Sililo 2:20 - Siswati 1996 Bible

²⁰ “Buka, Simakadze, unakisise. Ngubani nje lowake wamphatsa ngalendlela? Kufanele yini bafati badle batukulu babo, bantfwana lababongile babakhulisa? Baphrofethi nebaphristi kufanele yini babulawe bafele endlini lengcwele yaSimakadze?

Sililo 2:20 Cross References

2 Tikhronike 36:17

Simakadze wabavusela inkhosi yaseBhabhulona leyafike yabulala onkhe emajaha abo ngenkemba, iwabulalela endzaweni lengcwele, ingashiyi lutfo loluselusha labadvuna nalabasikati nome talukati nemakhehla. Nkulunkulu wabaniketela bonkhe kuNebukhadnezari.

Tihlabelelo 78:64

Baphristi babo baba kudla kwenkemba, bafelokati babo abazange babalilele.

Eksodusi 32:11

Kodvwa Mosi wancenga Simakadze longuNkulunkulu wakhe watsi: “Hhawu Simakadze, lulaka lwakho lusivutselelani lesive sakho lowasikhipha eveni laseGibhithe ngesandla sakho lesinemandla lamakhulu?

Isaya 22:2

Awu dolobha leligcwele siyaluyalu! Awu dolobha lemsindvo nekujabula! Bantfu bakho labafile abakabulawa yinkemba, futsi abafelanga emphini.

Jeremiya 19:9

Ngiyawubenta badle inyama yemadvodzana abo neyemadvodzakati abo, badle ngulowo nalowo inyama yemnakabo, ngenca yencindzetelo yekuvinjetelwa lokuyabe kwentiwa titsa letitfungatsana netimphilo tabo.’

Jeremiya 21:7

Simakadze utsi: Emvakwaloko Sedekiya, inkhosi yakaJuda, netindvuna tayo, nebantfu balelidolobha labayawusindza kulesifo lesibulalanako, nenkemba, nendlala, ngiyakubanikela kuNebukhadnezari, inkhosi yaseBhabhulona, nasetitseni tabo letifunana nemphilo yabo. Uyawubabulala ngenkemba, angabi naso nakancane nje sihawu, nesihe kanye neluvela.’ ”

Jeremiya 5:31

Baphrofethi baphrofetha emanga, baphristi baphetse ngeligunya labo, nebantfu bami bakutsandza ngaleyo ndlela. Kodvwa nitakwenta njani ekupheleni?”

Sililo 1:19

“Ngabamemeta labo labangakimi, kodvwa bona bangihlamuka. Baphristi bami, nebaholi bami babhubhela edolobheni, ngesikhatsi balibele kuchwandza kudla batsi betama kutiphilisa.

Sililo 4:10

Bafati labanesihawu badzimate bapheka bantfwababo ngetabo tandla, bagucuka baba kudla kwabo ngesikhatsi bantfu bakitsi babhujiswa.

Sililo 4:13

Kodvwa kwenteka ngenca yetono tebaphrofethi bayo, nangetiphambuko tebaphristi bayo, labacitsa ingati yalabamsulwa ekhatsi kuyo.

Sililo 4:16

Simakadze cobo lwakhe ubasakatile, akasabelusi. Baphristi abasahlonishwa, nalabadzala abasaphatfwa ngemusa.

Hezekeli 5:10

Ngako-ke ngekhatsi kwakho boyise bayawudla bantfwababo, nebantfwana badle boyise. Ngitakushaya ngesijeziso, ngisakate yonkhe insali yakho emimoyeni.

Hezekeli 9:7

Wase utsi kubo: “Ngcolisani lelithempeli, nigcwalise tibuya talo ngetidvumbu talababulewe. Hambani!” Ngako baphuma-ke, bacala kubulala kulo lonkhe lidolobha.

Levithikusi 26:29

Niyawudla inyama yemitimba yemadvodzana nemadvodzakati enu.

Dutheronomi 9:26

Ngathandaza kuSimakadze ngatsi: ‘Hawu, Somandla, Simakadze, ungasibhubhisi sive sakho lesilifa lakho lowalihlenga ngemandla akho lamakhulu, wasikhipha eGibhithe ngesandla lesinemandla.