫಲ ಕೊರ್ದು ಬುಲೆಪುಲೆಕ್ಕನೇ ಇಡೀ ಲೋಕೊಡು ದಿಂಜಿದ್ ಫಲ ಕೊರ್ದು ಬುಲೆವೊಂದುಂಡು.

2 ಥೆಸಲೋನಿಕೆರೆಗ್‌ 1:12

ಇಂಚ ನಮ ದೇವೆರೆನಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನಲಾ ದಯೆಡ್ದ್ ನಮ ಕರ್ತವೆ ಆದುಪ್ಪು ಯೇಸು ಪುದರ್‌ಗ್ ಮೈಮೆ ಆವಡ್ ಬೊಕ್ಕ ಆಯಡ್ದ್ ನಿಕ್ಲೆಗ್ಲಾ ಮೈಮೆ ಆವಡ್. ಆಮೆನ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:14

ನಮ್ಮ ಜನೊಕುಲು ಫಲದಾಂತಿನಾಕುಲು ಆದುಪ್ಪಂದಿಲೆಕ್ಕ ಬೋಡಿತ್ತಿ ಸಂಗತಿಲೆಗಾದ್ ಎಡ್ಡೆ ಬೇಲೆಲೆನ್ ಮಲ್ಪೆರೆ ಕಲ್ತೊನಡ್.

ಇಬ್ರಿಯೆರೆಗ್ 12:11

ವಾ ಶಿಕ್ಷೆ ಆಂಡಲಾ ಆ ಸಮಯೊಗು ನಂಕ್ ಸಂತೋಷದವು ಆದ್ ತೋಜಂದೆ ದುಃಖದವು ಆದ್ ತೋಜುಂಡು, ಆಂಡಲಾ ಐಡ್ದ್ ಬೊಕ್ಕ ಅವು ಶಿಕ್ಷೆ ಪಡೆಪಿನಾಕುಲೆಗ್ ನೀತಿ ಪನ್ಪಿ ಫಲೊನು ಕೊರ್ದು ಮನಸ್‌ಗ್ ಸಮಾಧಾನೊನು ಉಂಡು ಮಲ್ಪುಂಡು.

1 ಪೇತ್ರೆ 2:12

ನಿಕ್ಲೆನ ನಡತೆ ಲೋಕದ ಜನೊಕುಲೆ ನಡುಟು ಎಡ್ಡೆಂತಿನವು ಆದುಪ್ಪಡ್; ಅಪಗ ಅಕುಲು ವಾ ಸಂಗತಿಡ್ ನಿಕ್ಲೆನ್ ಅಕ್ರಮದಾಕುಲು ಅಂದ್‌ದ್ ನಿಂದನೆ ಮಲ್ಪುವೆರಾ, ಅಂಚೆನೆ ನಿಕ್ಲೆನ ಎಡ್ಡೆ ನಡತೆನ್ ತೂದು ಆಯೆ ಕುಡ ಬರ್ಪಿ ದಿನೊಟು ಅಕುಲು ದೇವೆರೆನ್ ಪುಗರ್‌ವೆರ್.

1 ಪೇತ್ರೆ 2:5

ಐತ ಲೆಕ್ಕನೇ ನಿಕುಲುಲಾ ಜೀವ ಇತ್ತಿ ಕಲ್ಲ್‌ಲು ಆದುಲ್ಲರ್. ನಿಕ್ಲೆನ್ ದೇವೆರ್ ಆತ್ಮಸಮ್ಮಂಧವಾಯಿನ ಮಂದಿರದಂಚ ಕಟ್ಟಾವೊಂದು ಉಲ್ಲರ್. ಬೊಕ್ಕ ಯೇಸು ಕ್ರಿಸ್ತಡ್ದ್ ದೇವೆರೆಗ್ ಒಪ್ಪಿಗೆ ಇತ್ತಿ ಆತ್ಮೀಕ ಬಲಿನ್ ಸಮರ್ಪಣೆ ಮಲ್ಪುನ ಪರಿಶುದ್ಧ ಯಾಜಕ ವರ್ಗದಾಕುಲಾದುಲ್ಲರ್.

1 ಪೇತ್ರೆ 2:9

ಆಂಡ ನಿಕುಲು ಅಜತ್‌ದಿನ ಜನಾಂಗೊಲು, ಮಾಮಲ್ಲ ಯಾಜಕ ವರ್ಗದಾಕುಲು, ಪರಿಶುದ್ಧ ಜನಾಂಗೊಲು, ದೇವೆರೆನ ಸ್ವಂತ ಜನೊಕುಲು ಆದುಲ್ಲರ್. ದೇವೆರೆ ಕಾರ್ನಿಕೊಲೆನ್ ತೆರಿಪಾವೆರೆ ಅಜತ್‌ದಿನಾಕುಲು ಆದುಪ್ಪುನೆಡ್ದ್ ದೇವೆರ್ ನಿಕ್ಲೆನ್ ಪಾಪದ ಗರ್ಗಂಡ ಕತ್ತಲೆಡ್ದ್ ಲೆತ್ತ್‌ದ್ ತನ ಮೈಮೆದ ಬೊಲ್ಪುಗು ಸೇರಾದಿನಾಯೆ ಆಯೆನೇ.

1 ಪೇತ್ರೆ 4:14

ಕ್ರಿಸ್ತನ ಪುದರ್‌ಗಾದ್ ನಿಕ್ಲೆಗ್ ನಿಂದೆ ಮಲ್ಪುವೆರ್ಡ, ನಿಕುಲು ಭಾಗ್ಯವಂತೆರ್. ದಾಯೆಗಂದ್ಂಡ ಮೈಮೆದ ಆತ್ಮೆ ಆದುಪ್ಪು ದೇವೆರೆ ಆತ್ಮೆ ನಿಕ್ಲೆ ಮಿತ್ತ್ ನಿಲೆ ಆದುಂಡು.