Sililo 5:8 - Siswati 1996 Bible

⁸ Tigcili tibusa etikwetfu, kute namunye longasikhulula etandleni tato.

Sililo 5:8 Cross References

Genesisi 9:25

Watsi: “Akacalekiswe Khenani, abe sigcili setigcili kubomnakabo.”

Nehemiya 2:19

Kwatsi kube boSanbalati, umHoroni, naThobiya, indvuna yaka-Amoni, kanye naGeshemu, um-Arabu, bakuve loko, basiphukuta basihhalatisa, batsi: “Yini-ke lena lesenicale kuyenta? Senivukela inkhosi yini?”

Nehemiya 5:15

Bonkhe babusi lababephetse ngembili kwami babengumtfwalo kubantfu, futsi babephocelela kutsi bantfu bakhiphe kudla neliwayini kanye netinhlavu tesiliva letingema-40 ngelilanga. Ngisho netisebenti tabo tatingumtfwalo kubantfu. Noko mine angikwentanga loko ngenca yekwesaba Nkulunkulu.

Jobe 10:7

Nawe wati kahle nje kutsi anginacala, nekutsi kute nalongahle angisindzise esandleni sakho.

Jobe 5:4

Bantfwabaso bakhashane kabi nekuphepha, kute namunye lobemelelako emacaleni asetinkhundleni.

Tihlabelelo 50:22

“Caphelani loku nine lenedzelela Nkulunkulu, funa nginiklebhuklebhule, kubete nalongahle aniphephise.

Tihlabelelo 7:2

kuze umphefumulo wami bangawudzabudzabuli njengelibhubesi lelidzabudzabula kubete nalolamulako.

Taga 30:22

Kubekwa kwesigcili kuba yinkhosi, silima nasishaye inala,

Isaya 43:13

“Yebo, kusukela endvulo solomane Nginguye. Kute longakhulula esandleni sami. Nangenta lutfo, ngubani longakujikisa loko?”

Hoseya 2:10

Ngako nyalo sengitabungcunula lobubheva bakhe, embikwemashende akhe abuka; kute lotamephula lapha etandleni tami.

Zakhariya 11:6

“Ngobe ngingeke ngisaba nesihawu kubantfu balelive,” kusho Simakadze. “Ngiyawunikela ngulowo nalowo esandleni samakhelwane wakhe nesenkhosi yakhe. Bayakulicindzetela live, nami futsi ngingeke ngibephule etandleni tabo.”

Dutheronomi 28:43

“Betive labahlala emkhatsini wenu bayawukhula ngetulu kwenu baye ngekuya benyuka, kodvwa nine niyawushona phansi, niye ngekuya, nehle.