Sililo 5:17 - Siswati 1996 Bible

¹⁷ Ngenca yako konkhe loku tinhlitiyo tetfu tidzabukile, nangenca yato tonkhe letintfo emehlo etfu ayadvumba,

Sililo 5:17 Cross References

Jobe 17:7

Emehlo ami asaze alutfuli ngenca yebuhlungu, bungimi bonkhe bami sebusitfunti nje.

Tihlabelelo 31:9

Bani nemusa kimi, Simakadze, ngobe ngisenhluphekweni, emehlo ami asaphandlwe kuhlupheka, kantsi umphefumulo wami nemtimba wami kukhatsele tinhlupheko.

Tihlabelelo 38:8

Ngibutsakatsaka, ngidvubuteke kabi, ngiyabubula ngenca yekutfutfumela enhlitiyweni yami.

Tihlabelelo 6:7

Liso lami liyadzikita ngenca yelusizi. Liso lami liyaguga ngenca yekukhaliswa titsa tami.

Tihlabelelo 69:3

Ngidvubuteke kabi ngenca yekukhala kwami, umphimbo wami womile, uyahoshota. Emehlo ami asacundzekile ngenca yekulindzela wena, Nkulunkulu wami.

Isaya 1:5

Kona nisashayelwani nje? Nisachubekelani nekuhlubuka? Inhloko yenu yonkhe ilimele, nenhlitiyo yenu yonkhe ishayiwe.

Isaya 38:14

Ngantjilota ngikhalisa kwenkhonjane, ngabubula ngakhalisa kwelituba, emehlo ami aba luvitsi, nangitsi ngibuka etulu emazulwini, ngihluphekile. Awu Simakadze, wota ungelekelele.”

Jeremiya 46:5

Kodvwa ngabe ngibonani? Bayesaba, bayakhwesha, emabutfo abo ayehlulwa. Bagijima bashiya inyosi, bayabaleka, abasabuki ngisho nasemuva, futsi sekunekwesabeka neluvalo yonkhe indzawo,” kusho Simakadze.

Jeremiya 8:18

Kute likhambi kulolusizi lwami, inhlitiyo yami iselusizini.

Sililo 1:13

“Watfumela umlilo asetulu, wawehlisela phansi ematsanjeni ami. Webekela tinyawo tami linetha, wangincandzekisa. Wangenta ngaba ngulolahliwe, ngacaleka lilanga lonkhe.

Sililo 1:22

“Kodvwa konkhe kungalungi kwabo akute embikwakho, nabo ubaphatse njengaloku wentile kimi, ngenca yato tonkhe tono tami. Kububula kwami kunyenti, nenhlitiyo yami iyacaleka.”

Sililo 2:11

Emehlo ami aluvitsi ngenca yekukhala. Ngiyasha ngiyabhadla emphefumulweni wami, inhlitiyo yami itfululeleke phansi emhlabatsini, ngobe bantfu bakitsi babhujisiwe, bantfwana netinswane kuyacaleka etitaladini telidolobha.

Hezekeli 21:15

Kuze tinhlitiyo titewujabha, nalabawile babe banyenti, inkemba sengiyimisele kugwaza kuwo onkhe emasango abo. Awu! Yentelwe kumanyatela njengembane, ibanjelwe kugwaza.

Hezekeli 21:7

Nabakubuta batsi: ‘Ububulelani?’ ubobaphendvula utsi: ‘Ngibubula ngenca yaletindzaba letitako. Tonkhe tinhlitiyo tiyawuncibilika, nato tonkhe tandla tiyawuceka; yonkhe imiphefumulo iyawukhatsala, nawo onkhe emadvolo ayawugeba angenwe ngemanti.’ Kuyeta! Nakanjani kutakwenteka loko, kusho iNkhosi Simakadze.”

Levithikusi 26:36

“ ‘Labo benu labayawube basasele bangakafi kulawo mave labayawube batfunjelwe kuwo, ngiyawukwenta tinhlitiyo tabo tibe nekwesaba kangangekutsi ngisho nemsindvo welicembe lelipheshulwa ngumoya liyawubenta babaleke batephule, kube shangatsi babalekela imphi. Bayawukuwa nome kungekho lobacoshako.

Mikha 6:13

Manje sengicalile kunigulisa nginibhubhise ngenca yekona kwenu.

Dutheronomi 28:65

Emkhatsini waleto tive aniyikuba nako kuthula nendzawo yekuphumuta tinyawo tenu. Lapho Simakadze uyakuninika khona ingcondvo leshisekelako nemehlo lakhatsele ngekulangatelela, nenhlitiyo ledzangele.