Sililo 4:5 - Siswati 1996 Bible

⁵ Labo labake badla kahle batamasa, nyalo sebangimizulane netindzindzi etitaladini. Labo lababekhuliswa ngaletibukhwebeletane, nyalo sebalala emataleni etincunjini temlotsa.

Sililo 4:5 Cross References

2 Samuweli 1:24

“Awu, madvodzakati aka-Israyeli, lilelani Sawula. Wanembatsisa ngaletibovu naleticolisakele, wahlobisa tingubo tenu ngemihlobiso yegolide.

2 Emakhosi 18:27

Kodvwa lendvuna lenkhulu yemphi yabaphendvula yatsi: “Kantsi inkhosi yami beyingitfume kini nalenkhosi yenu nodvwa yini kutsi ngitewukhuluma lamagama? Beyingakangitfumi yini nakubo labantfu labalapha etulu elubondzeni, nabo labanjengani, labatawudla emangcoliso abo, baphindze banatse nemichamo yabo?”

Jobe 24:8

Banetfwa babe manti timvula temagcuma, banamatsele emadvwaleni, ngobe beswele indlu.

Taga 31:21

Kukhitsika kwelitulu akumetfusi, ngobe bonkhe bemndeni wakhe banetimphahla letifutfumalako.

Sililo 1:11

Bonkhe bantfu bayo bayabubula ngesikhatsi bafunana kudla bantjintjisa imicebo yabo ngenca yekudla, batsi bentele kutsi batiphilise. “Awu Simakadze, buka unake, ngobe ngibukelwa phansi.”

Lukha 15:16

Yayilamba idzimate ifise kudla imidvumba ledliwa tingulube, ngobe yayinganikwa ngumuntfu kudla.

Lukha 16:19

“Bekukhona indvodza leyayicebile igcoka timphahla letatidule kakhulu. Yayinekudla lokunyenti idla kahle onkhe emalanga.

Lukha 7:25

Naniyewubonani? Naniyele kuyawubona indvodza legcoke tingubo letinhle nje kuphela? Empeleni anati yini kutsi bantfu labahlobe ngemvunulo lenhle batfolakala etigodlweni?

1 kuThimothi 5:6

Kodvwa umfelokati lotinikele etinkhanukweni ufe asaphila.