Sililo 4:7 - Siswati 1996 Bible

⁷ Tikhulu tabo taticwebetela kwendlula sitfwatfwa, timhlophe kwendlula lubisi. Imitimba yato yayibovu yendlula emarubi, kubonakala kwato kwakunjengekwemasafire.

Sililo 4:7 Cross References

Jobe 28:16

Ngeke sekutsengwe ngisho nangegolide yase-Ofiri, nangelitje leliligugu i-oniksi nome emasafire.

Jobe 28:18

Angisaphatsi-ke ngekhorali nangelitje ijasiphi. Intsengo yekuhlakanipha iphakeme yendlula emarubi.

Tihlabelelo 144:12

Shangatsi emadvodzana etfu angaba njengetitfombo letinhle ebusheni bawo, nemadvodzakati etfu afanane nematje labatiwe, alungiselelwa kwakha tigodlo temakhosi.

Tihlabelelo 51:7

Ngihlambulule ngehisophu, ngitewuhlambuluka. Ngigeze ngibe mhlophe kunangcocwane.

Eksodusi 24:10

bafike babona Nkulunkulu wema-Israyeli. Ngaphansi kwetinyawo takhe kwabonakala lokwakufanana nendlela yelitje lesafire lelalingumbala loluhlata njengesibhakabhaka.

Ingoma Yetingoma 5:10

Longitsandzako wami uyakhanga ngelibala; uyabonakala ngisho nome sebahlangene baba tinkhulungwane letilishumi.

Ingoma Yetingoma 5:15

Imilente yakhe ifanana netinsika letibatwe ngelitje lelimhlophe, letibekwe etisekelweni tegolide lecengekile. Lutsi lwemtimba wakhe lufanana neLebanoni, likhetselo lemisedari yayo.

Danyela 1:15

Ekupheleni kwemalanga lalishumi babukeka baphile kancono kakhulu, futsi bondleke kakhulu kunawo onkhe lawa lamanye emajaha labedla kudla kwenkhosi.

Lukha 1:15

ngobe uyakuba ngumuntfu lomkhulu ebusweni baNkulunkulu, akayiwulinatsa liwayini nome-ke yini ledzakisako, uyawugcwaliswa ngaMoya Longcwele kusukela angakatalwa.

Tikhulu 13:5

ngobe utawukhulelwa utale indvodzana. Kute insingo leyawusetjentiswa enhloko yakhe, ngobe lomfana uyawuba ngumNaziri lowehlukaniselwe Nkulunkulu kwasekutalweni kwakhe. Nguye lotawucala kukhulula sive sema-Israyeli esandleni semaFilisti.”

Tikhulu 13:7

Kodvwa utsite kimi: ‘Utawukhulelwa, utale indvodzana. Manje-ke ungabe usalinatsa liwayini nome ngabe sengusiphi-ke sinatfo lesivutjelwe. Ungasadli lutfo lolungcolile ngekwemtsetfo, ngobe lomfana uyawuba ngumNaziri lowehlukaniselwe Nkulunkulu kusukela ekutalweni kwakhe kuze kube lilanga lekufa kwakhe.’ ”

Tikhulu 16:17

Ngako wamtjela yonkhe inhlitiyo yakhe, watsi: “Tinwele tami atizange setitsintfwe yinsingo, ngobe ngingumNaziri, ngehlukaniselwe Nkulunkulu kusukela ekutalweni kwami. Inhloko yami nayingase ihhulwe, emandla ami angesuka kimi, nami ngingaba butsakatsaka njengabo bonkhe bantfu.”

1 Samuweli 16:12

Ngako Jese wase uyatfumela, yalandvwa, nayo yangeniswa kuye. Yayibovana inebuso lobuhle itsandzeka. Simakadze watsi: “Sukuma umgcobe, ngobe nguye yena lowo.”