YaJuda 1:4 - Siswati 1996 Bible

⁴ Ngobe kukhona labangene ngekunyelela ebandleni. ImiBhalo kadze yasho ngalabo bantfu kutsi bamiselwe kubhujiswa kwaphakadze. Abamesabi Nkulunkulu; sebaguculele umusa wakhe bawenta siyalu sebugwadla nebuphingi, baphika Jesu Khristu, iNkhosi yetfu, lekunguye yedvwa uMbusi.

YaJuda 1:4 Cross References

2 Samuweli 22:5

“Emagagasi ekufa angitungeleta; tikhukhula tembhubhiso tangigabudzela.

Tihlabelelo 1:1

Ubusisiwe umuntfu longatitsatsi teluleko tebedukisi longahlanganyeli emikhubeni yetigangi, longahlali nasemkhambatsini walabaphukuta Nkulunkulu.

Tihlabelelo 62:2

Nguye yedvwa lolidvwala lami, nensindziso yami, nenqaba yami, ngingeke ngishukunyiswe.

Matewu 13:25

Kepha ebusuku, bantfu sebalele bonkhe, kwefika sitsa sayo sahlanyela lukhula emkhatsini walamabele, sesuka sahamba.

Johane 17:3

Kuphila lokuphakadze nguloku: kutsi bakwati wena, Nkulunkulu longuye yedvwa weliciniso, bamati naJesu Khristu lomtfumile.

Imisebenti yebaPhostoli 11:23

Lapho efika wabona kutsi Nkulunkulu abebabusisile bantfu, watfokota wabancusa bonkhe kutsi betsembeke baciniseke eNkhosini ngetinhlitiyo tonkhe tabo.

Imisebenti yebaPhostoli 15:24

“Sivile kutsi labanye betfu befike lapho banikhatsata banidzidza tingcondvo ngetimfundziso tabo; noko abakatfunywa ngitsi kutsi bakwente loko.

KubaseGalathiya 2:4

Kodvwa bazalwanembumbulu labaletfwa ngasese, bangena ngekunyelela emkhatsini wetfu, batinhloli tenkhululeko yetfu lesinayo kuKhristu Jesu, khona batesenta tigcili.

KubaseGalathiya 5:13

Ngobe bazalwane, nabitelwa enkhululekweni; kuphela nje ningayisebentisi inkhululeko yenu kunika ematfuba ekwenta sono, kodvwa khontanani ngelutsandvo lomunye kulomunye.

Kubase-Efesu 4:14

Ngako-ke ngeke sisaba bantfwana, sigujuteliswe ngemagagasi, sipheshulwe ngimimoya yonkhe yetimfundziso tekukhohlisa kwebantfu labanebucili bekudukisa.

1 kuThimothi 5:8

Kepha nangabe umuntfu anganakekeli tihlobo takhe, ikakhulu umndeni wakhe, sewukulahlile kukholwa; futsi loko kwenta kwakhe kubi kakhulu kunekwemuntfu longakholwa.

2 kuThimothi 2:12

Nasicinisela, siyawubusa kanye naye; nasimphika, naye futsi uyawusiphika.

2 kuThimothi 3:6

Ngobe emkhatsini wabo laba kukhona labakhokhobela kungena etindlini talabasikati lababutsakatsaka ngekusindvwa tono tabo, baholwa tinkhanuko letimihibahiba.

1 yaPhetro 2:16

Nitiphatse njengebantfu labakhululekile, kodvwa ningakusebentisi kukhululeka kwenu kube simbonyo salokubi; kodvwa tiphatseni njengetinceku taNkulunkulu.

1 yaPhetro 2:8

Kulenye indzawo utsi: “Leli litje leliyawukhuba bantfu, lidvwala lekubawisa.” Nembala bayakhutjwa labo labangalilaleli livi; vele bamiselwe kona loko.

1 yaPhetro 4:18

UmBhalo utsi: “Nangabe kulukhuni kutsi kusindziswe lolungile, kuyawuba njani-ke kulongamesabi Nkulunkulu nalosoni?”

2 yaPhetro 2:10

ikakhulu labo labahamba etinkhanukweni temvelo tekutingcolisa, bedzelela baphatsi. Bangemaphikankhani, bayatigcabha, abesabi nekuhlambalata benkhatimulo;

2 yaPhetro 2:7

Nkulunkulu wamsindzisa Loti labelungile; Loti abesavele asakhatsateke kakhulu, ngenca yekuhamba ngemanyala kwabo labangenamtsetfo.

2 yaPhetro 3:7

Kepha ngalo lelivi emazulu nemhlaba lokukhona nyalo kugcinelwe umlilo ngelilanga lekwehlulelwa, lapho kuyawubhujiswa khona labangamesabi Nkulunkulu.

1 yaJohane 2:22

Pho, ngubani localemanga nakungesiye lophika Jesu kutsi nguKhristu? Lowo ngumphikakhristu: lophika uYise neNdvodzana.

YaJuda 1:15

Iyakwehlulela bonkhe bantfu, ibajezise labo labangamesabi Nkulunkulu. Iyawubajezisa ngenca yemisebenti yabo yonkhe yekwedzelela nekungamhloniphi Nkulunkulu, nangawo onkhe emavi lamabi lakhulunywe ngaye toni letingamesabi.”

YaJuda 1:18

Batsi kini: “Ngetikhatsi tekugcina kuyawufika labahleka bulima, bantfu labangenandzaba nekukholwa, labahamba ngetinkhanuko tabo.”

Sembulo 15:4

Ngubani longayikwesaba advumise libito lakho, Nkhosi? Ngobe nguwe wedvwana longcwele. Tonkhe tive tiyawufika kuwe tikukhonte, ngobe tehlulelo takho letilungile setibonakalisiwe.”