Sililo 3:9 - Siswati 1996 Bible

⁹ Indlela yami uyivale ngetinguzanguza tematje; wagwegwisa indlela yami, yaba matombetombe.

Sililo 3:9 Cross References

Jobe 19:8

Utivalile tindlela tami, entela kutsi ngingakhoni kwendlula, wembatsise tindlela tami ngebumnyama.

Isaya 30:28

Kuphefumula kwakhe kunjengesikhukhula semanti lesigeletako, nasikhuphuka size sifike ngasentsanyeni. Unyakatisa tive esisefeni sakhe sembhubhiso; ubeka emihlatsini yebantfu litomu lekubaholela ekwedukeni.

Isaya 63:17

Awu Simakadze, usivumelelani kutsi seduke etindleleni takho, utenteleni kutsi tibe lukhuni tinhlitiyo tetfu, kuze singetikuhlonipha wena? Mane ubuye ngenca yetinceku takho, tive letilifa lakho.

Sililo 3:10

Njengelibhele lelibhacele inyamatane, nanjengelibhubesi lelitifihlile,

Sililo 3:11

ungihudvule endleleni, wangisitila, wangishiya ngingenamsiti.

Hoseya 2:6

Ngako-ke ngiyakuyivimba indlela yakhe, ngiyivale ngemahlahla emanyeva; ngiyawumvimbetela, kuze angasayitfoli nendlela.