Sililo 2:9 - Siswati 1996 Bible

⁹ Emasango ayo ashone emhlabatsini; imicabo yayo wayifohlota wayibhubhisa. Inkhosi yayo netikhulu tayo tahlakatwa tayiswa etiveni, umtsetfo sekwabate, Nebaphrofethi bayo abasayitfoli imibono levela kuSimakadze.

Sililo 2:9 Cross References

2 Emakhosi 25:7

Emadvodzana aSedekiya abulawa embikwemehlo akhe abukile. Emvakwaloko bakupuluta emehlo aSedekiya, bambopha ngetinketane telitfusi, bammikisa eBhabhulona.

2 Tikhronike 15:3

Sesikhatsi lesidze baka-Israyeli bate Nkulunkulu loliciniso, bate umphristi wekufundzisa, bate ngisho nemtsetfo.

Nehemiya 1:3

Bangiphendvula batsi: “Insali yalesifundza leyasindza ekutfunjweni, isekuhluphekeni lokukhulu nasekuhlazweni. Lubondza lwaseJerusalema luhhihlitelwe phansi; nemasango ayo ashiswa ngemlilo.”

Tihlabelelo 74:9

Tibonakaliso tenkholo yetfu asisatiboni, sekute ngisho nemphrofethi, kute ngisho nalapha emkhatsini wetfu lowatiko kutsi kuyawudzimate kube ngunini.

Isaya 24:12

Lidolobha selisele litindzala, emasango alo abhidlitwe aba ticucu.

Jeremiya 14:14

Simakadze wakhuluma kimi, watsi: “Baphrofethi baphrofetha emanga ngelibito lami. Angikabatfumi, futsi angikabatjeli, kantsi futsi angikakhulumi kubo. Baphrofetha kini imibono lengemanga, babhule, bakhonte tithico, bashumayele nenkhohliso yetingcondvo tabo.

Jeremiya 23:16

Naku lokushiwo nguSimakadze Somandla, utsi: “Ningakulaleli lokuphrofethwa baphrofethi kini, banigcwalisa ngematsemba langemanga. Bakhuluma imibono yetingcondvo tabo, hhayi lokuphuma emlonyeni waSimakadze.

Jeremiya 39:2

Kwatsi ngelilanga lemfica enyangeni yesine ngemnyaka welishumi nanye waSedekiya, batifohla tibondza telidolobha bangena.

Jeremiya 39:8

BaseBhabhulona basilumeka ngemlilo sigodlo senkhosi kanye netindlu tebantfu; babhidlita netibondza taseJerusalema.

Jeremiya 51:30

Emabutfo aseBhabhulona aseyekele kulwa, asahleti nje etinqabeni tawo. Emandla awo asaphelile, asanjengebafati. Tindzawo tayo tekuhlala setilunyekwe ngemlilo; imicabo yemasango ayo seyephuliwe.

Jeremiya 52:14

Yonkhe-ke imphi yaseBhabhulona, leyayingaphansi kwendvuna yemphi yabomahlalesangweni, yabhidlita tonkhe tibondza letatitungeleta iJerusalema.

Sililo 1:3

Emvakwekushaywa nekukhandleka kamatima, Juda sewuyiswe ekutfunjweni. Sewuhlala emkhatsini wetive, akayitfoli indzawo yekuphumula. Bonkhe labacoshana naye sebamkhandzile, bamkhandza asekhatsi elusizini.

Sililo 4:15

Bantfu bayabacosha, batsi: “Hambani la! Sukani la! Ningcolile! Khweshani! Khweshani! Ningasitsintsi!” Ngesikhatsi baphrofethi nebaphristi babaleka bayewuzulazula, bantfu betive ngetive batsi: “Bangeke basachubeka nekuhlala lapha!”

Sililo 4:20

Logcotjiwe waSimakadze, lokunguyena angimitsambo yekuphila kwetfu, wabhajwa etingibeni tabo. Besicabanga kutsi siyawukhosela ngaphansi kwematfunti akhe, siphile emkhatsini wetive ngetive.

Hezekeli 12:13

Ngiyakuyetsiya ngelinetha lami, futsi iyawubanjwa kulolo lugibe lwami; ngiyakuyiyisa eBhabhulona, eveni lemaKhaledi, kodvwa ngeke ilibone, ngulapho iyawufela khona.

Hezekeli 17:20

Ngiyawumendlalela linetha lami, uyawuvele abhajwe elugibeni lwami. Ngiyakumyisa eBhabhulona, ngikhiphe sigwebo kuye khona lapho, ngobe angazange etsembeke kimi.

Hezekeli 7:26

Kuyawufika sigemegeme etikwesigemegeme, nemahemuhemu etikwemahemuhemu. Bayakwetama kutfola sembulo kumphrofethi; kulahleke nemfundziso yemtsetfo kumphristi, kuphele neteluleko talabadzala.

Hoseya 11:6

Kuyawuba bumanyamanya betinkemba emadolobheni abo, tiyawubhidlita imicabo yetinsimbi yemasango abo, tiwacedze emacebo abo.

Hoseya 3:4

Ngako ema-Israyeli asetawuhlala emalanga lamanyenti angenambusi, angenankhosi, angenamhlatjelo nome ematje langcwele, angenasidziya sebaphristi nome sithico.

Amose 1:5

Ngitawubhidlita emasango aseDamaseko, ngibhubhise inkhosi leseSigodzini sase-Aveni, nalowo lophetse indvuku yebukhosi eBhethi Edeni. Sive semaSiriya sitawutfunjelwa eKhiri,” kusho Simakadze.

Dutheronomi 28:36

“Simakadze uyawunicosha kanye nenkhosi yenu lenitibekele yona, niye esiveni leningasati nine kanye naboyihlomkhulu. Ngulapho niyawufike nikhonte labanye bonkulunkulu khona, bonkulunkulu labentiwe ngetigodvo nangematje.

Dutheronomi 28:63

Njengobe kwamjabulisa Simakadze kutsi aniphumelelise nandze nibe banyenti ngesibalo, kuyawumjabulisa futsi kutsi anibhidlite ninciphe nize niphele. Niyawuzishulwa kulelo live leningena kulo kutsi libe lenu.

1 Samuweli 28:6

Sawula wase ubuta kuSimakadze, kodvwa Simakadze akazange amphendvule ngisho nangemaphupho, nome nge-Urimu, nome ngebaphrofethi.