Sililo 2:17 - Siswati 1996 Bible

¹⁷ Simakadze wente loko labesakumisile; ulifezile livi lakhe lalimemetela kadzeni. Sewubhidlitile, wangete waba nesihawu, wente sitsa sakucoloshela, uluphakamisile luphondvo lwetitsa takho.

Sililo 2:17 Cross References

1 Emakhosi 9:7

Israyeli ngiyakumsusa eveni lengimnike lona, ngililahle nalelithempeli lengilingcwelisele Libito lami. Israyeli sewuyawuba siga nentfo yekuphukutwa, abe yinhlekisa kuto tonkhe tive.

Tihlabelelo 35:24

Awu, Simakadze, Nkulunkulu wami, ngehlulele ngekulunga kwakho; ungabavumeli kutsi bangente inhlekisa.

Tihlabelelo 35:26

Bonkhe labatsakasela kuhlupheka kwami abahlazeke, badliwe ngemahloni, abembatsiswe emahloni nelihlazo labo labangicoloshelako.

Tihlabelelo 38:16

Ngobe enhlitiyweni yami ngitsite: “Bangahle bajabule ngami ekusheleleni kwelunyawo lwami. Shangatsi bangete bacolosha ngami.”

Tihlabelelo 89:42

Uyente yancotjwa ngulabamelene nayo, wajabulisa tonkhe titsa tayo.

Tihlabelelo 89:43

Nenkemba yayo ayikadli enyameni, wayenta yehluleka ngisho nekubhekana nemphi.

Isaya 14:29

“Ningajabuli, nine nonkhe maFilisti, ngobe nitsi lendvuku leyanishaya seyephukile; nanjengobe lokumila kusuka emphandzeni bese kutsela titselo, kanjalo nasenyokeni kuyawuvela libululu lelinesihlungu kabi.

Jeremiya 18:11

“Manje-ke khuluma kulabantfu bakaJuda nakulabo labakhile eJerusalema, utsi: ‘Naku lokushiwo nguSimakadze, utsi: Bukani la, ngilungiselela kunehlisela inhlekelele, nginibumbele luzungu. Ngako-ke phendvukani etindleleni tenu letimbi, ngulowo nalowo wenu aphendvuke, nitigucule tindlela tenu netento tenu.’

Jeremiya 4:28

Ngako-ke umhlaba utawulila, nemazulu ngetulu agucuke abe mnyama, ngobe sengikhulumile, futsi ngingeke ngibuye ngigucuke, sengincumile, futsi ngingeke ngijike.”

Jeremiya 40:3

Manje Simakadze sewusehlisile vele, sewente njengaloku abevele ashito kutsi utakwenta. Konkhe loku kwentiwe kutsi nine bantfu none kuSimakadze, nangete namlalela.

Sililo 1:5

Titsa tayo setigucuke taba baphatsi bayo; titsa tayo tikhibikile. Simakadze sewehlisele kuyo kudzabuka ngenca yetono tayo letinyenti. Bantfwabayo bayiswa ekutfunjweni, sebatigcili kuto titsa tayo.

Sililo 2:8

Simakadze watimisela kudzilitela phansi lubondza lolutungelete iNdvodzakati yaseSiyoni. Welula intsambo yekukala, wangete wasincandza sandla sakhe ekubhubhiseni. Wenta tibondza tekuvikela, netindvonga kwakhala, konkhe kwaguga kanyekanye.

Sililo 3:43

“Utimbonye ngelulaka, wasisukela wasicosha, wabulala ngaphandle kwesihawu.

Sililo 4:11

Simakadze ulufeze ngalokuphelele lulaka lwakhe, uyitfululile intfukutselo yakhe levutsako. ESiyoni uphembe umlilo lowadla tisekelo tayo.

Hezekeli 5:11

Ngako-ke ngifunga kuphila kwami, kusho iNkhosi Simakadze, njengobe ungcolise indzawo yami lengcwele ngato tonkhe letitfombe takho letingemanyala nangetento takho letinengekako, ngitakususa lokukubonelela kwami kuwe; ngingeke ngisakubuka ngesihawu nome ngikuphephise.

Hezekeli 8:18

Ngako-ke ngitawubesukela ngente kubo njengekwentfukutselo yami; ngingeke ngibabuke ngemehlo esihawu, futsi ngeke ngibayekele. Nome bangamemeta badzatimule etindlebeni tami, ngingeke ngibeve.”

Hezekeli 9:10

Ngako ngingeke ngibabuke ngemehlo esihawu, futsi ngeke ngibayekele, kodvwa ngiyakwehlisela etinhloko tabo loko labakwentile.”

Danyela 9:12

Uwagcwalisile emavi akho lowawakhuluma ngatsi nangebabusi betfu, uwagcwalise ngekwehlisela inhlekelele lenkhulu etikwetfu. Kute nakunye lokwake kwenteka ngaphansi kwelizulu lokunjengaloku lokwenteke kuyo iJerusalema.

Mikha 2:3

Ngako Simakadze utsi: “Ngitanehlisela sehlakalo, futsi kuyawubate loyawuphepha kuso. Niyawutikhandza senisekhatsi elubishini, lapho ningaseyiwuhamba ngekutigabatisa lokungaka.

Zefaniya 1:2

“Ngiyawutsanyela ngisuse konkhe, ngikususe ebusweni bemhlaba,” kusho Simakadze.

Zakhariya 1:6

Kodvwa lamavi ami netimiso tami, lengabayala ngako ngemlomo webaphrofethi, tinceku tami, akuzange kufike yini etindlebeni taboyihlomkhulu? Base bayaphendvuka batsi: ‘Simakadze longuSomandla wente kitsi loko lobekusifanele ngekwetindlela tetfu nangalesikwentako, njengobe abesatimisele kukwenta.’ ”