ಫಿಲಿಪ್ಪಿಯೆರೆಗ್ 1:1 - ಪೊಸ ಒಡಂಬಡಿಕೆ

^1-2 ಕ್ರಿಸ ಯೇಸುನ ದಾಸೆರಾದುಪ್ಪು ಪೌಲುಲಾ ತಿಮೋಥಿಲಾ ಫಿಲಿಪ್ಪಿಡುಪ್ಪು ಕ್ರಿಸ್ತ ಯೇಸುಡು ದೇವಜನೊಕುಲೆಗ್ಲಾ ಸಭಾದ್ಯಕ್ಷೆರೆಗ್ಲಾ ಸಭಾಸೇವಕೆರೆಗ್ಲಾ ಬರೆಪಿನಿ ದಾನೆಂದ್ಂಡ, ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

ಫಿಲಿಪ್ಪಿಯೆರೆಗ್ 1:1 Cross References

ಮಾರ್ಕೆ 13:34

ಒರಿ ನರಮಾನಿ ತನ ಇಲ್ಲನ್ ಬುಡ್ದು ಬೇತೆ ಒಂಜಿ ದೇಶೊಗು ಪೋನಗ, ತನ ಬೇಲೆದಾಕುಲೆಗ್ ಇಲ್ಲದ ಅಧಿಕಾರೊನು ಒಪ್ಪಿಯಾದ್ ಕೊರ್ದು, ಪ್ರತಿ ಒರಿಯಗ್ ಆಯಾಯನ ಬೇಲೆನ್ ನೇಮಕ ಮಲ್ತ್‌ದ್, ಬಾಕಿಲ್ ಕಾಪುನಾಯನ್ ಲೆತ್ತ್‌ದ್, ಈ ಎಚ್ಚರಿಕೆ ಆದುಪ್ಪೊಡು ಅಂದ್‌ದ್ ಅಪ್ಪಣೆ ಕೊರಿ ಲೆಕ್ಕ ಆದುಂಡು.

ಯೋಹಾನೆ 12:26

ಏರಾಂಡಲಾ ಎನ ಸೇವೆ ಮಲ್ಪುನಾಂಡ, ಎನ ಬೆರಿಯೆ ಬರಡ್; ಬೊಕ್ಕ ಯಾನ್ ಓಲು ಉಪ್ಪುವೆನಾ ಅವುಲು ಎನ ಸೇವಕೆಲಾ ಉಪ್ಪುವೆ. ಏರಾಂಡಲಾ ಎನ ಸೇವೆ ಮಲ್ಪುನಾಂಡ ಎನ ಅಮ್ಮೆ ಆಯಗ್ ಸನ್ಮಾನ ಮಲ್ಪುವೆ.

ಅಪೊ.ಕ್ರಿ 1:20

“ಆಯನ ಸಂಗತಿಡ್, ‘ಆಯನ ಇಲ್ಲ್ ಹಾಳಾದ್ ಪೋವಡ್, ಐಟ್ಟ್ ಒಕ್ಕೆಲ್‌ದಾಂತೆ ಉಪ್ಪಡ್, ಆಯನ ಉದ್ಯೋಗ ನನೊರಿಯಗಾವಡ್,’ ಪಂಡ್ದ್‌ಲಾ, ಕೀರ್ತನೆ ಗ್ರಂಥೊಡು ಬರೆದುಂಡು.”

ಅಪೊ.ಕ್ರಿ 20:28

ದೇವೆರ್ ಸ್ವಂತ ನೆತ್ತೆರೆಡ್ದ್ ಪಡೆವೊಂದಿನ ಸಭೆಕ್ ನಿಕುಲು ಕುರುಬೆರಾದ್ ಉಲ್ಲರ್. ಐಡ್ದಾವರ ನಿಕ್ಲೆನ ಸಂಗತಿಡ್ಲಾ ಪರಿಶುದ್ಧಾತ್ಮೆ ನಿಕ್ಲೆನ ಪಾಲನೆ ವೈಸೊಂದಿನ ಪುಂಡುದ ಸಂಗತಿಡ್ಲಾ ಮಸ್ತ್ ಎಚ್ಚರಿಕೆಡ್ ಉಪ್ಪುಲೆ.

ಅಪೊ.ಕ್ರಿ 9:13

ಐಕ್ ಅನನೀಯೆ, “ಕರ್ತವಾ, ಈ ನರಮಾನಿ ಯೆರೂಸಲೇಮುಡು ನಿನನ್ ನಂಬಿನ ದೇವಜನೊಕುಲೆಗ್ ಮಸ್ತ್ ಕಷ್ಟ ಕೊರೊಂದುಲ್ಲೆ ಪನ್ಪಿನ ಮಸ್ತ್ ಜನೊಕುಲೆಡ್ದ್ ಕೇಂಡ್ದೆ.

ರೋಮಾಯೆರೆಗ್ 1:1

ಯಾನ್ ಪೌಲು, ಯೇಸು ಕ್ರಿಸ್ತೆ ದಾಸೆಲಾ ಅಪೊಸ್ತಲೆ ಆವೆರೆ ಲೆಪ್ಪು ಇತ್ತಿನಾಯೆಲಾ ದೇವೆರೆ ಸುವಾರ್ತೆನ್ ಸಾರಿಯೆರೆ ನೇಮಕ ಆತಿನಾಯೆಲಾ ಆದುಲ್ಲೆ.

ರೋಮಾಯೆರೆಗ್ 1:7

ಅಂಚೆನೆ ರೋಮಾಪುರೊಟ್ಟುಪ್ಪು ದೇವೆರೆ ಪ್ರೀತಿದಾಕುಲೆಗ್ಲಾ ಲೆಪ್ಪು ಆತಿ ದೇವಜನೊಕುಲೆಗ್ಲಾ ಮಾತೆರೆಗ್ ಬರೆಪಿನಿ ದಾನೆಂದ್ಂಡ, ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

1 ಕೊರಿಂಥ್ಯೆರೆಗ್ 16:10

ತಿಮೋಥಿ ಬತ್ತೆಡ ಆಯೆ ನಿಕ್ಲೆಡೊಪ್ಪ ಪೋಡಿಗೆದಾಂತೆ ಉಪ್ಪುಲೆಕ್ಕ ತೂವೊನ್ಲೆ. ಆಯೆ ಎನಲೆಕ್ಕನೇ ಕರ್ತವ ಸೇವೆನ್ ಮಲ್ತೊಂದುಲ್ಲೆ.

2 ಕೊರಿಂಥ್ಯೆರೆಗ್ 1:1

ದೇವೆರೆ ಚಿತ್ತದ ಪ್ರಕಾರ ಕ್ರಿಸ್ತ ಯೇಸುನ ಅಪೊಸ್ತಲೆ ಆಯಿ ಪೌಲುಲಾ ನಮ ಸಹೋದರೆ ಆಯಿ ತಿಮೋಥಿ ಕೊರಿಂಥ್ಯೊಡುಪ್ಪು ದೇವೆರೆ ಸಭೆಕ್ಲಾ ಅಖಾಯ ಸೀಮೆಡುಪ್ಪು ಮಾತ ದೇವಜನೊಕುಲೆಗ್ಲಾ ಈ ಪತ್ರಿಕೆನ್ ಬರೆಪಿನಿ.

ಗಲಾತ್ಯೆರೆಗ್ 1:10

ಯಾನ್ ಇತ್ತೆ ಏರೆನ್ ಒಪ್ಪಿಯಾವೆರೆ ಪ್ರಯತ್ನ ಮಲ್ತೊಂದುಲ್ಲೆ? ನರಮಾನಿಲೆನಾ? ದೇವೆರೆನಾ? ಅತ್ತ್‌ಡ ಯಾನ್ ನರಮಾನಿಲೆನ್ ಮೆಚ್ಚಾವೆರೆ ತೂಪೆನಾ? ನನಲಾ ಯಾನ್ ನರಮಾನಿಲೆನ್ ಮೆಚ್ಚಾವೊಡಂದ್ ಇತ್ತೆಡ ಯಾನ್ ಕ್ರಿಸ್ತನ ದಾಸೆ ಅತ್ತ್.

ಗಲಾತ್ಯೆರೆಗ್ 3:26

ಕ್ರಿಸ್ತ ಯೇಸುಡು ನಂಬಿಕೆ ದೀಪಿನೆಡ್ದಾದ್ ನಿಕುಲು ಮಾತೆರ್ಲಾ ದೇವೆರೆ ಜೋಕುಲು ಆದುಲ್ಲರ್.

ಗಲಾತ್ಯೆರೆಗ್ 3:28

ನಿಕುಲು ಮಾತ ಕ್ರಿಸ್ತ ಯೇಸುಡ್ದು ಒಂಜೇ ಆದಿತ್ತಿನೆಡ್ದಾವರ, ಯೆಹೂದ್ಯೆರ್, ಗ್ರೀಕೆರ್, ಪನ್ಪಿನವು, ಗುಲಾಮೆ, ಸ್ವತಂತ್ರದಾಯೆ ಪನ್ಪಿನವು, ಆಣ್ ಪೊಣ್ಣು ಪನ್ಪಿನವು ಭೇದ ಇಜ್ಜಿ.

ಎಫೆಸ್ಯೆರೆಗ್ 1:1

ದೇವೆರೆ ಚಿತ್ತದ ಪ್ರಕಾರ, ಕ್ರಿಸ್ತ ಯೇಸುನ ಅಪೊಸ್ತಲೆ ಆಯಿ ಪೌಲು, ಎಫೆಸೊಡುಪ್ಪುನ ದೇವಜನೊಕುಲೆಗ್ಲಾ ಕ್ರಿಸ್ತ ಯೇಸುಡು ನಂಬುನಾಕುಲೆಗ್ಲಾ ಬರೆಪಿನಿ ದಾನೆಂದ್ಂಡ,

ಎಫೆಸ್ಯೆರೆಗ್ 1:15

ಇಂಚಾದುಪ್ಪುನಗ, ಕರ್ತವೆ ಆದುಪ್ಪು ಯೇಸುಡು ದೀತಿನ ನಂಬಿಕೆನ್ಲಾ ಮಾತ ದೇವಜನೊಕುಲೆಗ್ ನಿಕುಲು ತೋಜಾವುನ ಪ್ರೀತಿನ್ಲಾ ಯಾನ್ ಕೇನಿನೆಡ್ದಿಂಚಿ, ನಿಕ್ಲೆಗ್ ಬೋಡಾದ್ ಎನ ಪ್ರಾರ್ಥನೆಲೆಡ್ ಬುಡಂದೆ ಉಪಕಾರ ಸ್ತುತಿ ಮಲ್ತ್‌ದ್ ನಿಕ್ಲೆನ್ ನೆನೆಪು ಮಲ್ತೊಂದುಲ್ಲೆ.

ಎಫೆಸ್ಯೆರೆಗ್ 6:24

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ್ ಏಪಲಾ ಪ್ರೀತಿ ಮಲ್ಪುನಾಕುಲೆಗ್ ಮಾತೆರೆಗ್ ದೇವೆರೆ ದಯ ಉಪ್ಪಡ್. ಆಮೆನ್.

ಫಿಲಿಪ್ಪಿಯೆರೆಗ್ 2:19

ಆಂಡ ಕರ್ತವೆ ಆದುಪ್ಪು ಯೇಸುನ ಚಿತ್ತ ಇತ್ತ್ಂಡ, ಯಾನ್ ನಿಕ್ಲೆ ಕೈತಲ್‌ಗ್ ತಿಮೋಥಿನ್ ಬೇಗೊಡು ಕಡಪುಡೊಡು ಅಂದ್‌ದ್ ಉಲ್ಲೆ. ಆಯಡ್ದ್ ನಿಕ್ಲೆ ಸಂಗತಿಲೆನ್ ತೆರಿದ್ ಎಂಕ್ ಸಂತೋಷ ಆವು.

ಫಿಲಿಪ್ಪಿಯೆರೆಗ್ 2:5

ಕ್ರಿಸ್ತ ಯೇಸುಡು ಇತ್ತಿನಂಚಿನ ಮನಸ್ ನಿಕ್ಲೆಡ್ಲಾ ಉಪ್ಪಡ್.

ಫಿಲಿಪ್ಪಿಯೆರೆಗ್ 3:12

ಉಂದೆತ್ತ ಅರ್ಥ ಯಾನ್ ಇತ್ತೆನೇ ಮಾತೆನ್ ಪಡೆಯೊಂಡೆ ಪಂಡ್ದಾವಡ್, ಪರಿಪೂರ್ಣತೆಗ್ ಮುಟ್ಟಿಯೆ ಪಂಡ್ದಾವಡ್ ಪನ್ಪುಜಿ. ಆಂಡ ಕ್ರಿಸ್ತ ಯೇಸು ಒಯಿಕಾದ್ ಎನನ್ ಪತ್ತಿಯೆನಾ ಅವೆನ್ ಪತ್ತೊನೊಡು ಅಂದ್‌ದ್ ಪ್ರಯತ್ನ ಮಲ್ತೊಂದುಲ್ಲೆ.

ಫಿಲಿಪ್ಪಿಯೆರೆಗ್ 3:3

ನಿಜವಾಯಿನ ಸುನ್ನತಿದಾಕುಲು ಏರ್ ಅಂದ್ಂಡ, ದೇವೆರಾತ್ಮೊಡ್ದು ಪ್ರೇರಣೆ ಆದ್ ಆರಾಧನೆ ಮಲ್ಪುನಾಕುಲುಲಾ ಕ್ರಿಸ್ತ ಯೇಸುಡು ಸಂತೋಷ ಮಲ್ಪುನಾಕುಲುಲಾ ಶರೀರ ಸಮ್ಮಂಧವಾದುಪ್ಪುನೆಟ್ ಭರವಸ ದೀವಂದೆ ಉಪ್ಪು ನಮನೇ.

ಫಿಲಿಪ್ಪಿಯೆರೆಗ್ 3:8

ಅಂದ್, ನೆಡ್ದ್ ಹೆಚ್ಚಾದ್ ಎನ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುನು ತೆರಿಯೊನುನೆತ್ತ ಮಲ್ಲ ಭಾಗ್ಯದ ಎದುರುಡು ಉಂದು ಮಾತಲಾ ವ್ಯರ್ಥ ಆದುಂಡು. ಆಯಗಾದ್ ಮಾತೆನ್ ಕಳೆವೊಂದು ಯಾನ್ ಅವೆನ್ ಕಜವು ಅಂದ್‌ದ್ ಎನ್ನ್‌ದೆ.

1 ಥೆಸಲೋನಿಕೆರೆಗ್‌ 1:1

ಅಮ್ಮೆ ಆದುಪ್ಪು ದೇವೆರೆಡ್ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ಲಾ ಉಪ್ಪು ಥೆಸ್ಸಲೋನಿಕ ಸಭೆಕ್, ಪೌಲು, ಸೀಲೆ, ತಿಮೋಥಿ ಪನ್ಪಿ ಎಂಕುಲು ಬರೆಪಿನಿ ದಾನೆಂದ್ಂಡ, ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

1 ಥೆಸಲೋನಿಕೆರೆಗ್‌ 2:2

ಎಂಕುಲು ದೇವೆರೆ ಬೇಲೆ ಮಲ್ಪೆರೆ ಥೆಸ್ಸಲೋನಿಕಗ್ ಬರ್ಪಿನೆಕ್ಕ್ ದುಂಬು, ಫಿಲಿಪ್ಪಿ ಪಟ್ಟಣೊಡು ಭಂಗ ಬೊಕ್ಕ ಅವಮಾನ ಆತಿನವು ನಿಕ್ಲೆಗ್ ತೆರಿದೇ ಉಂಡು. ಮಸ್ತ್ ವಿರೋಧ ಇತ್ತ್ಂಡಲಾ ದೇವೆರ್ ಎಂಕ್ಲೆಗ್ ಬಲ ಕೊರಿನೆಡ್ದ್ ನಿಕ್ಲೆಗ್ ಧೈರ್ಯೊಡು ಸುವಾರ್ತೆ ತೆರಿಪಾಯ.

2 ಥೆಸಲೋನಿಕೆರೆಗ್‌ 1:1

ನಮ ಅಮ್ಮೆ ಆದುಪ್ಪು ದೇವೆರೆಡ್ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ಲಾ ಉಪ್ಪು ಥೆಸ್ಸಲೋನಿಕೆರೆ ಸಭೆಕ್ ಪೌಲು, ಸೀಲೆ, ತಿಮೋಥಿಯೆರೊಡೊಪ್ಪ ಬರೆಪಿನ ದಾನೆಂದ್ಂಡ,

2 ಥೆಸಲೋನಿಕೆರೆಗ್‌ 1:10

ಆ ದಿನೊಟು ಆಯೆ ತನ ಪರಿಶುದ್ಧವಂತೆರೆಡ್ ಮೈಮೆ ಪಡೆವೊಂದು ಮಾತ ನಂಬುನಾಕುಲೆಗ್ ಮೆಚ್ಚಿಗೆದಾಯೆ ಆದ್ ತೋಜಿದ್ ಬರುವೆ. ಇಂಚ ಉಪ್ಪುನಗ ಎಂಕುಲು ಕೊರಿ ಸಾಕ್ಷಿನ್ ನಂಬಿ ನಿಕುಲುಲಾ ಅಕ್ಲೆಡೊಪ್ಪ ಉಪ್ಪರ್.

1 ತಿಮೋಥಿ 1:2

ನಂಬಿಕೆಡ್ ನಿಜ ಮಗೆ ಆದುಪ್ಪು ತಿಮೋಥಿಗ್ ಬರೆಪಿನಿ ದಾನೆಂದ್ಂಡ, ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಡ್ದ್‌ಲಾ ನಿಕ್ಕ್ ದಯಲಾ ಕರುಣೆಲಾ ಸಮಾಧಾನಲಾ ಆವಡ್.

1 ತಿಮೋಥಿ 3:8

ಅಂಚೆನೇ ಸಭಾಸೇವಕೆರ್‌ ಮಾರ್ಯಾದಿದಾಕುಲು ಆದುಪ್ಪೊಡು ಅತ್ತಂದೆ ಅಕುಲು ರಡ್ಡ್ ಪಾತೆರದಾಕುಲುಲಾ, ಪರ್ಪಿನ ಅಭ್ಯಾಸದಾಕುಲುಲಾ, ದುಡ್ಡುದ ಆಸೆದಾಕುಲುಲಾ ಆದುಪ್ಪಂದೆ;

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:1

ದೇವೆರೆ ದಾಸೆಲಾ ಯೇಸು ಕ್ರಿಸ್ತನ ಅಪೊಸ್ತಲೆಲಾ ಆಯಿ ಪೌಲು ನಂಕ್ ಒಟ್ಟುಗುಪ್ಪು ನಂಬಿಕೆದ ಬಗೆಟ್ ತನ ನಿಜ ಮಗೆ ಆದುಪ್ಪು ತೀತಗ್ ಬರೆಪಿನಿ ದಾನೆಂದ್ಂಡ, ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ನಮ ರಕ್ಷಕೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಕ್ ದಯಲಾ, ಸಮಾಧಾನಲಾ ಆವಡ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:7

ಒರಿ ಸಭಾದ್ಯಕ್ಷೆ ದೇವೆರೆ ಇಲ್ಲದ ಪಾರುಪತ್ತೆಗಾರೆ ಆದುಲ್ಲೆ. ಅಂಚಾದ್ ಆಯೆ ದೂರುದಾಂತಿನಾಯೆ ಆದುಪ್ಪೊಡು. ಆಯೆ ಛಲತಾಯೆಲಾ ಎದುರು ಕೋಪ ಮಲ್ಪುನಾಯೆಲಾ ಪರ್ದ್ ಲಡಯಿ ಮಲ್ಪುನಾಯೆಲಾ ಪೆಟ್ಟು ಪಾಡುನಾಯೆಲಾ ದುಡ್ಡುದಾಶೆದಾಯೆಲಾ ಆದುಪ್ಪೆರೆ ಬಲ್ಲಿ.

ಫಿಲೆಮೋನುಗು 1:1

ಕ್ರಿಸ್ತ ಯೇಸುಗಾದ್ ಕೈದ್‌ಡುಪ್ಪು ಪೌಲುಲಾ ಸಹೋದರೆ ತಿಮೋಥಿಲಾ ಎಂಕ್ಲೆಗ್ ಪ್ರೀತಿದಾಯೆಲಾ ಜತೆಸೇವಕೆಲಾ ಆಯಿ ಫಿಲೆಮೋನುಗ್ಲಾ

ಇಬ್ರಿಯೆರೆಗ್ 13:23

ನಮ ಸಹೋದರೆ ಆಯಿ ತಿಮೋಥಿಗ್ ಬುಡುಗಡೆ ಆಂಡ್ ಪನ್ಪಿನವು ನಿಕ್ಲೆಗ್ ತೆರಿದುಪ್ಪಡ್, ಆಯೆ ಬೇಗ ಬತ್ತೆಡ ಯಾನ್ಲಾ ಆಯಡೊಪ್ಪ ಬತ್ತ್‌ದ್ ನಿಕ್ಲೆನ್ ತೂಪೆ.

ಯಾಕೋಬು 1:1

ದೇವೆರೆಗ್ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಗ್ಲಾ ದಾಸೆ ಆದುಪ್ಪು ಯಾಕೋಬು ಬೇತೆ ದೇಶೊಲೆಡ್ ಪರಡ್ದ್ ಉಪ್ಪುನ ಇಸ್ರಾಯೇಲ್‌ದ ಪದ್ರಾಡ್ ಗೋತ್ರೊಲೆಗ್ ಬರೆಪಿನಿ. ನಿಕ್ಲೆಗ್ ಎಡ್ಡೆ ಆವಡ್.

1 ಪೇತ್ರೆ 2:25

ನಿಕುಲು ಸಾದಿ ತತ್ತ್‌ದ್ ಪೋತಿ ಕುರಿಕುಲು ಆದಿತ್ತರ್. ಆಂಡ ಇತ್ತೆ ನಿಕುಲು ಪಿರ ತಿರ್ಗ್‌ದ್ ನಿಕ್ಲೆನ ಆತ್ಮೊನು ಕಾಪುನ ಕುರುಬೆಲಾ ಪರಂಬರಿಪುನಾಯೆಲಾ ಆದುಪ್ಪು ಯೇಸು ಕ್ರಿಸ್ತನ ಕೈತಲ್‌ ಬೈದರ್.

2 ಪೇತ್ರೆ 1:1

ಯೇಸು ಕ್ರಿಸ್ತನ ದಾಸೆಲಾ ಅಪೊಸ್ತಲೆಲಾ ಆದುಪ್ಪು ಸಿಮೆಯೋನು ಪೇತ್ರೆ, ನಮ ದೇವೆರೆನ ಬೊಕ್ಕ ರಕ್ಷಕೆ ಆದುಪ್ಪು ಯೇಸು ಕ್ರಿಸ್ತನ ನೀತಿಡ್ದ್ ನಂಕುಪ್ಪು ದಿಂಜ ಬಿಲೆತ ನಂಬಿಕೆದಾಕುಲೆಗ್ ಬರೆಪಿನಿ ದಾನೆಂದ್ಂಡ, ದೇವೆರೆನವುಲಾ ನಮ ಕರ್ತವೆ ಆದುಪ್ಪು ಯೇಸುನವುಲಾ ಗೇನೊಡ್ದು ನಿಕ್ಲೆಗ್ ದಯಲಾ ಸಮಾಧಾನಲಾ ಹೆಚ್ಚೆಚ್ಚಾದ್ ತಿಕ್ಕಡ್.

ಯೂದೆ 1:1

ಅಮ್ಮೆ ಆದುಪ್ಪು ದೇವೆರ್ ಏರೆನ್ ಪ್ರೀತಿಡ್ ಲೆತ್ತ್‌ದ್ ಯೇಸು ಕ್ರಿಸ್ತಡ್ ಕಾತೊಂದುಲ್ಲೆರಾ ಅಕ್ಲೆಗ್ ಯೇಸು ಕ್ರಿಸ್ತನ ದಾಸೆಲಾ ಯಾಕೋಬುನ ಸಹೋದ್ರೆಲಾ ಆದುಪ್ಪು ಯೂದೆ ಬರೆಪಿನಿ ದಾನೆಂದ್ಂಡ, ದೇವೆರೆ ಕರುಣೆಲಾ, ಸಮಾಧಾನಲಾ, ಪ್ರೀತಿಲಾ ನಿಕ್ಲೆಗ್ ಹೆಚ್ಚೆಚ್ಚಾದ್ ತಿಕ್ಕಡ್.

ಪ್ರಕಟಣೆ 1:1

ಉಂದು ಯೇಸು ಕ್ರಿಸ್ತನ ಪ್ರಕಟಣೆ. ಬೇಗನೆ ನಡಪೆರೆ ಉಪ್ಪುನ ಸಂಗತಿಲೆನ್ ತನ ಸೇವಕೆರೆಗ್ ತೋಜಾವೆರೆಗಾದ್ ದೇವೆರೆಡ್ದ್ ಈ ಪ್ರಕಟಣೆನ್ ಪಡೆಯೆ. ಉಂದತ್ತಂದೆ ಕ್ರಿಸ್ತೆ ತನ ಸೇವಕೆ ಆಯಿ ಯೋಹಾನಗ್ ಈ ಪ್ರಕಟಣೆನ್ ತೆರಿಪಾವೆರೆಗಾದ್ ತನ ದೂತನ್ ಕಡಪುಡಿಯೆ.

ಪ್ರಕಟಣೆ 1:20

ಎನ ಬಲತ್ತ ಕೈಟ್ ಈ ತೂಯಿನ ಏಳ್‌ ಬೊಳ್ಳಿಲು ಬೊಕ್ಕ ಏಳ್‌ ಬಂಗಾರ್‌ದ ದೀಪಕಂಬದ ಗೂಢಾರ್ಥೊನು ತೆರಿಪಾವೆ. ಆ ಏಳ್‌ ಬೊಳ್ಳಿಲು ಪಂಡ ಏಳ್‌ ಸಭೆತ ದೂತೆರ್. ಆ ಏಳ್‌ ದೀಪ ಕಂಬೊಲು ಅಂದ್ಂಡ ಆ ಏಳ್‌ ಸಭೆಕುಲು.

ಪ್ರಕಟಣೆ 19:10

ಅಪಗ ಯಾನ್ ಆಯಗ್ ಅಡ್ಡ ಬೂರೊಡು ಅಂದ್‌ದ್ ಆಯ ಕಾರ ಎದುರು ಬೂರ್ನಗ ಆಯೆ, ಮಲ್ಪಡ ತೂಲ, ಯಾನ್ ನಿಕ್ಕ್‌ಲಾ ಯೇಸುನ ಸಂಗತಿದ ಸಾಕ್ಷಿನ್ ಪಂಡ್ದುಪ್ಪುನ ನಿನ ಸಹೋದರೆರೆಗ್ಲಾ ಜತೆಸೇವಕೆ ಆದುಲ್ಲೆ. ದೇವೆರೆಗೇ ಅಡ್ಡಬೂರ್ಲ ಅಂದ್‌ದ್ ಪಂಡೆ. ಯೇಸುನ ಸಾಕ್ಷಿಯೇ ಪ್ರವಾದನೆದ ಆತ್ಮ ಆದುಂಡು.

ಪ್ರಕಟಣೆ 2:12

“ಪೆರ್ಗಮೊಡುಪ್ಪು ಸಭೆತ ದೂತಗ್ ಇಂಚ ಬರೆಲ, ಪರ್ತೆದ ಇರ್ಬಾಯಿ ಕತ್ತಿನ್ ಪತ್ತೊಂದಿತ್ತಿನಾಯೆ ಪನ್ಪಿನಿ ದಾನೆಂದ್ಂಡ,

ಪ್ರಕಟಣೆ 2:8

“ಸ್ಮುರ್ನೊಡುಪ್ಪು ಸಭೆತ ದೂತಗ್ ಇಂಚ ಬರೆಲ: “ಆದಿಲಾ ಅಂತ್ಯಲಾ ಸೈತ್‌ದ್ ಬದ್‌ಕಿನಾಯೆ ಪನ್ಪಿನಿ ದಾನೆಂದ್ಂಡ,

ಪ್ರಕಟಣೆ 22:9

ಅಪಗ ಆಯೆ ಪಂಡೆ, “ಬೊಡ್ಚಿ, ಇಂಚ ಮಲ್ಪಡ. ಯಾನ್ ನಿಕ್ಕ್‌ಲಾ ನಿನ ಸಹೋದರೆ ಆದಿತ್ತಿ ಪ್ರವಾದಿಲೆಗ್ಲಾ ಈ ಪುಸ್ತಕೊಡು ಬರೆತಿನೆನ್ ಕೈಕೊನುನ ಮಾತೆರೆಗ್ಲಾ ಒರಿ ಜತೆಸೇವಕೆ ಆದುಲ್ಲೆ. ದೇವೆರೆಗ್ ಆರಾಧನೆ ಮಲ್ಪುಲ.”