ಫಿಲಿಪ್ಪಿಯೆರೆಗ್ 1:10 - ಪೊಸ ಒಡಂಬಡಿಕೆ

¹⁰ ನಿಜಾದ್ ಅವಶ್ಯ ಉಪ್ಪುನವು ದಾನೆಂದ್ಂಡ ನಿಕುಲು ಸರಿಯಾದ್ ತೆರಿಯೊಂದು, ಕ್ರಿಸ್ತೆ ಬನ್ನಮುಟ್ಟ ನಿರ್ಮಲ ಆದಿತ್ತ್‌ದ್ ವಾ ಕಪಟದಾಂತಿನಾಕುಲಾದ್ ಉಪ್ಪೊಡಂದ್‌ದೇ ಎನ ಆಸೆ.

ಫಿಲಿಪ್ಪಿಯೆರೆಗ್ 1:10 Cross References

ಮತ್ತಾಯೆ 16:23

ಐಕ್ ಆಯೆ ತಿರ್ಗ್‌ದ್ ಪೇತ್ರಡ, “ಸೈತಾನ, ಎನ ದುಂಬು ಉಂತಡ, ಎಂಕ್ ಈ ಅಡ್ಡಿ ಆದುಲ್ಲ; ನಿನ ಆಲೋಚನೆ ನರಮಾನಿನ ಆಲೋಚನೆ ಅತ್ತಂದೆ ದೇವೆರೆನವು ಅತ್ತ್,” ಅಂದ್‌ದ್ ಪಂಡೆ.

ಮತ್ತಾಯೆ 26:33

ಆಂಡ ಪೇತ್ರೆ ಆಯಡ, “ಮಾತೆರ್ಲಾ ನಿನ ಬಗೆಟ್ ಪೋಡಿದ್ ಪಿರಜಾರಿಯೆರ್ಡಲಾ ಯಾನ್ ಏಪೊಗ್ಲಾ ಪಿರಜಾರಯೆ,” ಅಂದ್‌ದ್ ಉತ್ತರ ಕೊರಿಯೆ.

ಯೋಹಾನೆ 1:47

ಯೇಸು ತನ ಕೈತಲ್‌ ಬರ್ಪಿ ನತಾನಿಯೇಲನ್ ತೂದು ಆಯ ಸಂಗತಿಡ್, “ಇಂದಾ, ಆಯೆ ನಿಜ ಇಸ್ರಾಯೇಲ್ಯೆ, ಆಯಡ ಕಪಟ ಇಜ್ಜಿ!” ಪಂಡೆ.

ಯೋಹಾನೆ 3:20

ಹಾಳ್ ಬೇಲೆ ಮಲ್ಪುನಾಕುಲು ಬೊಲ್ಪುನು ಪಗೆ ಮಲ್ಪುವೆರ್, ಅಕುಲು ಬೊಲ್ಪುಗು ಬರ್ಪುಜೆರ್ ದಾಯೆಗಂದ್ಂಡ ಅಕ್ಲೆನ ಹಾಳ್ ಕೆಲಸೊಲೆನ್ ಬೊಲ್ಪು ತೋಜಾದ್ ಕೊರ್ಪುಂಡು.

ಅಪೊ.ಕ್ರಿ 24:16

ಈ ಕಾರಣೊಡ್ದಾವರ, ದೇವೆರೆ ಎದುರುಲಾ ನರಮಾನಿಲೆ ಎದುರುಲಾ ಏಪಲಾ ಕಲೆದಾಂತಿ ಮನಸಾಕ್ಷಿ ಉಪ್ಪುಲೆಕ್ಕ ಪೇಚಾಡುವೆ.

ರೋಮಾಯೆರೆಗ್ 12:2

ಲೋಕದ ನಡತೆಗ್ ಸರಿಯಾದ್ ನಡಪಂದೆ ಪೊಸ ಮನಸ್‌ನ್ ಪಡೆಯೊಂದು ಪರಲೋಕದಾಕುಲಾಲೆ. ಇಂಚಾಂಡ ದೇವೆರೆ ಚಿತ್ತೊಗು ಸರಿಯಾಯಿನವು ಅಂದ್ಂಡ ಎಡ್ಡೆಂತಿನವುಲಾ, ಮೆಚ್ಚಿಗೆ ಆಯಿನವುಲಾ, ದೋಷದಾಂತಿನವುಲಾ ಒವ್ವು ಅಂದ್‌ದ್ ತೆರಿಯೊನ್ವರ್.

ರೋಮಾಯೆರೆಗ್ 12:9

ಅಂಚೆನೇ ನಿಕ್ಲೆನ ಪ್ರೀತಿ ಕಪಟದಾಂತಿನವು ಆದುಪ್ಪಡ್. ಬೊಡ್ಚಾಂದಿನೆನ್ ಬುಡ್ದು ಎಡ್ಡೆಂತಿನೆನ್ ಪತ್ತೊನ್ಲೆ.

ರೋಮಾಯೆರೆಗ್ 16:17

ಎನ ಸಹೋದ್ರೆರೇ, ನಿಕುಲು ಕಲ್ತೊಂಡಿ ಬೋಧನೆಗ್ ವಿರೋಧಾದ್ ಭೇದ ಆತಂಕ ಮಲ್ಪುನಾಕುಲೆ ಮಿತ್ತ್ ಕಣ್ಣ್ ದೀದ್ ಅಕ್ಲೆಡ್ದ್ ದೂರ ಉಪ್ಪುಲೆ ಪಂಡ್ದ್ ನಿಕ್ಲೆಡ ನಟ್ಟೊನ್ವೆ.

ರೋಮಾಯೆರೆಗ್ 2:18

ಆಯನ ಚಿತ್ತೊನು ತೆರಿದಿನಾಯೆಲಾ ನ್ಯಾಯಕಟ್ಟ್‌ದ ಬೋಧನೆ ಪಡೆದ್ ಉಂದು ತಕ್ಕ್‌ದವು ಅತ್ತಾ ಅಂದಾ ಪಂಡ್ದ್ ಗೊತ್ತು ಮಲ್ಪುನಾಯೆಲಾ ಆದುಲ್ಲ.

ರೋಮಾಯೆರೆಗ್ 7:16

ಆಂಡ ಯಾನ್ ಮಲ್ಪೆರೆ ಎನ ಮನಸ್ ಒಪ್ಪಿಜಿಡ ನ್ಯಾಯಕಟ್ಟ್ ಎಡ್ಡೆಂತಿನವು ಅಂದ್‌ದ್ ಒಪ್ಪಿಯೊಂಡಿಲೆಕ್ಕ ಆಂಡ್.

ರೋಮಾಯೆರೆಗ್ 7:22

ಅಂತರ್ಯದ ಉಲಯಿ ದೇವೆರೆ ನಿಯಮೊಲೆಡ್ ಸಂತೋಷ ಪಡೆಪಿನಾಯೆ ಆದುಲ್ಲೆ. ಆಂಡ ಅಂಗೊಲೆಡ್ ಬೇತೆ ಒಂಜಿ ನಿಯಮ ಉಂಡು ಪಂಡ್ದ್ ತೂಪೆ.

ರೋಮಾಯೆರೆಗ್ 8:7

ಅಂಚಾದ್, ತನ್ಕುಲೆ ಶರೀರಭಾವೊಡು ನಡಪುಡುನಾಕುಲು ದೇವೆರೆಗ್ ವೈರಿಲಾಪೆರ್; ಅಕುಲು ದೇವೆರೆ ನಿಯಮೊಲೆನ್ ಕೈಕೊನುಜೆರ್, ಕೈಕೊನಿಯೆರೆ ಅಕ್ಲೆಗ್ ಆಪಿನವುಲಾ ಇಜ್ಜಿ.

1 ಕೊರಿಂಥ್ಯೆರೆಗ್ 1:8

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ಕುಡೊರ ಬನ್ನಗ, ಏರ್ಲಾ ನಿಕ್ಲೆ ಮಿತ್ತ್ ದೂರು ಪಾಡಂದಿಲೆಕ್ಕ ಆಯೆ ನಿಕ್ಲೆನ್ ಕಡೆ ಮುಟ್ಟ ದೃಢ ಮಲ್ಪುವೆ.

1 ಕೊರಿಂಥ್ಯೆರೆಗ್ 10:32

ಯೆಹೂದ್ಯೆರೆಗಾವಡ್, ಗ್ರೀಕೆರೆಗಾವಡ್, ದೇವೆರೆ ಸಭೆಕಾವಡ್ ಅಡ್ಡಿ ಆದುಪ್ಪಡೆ.

1 ಕೊರಿಂಥ್ಯೆರೆಗ್ 8:13

ಅಂಚಾದ್, ತಿನ್ಪಿನೆಟ್ ಎನ ಸಹೋದ್ರಗ್ ಅಡ್ಡಿ ಆಪಿನಾಂಡ ಯಾನ್ ಏಪೊಗ್ಲಾ ಮಾಸನೇ ತಿನಯೆ; ಯಾನ್ ಎನ ಸಹೋದ್ರಗ್ ಅಡ್ಡಿ ಆಯೆರೆ ಬಲ್ಲಿ ಅತ್ತಾ?

2 ಕೊರಿಂಥ್ಯೆರೆಗ್ 1:12

ಎಂಕುಲು ನರಮಾನಿ ಗೇನೊನು ಅತ್ತಂದೆ, ದೇವೆರೆ ದಯೊನು ಆಶ್ರಯ ಮಲ್ತೊಂದ. ದೇವೆರೆಡ್ದ್ ಉಂಡಾಪಿನ ಸಜ್ಜನಿಗೆಡ್ಲಾ ಕಪಟದಾಂತೆಲಾ ಈ ಲೋಕೊಡು ವಿಶೇಷವಾದ್ ನಿಕ್ಲೆ ಎದುರುಡು ನಡತೊಂಡ ಅಂದ್‌ದ್ ಎಂಕುಲೆ ಮನಸ್ ಸಾಕ್ಷಿ ಪನ್ಪುಂಡು; ಉಂದೇ ಎಂಕ್ಲೆಗ್ ಉಪ್ಪುನ ಪುಗರಿಕೆ.

2 ಕೊರಿಂಥ್ಯೆರೆಗ್ 2:17

ಆಂಡ ಎಂಕುಲು ದೇವೆರೆ ಪಾತೆರೊನು ಬೆರಕೆ ಮಲ್ಪುನು ವ್ಯಾಪಾರದಾಕುಲೆ ಲೆಕ್ಕ ಉಪ್ಪಂದೆ ಯಥಾರ್ಥ ಆದ್ ದೇವೆರೆಡ್ದ್ ಬತ್ತಿಲೆಕ್ಕನೇ ಯೇಸು ಕ್ರಿಸ್ತನ ಅನ್ಯೊನ್ಯತೆಡ್ ಇತ್ತೊಂದು ದೇವೆರೆ ಉಪಸ್ಥಿತಿಟ್ಟೇ ಪಾತೆರೊಂದೆ ಉಪ್ಪುವ.

2 ಕೊರಿಂಥ್ಯೆರೆಗ್ 6:3

ಎಂಕುಲೆ ಸೇವೆನ್ ದೂರಂದಿಲೆಕ್ಕ ಎಂಕುಲು ಏರೆಗ್ಲಾ ಅಡ್ಡಿ ಮಲ್ಪುಜ.

2 ಕೊರಿಂಥ್ಯೆರೆಗ್ 8:8

ಉಂದೆನ್ ಯಾನ್ ನಿಕ್ಲೆಗ್ ಅಪ್ಪಣೆ ಅಂದ್‌ದ್ ಪನಂದೆ, ಬೇತೆಕ್ಲೆನ ಆಸಕ್ತಿದ ಎದುರು ನಿಕ್ಲೆನ ಪ್ರೀತಿಲಾ ನಿಜನೇ ಅಂದ್‌ದ್ ಪರೀಕ್ಷೆ ಮಲ್ಪೊಡಂದ್‌ದ್ ಪನ್ಪೆ.

ಗಲಾತ್ಯೆರೆಗ್ 5:11

ಸಹೋದ್ರೆರೇ, ಸುನ್ನತಿ ಮಲ್ಪೊಡಂದ್‌ದ್ ನನಲಾ ಸಾರಿಯುವೆಡ ಎಂಕ್ ನನಲಾ ಭಂಗ ದಾಯೆಗ್? ಅಂಚಾದಿತ್ತ್ಂಡ ಕ್ರುಸ್ಸುದ ದಿಸೆಡ್ದ್ ಉಂಡಾತಿನ ಆತಂಕ ಪೋಂಡತ್ತಾ?

ಎಫೆಸ್ಯೆರೆಗ್ 4:15

ಐತ ಪಗತೆಗ್ ಪ್ರೀತಿಡ್ ಸತ್ಯೊನೇ ಪಾತೆರೊಂದು ಸಭೆತ ತರೆ ಆದುಪ್ಪು ಕ್ರಿಸ್ತಡ್ ಬಲಪೊಡು.

ಎಫೆಸ್ಯೆರೆಗ್ 5:10

ಕರ್ತವಗ್ ಮೆಚ್ಚಿಗೆ ಇತ್ತಿನವು ಒವ್ವು ಅಂದ್‌ದ್ ಕಲ್ತೊನ್ಲೆ.

ಎಫೆಸ್ಯೆರೆಗ್ 5:27

ಅವೆನ್ ಕಲಂಕ್, ನೆರಿ ಇಂಚಿತ್ತಿ ಒವುಲಾ ಇಜ್ಜಂದೆ, ಪರಿಶುದ್ಧೆರ್ಲಾ ದೋಷದಾಂತಿನಾಕುಲುಲಾ ಮೈಮೆದವುಲಾ ಇತ್ತಿ ಸಭೆತ ಲೆಕ್ಕನೇ ತನ್ಕಾದ್ ಅರ್ಪಣೆ ಮಲ್ತೆ.

ಎಫೆಸ್ಯೆರೆಗ್ 6:24

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ್ ಏಪಲಾ ಪ್ರೀತಿ ಮಲ್ಪುನಾಕುಲೆಗ್ ಮಾತೆರೆಗ್ ದೇವೆರೆ ದಯ ಉಪ್ಪಡ್. ಆಮೆನ್.

ಫಿಲಿಪ್ಪಿಯೆರೆಗ್ 1:16

ಮೊಕುಲಾಂಡಲಾ ಯಾನ್ ಸುವಾರ್ತೆನ್ ಒರಿಪಾವೆರೆಗಾದ್ ಯಾನ್ ಮೂಲು ಉಲ್ಲೆ ಅಂದ್‌ದ್ ತೆರಿಯೊಂದು ಪ್ರೀತಿಡ್ ಸುವಾರ್ತೆ ಸಾರಿಯುವೆರ್.

ಫಿಲಿಪ್ಪಿಯೆರೆಗ್ 1:6

ಈ ಎಡ್ಡೆ ಬೇಲೆನ್ ನಿಕ್ಲೆಡ್ ಸುರು ಮಲ್ತ್‌ದಿನ ದೇವೆರ್ ಅವೆನ್ ದುಂಬು ಸಾಗಾದ್ ಯೇಸು ಕ್ರಿಸ್ತೆ ಬನ್ನಮುಟ್ಟ ಪೂರ್ತಿ ಮಲ್ಪುವೆ ಪನ್ಪಿ ಭರವಸ ಎಂಕ್ ಉಂಡು.

1 ಥೆಸಲೋನಿಕೆರೆಗ್‌ 3:13

ನಮ ಕರ್ತವೆ ಆದುಪ್ಪು ಯೇಸು ನಿಕ್ಲೆ ಉಡಲ್‌ನ್ ದೃಢ ಮಲ್ತ್‌ದ್ ತನ ಮಾತ ಭಕ್ತೆರೆಡೊಪ್ಪ ಬನ್ನಗ, ನಮ ಅಮ್ಮೆ ಆದುಪ್ಪು ದೇವೆರೆ ಎದುರು ನಿಕುಲು ಪರಿಶುದ್ಧೆರಾದ್, ಕಲೆದಾಂತೆ ಉಪ್ಪುಲೆಕ್ಕ ಮಲ್ಪಡ್.

1 ಥೆಸಲೋನಿಕೆರೆಗ್‌ 5:21

ಆಂಡ ಮಾತೆನ್ಲಾ ಪರೀಕ್ಷೆ ಮಲ್ತ್‌ದ್, ಐಟ್ಟ್ ಎಡ್ಡೆಂತಿನೆನೇ ಗಟ್ಟಿಯಾದ್ ಪತ್ತೊನ್ಲೆ.

1 ಥೆಸಲೋನಿಕೆರೆಗ್‌ 5:23

ಸಮಾಧಾನದ ದೇವೆರ್ ತಾನೇ ನಿಕ್ಲೆನ್ ಪೂರ್ತಿ ಆದ್ ಪರಿಶುದ್ಧ ಮಲ್ಪಡ್. ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ಬರ್ಪಿನ ಸಮಯೊಡು, ನಿಕ್ಲೆ ಆತ್ಮ, ಪ್ರಾಣ, ಶರೀರ, ತಪ್ಪುದಾಂತೆ ಪರಿಪೂರ್ಣ ಆದ್ ತೋಜುಲೆಕ್ಕ ಕಾಪಡ್.

1 ಯೋಹಾನೆ 4:1

ಪ್ರೀತಿದಾಕುಲೇ, ಮಸ್ತ್ ಮಂದಿ ಸುಳ್ಳು ಪ್ರವಾದಿಲು ಲೋಕದುಲಯಿ ಬೈದಿನೆಡ್ದ್ ನಿಕುಲು ಆತ್ಮಸಮ್ಮಂಧವಾಯಿನ ಮಾತ ಪಾತೆರೊಲೆನ್ ನಂಬಡೆ, ಆ ಪಾತೆರೊಲು ದೇವೆರೆಡ್ದ್ ಬೈದಿನವಾ ಪಂಡ್ದ್ ತೆರಿಯೊನಿಯೆರೆಗಾದ್ ಪರೀಕ್ಷೆ ಮಲ್ಪುಲೆ.

ಪ್ರಕಟಣೆ 2:2

ನಿನ ಕೆಲಸೊಲೆನ್ಲಾ ಈ ಸೊಂದುನೆನ್ಲಾ ನಿನ ತಾಳ್ಮೆನ್ಲಾ ಯಾನ್ ತೆರಿದೆ; ಈ ದುಷ್ಟೆರೆನ್ ಸಹಿಸೊನುಜ; ತನ್ಕುಲೆನ್ ಅಪೊಸ್ತಲೆರ್ ಅಂದ್‌ದ್ ಪಂಡೊನುನಾಕುಲೆನ್ ಈ ಪರೀಕ್ಷೆ ಮಲ್ತ್‌ದ್ ತೂದು ಅಕುಲು ಸುಳ್ಳುಗಾರೆರ್ ಪಂಡ್ದ್ ನಾಡ್ದ್ ಪತ್ತಿಯ.