Sililo 2:19 - Siswati 1996 Bible

¹⁹ Vuka ukhale kusengusebusuku, ngesikhatsi balindzi bangena emsebentini wabo, utfulule inhlitiyo yakho njengemanti ebukhoneni baSimakadze. Phakamisela tandla takho kuye ngenca yetimphilo tebantfwana bakho lasebacaleka ngenca yendlala, ekucaleni nasekupheleni kwato tonkhe titaladi.

Sililo 2:19 Cross References

Jobe 3:24

Sibibitfwane sesikudla kwami, kububula kwami kugeleta njengemanti.

Tihlabelelo 119:55

Ebusuku ngikhumbula libito lakho, Simakadze, ngizindle ngemtsetfo wakho.

Tihlabelelo 134:2

Phakamiselani tandla tenu endzaweni lengcwele, nibonge Simakadze.

Tihlabelelo 141:2

Shangatsi umthandazo wami ungaba njengemphepho kuwe; nekuphakamisa kwami tandla akube kuwe njengemihlatjelo yakusihlwa.

Tihlabelelo 142:2

Ngititfululela kuye tonkhe tikhalo tami, ngimtjele tonkhe tinhlupheko tami.

Tihlabelelo 142:3

Umoya wami nase uphelelwa ngemandla, wena ucaphela tinyatselo tami. Endleleni lapho ngitawuhamba khona bangifihlele lugibe.

Tihlabelelo 28:2

Lalela livi lekuncusa kwami, nangikhalela kusitwa nguwe, nangisaphakamisela tandla tami endzaweni yakho lengcwelengcwele.

Tihlabelelo 42:3

Tinyembeti tami tikudla kwami busuku nemini, ngobe lilanga lonkhe bantfu bangichwephesha batsi: “Kantsi ushonephi loNkulunkulu wakho?”

Tihlabelelo 42:4

Nangikhumbula emuva, inhlitiyo yami iyabibitseka ngekhatsi kwami. Ngangihamba nesicuku lesikhulu ngisihola embili ngiya endlini yaNkulunkulu sihlabela ngekujabula lokukhulu.

Tihlabelelo 42:8

Shangatsi Simakadze angakhombisa umusa wakhe kimi emini, kuze kutsi ebusuku ngihlabele ngimdvumise, ngikhuleke kuNkulunkulu wekuphila kwami.

Tihlabelelo 62:8

Nine sive, yetsembelani kuye ngato tonkhe tikhatsi, tfululelani kuye tinhlitiyo tenu, Nkulunkulu usiphephelo setfu. Cabanga.

Tihlabelelo 63:4

Ngako-ke ngiyawukubonga, yingci nangisaphila; ngiyawuphakamisa tandla tami, ngikhuleke kuwe.

Isaya 26:9

Umphefumulo wami ulangatelela wena ebusuku; ekuseni umoya wami ulangatelela wena. Ngesikhatsi tehlulelo takho tehlela etikwemhlaba, tive temhlaba tifundza kulunga.

Isaya 51:20

Emadvodzana akho acalekile, adzindzibele ekugcineni kwato tonkhe titaladi njengenyamatane ibanjwe elugibeni. Emadvodzana akho ehlelwe yintfukutselo yaSimakadze, ahlaselwa kwekhutwa nguNkulunkulu wakho.

Jeremiya 14:18

Nangingena eveni, ngibona labo lababulewe ngenkemba; nangingena edolobheni, ngibona umonakalo lobangwe yindlala. Umphrofethi nemphristi bahambe kanyekanye, baya eveni labangalati.’ ”

Jeremiya 9:20

Awu, nine labasikati, vanini livi laSimakadze. Vulani tindlebe tenu kuwo emavi laphuma emlonyeni wakhe. Fundzisani emadvodzakati enu kukhihla sililo, fundzisani ngulowo nalowo kulila.

Hezekeli 5:10

Ngako-ke ngekhatsi kwakho boyise bayawudla bantfwababo, nebantfwana badle boyise. Ngitakushaya ngesijeziso, ngisakate yonkhe insali yakho emimoyeni.

Hezekeli 5:16

Nanginidubula ngemicibisholo yami lenashevu nalebhubhisako ngendlala, ngiyawudubulela kutsi nginibhubhise. Ngiyakunehlisela indlala etikwendlala, nekudla lokuta kini ngikuncamule.

Mikha 1:16

Takhamiti takaJuda, hhulani tinwele tenu, nililele bantfwabenu lenibatsandzako. Singani tinhloko tenu tibe tincacadvu njengemphandla, ngobe bantfwabenu batawutfunjwa.

Nahume 3:10

Noko, yatfunjwa yesuswa eveni layo, yadzingiswa. Bantfwabayo labancane bashaywa baphihlitwa kuwo onkhe emakona etitaladi, baholi bayo bashayelwa inkatho; bonkhe bahlonishwa bayo baboshwa ngetinketane.

Matewu 14:25

Kwatsi ekuseni kuseluvivi Jesu weta kubo ahamba etikwemanti.

Makho 1:35

Ekuseni kusemnyama kakhulu Jesu wavuka wahamba, waphumela ngephandle kwelidolobha waya ehlane, lapho afike wathandaza khona.

Makho 13:35

Ngako-ke lindzani, ngobe animati umnikati wendlu kutsi uyawubuya nini. Angahle abuye ebusuku nome ekhatsi nebusuku, angabuya ekukhaleni kwekucala kwelichudze, nome ekuseni.

Lukha 6:12

Ngaleso sikhatsi Jesu wenyukela egcumeni ayewuthandaza, wacitsa busuku bonkhe khona lapho athandaza kuNkulunkulu.

1 kuThimothi 2:8

Ngako-ke ngifisa shangatsi emadvodza yonkhe indzawo angakhuleka aphakamise tandla letingcwele, ate lulaka nembango.

Tikhulu 7:19

Gideyoni nalamadvodza lalikhulu labehamba naye befika emnyeleni wenkambu ekhatsi nebusuku nabasandza kuntjintja laba lababegadze inkambu. BoGideyoni bashaya emacilongo abo, bafohlota lamajeke labebawaphetse ngetandla.

1 Samuweli 1:15

Kodvwa Hana waphendvula watsi: “Cha, nkhosi yami, angikadzakwa, ngingumfati loselusizini lolukhulu, angikaze ngilinatse liwayini nome tjwala, bengisatfulula inhlitiyo yami kuSimakadze.

1 Samuweli 7:6

Batsi kube bahlanganele eMispa, bakhelela emanti, bawatsela embikwaSimakadze. Ngalona lelo langa bazila khona lapho, bavuma tono tabo, batsi: “Sonile kuSimakadze.” Samuweli wehlulela sive sema-Israyeli eMispa.