Tihlabelelo 127:3 - Siswati 1996 Bible

³ Bantfwana balifa leliphuma kuSimakadze, basibusiso lesivela kuye.

Tihlabelelo 127:3 Cross References

Genesisi 1:28

Nkulunkulu wababusisa watsi: “Talanani, nandze, nigcwalise umhlaba, niwuncobe. Nibuse etikwetinhlanti taselwandle, nasetikwetinyoni tasemoyeni, nasetikwato tonkhe tilwane letihamba emhlabeni.”

Genesisi 24:60

Bambusisa Rebheka batsi kuye: “Hamba kahle, dzadzewetfu. Shangatsi ungaba ngunina wetinkhulungwane tetinkhulungwane; shangatsi intalo yakho ingawancoba emadolobha etitsa tayo.”

Genesisi 33:5

Esawu watsi uyabuka wabona bafati nebantfwana, wabuta watsi: “Bobani laba lohamba nabo?” Jakobe wamphendvula watsi: “Laba-ke bantfwana Nkulunkulu layiphe bona inceku yakho.”

Genesisi 4:1

Adamu wamati Eva, umkakhe; Eva wakhulelwa watala Khayini, watsi: “Ngitfole indvodzana ngekusitwa nguSimakadze.”

Genesisi 48:4

watsi kimi: ‘Lalela la, ngitakwandzisa ngikwente ube tive letinyenti, lelive ngiliphe titukulwane takho emvakwakho. Liyawuba lato phakadze naphakadze.’ ”

2 Samuweli 3:5

Yesitfupha bekunguJithreyamu ku-Egla, umkakhe. Bonkhe laba batalelwa Davide eHebroni.

1 Tikhronike 28:5

Emkhatsini wawo onkhe emadvodzana ami lamanyenti Simakadze langiphe wona, Simakadze ukhetse umsa wami Solomoni kutsi ahlale esihlalweni sebukhosi sembuso waSimakadze abuse ka-Israyeli.

1 Tikhronike 8:40

Emadvodzana a-Ulamu bekungemachawe labenesibindzi, akwati nekusebentisa butjoki. Abenemadvodzana lamanyenti nebatukulu labadvuna labanyenti lababeli-150 sebabonkhe. Bonkhe-ke laba bekutitukulwane takaBhenjamini.

Jobe 1:2

Jobe abenemadvodzana lasikhombisa nemadvodzakati lamatsatfu,

Isaya 13:18

Ngebutjoki babo lobugobile bayawudubula emajaha, abanamusa ngetinswane, futsi bate nesihawu ngebantfwana.

Isaya 8:18

Ngilapha mine kanye nalabo bantfwana Simakadze langiphe bona. Sitibonakaliso netimangaliso taSimakadze longuSomandla, esiveni sema-Israyeli, yena lohlala eNtsabeni iSiyoni.

Dutheronomi 28:11

Simakadze uyawunipha inala yemnotfo lomkhulu nibe nebantfwana, andzise nemihlambi yetifuyo tenu kanye netitselo temhlaba wenu kulelo live lafunga ngalo kubokhokho benu kutsi utanipha lona.

Dutheronomi 28:4

“Sitselo sesisu senu siyawubusiswa, nesivuno selive lenu, nemazinyane etifuyo, nemankhonyane emihlambi yenu, nemazinyane etimvu tenu newetimbuti tenu.

Tikhulu 12:9

Abenemadvodzana langema-30 nemadvodzakati langema-30. Lamadvodzakati akhe wawendzisela letinye tinsendvo letatingesilo lusendvo lwakhe, nalamadvodzana akhe wawatsatsela bafati ngaphandle kulababengesibo belusendvo lwakhe. Ibsani wahola sive sema-Israyeli iminyaka lesikhombisa.

1 Samuweli 1:27

Ngathandaza ngicela lomntfwana, Simakadze wase uyangipha loko lengangikucele kuye.