Sililo 4:9 - Siswati 1996 Bible

⁹ Labo lababulawa ngenkemba bancono kunalabo labafa babulawa yindlala; badvutjutwe yindlala, baze baguga baphela ngenca yekweswela kudla emasimini.

Sililo 4:9 Cross References

2 Emakhosi 25:3

Kwatsi ngelilanga lemfica enyangeni yesine, indlala yakhungatsa lelidolobha kamatima, kangangekutsi kwaze kwabate lokwakungadliwa bantfu.

Eksodusi 16:3

Sakhuluma kubo satsi: “Sifisa shangatsi ngabe Simakadze wamane wasibulalela khona le eGibhithe, ngobe phela lapho besitihlalela phansi ngasemabhodweni, bese sidla inyama nekudla ngekutsandza kwetfu. Kodvwa nisiletse lapha ehlane kutewusibulala ngendlala sonkhe lesive.”

Isaya 22:2

Awu dolobha leligcwele siyaluyalu! Awu dolobha lemsindvo nekujabula! Bantfu bakho labafile abakabulawa yinkemba, futsi abafelanga emphini.

Jeremiya 16:4

“Bayawukufa babulawe sifo lesibulalanako. Abayiwulilelwa, futsi bangeke bangcwatjwe, kodvwa bayawuba njengemfucuta nje lelahlwe phansi. Bayawubhubha ngenkemba nangendlala, netidvumbu tabo tiyawuba kudla kwetinyoni tasemoyeni kanye nekwetilwane tesiganga.”

Hezekeli 24:23

Imishuculo yenu nitakuyiyekela ibesetinhloko tenu netincabule tenu tisetinyaweni tenu. Ningeke nizile nome nilile, kodvwa niyawukondza ngenca yetono tenu, nibubule lomunye kulomunye.

Hezekeli 33:10

“Ndvodzana yemuntfu, khuluma kuyo indlu yaka-Israyeli, utsi: ‘Naku lenikushoko nitsi: “Tikhubekiso tetfu netono tetfu kusidvonsela phansi, natsi sesiyahusheka ngenca yato. Manje-ke sitawuphila kanjani?” ’

Hezekeli 4:16

Wachubeka watsi kimi: “Ndvodzana yemuntfu, ngitawunciphisa kutfolakala kwekudla lapha eJerusalema. Bantfu bayawudla kudla kwekwemukeliswa bancenekile, banatse nemanti ekwemukeliswa bakhatsatekile,

Hezekeli 7:15

“Ngephandle yinkemba, ngekhatsi sifo lesibulalanako nendlala; labo labasemaphandleni bayakufa ngenkemba, nalabo labasedolobheni bayawudliwa yindlala nesifo lesibulalanako.

Levithikusi 26:39

Labo benu labayawube basasele bangakafi eveni letitsa tabo, bayawukondza babe tincotfo ngenca yetono tabo, nangenca yetono taboyise bayawukondza besabeke.

Dutheronomi 28:51

Letitsa tiyawushwabudzela tifuyo tenu letisetincane, netitselo telive lenu, nize nibhubhe. Atiyikunishiyela mabele neliwayini lelisha, nemafutsa, nome nguliphi litfole lenkhomo nome lizinyane lemvu nome lembuti, nize nibhujiswe.